-من بيت عائلة زهراء...
.
.
.
-زهراء : كعدت من وكت تقريباً الساعه ٨ ونص كمت من جربايتي بكسل لان اليوم راح يجون هواي خطار ولازم اساعد امي.
نزلت صبحت عليهه وبدينه بالشغل ، نضفنه ورتبنه البيت وبدينه نحضر الغده كملنه ، اني صعدت بدلت ورتبت نفسي ونزلت يمهم تغدينه وخلصنه ، طلعوا من وكت علمود سمعت اكو كعده عشائريه راح تحدد مصير ثائر ابن عمي ، كلهم راحو بقينه اني وامي وعماتي رحت سويت جاي واجيت اقدم لعمتي ام ثائر باوعتلي بحزن وكالت
-ام ثائر : تدرين ثائر يحبج ويريد يخطبج ، بس يطلع بخير وسلامه اخطبج اله .-اني باوعتلهه باستغراب وكلت : ههه عمه ثائر لوكان خارج السجن او داخله يبقى هوه اخر رجال افكر اتزوجه ، وبعدين عمه انتي تحجين بالحب ابنج دعم رجال وشرد ، يعني عمه بأختصار ابنج مجرم .
هيه رأساً ضربتني راجدي وضلت تغلط علي ، اني عفتهه ورحت الغرفتي استهضمت لان هاي اول مره تضربني وماردت تنزل دمعتي كدام الخطار، اجت امي حاولت تحاجيني ما رضيت قفلت الباب وكعدت وحدي بالغرفه .
اجه الليل وسمعت صوت بجي امي وصياح ابوي و عمامي ، عرفت رجعوا من الكعده صار عندي فضول اعرف شصار فتحت الغرفه ونزلت بس نزلت ع الدرج والي بالبيت كلهم سكتوا وضلو يباوعولي،
ضحكت وكلت باستغراب
-زهراء : اسفه قطعت نقاشكم ارجع اصعد لغرفتي ؟
-ابو زهراء : اي بويه صعدي وسدي الباب ماكو شي مهم.
-عمي ابو ثائر : لا تعاي نزلي عندي حجي وياج .
رد ابوي بصياح وكال
-ابو زهراء : ابوو ثاائرر اني كلت سد الموضوع بنتي ما انطيهه لو اموت .
-اني كتله : بابا شصاير المن ماتنطيني ؟
-ابو زهراء : ما اكو شي بنيتي صعدي لغرفتج .
-ابو ثائر : ابو زهراء خلي نحاجي بنتك اذا ما رضت على راحتهه.
-زهراء : اي بابا ارتاح شوي خلي افهم شصاير وشنو هالموضوع المتعلق بيه ؟
ابو زهراء : تمام براحتج بويه ، احجي انته ابو ثائر .
-ابو ثائر : تعاي بابا زهراء كعدي يمي خلي احجي وياج .
اني رحت كعدت يم عمو بس احس بطني تكطعت من القلق والتوتر حاولت اهدئ نفسي واسمع لعمو ابو ثائر.
ردف على جتفي وكال
-ابو ثائر : سمعي عمو زهراء اني اعتبرج مثل بنتي وما اريد فد يوم اضرج بشي تعرفيني انتي شكد احبج واريد مصلحتج .
اني قاطعت كلامه وكلت
-زهراء : عمو حتى اني احبك واعتبرك مثل ابوي ، بس عمو من هسه اذا تريد تزوجني لأبنك ثائر اني من هسه ما اريد خليني اكوم ونسد الموضوع .-ابو ثائر : بابا لا تقاطعين كلامي سكتي وسمعيلي ، وبعدين منو كلج انه راح اخطبج لثائر هو صح يريدج بس انه ما اقبل لأنه ما يستاهل ضفرج ،
اني ابتسمت بس توترت اكثر اذا الموضوع مو ثائر شنو هالموضوع المتعلق بيه ؟!
كمل عمو كلامه وكال
-ابو ثائر : عمو انتي تدرين اليوم رحنه سوينه كعده عشائريه علمود ثائر
-زهراء : اي عمو .
كال والدمعه بعيونه..
-ابو ثائر : عمو هناك طلبو طلب كسر ضهري بس انتي تكدرين تنقذين ابن عمج
-زهراء : ما عاش الكسر ضهرك عمو ، وشنو اكدر اسوي اني موافقه
- ابو ثائر : بنيتي انتي ما ضاعت تربيت ابوج بيج ، سمعيني بنيتي شرطهم هوه :
-لو ياخذون ثائر يسجنوه ويعذبو ، لو ..
كال لو ووجه عمو صار اصفر ، خليت ايدي على ايده وكتله اي عمو كمل
-ابو ثائر : لو ياخذونج فصليه ويرجعولنه ثائر .، بس سمعي القرار بيدج انتي شنو تكولين احنه وراج وما راح نجبرج على شي ما تردينه.
أنت تقرأ
فَقيدة أنمار
Fantasyفتاه هادئه وحساسه من عائله متواضعه جبيرة اهلها ومدللة ابوها تذهب فصليه بسبب ابن عمها ،... . . . الضابط انمار ابن الشيخ انسان عصبي وعديم الشفقه لأبعد درجه وبعيد كل البعد عن الحب والغرام ،... __ماذا سيفعل بعد ان يقع بالحب وهل سوف يرحم فصليته؟!. *ملاح...