فَقيدة أنمار

بارت 16

فصلية الضابط انمار

لا تنسون التصويت ومتابعة الحساب ، والتعليق ع كل فقره ♥️.
الكاتبه : Zahraa Al-Fartousi

:- فتحت عيوني بصدمه جان شعور صدمه ممزوج بصدمه وفرح وخجل من منضري ، كاعده ع الجربايه وشعري مفتوح إلي صاير نصه على وجهي ولبسي إلي جان قميص انمار وواصل لنص فخذي ،.
جان انمار واكف بباب الغرفه بزيه العسكري وجنطته بأيده وباين التعب على ملامحه ،
يباوعلي وهو عاكد حاجبه دخل وكال ..
- السلام عليكم
طفرت من الجربايه ورحت كبل للحمام شوي واجه صوت انمار كال : تعاي طلعي
- كلت بتوتر : انمار عادي تنطيني ملابس .
= صار تدللين .
شوي واندك الباب فتحته اخذت من ايده الملابس وسديته ، لبست ع السريع وطلعت شفته كاعد ع الجربايه بس شافني ابتسم بادلته الابتسامه ورحت يمه وكلت : الحمدلله ع سلامتك عيني .
- ضحك وكال : الله يسلمج .
= شلونك ، تعبان احضرلك الحمام ؟
- زين الحمدلله ، ايي والله كلش صارلي يومين منايم .
= تمام ثواني بس .
كمت حضرت الحمام وملابسه وطلعت شفته ينزع بسترته رحت يمه وكلت : شعجب هاي المره اجيت العصر انته كلمره تنزل الصبح .
- لأن المفروض انه انزل قبل يومين بس مددوا الواجب ثلاث ايام ومن امس خلصنه الشغل فرجعت العصر .
= هاا فهمت .
- نزع البيريه ولبسني ياهه وشغل جكارته يدخن ويحجي كال : ايي عيني جنتي لابسه قميصي موو لو انه غلطاان؟!!
= هههه ايي مو شسمه من رتبت كنتورك عجبني القميص ولبسته ليش عصبت عينيي؟ كلت هيج واني اباوع بعيونه وامدد بالكلمه اقلده ..
- هههههه لاا عيوني انتي كلشي ألج فدوه .،
البيت فارغ وين الأهل ؟
= معزومين عند بيت ابو احمد .
- هاا وشعجب ما رحتي وياهم ؟
= ما جنت مشتهيه اطلع وهم استغليت الوقت نضفت الغرفه ، صدُك لحضه انته شلون دخلت واني قافله البيت ؟
- اي عفيه احسن ما رحتي ، دكيت الباب ومحد فتحه وعندي نسخه لمفتاح البيت دخلت .
= ابتسمت وكلت : هاا يله اوك ، عوف الجكاره وروح للحمام راح انزل احضرلك الغده .
- ايي والله اريد طماطه لاجعه وجاي وخبز بس لا تسوين غير شي .
= اوك ، تريد شي قبل لا انزل ؟
- اي تعاي ابوسچ .
= هاا لا لا ما اريد روح اني نازله .
ضل يضحك واني نزلت للمطبخ ،
حضرت الاكل الصينيه جاي والخبز والطاوه مثل
ما يحبهه والمقبلات رتبتهم شوي ونزل
كعد ياكل واني كعدت يمه اسولف ويا ، يجاوب على كد السؤال ،.
جانت تصرفاته بارده وياي احاول اشاقي حتى اغير موده بس يبتسم ويدور وجهه وعلى طول صافن وواضح تفكيره مشغول وإذا احاجي بسرعه يعصب او يضل يرزل بدون سبب ،..
.
.
.
- بالليل جنه بالصاله الشيخ والشيخه وانمار وحنين واني كلحنه كاعدين نسولف سوه ونضحك جنت مسويه حلويات وكيكه كمت سويت كهوه رتبتهم بصينيه وقدمته ألهم ، جان انمار كاعد يم ابوه يسولفون ع الشغل والمضيف وغيره ...
- انمار : بويه بعد يومين نروح لكربلاء استلم الرتبه وبنفس الوقت زياره لأخوي ، ما عدكم شي موو ؟
- الشيخ : اي يبى نروح تستاهل الرتبه .
-انمار : تسلم شيخنه الله يطول بعمرك ويخليك النا ، وانتي حجيه ما عندج شي ترحين ويانه غير ؟
-الشيخه : أي يمه اروح شعندي غيرك افرح بيك ، فدوه لطولك يمتى اشوف احفادي وتفرحني اكثر .
-كام باس راسهه وكال : هههه انشالله يمه اترسلج البيت جهال بعد شتردين ؟..
-حنين : واني ما سئلتني خاف ما تريد اجي وياكم ؟
- انمار : لا شلون أنتي الأصل إذا ما ترحين أنتي أنه ما اروح .
- حنين : ههههه اي عفيه بس ما ادري افكر واشوف ..
-انمار : هههه انجبي لج .
ضلينه نضحك اجتني رساله من امي وره شوي دكت اخذت تلفوني وكمت كلت : من رخصتكم اهلي اتصلوا علي .
-الشيخ : مرخوصه بنيتي .
- الحجيه : اخذي راحتج يمه .
انمار عكد حاجبه وضل يخزر ، ابتسمت بوجهه وأخذت تلفوني وطلعت بالطارمه كعدت ع المرجوحه وفتحت تلفوني كلت ..
- الوو هلا امي شلونج
= هلا بيج حبيبتي اني زينه انتي شلونج .
- عمريي الحمدلله مشتاقتلكم شلونهم اخواني وابوي ؟
= كلهم زينين اتصلت اتطمن عليج وهم يمي واحد يريد يحجي وياج !..
- كلت بأستغراب : دومكم انشالله ، منو ؟
= يمه هذا تيم يكول مشتاقلج .