فَقيدة أنمار

بارت 3

من بيت البطله ..

-زهراء : رجعت من المدرسه وشفت اهلي وكومه ناس كدام بيتنه وجهي انخطف لونه ، سرعت خطواتي بس احس رجليني بادن ما اكدر احركهن وصلت للبيت دخلت اشوف امي ومرت عمي يبجون دخلت اسألهم محد يجاوب وكلهم متوترين وخايفين رحت استفسر من اختي عنوبه (اختي زينب متعوده اصيحهه بهالأسم)حتى اعرف شصاير ، سألتهه واني خايفه من الجواب.
-زهراء : عنوبه عفيه شصاير ليش يبجون وشنو هاي الناس الي متجمعه كدام الناس
-زينب : والله مااعرف بس سمعت يكولون ثائر ابن عمنه شارب بليل ومتحاجي وي ولد ابن شيوخ واخوه ضابط ،الولد عايفينه وطالعين بالسياره وطلع ثائر وراه ودعمه .
-زهراء : ياا عزه العززاني الله يطيح حضك يا ثائر يموت ع المشاكل شيخلصنه هسه .
-زينب : ما ادري بس يكولون عنده كسور خفيفه خطيه.
-زهراء : خيولي عساه ماشايفين منه بس المشاكل ، روحي نزلي يم امي خاف تريد شي اني بس ابدل واعزل اغراضي وانزل ..
- امشي وادردم على ثائر حتى ماخلاني اتهنى بفرحتي ،
بس الحمدلله صارت المشكله اخر يوم من الامتحانات حتى ما اضيع امتحاناتي 🥲،
كملت تبديل لبست تراك ردان مستور بس مخصر ولونه اسود بارز جسمي ، ضفرت شعري كصيبه راخيه واني طبعي ما احب المكياج الطوخ فخليت مرطب مورد لشفايفي وخدودي وكبست رموشي وخليت عطري ونزلت ما مهتمه كلش لان متعودين عله ثائر ابو المشاكل ،
بديت ارتب بالبيت وحضرت التقديم كعدت بالمطبخ اسوي جاي وكهوه واقدم للخطار، نوب بدينه نحضر الغده وصبينه للخطار تغدو وطلعو يستفسرون عله اهل الولد الي داعمه ثائر،
خلصنه ولميت البيت صعدت لغرفتي ، حتى ارتاح حسيت ضهري انكسر من الركض والمواعين واني جنت جايه من الامتحانات رأساً  بس خليت راسي ع المخده نمت ..
اجت اختي كعدتني العصر تقريباً الساعه ٥ ونص لان بيتنه انملى خطار ولازم انزل وي امي اساعده ضليت كاعده بالمطبخ لأن اني المسؤوله عن التقديم والجاي والكهوه ، بديت اسوي الصواني وارتب الكوابه والفناجين حتى رأساً بس يطلبون شي ما اتأخر عليهم ويضلون يحجون علي ،..
بدت اصواتهم تتعالى ويحجون بصياح ، واني كلش اخاف من الصوت العالي ضليت ارجف من الخوف عزلت المطبخ ورحت كعدت يم امي ، وره نص ساعه كالو جايبين ثائر من المستشفى كلحنه كمنه نستقبله ونتحمدله على سلامته ،
صح اني اضوج منه لان يسوي مشاكل ومرات يضوجني بس يبقى ابن عمي رحت سلمت عليه وسويتله عصير طبيعي انقهرت علي لأن متأذي  ،
اجيت اقدمله عصير واشوف نضراته مو طبيعيه يباوعلي بطريقه مقززه ويبتسم كلت خاف بعده تأثير المشروب مارايح منه ، قدمتله الكلاص دحك ايدي وهمسلي بصوت ناصي
-ثائر : شكد ترفه دخيل الله
- زهراء : خزرته ودفعت ايده وكتله انجب ، ووخرت منه ، ضل يباوعلي ويبتسم واني مغلسه علي ومطنشته ، بعد ما تحملت كمت وصعدت لغرفتي حتى انام ضليت اراسل صديقاتي واسولفلهم ع الصار لحد ما صارت الساعه ١١ بليل يله نمت..
.
.
.
-كعدت ثاني يوم من وكت على صياح واصوات عاليه بالبيت طفرت من الجربايه مستغربه من الاصوات رحت بسرعه حتى استفسر شصاير من الصبح ، نزلت بتراكي مال النوم وشعري مكفش رحت ادور على امي حتى اسئلهه ، لكيت امي واختي بالمطبخ ، صبحت عليهم وسألت
-زهراء : ماما شصاير شنو هاي الاصوات من الصبح
-ام زهراء : يا صبح ماما الساعه ب١٢ ، وبعدين انتي ما تدرين اجو الشرطه من الصبح اخذوا ابن عمج ثائر للمركز
-زهراء : ياا خطيه امس رجع من المستشفى،  بس يستاهل دعم الولد وشرد .
-ام زهراء : ولج سكتي لا تسمعج عمتج وتزعل ، وانتي شلون نازله هالشكل صعدي بدلي عدنه ناس .
-زهراء : اوف خطار من الصبح حتى ماتهنيت بعطلتي ، عفتهم وصعدت لميت غرفتي وغسلت وبدلت رتبت نفسي لبست فستان اسود ساده ردان وطوله جوه الركبه، ضيك من منطقة الخصر وينزل كلوش ، من وره مكشوف لحد نص ضهري واني عندي شامات ٢ بضهري يبينون بهالفستان، يشبه هذا الفستان بالضبط :