فَقيدة أنمار

بارت 19

⟪ فصلية الضابط انمار ⟫

⟪ بقلم _ Zahraa Al-Fartousi ⟫

لا تنسون التصويت والتعليق ع كل فقره + متابعة حسابي ♡.
اتمنى لكم قراءه ممتعه ..♡

"أتمنى للعالمّ أنْ يحضى بِذات الأمان الذي يحتوينيّ
عند رؤيتك".

⊰ زهراء ⊱
:- بعد مرور كم يوم من الحادث ، الحمدلله اتحسنت حالتي وصرت أفضل ،.
ضلت عندي سلبيات قليله مثل الدوخه إلي تضل مستمره طول اليوم إذا ما أخذ العلاج ،
ومرات بدون ما انتبه اضرب إيدي بأي مكان وتضل تأذيني اليوم كُله .

"طلعت من الجامعه بعد يوم طويل ومتعب جنت فرحانه كُلش لأن أخذت نتيجت امتحانات الاشهر إلي قبل النهائي وجنت ناجحه وماخذه امتياز ،.
طلعت اركض من الفرح حتى ابشر اهلي ، انتضرت السايق على ما اجه وطلعت للبيت"

دخلت للصاله وكلت بصوت عالي ⦙
- هايي وياكم الصيدلانية زهراء إلي اخذت نتيجتها وناجحه ، كلت هيج واني اضحك .
اجتي امي ضحكت وكالت : صدُك ماما الف الف مبروك انشاالله اشوفج بأعلى المراتب حبيبتي .

حضنتهه وكلت :
- شنو وين ابوي واخواني ؟

= اتغدو ونامو واني كاعده متانيتج نتغده سوه .
- ياا عمريي ، يله تعاي خلي نتغدى حتى نجهز نفسنه .
= وليش نجهز نفسنه ؟
- بمناسبة نجاحي اليوم عازمتكم على طلعه بس للأسف مو بسيارتي بسيارة بابا .
= هههه تمام ، ابوج اليوم راح علمود السياره كالوا بعد اسبوع تتصلح .
- اففف شيصبرني بعد اسبوع مليت كل يوم اضل منتضره السايق بالحر .
= يله حبيبتي ما ضل شي صبرتي الايام الفاتت بقى على هالأسبوع ما تصبرين ؟.
- لا الحمدلله على كل حال ، يله صاعده اغير لبسي واجيج .
"كلت هيج وبستهه بخدهه وصعدت ركض"
صاحت وراي :
= ولج يُمه علكيفج لا تركضين ههههه خبله انتي .

اخذت شاور ع السريع وبدلت وأخذت تلفوني ونزلت ، كعدنه ناكل اني وامي ونسولف كالت :
= يمه تكدرين تاخذين اجازه بس هاي الكم يوم ؟

باوعتلهه مستغربه وكلت :
- ليش ماما شعندي ماخذه اجازه ؟

= مو شسمه احنه باجر بليل نطلع للزياره .
- هاا وليش عيني ، ما تكدرون تأجلوهه بعد فتره .
= لا ابوج اليوم كال باجر بليل نطلع .

- ياا واني ما اكدر اروح بسبب فصعوني شلون ،
اضل وحدي هنا ؟

= اي عادي يمه ما عليج شي انتي جبيره مو طفله وهم اذا تردين تجي وحده من بنات عمج يمج .
- افف يله تمام .
= وإذا تردين انمار يجي يمج ،
" كالت هيج وغمزت ".
- هاا لاا شيسوي يجي يمي عنده شغل ما يكدر .
= ههههه لا انتي كولي إله وما اعتقد راح يرفض .
- ما ادري اشوف ، زين انتو شكد تطولون ؟
= يمكن اربع ايام لو اكثر .
- اوك انشاالله ترحون وتجون بالسلامة .

كلت هيج بس بنفس الوقت ضجت لأن اني كلش احب الزياره وي اهلي وخاصةً صارلي هواي ما مسافره وياهم ،.
بس اهم شي عندي صحة فصعوني لأن يكولون موزين السفر للحامل وخاصه اني مصارلي هواي من سويت حادث ،.
استسلمت للأمر الواقع وكمت حتى ارتاح شوي .

كبل شمرت نفسي ع الجربايه من التعب ،
رغم الجو حار بس الغرفه ثلج من السبلت لفيت نفسي باللحاف ونمت ..
بعد مرور ساعتين تقريباً فزيت على صوت اختي وهيه تحاول تكعدني وتكول بهدوء :
= زهراء ، حبيبتي ، اختي الحلوه يله كُعديي .
فتحت عيوني واني اباوعلهه مستغربه ، كلت :
- شنوو هالدلع كُله إليي ما اصدك خاف ضاربه راسج وفقدتي الذاكره ؟
= ههههه لاا بس يعني حتى تكعدين وتجهيز نفسج لأن أمي كالت انتي عازمتنه على طلعه موو؟
- هاا ايي اكول هسه عرفت هاي كُله علمود الطلعه .
= ايي يله كومي لا نتأخر .
- اوك .

كمت غسلت وبديت اجهز بنفسي سويت مكياج بارز اكثر من كل مره مرتب برز ملامحي ،
بعدهه بدلت ولبست زي رسمي بنطرون وستره وترانشوز لبست حجابي وعطرت ونزلت ،
لكيت اهلي كاملين كبل طلعنه اول شي رحنه لمدينه العاب وبيهه حديقه حلوه ،
امي وابوي كعدو وأختي شمرت جنطتهه وراحت وي اخواني تريد تلعب ،
واني هم انطيت الجنطه لأمي وكلت :
- ماما حتى اني رايحه اركب وياهم بالألعاب .
= لا لا وين تركبين ما يصير مو زين عليج .
- لااا ماما والله حرام انه اختاريت هالمكان حتى اركب بالألعاب .
= بنيتي مو زين كعدي بنيتي .
- افف اوك .
ضليت كاعده مطنكره واني اباوعلهم شلون يركبون بالألعاب ، امي وابوي كاعدين يحششون ويضحكون علي وكل شوي يكولون لي :
"ما فهمنه الطفل بعقلج لو ببطنج"
ضحكت على ضحكتهم وكمت وكلت :
- زين اني رايحه اتمشى شوي لو هم موزين ؟
= لا ماما روحي بس لا تتعبين نفسج شوي وتعاي كعدي .
- اوك امي .
كمت ضليت افتر وحدي واباوع ع الرايح والجاي ،
ما اتحملت رحت كصيت بطاقه وصعدت بالمراجيح العاليه بدون ما احد يدري وهم جنت واثقه انو ما راح تأذيني لأن هيه بس تفتر ..
صار الجو حلو وأخذني الواهس لعبت مرتين بعدهه نزلت ورحت اشوف الألعاب البقيه كلهن خطر على فصعوني ،
أخذت نفس وكلت واني لازمه بطني :
- "شوف حبيبي شلون اخاف عليك والله جان هسه ركبت الألعاب كُلهه بس علمودك بطلت اويي فدوه
يمتى تجي بخير واشبعك بوسات " .
احجي وأضحك ضليت افتر شوي ورجعت يم اهلي .

بعدهه رحنه للمطعم تعشينه بعدهه نزلنه الحلا والچاي وأبوي فتح موضوع الزياره ضلينه نسولف سوه ،
جانت لمتنه حلوه بعد ما كملنه طلبت من ابوي انو يفرنه بالسياره وما رفض طلعنه وضلينه تقريباً ساعتين يله رجعنه ،.
دخلنه للبيت الساعه ١٢ بليل صعدت لغرفتي
أخذت دوش وكعدت بالبرنص ع الجربايه فاتحه شعري وشغلت فلم بحاسبتي وكعدت اباوع وأكل حلويات ،
رن تلفوني فتحته وجان انمار ، كلت :
= الو انمار .
- هلا يبعد عيوني الاثنين بويه شكد مشتاگ لصوتچ شلونج ام فصعوني ؟
= هههه بخير دامك بخير ابو فصعوني .
- حبيتي انتي ، وين كاعده شنو هالصوت اليمج ؟
= كاعده بغرفتي جاي اشوف فلم .
- هاا شنو نوعه ؟
= كوميدي .
- ايي شنو اخبارج احجيلي ما مشتاقتلي ؟
= ههههه ايي، ما اكو شي بس صدُك اليوم جنه طالعين ونسيت اكولك ..
- هاا وين رحتي و وي منو ؟
= رحنه مدينة العاب ومطعم بمناسبة نجاحيي ،
"ركزت ع الكلمه الأخيره "
ضحك وكال :
- ايي عفيه الف مبروك بنيتي .
= ههههه شكراً الله يبارك بيك .
- بمناسبة نجاحج الج مني مفاجأه راح تحبيهه .
= امم وشنو هي المفاجأة ؟
- بعد هيه اسمهه مفاجأه ما يصير تنحجي .
= ههههه تمام .
- ايي شلونج وشلونه فصعونج خو ما مأذيج ؟
= هههه لاا حبيبي ما يأذيني .
- منو يمج ؟
= ما اكو احد ليش ؟
- اريد اجي يمج بس فشله دنيا ليل .
= هههه لاا وين خليهه ع باجر أضل وحدي .
- ليش تضلين وحدج وين اهلج ؟
= ايي نسيت اكولك ، أهلي باجر بليل يسافرون
وأضل بس اني بالبيت .
- هاا بالسلامة انشالله بس بنيتي لو تجين هنا مو احسن من ما تضلين وحدج ؟
= ومنو يضل هنا بالبيت لازم احد يضل هنا .
- وشلون تضلين وحدج ما يصير عيوني انتي .
= ايي انت تعال هنا ومن يرجعون اهلي ارجع وياك هاا؟
- اي هيج احسن ، انه باجر بليل يمج .
= تمام هلا بيك .
سمعت صوت بنيه يمه صار عندي فضول كلت :
- انمااري ؟
= عُيونه
- منو يمك ؟
= محد ليش ؟
- متأكد ؟
= ههههه ليش تسألين؟
- انماار سمعت صوت بنيه منو هاي ؟
= هاا ههههه خلي عندج فضول ما اكول .
- لاا انمار احجي يلا ؟
= وإذا ما حجيت ؟
- ازعل عليك وبعد ما احجي وياك .
= امم خوش زعلي .
- اوك باي .
كلت هيج وسديته ، حرك اعصابي بس جنت واثقه انو هالصوت مو غريب ، احترك التلفون من الاتصالات والرسائل ، ما فتحتهن بس اخر شي كتب :
" زهرااء إذا ما تفتحي والله اجيج هسه "
أخذت نفس وكتبت :
" اريد انام "  شاف الرساله وطلع .
سديت تلفوني وضلت اكلب شوي بمواقع التواصل وسديته ونمت ...

ثاني يوم
:- العصر اهلي كلمن بغرفته يجهز اغراضه للسفر واني كاعده وحده بالصاله اشوف تلفزيون ، شوي واجتي رساله من انمار جان مكتوب :
" مرحبا ، شلونج ام فصعوني اهلج بيش الساعه يطلعون"
جاوبت :
" اهلاً الساعه ٧ يطلعون "
سديت التلفون وكمت اساعد اهلي كملو وصعدو الجنط بالسياره ، رحت سويت كهوه اخذتهه ألهم
انطيت لأبوي اشرلي اكعد يمه ،
كعدت يمه كال :
= " بابا تره انه ما راح اخذج علمودج مو تزعلين"
كال هيج وهو مبتسم وأيده على كتفي .
ابتسمت وكلت :
- هههه لا بابا حبيبي ما زعلت ترحون وتجون بالسلامة"
بنفس اللحظه اندك الباب ،
اختي كامت وكالت :
" افف بس لا خطار وتخرب سفرتنه هسه"
- ههههه لا مو خطار يمكن اجه انمار علمود يسلم عليكم وهم يمكن يضل هنا ،.
" كلت هيج ومدنكه خجلانه من ابوي" .
- زينب : هاا هذا النسيب هلا بي كُل الهلا .
راح ابوي يفتح الباب ،
واني رحت يم اختي وهمست :
- هاي الهلا لنسيبج لو لصديقه ليث ؟
" كلت هيج وغمزت " .
= هههه ألهم اثنينهم .
- عززه اتأدبي لج انتي رايحه للزياره .
= ايي فهمنه .
دخل انمار بس شافني ابتسم وسلم وكعد ، بادلته الابتسامه ورحت كعدت يم ابوي .
ضلو يحجون سوه بعدهه انمار اترخص من ابوي حتى يضل يمي ، جاوبه ابوي وكال :
" البيت بيتك ابو فهد وما يحتاج اوصيك على بنيتي تداريهه وعينك عليهه "
- انمار : " اتطمن عمي ومثل ما هيه بنيتك هيه بنيتي وزوجتي بعيوني اخليهه"
ابوي باوعلي وابتسم وكال :
" يله مدام هيج احنه هم ياله نتوكل"
كال هيج وكاموا طلعوا ودعناهم وصعدو بالسياره وراحو ،.
سديت الباب ودخلت ضايجه ، انمار خله ايده على راسي خرب شعري بشقه وكال :
" ليش ضايجه الحلوه ؟"
لزمت ايده وكلت :
- لأن اهلي راحو وما رحت وياهم .
= هاا انشاالله غير مره  انه اخذج وويانه الفصعون .
- ههههه ايي انشاالله .

دخلنه للصاله انتبهت لنفسي جنت لابسه دشداشه قصيره وشعري مفتوح ومكفش ،كلت :
- عيني اني صاعده لغرفتي ما أطول .
= ايي حبيبتي اخذي راحتج .
صعدت ركض كبل دخلت للحمام غسلت ولبست البرنص وطلعت واكفه كبال الكنتور اختار شي البسه ،
فجأه انفتح الباب ودخل انمار
باوعلي من فوك ليجوه وصوفر بعدهه ضحك
باوعتله بصدمه واني احاول اغطي نفسي كلت بتوتر :
- " شسمه ااا انماار اريد ابدل " .
دخل للغرفه وكال :
= بدلي ما اباوعلج انه .
-  انمااار والله عيب عليك .
= ههههه شنو تستحين مني ؟
- يعنيي ..
بعدهه كلت : " يله اوك انت اكعد هنا واني راح ادخل للحمام ابدل واطلع "
كلت هيج وخذت زي ع السريع ودخلت للحمام بدلت لبست تراك والبدي ابيض قصير ،
طلعت وكفت يم الميز رتبت شعري وكلت :
- عيني كملت ننزل ؟
= لا اريد ارتاح شوي من الصبح انه بالشغل .
- ها اوك ع راحتك بس ما تاكل قبل لا تنام ؟
= لا انه ما اريد انتي روحي اكلي .
-اني هم ما اريد خلي اضل يمك .
كلت هيج ورحت كعدت ع الجربايه اجه يمي وكال :
" انام بحضنچ وتغنيلي؟
ابتسمت وكلت : " تعال وتدلل"
تمدد وخله راسه بحضني ضليت امرخ براسه والعب بشعره بعدهه كلت :
- انماار ؟
= عُيونه
- امس سألتك منو جانت يمك ما جاوبت ؟
= جؤ جؤ بعدج على هذا الموضوع؟
- انمااار جاوب .
= إذا عرفتي شنو تستفادين ؟
- بعد ما اشك بيك .
ابتسم وكال : يله خوش انه ما مجبور اكلج بس حتى املي فضولج .
- اييي ؟
= ام رهوفه جانت ساره يمي .
- يااا ، اي هو اني عرفت الصوت مو غريب .
= هاي كُله والصوت مو غريب ؟
- يعني تتوقع الصوت غريب واني مخليتك بحضني؟
= كام وكعد كبالي ضحك بصوت عالي وكال :
"يغارُ هواي ﭑلححلو المالـيُ عيونـيٌ" .

- ههههه انتَ شكد تُحبني يداده ؟
= .. هوايةة .
- يعنييي!!
= بَكد مَ شالعة گلبي بَعنادج" .
- ههههه فدوه .
= الج يبعد عيوني ، زين وانتي بعدج ما تحبيني ؟
- "چا هوَ منـو يحبنيُ بكدكَ حتى أحبهُ".
= يعني تحبيني ؟
هزيت راسي بمعنى اي .
= ايي كولي احبك شبيج ؟
- جؤ جؤ مو هسه .
= اااا ؟
- اي والله ما اكول هسه .
= جا يمتى ؟
- ما ادري ، يله تعال نام انت مو تعبان؟
باوعلي بنضرة حيره وكال :
= اخخ منج .
تمددت واجه نام يمي وخله وجهه بركبتي وهمس : "اللـه مخلي راحـة بالي يمچ "
حضنته وكلت بصوت ناصي :
- " اسفه حبيبي لأن ما صدكتك .
= اشش لا تتأسفين ، يله غنيلي .
- شنو اغنيلك ؟
= بكيفج .
- امم اوك .
ابتعد مني صار كبالي يباوع بعيوني ومحاوط خصري بأيديه ، ابتسمت واني اباوع بعيونه وبديت اغني بصوت ناصي :

⦙ من يوم ماجت عيونه في عنيا"
"وشوفت ضحكته الجميلة ديا

بحلم بيوم ما يبقا ليا وابقى ليا"
"واصحى الاقي حبيبي حواليا

وادي اللي في خيالي بيحصل قصادي"
"حبيبي جنبي في حضني الليلة دي"
"والله وبقيت معاه"

نادا الفرح جمعنا بالحب نادا"
"انا وحبيبي وثالثنا السعادة
(بهذا المقطع أشرت على بطني)

"والحلم فسرناه" . ⦙

خلصت وكلت :
- ها شنو رأيك بصوتي بس احجي الصدك لا تجامل ؟
= كلش حلو لدرجه نسيت كلشي وانه اسمعلج .
كعدت وانه اعدل بشعري وكلت :
- انماار انه جعت خلي ننزل ناكل وبعدين نام .
= ايي يله خلي ننزل .
ابتسمت وكمت رحت يم الميز اعطر اجه يمي وباسني بخدي اخذ نفس وكال :
- يَ مدري شخله بيـچ الله من أشوفچ
روحي تتونس .
درت علي وحاوطت ركبته بأيدي وهمست :
"وإنتَ يا نور عَيني، ونضَرها، ومَايهّا يدادة ".
ضحك وباسني حيل ، بعدت عنه وكلت :
- كافي يله خلي ننزل ناكل .
= امشي يبعد عيوني امشي ناكل .

نزلنه سوه دخلت للمطبخ فتحت الثلاجه وكلت :
- عيني شنو تريد اسويلك ؟
اجه يمي وكال :
= ابوج وصاني عليج روحي كعدي انه اسوي العشه .
فتحت عيني بصدمه وضحكت ، كلت :
- صدك انته تعرف تسوي عشه ؟
= ها ولج شبيه ما اعرف كعدي وشوفي .
- اوك يله .
رحت كعدت وهو فتح الثلاجه اخذ البيض وكال :
= انتي تعاي بس دليني اغراضكم وانه اطبخلج .
- تمام .
كمت يمه انطيته الطاوه وضليت يمه اباوعله ، طگ البيضه الأولى طاحت هيه وكشورهه ، ضحكت
كال :
= "تره عادي لأن اول وحده وهم الكشر بي كالسيوم" .
- هاا تمام .
كمل وشغلت النار اجه وخله البيض ورش علي بهارات ما ادري شنو ،
رحت كعدت انتضره بين ما يخلص
شوي وشميت ريحة حرك كمت بسرعه رحت يمه
شفت البيض صاير اسود ، كلت :
- انمار شنو منتضر البيض احترك ؟
اجه وشال الطاوه بأيده وهو يكول :
= لا هيج مكسب اطيب .
شمر الطاوه ولزم ايده احتركت .
رحت يمه لزمت ايده وانفخ عليهه بعدهه كلت :
- عززه بعيني انمار ايدك راحت .
= ههههه لا تخافين ما بيه شي .
- انمار شلون ما بيك شي شوف شلون صارت حمره .
جبت مي بارد وكلت :
- تعال انمار خلي ايدك بالمي حتى تبرد شوي ؟
= ما يحتاج حبيبتي ما بيهه شي .
- اففف انمار تعال .. انت تكولي عنوديه وانت عنادك اكثر مني .
= ههههه يله خوش .
شطفت ايده بالمي البارد بعدهه جبت عصاره حروق وضليت ادهن ايده وانفخ عليهه وهو بس عاكد حواجبه ..  بعدهه كلت :
- ها خف الألم هسه ؟
= اي احسن .
كمت عزلت المطبخ والطباخ إلي صار عباره عن بيض بعدهه كلت :
- الله شنوو هالبيض مكسب شكله يجنن .
وأخذت شوي اريد اضوك حتى ما اكسر بخاطره ،.
اجه ركض وأخذه من ايدي وكال :
= لا لا تاكلي خاف تسممين لأن ما ادري شنو خليت علي ما اعتقد ملح .
- هههههه زين هسه شنو ناكل ؟
ضحك وكال :
= فشلت خطة البيض راح اطلب اكل من المطعم .
- تمام عيني .

رحنه كعدنه بالصاله شغلت التلفزيون على فلم وكعدنه سوه بعدهه كلت :
- انمار سؤال ؟
= جواب يا عيونه .
- الشخص الي سوه الحادث لزمتو مو ؟
= ايي ليش ؟
- شنو سويتو له ؟
= انكتل كتله زينه وكعد بالسجن اسبوع وخليته يدفع غرامه .
- عززه هذا كله بس يمكن هو ما متعمد .
= جان شارب مو بوعيه بس اخذله درس حتى ما يعيدهه .
- هاا تمام .

بعد نص ساعه تقريباَ وصل الأكل تعشينه سوه وطلعنه بالطارمه جان الجو حلو
راح انمار شغل جكارته وكعد ع المرجوحه واني جبت تلفوني اتصلت على اهلي شوي وجاوبت امي اتحمدتلهم السلامه وضليت احجي وياهم واني افتر رايحه جايه ،.
اشرلي انمار وكال :
= تعاي كعدي واحجي ليش واكفه .
هزيت راسي بمعنى اي ورحت كعدت يمه اخذ نفسي بصعوبه ..
كملت كلامي وي امي ودعتهه بعد ما وصتني على نفسي وسديت التلفون ،.

ندار علي وخلى ايده على گصتي وگال :
= " چنج جنتي بسباق ؟ ليش هيج نفسج عالي ؟"

حسيت نفسي صخنت من لمسته على گصتي ..
بعدت راسي وكلت :
- " لا ما بيه شي لأن ضليت افتر "

= " ومنو لاحگچ .. مره ثانيه لا تسوين هيچ ..
حتى وجهج صار احمر من المشيه واللمسه هههههه "

گالها يضحك وعلگ جگاره ثانيه ، بعدهه باوعلي
وعكد حاجبه وكال  :
" ايي ام الزوز بعد يومين عيد ميلادج؟"
ابتسمت وكلت :
- اي عيني يصادف يوم ٢٠ "
= هاا ويمتى ناويه تكولين ؟
- ليش يعني وشنو راح يصير من اكولك ؟
= مثلاً اجيبلج هديه
ضحكت وكلت واني مبتسمه :
- شنو هيه الهديه ؟
= مفاجأه بمناسبة عيد ميلادج ونجاحج سوه .
- اممم زين ماكو تلميحات عن المفاجأة؟
= لاا ما اكو كلشي بوكته حلو .
- هههه اوك .
ابتسم وحضني بتك ايد وخله راسي على صدره ، شميت ريحه الجكاره وصارت بنفسي بعدت عنه وكلت :
- " اريد اچرب الچگاره "

رفع راسه وكال وهو يضحك :
- " شتجربين ولچ ؟"

كلت بثقه :
- " الچگاره الچگاره شبيك "

هز راسه يضحك :
- " بشرط !"

اني رأساً توقعت راح يگلي بوسيني ..
ضليت ساكته ..
كال : شنو ما تردين تعرفين الشرط ؟"

هزيت راسي واحاول ما اباوع بعيونه من مستحاتي ..
گال : " تعالي تقربي گعدي بصفي زين حتى ما أخليج تاخذين نفس هواي خاف تختنگين "

تقربت عليه بدون تفكير ولزم أيدي وخلى
بيها الچگاره وگال :
- " اخذي نفس قليل كُلش وبقي بحلگج من
اكلج طلعي طلعي "

هزيت راسي وكلت : " اوك "
سحبت نفس ووخرت الچگاره تقرب علي بسرعه وباسني حيل ،.
فتحت عيوني بصدمه اختنكت ضربت على صدره
بعد عني ضحك وگال :
- " يمكن هاي اطيب چگاره اضوگهه ".

ابتسمت داخلي بس ما بينت له كلت :
- " منو سمحلك تبوسني استاذ انمار ؟"

= " ههههه والله يا عيني انتي حارمتني صارلج خمس أشهر وما حنيتي عليه "

ابتسمت وگلت :
- " ومنو گلك ما حنيت ؟"

ابتسم وكرص خدي وگال :
- " احجي الصدك عندچ ثقه بيه وتحبيني لو لأ؟ "

لزمت ايده وكلت واني اباوع بعيونه :
- " اني لو ما ثاقه بيك وأحبك مستحيل تلگاني گاعده يمك او أخليك تلوح زهراء بنضره مو النوب صرنه جسدين بروح وحده !"

أنت هنا  " وأشرت على گلبي" انمار .. گدرت تفوت أعماق زهراء وتعرف هي منو وشنو
سلبياتهه وايجابياتهه وشنو نقطة ضعفها .. وشنو إلي تحبه وشنو إلي تكرهه ..

كل هذول گدرت تعرفهن مني بواسطه حُبك إلي .
انتَ عرفت بيه اشياء أني ما كنت اعرفها ..

اول ما عرفتك .. چان كل همي اموت !
چنت بكل مره ابچي من يصير ويايه شي ادعي ربي ياخذ أمانته واخلص
بس من دخلت حياتي .. حسيتها تحسنت وتالي
اسودت وما اعرف شنو الي صار ..

وهسه احس حياتي بدأت تضحكلي ..
بس ما أريد افوت بهالامل زايد وانخذل بعدين ..

كملت كلامي نزل عيونه اخذ نفس وباوعلي وابتسم .
بادلته الابتسامه وكلت :
- " لا تباوعلي هواي ادري بنفسي سمنانه وصايره محلوه "

ضحك وگال :
- " ومنو كلچ انتي مو حلوه .. اول ما شفتج جنتي حلوه ولحد هاللحظة حلوه .. وكُلچ حلوه .. ما
بيچ شي محلو !"

ابتسمت ..
مد ايده وأخذ ايدي وخلاها على گلبه وگال :
- " عمره ما دگ الغيرج ولا راح يدگ .. لا تتوقعين أخذلج وأكسرچ بيوم من الايام مستعد أخسر حياتي
ولا دمعه منچ تنزل ، وأني وياج بكل خطوه تخطيها "

- " يعني راح تخليني اكمل دراستي ؟"

- " ما سمعتي شگتلچ ! وياج بكل خطوه وعيونچ .. ومو بس دراستج بالكليه حتى من تتخرجين انه بيدي اقدملج ع الوظيفه ، بسبيل الضحكه تبقى وياج وما تفارك عيونج وگلبچ "

ما حسيت إلا واني ذابه روحي بحضنه
ودموعي تنزل ..
بادلني الحضن وهمس بأذني :
- " ويه ابو فهد لا دموع بعد اليوم
هههههه "

ضحكت واني امسح بدموعي بعدت عن حضنه وكلت :
- " يمتى قررت تسمي فهد ؟"

- " جان اخوي الله يرحمه يصيحلي ابو فهد والناس من ورا كلهه ضلت تسميني ابو فهد  "

ابتسمت بوجهه لزمت ايده وكلت :
- " الله يحفظلي فهد وابو فهد "

= " هههه آمين "

- " اكول انمار ؟
= كولي يبعد عيونه .
- اني مشتهيه ككو وما عندي بالبيت ..
ابتسم وگال :
- " بس ككو ،كولي شنو تردين وانه اجيبلج يبعد عيني"

- هههه لا بس ككو ما اريد شي بعد .
= صار دقايق وانه يمج ، كال هيج وكام ،.
رجع يمي وكال :
= ترحين وياي أفرج بالسياره احسن ما تضلين وحدج هنا .
- ما أرفض ، بس اروح البس عباتي واجي .
= هههه يله انتضرج بالسياره .

صعدت لغرفتي ع السريع لبست بشت والشال خليت عطر ونزلت ..
رحنه للسنتر دخلنه اجه يمي وكال :
= انه انتضرج هنا وانتي روحي اخذي شنو مشتهيه .
- تمام ما أطول بس ككو ".
كلت هيج ورحت ،.
أخذت كم نستله وما تحملت ضليت شنو اشوف اشتهي ايدي انترست شافني عامل ايدي محمله حلويات جابلي سله وضليت افتر وشنو يعجبني اخذ ،
كملت ورحت يم انمار شفته واكف على جهه ويحجي بالتلفون بس شافني ابتسم وهو يباوعلي بصدمه على كمية الحلويات إلي اخذتهه سد التلفون وكال :
" هاي شنو بس ككو "
- " انماار ما ادري اني مشتهيه بس ككو ،  بس ضليت شنو اشوف اشتهي ".
= " ههههه عافيات بعد عيني ، اذا تردين بعد شي اخذي
- " لا أخذت كلش هواي كافي "

كملنه وطلعنه للسياره .. كاعده وعلاكة الحلويات بحضني اكل واباوع عالطريق ،
خلصنا ضحك وسوالف اخر شي شغل اغنية
" اسجل روحي بأسمك " ويدندن وي الكلمات ويباوعلي ويضحك ..

دخلنه للبيت عزلت حلوياتي اجه انمار يمي وكال :
- " ام الزوز تعبان كلش واريد انام كاعد من الخمسه الصبح "

ابتسمت وكلت :
- " حيَلي على حِيلك لو شّفت التعَب صابكٌ .
سد عيونه وضحك اجه وباسني بخدي .

- " يله نصعد حتى تنام .
صعدنه سوه دخلنه للغرفه راح كعد ع الجربايه ..واني أخذت بجامتي بدلت وفتحت شعري
وعطرت .. اجه يمي أخذ خصله من شعري ..حضني من ضهري وهمس :
- "وأنه يمَ طول شعرج مشتعل شوگ "
ابتسمت واني اباوعله من المرايه درت علي ، وكلت :
- "تُحبني ؟
- "بكلِّ رُوحي "
تقرب علي وضل يوزع بوسات خفيفه على وجهي ، بعدت عنه وكلت :
- " تريد شي قبل لا تنام ؟
= انام بحضنچ وكلشي ما اريد .

تمدد ع الجربايه رحت يمه ودخلت بحضنه حاوط خصري بأيديه وقرب وجهه يباوع بعيوني وگال :
- "يـاريت الدنيه حلـِۈه مثل تفاصيلچ "
بعدهه گال :
"‏يا واهسي الخلاني أحِب ڪُل الچنت ماطيقه" .
ابتسمت وبسته بخده وكلت بهدوء :
- " لا تغازل هواي تره استحي "
ضحك بصوت عالي وتقرب علي وووو ...

بعد مرور اسبوع تقريباً ..
:- كاعده بالصاله اني وامي واختي نشوف تلفزيون ونكرز حب ، دك تلفوني  جان انمار كمت رحت للمطبخ فتحته وكلت :
- " هلا ابو فهد "
= " هلا بيج حبيبتي شلونج "
- " تمام الحمدلله وانته "
= " أنه بخير دامج بخير يبعد عيني "
بعدهه گال :
" بنيتي اليوم ما عندچ شي مو ؟
- ليش تسأل ؟
= " اريد اخذج نروح نتعشه "
- " اليوم يوم المفاجأة ؟
= ههههه ايي يوم المفاجأة .
- " اوك تمام ما عندي شي .
= " زين الساعه ٧ انه يمج خوش حجي ؟
- " اوك حبيبي باي .

سديته واني متحمسه وكلي فضول اعرف المفاجأة إلي انمار محضرلي ياهه ، كبل صعدت لغرفتي وفتحت كنتوري اجهز لبسي ..
انفتح الباب ودخلت اختي تباوعلي مستغربه وكالت :
- " ليش صافنه ع الكنتور عندج طلعه؟"
ابتسمت وكلت :
- " ايي انمار عزمني على طلعه .
= " اممم اكول صعدتي ركض للغرفه ، زين اختاريتي زي بعدج ؟
- " لا بعدني محتاره .
اجت يمي تباوع بكنتوري شافت فستان محجبات مال حفلات طلعته وكالت :
" لبسي هذا يجنن "
- " لاا شدعوه احنه رايحين نتعشى بمطعم .
= " هاا لعد لبسي زي رسمي .
- " لا ما يصير ..افف عوفيني اني شويه واثبت على زي .
= " اوك اني نازله ونتي ضلي محتاره .

راحت واني ضليت كاعده وفاتحه كنتوري
واباوع ... لمحت فستان ماروني نازك طلعته واخذت شال اسود وكعب مو كلش عالي اسود .. ابتسمت ودخلت للحمام اخذت شاور ع السريع وطلعت بديت اسوي مكياج مناسب وي الفستان .. كملت ورتبت شعري وأخذت صوره يم المرايه ودزيتهه لأنمار  ،..
شافهه وكتب :
" إلمَن هالحَسن يَ داده إلمَن "
بعدهه كتب : " ربع ساعة وانه يمج "

ضحكت وكمت لبست حجابي وعطرت ألقيت نضره اخيره على نفسي ونزلت ..
شافتني امي ابتسمت وكالت :
- " يمه فدوه شهالجمال "
اجتي اختي باوعتلي من فوك ليجوه وكالت :
- " ااا ما عرفتج هسه انمار ما يرجعج النه "
ضربتهه على ايدهه وكلت :
- " ههههه افتك منج .
شوي وسمعت هورن سياره ، باوعت لأمي وكلت :
- " يمكن انمار يله باي نلتقي بعدين .
- " روحي بنتي وديربالج على نفسج ولا تطولين .
بست امي بخدهه وسويت بأيدي باي وطلعت ..

جان واكف يم السياره لابس زي رسمي بس شافني ابتسم اجه مدلي ايده وكال :
- " هلا بالروح والريه .. شطالع ولك ؟"
ضحكت ولزمت ايده ورحنه بأتجاه السياره صعدت شغل اغنيه هادئه ولزم أيدي باسهه
وگال :
- " يا بعد گلبي وحنين البيت لــ اهله
انت روحي وقبل روحي
وكلشي غير عيونك الحلوات وله
-مو ركن بيتي الدافي (انت البيت كله)🤍.

ابتسمت بوجهه وهمست :
- " يبعـد رمـوَش عينيي َ .
= " فدوه لعيونچ بنيتي انتي .

وصلنه لمطعم مرتب دخلنه اجه ولد ضل يحجي وي انمار بعدهه اشرلنه على طاوله جانو مرتبيهه ومخلين شموع وكيكه وعلب هدايا ..
انمار لزم ايدي ورحنه سوه كعدت واني مبتسمه بعدهه كال :
- ها شنو رأيج بالترتيب ؟
= انمار يجنن والله كلش حلو .
- هههه تستاهلين يبعد عيوني .
جان المطعم شبه فارغ ، انمار رفع ايده أشر لولد شغل اغنية عيد ميلاد بعدهه شغل الشمعه وضل يدندن وي الأغنيه ويباوعلي ضليت اضحك بعدهه كال :
- " يله اتمني وطفي الشمعه .
سديت عيوني اتمنيت امنيتي بعدهه فتحت عيوني باوعتله وابتسمت وطفيت الشمعه ،
اجه يمي باسني بخدي وگال :
- " العمر كُله يبعد عيني .
- " وانت موجود ويايه .
ابتسم وگال :
= تردين تتعشين لو تشوفين هداياتج بالأول ؟
- هدايات ؟ ليش كم هديه جايبلي ؟
= تعاي كعدي وشوفي .
كعدت وهو كعد كبالي جاب اربع علب لونهم اسود ، گال :
= يله اختاري يا علبه تشوفين اول شي ؟
- جذبت نضري العلبه الجبيره ، أشرت عليهه انطاني ياهه فتحتهه جانت عباره عن : كلاده ذهب وسوار جانت كلش حلوه ونازكه  .
ابتسمت وكلت : شكراً حبيبي كلش حلوه .
= الذهب للذهب بالعافيه بنيتي .
بعدهه فتح العلبه الثانيه جانت هم سلسله ذهب وبيهه مدالية عين ، گال :
= هاي هديتج من فصعونج حتى تحميج من العين .
- ههههه عمريي .
ابتسم وكام لبسني ياهه ، بعدهه انطاني علبه فتحته جان تلفون جديد ، گال :
= " هذا بدل تلفونج إلي كسرته .
وصلنه للعلبه الأخيره وگال :
" هاي آخر هديه وانشالله تعجبج ..
ضحكت وفتحت العلبه جان سويج سياره باوعت بأستغراب وكلت :
- " شنو جايبلي سياره ؟
= ايي بس ما لكيت علبه تكفي وجبتلج بس السويج .
كمت حضنته وكلت :
- " الله يخليلي ياك .. وشكراً ع الهدايا الحلوه كلش فرحتني .
بادلني الحضن وكال :
- " قليل بحقج بعد عيني .
ابتسم وكرص خدي وگال :
" يله تعاي نتعشى حتى اخذج تشوفين سيارتج بالبيت.
-  يا بيت ؟
= بيتنه انه وياج .
- تقصد بيت اهلك .
= لاا قصدي اكو بعد هديه خامسه وهيه بيت النه .
- صدُك انمار وأهلك؟
= اهلي يمهم ساره وزوجها اشترو بيت يم بيتنه وهم بيتج بنفس الفرع يعني مو بعيد عن بيت اهلي .
- هاا تمام يعني صار عدنه بيت وحدنه .
= ايي حبيبتي صار عندج بيت بأسمج .
- عززه احس راح اصرخ من الفرحه شكراً حبيبي وجودك احلى هديه عندي .
ضل يضحك ولزم أيدي وكال :
" تستاهلي ام فصعوني "

بعد مرور ساعتين تقريباً ..
طلعنه من المطعم اني وانمار بعد ما تعشينه وخلصنه
اجه يمي وكال : عيني ام الزوز انتضريني ثواني وجايج .
كلت : اوك حبيبي .
ابتسملي وراح ضليت واكفه منتضرته يم الباب بين ما يروح يجيب السياره ويجي ،
بعد ما اجه نزل من السياره واجه ناحيتي حتى يفتحلي الباب ... وكف كبالي وهو يشاقيني وفتح
الباب وهو يأشر بأيده بمعنى " تفضلي ..
صار صوت كلش قوي وقريب ، اختفت الابتسامه من وجهه ضل بس يباوعلي بقلق ويردد :
" دخلي للسياره لا يصير بيكم شي "
تحول قميصه من اللون الأبيض صار احمر من الدم ، ضليت صافنه احاول استوعب إلي صار ، طاح انمار بالكاع وعيونه بس علي كعدت وخليت راسه بحضني واهمس برجفه :
" انماري .. حبيبي .. ابو فهد .. كوم حبيبي لا تخوفني عليك ، انمار جاوبني حباب ..
همس ب: " لا تخافين .. احبچ . وسد عيونه .

ضليت اصرخ وابچي على أمل يشوفني احد ويجي ، مرت ثواني ما حسيت إلا والناس كُلهه متجمعه على راسي اجت سيارة الإسعاف شالو إنمار واخذو واني ويا  بس صافنه علي ودموعي تنزل بدون توقف ..

دخلنه للمستشفى كبل اخذو صالة عمليات واجتي ممرضه علمود تاخذ دم بس كالت ما يصير لأن اني حامل ، أخذت تلفون وبلغت اهله واهلي ..
بعد مرور ربع ساعه المستشفى انملت ناس وأغلبهم عسكريين أصدقاء انمار واني وحدي بنيه ، اجاني ياسر وكال :
" خويه تعاي اوديج لبيتكم لأن هنا بس زلم "
جاوبت ودموعي تنزل :
- " لا ما اريد اروح "
ياسر = " زين ترحين بغرفه هم ترتاحين وهم حتى ...
بعده ما مكمل كلامه كلت :
- " لا شكراً ما اريد اروح لأي مكان .
كلت هيج ورحت كعدت افكر وابجي شلون تحول من احلى يوم إلي اتعس يوم .. قبل ساعتين جانت الدنيا ما واسعتني من الفرح وهسه خوف وبجي وحزن ،..
ما راحت صورته من بالي شلون وهو مغطى بالدم ويكولي احبج .. خليت راسي بحضني وابجي بشهكه ..

بعد شوي حسيت بأيد على كتفي رفعت راسي جان ابوي كمت وشمرت نفسي بحضنه وزدت البجي ..
ضل يمسح على راسي ويحاول يهدي بيه ، اجت امي حضنتني بعدهه كعدت لأن حسيت خلص حيلي ..انتبهلي ابوي اجه يمي وكال :
- " كومي يابه موزين عليج كافي بجي امشي خلي يفحصونج .
بعد إلحاح من امي وابوي كمت وياهم اخذوني لغرفه علكولي مغذي وضربوني ابره مهدئ .
مرت نص ساعه وغفيت ...

كاعده ع الكرسي ما اكدر اتحرك كأنو مربطين ايديه ورجليه ..انمار كاعد مقابيلي ونفس الحاله .. قميصه كله دم اباوعله وابجي اصرخ علي ما يجاوبني بس مبتسم بوجهي .. بعدهه همس :
" لا تخافين ما بيه شي" ، يحجي والدم ينزل منه .. وجهه اصفر وعيونه بس علي وعلى بطني ..گال :
" فهد امانه ديربالج علي ولا تبجين هواي مو زين عليج وعلي .. وضلي متأكده انه احبچ دوم "

صارت كلماته ترن براسي وفزيت .. شفت امي كاعده بصفي تسويلي كمادات وابوي يقره قرآن .. باوعتلهم وكلت ودموعي تنزل :
- " ماما انمار وين .. بابا صار شي لأنمار عفيه احجيي"
- " لا مابي شي  حبيبتي اهدي طلعو من العمليات بس بعده ما صاحي ادعيله بنيتي "
- " شنوو يمتى طلع اني صارلي شكد نايمه ؟
- " بنتي صارلج ساعتين نايمه وارتفعت حرارتج وضليتي تهلوسين وانتي نايمه .
- " عززه كل هذا اني نايمه ،. ماما شفت انمار بالحلم يوصيني على فهد معقوله راح ...
بعدني ما مكمله سكتتني وكالت :
- " لا لا تحجين هالشكل انمار ما بي شي انشالله يكوم على حيله ويرجع احسن من قبل "
ضليت ابجي واكول :
" بابا عفيه اريد اروح اشوفه حباب أخذني "
- " اهدي بابا هسه اروح اشوف إذا يصير تدخلين
اخذج "
- " لا بابا انه اروح وياك اكيد يقبلون حباب "
- " زين خلي اجيب ممرضه تفتح الكانونه من ايدج .
ضليت منتضره ثواني واجت الممرضه شالت الكانونه وطلعنه اني وابوي .
رحنه يم الغرفه الي نايم بيهه انمار اجه الدكتور سألته عن انمار گال :
-" انضرب طلقتين وحده بكتفه والثانيه يم صدره قريبه على گلبه بس الحمدلله جان جرحه سليم وهسه هو تحت تأثير البنج والممرضات يمه يسوله كمادات لان حرارته مرتفعه "
- " زين اكدر ادخل اشوفه؟ "
=" اي عادي بس لبسي الزي خاص بالغرفه "
-" اوك شكراً "

رحت على غرفة الملابس حتى البس ملابس
معقمه .. لبستهن ودموعي بس تجري وامسحهن ويرجعن ينزلن غصب عني ..

گالت الممرضه :

- "الضاهر هوايه يحبچ ..بحيث يصيح ويگول بس جيبولياها هسه يروح ألمي جيبولياها
طرشنا طرش بالعمليات "

ضحكت ونزلت دمعتي گلت :
- " والله اني هم احبه بس الزمن عكس ويانه هواي "

گالت :
- " حاربي الزمن ولا تعوفيه عزيزتي .. لا تنتظرين الزمن يحن عليچ
لان بهالوگت الزمن غدار وميحن على أحد "

دخلتني الغرفة انمار .. چان نايم ومبين التعب على ملامحه ، جانت اكو ممرضه يمه تسويله كمادات اترخصت منها انو اني اسويله وطلعت ..

رحت جريت كرسي وكعدت يم راسه امسد على شعره بحنيه وكل شويه ارفع نفسي وابوسه بوجهه ..

كل شويه أهمس يم اذنه :
- " يلا گوم بالسلامه حتى أكلك
حبك ذنب لو صار يا محلى هيچي ذنوب "

بقيت امسد على شعره وايدي الثانيه على
رموشه .. ابتسمت ورجعت ذكرياتي وياه
براسي ..
بجيت أقوى وابتسمت ..كل حدث الو رياكشن شكل ..

اتذكرت هو يحب اغنيله من يكون تعبان ..
ابتسمت وبديت اغني بصوت ناصي .

" بگليبي حبك زاد
غيرك ابد ما راد
عشكك عشك بغداد
وگلبي بهواك يذوب

سبحانه من سواك
واجمل بشر خلاك
كل عمري ما انساك
ومنك ابد ما أتوب "

ضحكت وگلت :
- " اكيد شبعت من شوفتي .. بس صير زين والله ما اعوفك بعد لو اموت "

رحت نكعت خاوليتين وتقربت يمه ..
احط الكمادات على راسه واكتافه واحجي
وياه ..
- "شعندك انتَ يحضي شو اربعه وعشرين ساعه نايم ، تمبل شنو ما شبعت نوم "..

ما جاوبني .

- "نايم المدلول حلوه نومته ، أصدقائك شگونا
شگ ابو فهد وابو فهد ميتين عليك دگوم
عاد چنك حايط "..

الكماده نشفت من الماي ، گمت بسرعه للسنك
الزغير الموجود على جهه نگعت الوصله و
اجيت يمه وأتأفأف ..

وگعت الوصله من ايدي دنگت اشيلهه ، بَس رفعت نفسي حسيت احد جرني من ايدي
ووجهه صار برگبتي وهمس :

- " يبعد عيونه لابو فهد ..

فتحت عيني وضحكت گلت :
- " عزاا كمزتني "

ضحك وگال :
- " يا يابه شكد خفت اموت وآني ما نايم بحضنچ "

برطمت وكلت :
- " لا تحچي هيچ تدري بيه أضوج "

- " تعاي لچ ليش تحجين عليه وتگولين چنك حايط واطولين لسانچ "

- غير عبالي نايم !"

- " وإذا نايم هيج تحجين ؟"

- " هسه انتَ مو مريض .. يلا حبيبي نام نام
يلا انموري نام نام .. نام نام بالأحلام "

- " انعل عشيرة انموري .. امشي لچجج "

ضحكت ..
شويه وگال بوجع :
- " صدري يأذيني زهراء ما جاي اكدر اتحمله "

- " سوده عليه .. والله ما اعرف شسوي "

- " وشتسوين انتي تقرين علي الفاتحه .. روحي حبيبتي صيحي الدكتور خلي يجي ينطيني مخدر صخام اي شي .."
- " تمام ثواني واجي "

طلعت لكيت اهلي وأهل انمار كلهم موجودين ، گلت :
-" انمار يكول خلي يجي الدكتور ينطي مخدر "
ياسر كال : اني رايح اصيح الدكتور .

شوي واجه الدكتور دخل للغرفه واني هم دخلت ويا ..فحص انمار وكال انو وضعه زين بس يحتاج مراقبه وانطا مهدء وگال موجه كلامه إلي :

" عزيزتي .. المريض راح ينام ويحتاج هدوء وكمادات تسويله انتي لو اصيح الممرضه؟"

- " اوك اني اسويله "
هز راسه وطلع .

رحت كعدت يمه خليتله كماده ، عكد حاجبه وگال :
- " شنو هالميانه يكلج عزيزتي ؟"

ابتسمت وكلت :
- " اي عادي  وبعدين الدكتور رجال جبير "

- " زين انتي ليش ضاله هنا بفستانج رجعي للبيت ارتاحي انه ما بيه شي "

- " لا حبيبي سمعت الدكتور كال وضعك
يحتاج مراقبه "

- " تعاي خلي ابوسچ ولج "

- ياا انمار عيب احنه بالمستشفى .
= تعاي محد يجي تعاي .
تقربت علي وبسته بخده وبعدت بسرعه ضحك وگال :
-" شنو تقشمريني بهاي ؟"

- " هههه كافي هاي "

دار وجهه وعقج ملامحه بألم .. اخذ نفس وگال :
- " خو ما تاذيتي؟ "
- " لا ما بيه شي "

عكد حاجه وگال : " تدرين لو صاير بيج شي من وراي اخخ بس ، هو انه صوجي طلعته من السجن بس انه إله إلا ارجعه واخلي يعفن بالسجن ..

باوعتله باستغراب وكلت :
- " ليش انت تعرفه إلي ضربك ؟
- " اي شفته واصلاً هو هددني قبل لا يطلع يعني هاي هيه ثبتت التهمه علي "

طول ما هو يحجي اني عندي ألم خفيف ببطني بس شوي شوي بده يزيد بعد ما تحملت كمت وكلت :
- " انماري راح اطلع اشوف اهلي شوي واجي ..
كلت هيج وطلعت .. بس شافتني امي اجتي تركض وكالت  بتوتر :
- " ياا يمه شبيج وجهج اصفر  ؟"
كلت بألم ودموعي بدت تنزل :
- "  ماما بعد ما اتحمل عندي ألم مو طبيعي ..
- " ياا تعاي يمه خلي ناخذج يشوفونج لا يصير بيج شي .
لزمت ايدهه ومشيت وياهه دخلوني لغرفه شوي واجه دكتور فحصني وگال :
- " لا تخافين هاي تقلصات بسبب التوتر والتعب لازم ترتاحين وتبتعدين عن الأشياء الي توترج .. انطاني مهدء وگال : " الأفضل بس يخلص علاجج ترحين لبيتج  ترتاحين "
هزيت راسي وباوعت لأمي وكلت : ماما شلون اروح وانمار ؟
كالت : " ماما ما علي شي يمه اهله واصدقائه وهو لو يدري هيج صار بيج جا هو كلج روحي "
- " افف تمام "
ضليت كاعده منتضره يخلص العلاج اندك الباب ودخلت ساره وحنين بس شافتني ضحكت وكالت :
= " هاي منو المشتاقتلهه ؟
ضحكت وكلت :
- " حنوون هلا يعمريي والله مشتاقتلج ..
اجتي حضنتني وكالت :
= " والله اني اكثر باوعتلي بقلق وكالت : شبيج خو ما متاذيه انتي هم ؟
- " لا حبيبتي ما بيه شي صار عندي ألم بسبب التوتر .
-" ياا سلامتج حبي .
ابتسمتلهه بعدهه اجتي ساره هم سلمت علي وهيه توصيني وتكول :
- " الحمدلله على سلامتج و انتبهي على نفسج وعلى ابن اخوي الحو "

- " ههههه الله يسلمج انشالله .
ضلو كاعدات يمي نسولف ونضحك خلص العلاج اجه ابوي وكال :
-" يلا بابا اوديج للبيت ترتاحين ؟
- " ايي بابا وهم عيب ضاله هنا بفستاني .

اترخصت منهم وطلعت ردت اروح اشوف انمار قبل لا اطلع بس ابوي كال " انمار نايم " .. طلعنه ورحت للبيت دخلت تقريباً الساعه ٤ الفجر .. كبل صعدت لغرفتي أخذت شاور وصليت ونمت ...

كعدت الصبح علي صوت تلفوني فتحته واني مغمضه عيوني كلت :
- " نعم منو وياي ؟
اجه صوت انمار وهو يكول :
- " هههه كعدتج من نومج بنيتي ؟

فزيت وباوعت للتلفون اتأكد من الاسم بعدهه
كلت :
- " انمار صباح الخير ما انتبهت للاسم ..

- " صباح النور عمري شلون صرتي سمعت امس متخربطه وراجعه للبيت خو ما بيج شي ..

- " لا لاتخاف ما بيه شي انته شلونك امس من طلعت انته جنت نايم .
- " بخير دامج بخير احسن من امس الحمدلله .
- " ايي الحمدلله ويمتى تطلع ؟"
- " والله انه احس ما بيه شي بس الدكاتره معاندين يكولون باجر لازم اضل تحت المراقبه حاف يصير شي .

- "  هاا تمام ديربالك على نفسك انمار عفيه "
- " ههه انشالله وانتي هم .
- " اني بعدين العصر يمكن اجيك .
- " لا وين تجين اليوم أصدقائي كلهم جايين
بس شباب "
- " افف تمام بس يرحون اتصل علي حتى إذا اكدر اجي اشوفك .
- " هلا بيج يبعد عيني والله مشتاقلج .
- هههه اني اكثر يبعد عيوني  .
- يله باي ديربالج على نفسج ولا تشغلين بالج انه ما بيه شي .
- تمام عيني باي .

سديت تلفوني وكمت غسلت وبدلت ونزلت ..
صبحت على امي وكعدت اتريك اني وياهه .. بعدهه كعدت احجيلهه ع البارحه من البدايه لحد ما صار الحادث ..

گالت :
- " ماما حبيبتي صبري ومثل ميكول المثل ...
الي يريد الحلو يصبر على مُره .. وانتي يا بنيتي تعبتي وصبرتي والله يجازي صبرچ شوي شوي .. بالبدايه تعبتي على دراستج والحمدلله ما ضاع تعبج حصلتي الشي إلي ترديه .. بعدهه الله ابتلاج بمصيبة وصرتي فصليه بس ربچ عوضج بناس تخاف الله ويحبوج ويخافون عليج .. وهسه عندج زوجج انمار يحبچ يموت عليج حتى وهو بالعمليات ما اكو على لسانه غير اسمچ والله رزقج بطفل نعمه من الله وانشالله يجي بخير وسلامه ويسر كلوبگم يمه وانتي دائماً كولي
" الحمدلله " لأن تدرين بالله صبرٌ ،. وبالله يُسرٌ ، وبالله عَون ...
.
.
.
.
.
يُتبع

"كُتب البارت بكُل حُب وشغف" ♥️..

لا تنسون التصويت والتعليق + لكم كُل الحب يبعد عيونيي 🌚♥️..

# Zahraa Al-Fartousi