فَقيدة أنمار

بارت 6

.
.
.
.
.
_مرت أربعة ايام بتعب وحزن ، خلصت هاي الايام بين المطبخ وشغل البيت , وبين اواسي البنات والحجيه واصبر بيهم .خلصت ايام الفاتحه طولت الفاتحه اكثر من اسبوع لأنهم بيت شيخ وعندهم هواي اقارب وعرف ، 
ضل البيت حزين وكئيب خالي من اي ضحكه ,
صعدت الغرفتي جنت قافله تلفوني وضامته ما فتحته ابد من اجيت فصليه كلت خاف ما يقبلون وياخذونه مني ,
فتحت التلفون ولكيته مليان اشعارات ورسائل ، دخلت على كروب صديقاتي وسويت اتصال كامره جماعي ، حجيت وياهم وكلهم عاتبوني لان اختفيت منهم ، ضليت احجي وياهم وسولفتلهم على حياتي من اجيت فصليه لليوم ، حسيتهم ضاجو علي بس ما بينولي هواي ، صفنت  صديقتي ايه وكالت :
-ايه : زهراء عادي اسئلج سؤال ؟
-زهراء : اي عادي كولي حبي
-ايه : يعني انتي من اجيتيي فصليه لحد هسه ما تقربلج فهد مو ؟
-شلون يعني ما فهمت
-ايه :لا تصيرين فاهيه يعني ما صار شي بيناتكم فهمي
-ياا والله عيب طبعاً لا وبعدين هو جان مريض وتوفى الله يرحمه
-ايه :الله يرحمه بس اكلج انتي اجيتي فصليه لفهد وهسه توفى بعد المن كاعده عدهم ؟
-زهراء: اي والله هم صدك ، بس اخاف ما يرجعوني لأهلي .
-ايه : لا انتي كولي لأهلج يمكن يصير وترجعين .
-انشالله الله يسمع منج .
ترخصت من البنات وكطعت الاتصال وياهم ،فكرت بالموضوع يعني يمكن كلامهه صح وارجع لأهلي ولدلالهم ،ضليت ابجي من الفرح وكبر املي رأساً اتصلت على امي بس رن امي فتحت التلفون وكالت :
-ام زهراء : بنيتي زهراء هاي انتي
-دمعت عيوني وكلت : اي ماما هاي اني
-سمعت صوت بجيهه وكالت : ماما زهراء شلونج ، ليش مختفيه ليش ما تراسليني ماما سوولج شي .
-ماما اني كلش زينه ما بيه شي الناس كلش زينين وياي اهدي حبابه
-ام زهراء : حبيبتي انتي ليش منكطعه ليش ما تراسليني والله كلبي تكطع عليج
_اني آسفه يروحي جنت ضامه التلفون خاف مايقبلون وياخذونه مني .
-ام زهراء : بنيتي شلونج احجيلي شلون عايشه وشلونهم وياج.

-اني بخير دامكم بخير ،وبديت احجيلهه على حياتي هنا ،بس ما ذكرتلهه الاشياء السلبيه الي صارت وياي , حجيت عن وفاة فهد وعن رأي صديقاتي وإني اكدر ارجع لأهلي امي فرحت هواي وصار عدهه أمل برجعتي ، نهيت الاتصال وي امي ،
صار المغرب كمت توضيت وصليت بدلت ورتبت نفسي ونزلت ، لكيت بيت عمهم ابو احمد وعائلته جاين سلمت عليهم ورحت للمطبخ اجتي ملاك كعدت ع الكرسي وكالت : انتي يالفصليه سويلي كهوه .
كلتلهه: تمام، سويت كهوه ع السريع وقدمته الهه , شربت شوي وشمرت الكوب وكالت : شنو هاي مو طيبه سويلي غيره .
-انطيتهه الكهوه والدله وكلت: عمري اذا ما يعجبج كومي انتي سوي .
-كلبت وجهه ، ابتسمت بوجهه وطلعت .

رحت سئلت الحجيه علمود احضر العشه ، كالت : تعاي بنيتي كعدي راح اكول لأنمار يجيب عشه جاهز  ، كعدت يم حنين والحجيه ضلو يسولفون والحجيه تحجي وتنعه على ابنهه فهد ،
ملاك وامهه يباوعلي ويخزرن ويدردمن غلست وضلينه ندردش اني وحنين ،
شوي واجه انمار سلم عليهم وتوجهت انضاره الي باوعلي بخزره وكال: زهراء تعاي للمطبخ اريد احجي وياج بموضوع .
هزيت راسي ورحت وراه للمطبخ لكيته لازم جكارته وداير ضهره بس دخلت طفه جكارته ودار علي يباوعلي وعيونه حمر من العصبيه . بديت الكلام بتوتر وكلت : تفضل انمار محتاج شي .
-باوع بعوني وحجه وهو عاكد حواجبه بصوت ناصي ،كال: انتي تتواصلين وي اهلج يعني عندج تلفون هنا لو لا؟
-زهراء : اي عندي تلفون بس ما مطلعته ابد بس اليوم طلعته اتصلت على امي .
جان اكو كلاص يمه على الميز اخذه وركعه بالكاع صارت الكاع عباره عن كزاز ، اني هنا وجهي صار اصفر من الخوف ،رجع يباوعلي بعصبيه وكال بتهديد : روحي جيبي التلفون لا هسه اسوي شي ما يعجبج .
-زهراء: ليش انطيك تلفوني اني ما مسويه بي شي غلط واصلاً جنت ضامته كلت خاف ما تقبلون بس امس اشتاقيت لأهلي وصديقاتي وحجيت وياهم وبعدين شلون انطيك تلفوني بي صوري وخصوصياتي .