فَقيدة أنمار

بارت 18

【 فصلية الضابط انمار 】

【بقلم _ Zahraa Al-Fartousi 】

لا تنسون التصويت والتعليق ع كل فقره + متابعة حسابي .

تعليقاتكم ع الفقرات جداً مهم حبايب لأن شارفت قصتنه على الانتهاء 🥀..

اتمنى لكم قراءه ممتعه ..♥️

عن اشتياق طلال مداح وهو يگول :
「ليتك تِمَر لوَ بالخطأ وتشَوفِني بعيَنكْ」

.ثروباك مع انمار .

:- كاعدين كُلنه بالصاله سوالف وضحك جانت الأجواء عائليه تفتح النفس ،
زهراء بصفي إلي ضايفه الوان وسعاده بحياتي ، احب خجلهه الطفولي من اسامرهه ،.

نتبادل هموم وسوالف الشغل انه والشيخ والحجيه كاعده كبالي وخواتي بهجة البيت كاعدات يتناكرن 😂

بعد ساعه تحولت أجواء البيت من الهدوء لعاصفه من العصبيه ، اجت ام احمد وبنتهه ملاك يتبجبجن اخذناهن للمضيف بدت ام احمد تحجي وتصفط بالجذب ،
ضليت اصفن من التهمه الي تهمتني ياهه وهيه تكول :
- ام احمد : ترضاها يا شيخ ابنك يعتدي على بنتي وأخذ عذريتهه يعني لو ابوهه يدري جان ذبحهه وذبح ابنك هم .
- الشيخ : شلوون شتكولين يابه الرجال متزوج ليش تردين تخربين بيته وشمدريج انمار هو الماخذ بنتج عندج شي يثبت .
هنا انه اتهسترت ضليت اصيح عليهه وابوي يهدي بيه .
كال الشيخ : روح بويه جيب ملاك نفهم منهه .
- صار .
رحت جريتهه من شعرهه سحلتهه للطارمه اجن البنات يفكنهه من ايدي ، استوقفتني زهراء وهيه تتوسل وعيونهه مليانه دموع حتى اعوفهه عطت بيهه حتى توخر ،
ردت احجي واكولهه إلي تبجي عليهه هاي وحده رخيصه وجاي تتبلاني بس سكتت ما ردتها تعرف الموضوع ،
اجت ساره خذت ملاك من ايدي وودتهه للمضيف ، استغفرت ربي ورجعت للمضيف ..
بدت ملاك تحجي وتصفط بالجذب والصدمه الأكبر من ما استحت وطلعت الصور توريهن للكاعدين ،..
هنا ثبتت التهمه علي ومحد رضى يسمع مني ، الشيخ قرر انو اتزوج ملاك ،
رفضت بس ما رضى الشيخ لأن ما يريد السالفه تطلع ويكبر الموضوع ،
وافقت بشرط أنو :
"ما اتزوج ملاك إلا تسوي فحص عذريه إذا صدك إني ماخذهه ، اوافق"

الشيخ والحجيه وافقوني الرأي بس ملاك وامهه
ما رضن عفتهم يتناقشون وطلعت صعدت لغرفتي ،..

دخلت وجانت زهراء نايمه رحت كعدت يمهه على طرف الجربايه طبعت بوسه خفيفه بخدهه وضليت كاعد ادخن وافكر بالمشكله ،
وره شوي حسيت على زهراء من كعدت باوعتلي بزعل وجانت هالمره نضرتهه غير ،
حاولت اشرحلهه الموضوع بس جانت قافله وما تقبل تسمع ضلت تتمادى بكلامهه لدرجه حاولت اضربهه بس ما كدرت نزلت ايدي وهنا حسيت زاد حقدهه علي ،.
عفتهه على راحتهه إخذت كم غرض الهه ولبست عبايه ونزلت جان كُل ضني انو الشيخ ما راح يرضى تطلع بس استوقفني من كال هذا حقهه ولازم ترجع وهيه تقرر حياتهه ومستقبلهه وهيه اختارت انو ترجع لأهلهه ..