فَقيدة أنمار

<بارت 22 هديه>

⌠فصلية الضابط انمار ⌡

⌠ بقلم _ Zahraa Al-Fartousi ⌡

لا تنسون التصويت والتعليق ع كل فقره + متابعة حسابي ♡.
اتمنى لكم قراءه ممتعه ..♡ .
.
أحبك ..
إنها ليست " أحبك " التي أستُهلكت كثيرًا في الأفلام ..
أو أحبك العابرة من فم صديق قديم !
بل إنها أحبك ..
أحبك التي تستطيع
سماعها في صوتي
و تلمسها بقلبك في قلبي
أحبك التي تراها بعينك في عيني
إنها التي تُشعل نيران الشوق
و تُطلق زلازل شعور
و تجتاح فيها طوفان مشاعر
و تبقيني "وحيدة .. وحيدة دائمًا " إلَّا معَك !
و تُبقيك ناقصًا لا تكتمل إلَّا معي!
ولا لَك ولا لي قدرة على العيش إلَّا معَك !
وها أنا مُجدداً، أحبك.
__________________________

{زهراء}

_ يوم لطيف .. بدأ بصباح شتوي .. مع نسمة
هوه بارده تتخللهه قطرات مطر تضيف لمسه لطيفه للجو ..
كعده لطيفه وي عائلتي امي مخليه فيَ بحضنهه وتلوليلهه وتدندن بتنهيده معلمتنه عليهه من چنه صغار .. وفيَ صافنه بوجه امي إلي مليان امان وطمأنينة ومبتسمه تغفي ..
وأبوي شايل فهد على كتافه ويفتر بي بالحديقه بعدهه راح فهد جاب العابه وكعد يم ابوي يعلمه تركيب المكعبات كاعد ويباوع بتركيز لأبوي بعد ما خلص كام يصفك ويضحك وجاب اللعبه يوريني وهو يكول :

فهد _ ماميي شوفي جدو بنالي بيت جميل .
ضحكت وجاوبت :
زهراء _ واو حبيبي شنو هذا يجنن .
ابتسم وأجه طبع بوسه خفيفه على خدي ورجع يكمل لعب ..

وعنوبه أختي كاعده مقابيلي ع المرجوحه وتحجي بالتلفون وجهه صاير احمر غمزتلهه ضلت تضحك واضحه جانت تحجي وي ليث ..
جانوا نازلين واجب أنمار وياسر وليث تقريباً صارلهم اسبوع كامل .
لذالك قررنا أني واختي نجي نضل ببيت أهلي لحد ما يجون .

ببيت أهلي بعد ملل اتفقنا أني واختي أنو نكعد من الصبح نسوي ريوك ونُكعد كِلنا بالحديقة مال البيت يعني نسوي مثل السفره بس داخل البيت ..
كعدنا الساعه ٦ الصبح  جهزنا ميز الطعام وبدينا
نرتب الريوك اني واختي ، بعد نص ساعه يله كعدوا كلهم ، تجمعنا كلنا على الريوك أني واطفالي
واختي واخواني ٢ وامي وابوي ..
جانت كعدتنا عباره عن شقه وسوالف وضحك ،
خلصنه وطلعنه كلنا بالطارمه ..
تعبت من الركض وره في وفهد انطيتهم لأبوي وامي وكعدت ، بهذا حملي كلش تعبت وخاصه هاي الفتره جنت بداية شهر الرابع وجانت فتره متعبه من الناحيه النفسيه والجسديه بس بنفس الوقت من اشوف فوفه وفهدي تتعدل نفسيتي واتفائل اكثر وخاصه جان انمار كلش مهتم بهذا الطفل وجان ينتظر موعد الطبيب بكل تأني حتى نروح ويسمع دكات گلبه ..
.
فزيت من صفنتي على صوت تلفوني يرن فتحته جان انمار .. اجاني صوته وهو يكول :
انمار _ هلا بالروح والريه هلا يبعد عيني وضواها
ابتسمت وهمست :
زهراء _ هههه هلا بيك حبيبي شلونك .
= هسه صرت زين بنيتي انتو شلونكم ؟
- بعد عمري الحمدلله كلنه زينين ومشتاقيلك كلش .
= ولج جا شتكولين عليه ، طاك گلبي
عليكم وعلي .
- يروحي زين انماري يتمى تجي طولت هالمره .
= ماضل شي يمكن يومين ثلاثه ونرجع انشالله .
- صدك والله توصلون بالسلامة يارب .
= انشالله يبعد عيني ، شلونه فصعونج خو ما تعبانه
يگلبي ؟
- زين بس صايره حساسه فدمره يعني بس واحد يسويلي بز أبجي وهم ما اكدر امشي هواي لأن افحط بسرعه .
= يله بنيتي ماضل شي انشالله شدي حيلج هنه كم شهر وتجيبين بالسلامة تحملي يعمري انتي تحملي .
- انشالله ، صدك حبيبي بعد اربع ايام موعد الدكتوره حتى نعرف جنس البيبي نروح اني وياك مو ؟
= اي حبيبتي أدري ، بس ما يحتاج نروح انه اعرف
شنو بيج ..
- هههه وشلون عرفت بله دكتور انمار ؟
= افه عليج سر المهنه ..  "كال هيج وضحك "
ضليت صافنه استوعب بعدهه شهكت وكلت :
- عززه انمار والله عيب هالحجي
= هههههه يروحي انتي ما بيناتنه عيب عليمن
تستحين .
- هههه زين عيني السرسرلوكي الدكتور انمار برأيك
شنو بيه ولد لو بنيه ؟
= هو شنو يجي من الله ومنج كُل الهلا بي بس انه رأيي اكول بيج ولد .
- اممم ما ادري الله كريم زين إذا صدك ولد شنو نسمي وإذا بنيه شنو ؟
= ما ادري والله بس انه اكو اسماء ببالي هاي الفتره وهم انتي بكيفج الج الأختيار إذا ما يعجبج تغيري .
- ومن يمتى ما يعجبني شي منك انه احب ذوقك .
= ااا هههه زين يابه شنو رأيج إذا ولد نسمي
" أدهم "وإذا بنيه نسميهه " ملاذ " هاا ؟
- الله تجنن حبيت الأسماء حلوه .
= واني هم احبج يحلوه .
- يروحي انت واني اموت عليك ابو فهد .
سمعت صوت يمه يحجون وياه كلت :
- يله حبيبي ديربالك ع نفسك ولا تتعب هواي
وارجعلنه سالم انماري .
= ما اوصيج على نفسج وبوسيلي فوفه وفهودي وقبل ما انسى من هسه اكلج تلفوني راح يضل يومين مغلق لا يضل بالج عمري بس ينفتح انه اتصل عليج ، مع السلامه استودعكم بعينه التي لا تنام .
- مع السلامه يروحي انت .
غلقت التلفون وسديت عيوني ودعيتله بگلبي
يرجعنه بسلامه .
.
.
.