فَقيدة أنمار

بارت 15

- يا سّيدة النِساء كيفَ أخذتِني
منّي بلا إذنٍ، ولا استئذانِ؟
من أيِّ نافذةٍ دخلتِ عواطفي
ونشرتِ هذا العِطر في بُستاني
إنّي عرفتُ من النساءِ قبائلًا
لكن كرسمكِ لم تجد ألواني
أرجوكِ باسمِ الرُوح لا تتغيريِ
إنّي بزهُور روحكِ خُلقت‏ . . .

:- بين الغافيه والواعيه أو مثل منكول "حلم اليقضه "
بين احساس حلو إلي هو صوت زقزقة العصافير وضوه الشمس الي مخترقه البرده وحضن دافي ،
وبين ألم مخترق جسمي وبالأصح نار مشتعله داخلي إلي كل ثواني يروح ويرجع ،..

فزيت على بوسه بلطف بخدي ابتسمت وفتحت عيوني ، كلت بتعب بصوت نعسان : صباح الخير

-انمار : صباحي إنتي يحلوه ، وكرص خدي وابتسم .

بادلته الابتسامه ورجعت دفنت نفسي بحضنه
كال : شنو اليوم نضل نايمين ؟
: لا بس ادفى شوي واكوم احس نفسي ثلجت .

- ولج وين البرد السبلت وطافي .
حجيت برجفه كلت : ما ادري بس بردانه كلش .

- مد ايده على خدي ومرره على كصتي وكال : يبووو اشتعلو ولج انتي صايره نار ما تحسين بروحج ؟

- لا مابيه شي بس غطيني انام شوي واصير زينه .

كعد ع الجربايه وسحب الغطه مني وكال : ما يصير تتغطين كومي اكلي شوي خلي انطيج دوه ..

: اوفف انماار عوفني انام واصير زينه حباب .
- شلون احنه وي العناد تكومين لو انه اكومج ؟

هزيت راسي بمعنى لا وكلت : والله احس مابيه حيل .

-زين شنو تحسين اكو شي يوجعج ؟
= شوي متأذيه وأحس بخمول .

- كومي سبحي بمي بارد بلكي تخف حرارتج .
= هزيت راسي وكلت : اوك ،

كمت والخمول والدوخه مصيطره علي اخذتلي تراك ودخلت للحمام فتحت الدوش وكعدت حضنت نفسي من الالم وضلو دموعي ينزلون بدون وعي ضليت على حالتي تقريباً ربع ساعه ..

ندك الباب وصوت انمار يصيح بأسمي كال
- ها بنيتي شو طولتي بيج شي ؟

= جاوبته برجفه وكلت : ما بيه شي هسه راح اطلع .

بدلت وطلعت شفته كاعد ع الجربايه ومبين القلق على ملامحه بس طلعت اجه يمي لزم خدي وهو يباوع بعيوني وكال ..
- ها شلون صِرتي شِنو يوَجعج ؟
= ما ادري انمار ما ادري .
رحت كعدت ع الكرسي يم الميز مشطت شعري وعفته مبلل ومفتوح ما بيه حيل انشفه
كمت رتبت الجربايه وخليت مرطب وعطر ، ورجعت كعدت ع الكرسي لازمه تلفوني اجه انمار يمي ينشف شعره باوعلي وعكد حاجبه وكال : ليش ما منشفه شعرج؟
- ما بيه حيل .
- ابتسم وكال : تعاي انه انشفلج يا
كلت : تمام ما أرفض .
ضل ينشف بشعري خلص وكال : ها شنو رأيج ..
-ضحكت ولزمت شعري إلي كفش وكلت : لا أصلاً كلش حلو .
-خاف تستهزئين ولج ؟
: لا بالعكس وين لاكيه واحد ينشفلي شعري
- ايي عبالي .
ابتسمت ورتبت شعري سويت ثنين ضفاير راخيه وسرحت غرتي صار شكلي مرتب ، ضليت كاعده اجه يمي لزم خدي وكال : شوفي بنيتي للضهر إذا ما تحسنتي أخذج للمستشفى .
-عكدت حواجبي وكلت : لاا ما اروح اني صرت احسن .