.
.
.
.نرجع للماضي وي انمار …
-انمار : جبت فهد للبيت ومرن يومين وهو حالته نكدر نكول شوي زينه ضليت انام يمه جوه حتى اكدر اعينه اذا يحتاج شي ،
كعدت الصبح من وكت وصعدت لغرفة الي نايمه بيهه الفصليه ، دكيت باب الغرفه وماكو اي رد دكيت الباب حيل انفتح الباب على حيله شفت زهراء واكفه كبالي جان شعرهه مكفش ومغمضه عيونه لابسه تراك ضيك وبارز جسمه حجت وهيه مغمضه بصوت ناصي عبالهه انه حنين ،
ضليت صافن عليهه وما حجيت بعدهه انتبهت على نفسي وحمحمت هيه رأساً رفعت راسهه وباوعتلي بصدمه وركعت الباب بوجهي .
ضحكت على تعابير وجهه ورحت بدلت ونزلت . شوي واجت زهراء اعتذرت مني على تصرفهه رادت تصبلي ريوك بس رفضت وطلبت بس جاي شربته على السريع ووصيتهه على فهد وطلعت لشغلي ،
رجعت للبيت بليل دخلت على روايح طيبه دخلت للمطبخ لكيت حنين وزهراء جاي تسوي العشه كلتلهم يستعجلون لان ما ماكل شي عفتهم ورحت بست راس الحجيه والحجي ورحت شفت فهد جانت حالته ما كلش زينه يحس عنده خدر بجسمه اتصلت على الدكتور وكال شي طبيعي من العلاج طمنته وصعدت غيرت لبسي ونزلت تعشينه و وره شوي انتبهت على فهد تغير لونه وسائت حالته ،
ضل يصيح انو ما يكدر يحرك ايده ركضت اله واخذته للمستشفى دخلو للطوارئ وره نص ساعه طلع الدكتور وانطانه اسوء خبر من كال توزع الشلل بجسم فهد وصارت حياته بخطر .
جانت المستشفى مليانه ناس علمود فهد ، اتخربط ابوي ووديناه يقيسوله ضغطه ضلينه تقريباً وره ساعتين الدكاتره ضلو يتراكضون لغرفة فهد رحت اشوف شبيهم اسألهم محد يجاوب اتهسترت وضغطي نزل كوه واكف على حيلي خاف فهد صارله شي ،
دخلو الدكاتره لغرفة فهد ضلو بالساعه يله طلعو وجوهم ما تبشر بالخير
اجه الدكتور وكال : وين اهل المريض فهد .
-رحتله انه وابوي وكلت بصياح : انه اخوه احجي فهد شبي ليش ضليتو تتراكضون فهد صارله شي احجي .
-الدكتور : انه اعتذر البقاء لله والبقيه بحياتكم ، فهد ما تحمل وكف كلبه وانطاكم عمره .
-حسيت الدنيا وكفت بيه جان اسوء يوم بحياتي لزمت الدكتور وكتلته وكلهه التمت علي يردون يفكونه مني ، عفتهم ورحت كعدت ضلت الدنيا تفتر بيه عرفت نزل ضغطي ضليت ابجي على فهد الي ما شاف شي من حياته بعده شاب وتوفى اخوي الوحيد قطعه مني شلون راح اتحمل فراكه.
مرت ساعه وانه نفس حالتي تلفوني احترك حرك حنين وساره يتصلون وانه ما اجاوب ما اعرف شكلهم .
فتحت التلفون واتصلت جاوبتني حنين كلتله بالصار ضلت تصرخ وتبجي عرفت طاح التلفون من ايدهه شوي واجاني صوت زهراء تسأل على فهد ،كلتله فهد توفى وسديت الاتصال وكمت يم ابوي حضنته وضليت ابجي ويا ..
بدت الفاتحه مالت فهد وجانت حالة البيت بس بجي وسواد . دخلت للمطبخ شفت زهراء حسيت زاد كرهي إلها والاهلها واحاول اكول هيه ما الهه دخل بس تبقى هيه بنت عمه لثائر الي حاول يكتل اخوي ،
نترت بيهه وكتلهه كومي سوي كهوه . هزت راسهه وراحت تجهز انه كعدت على الكرسي وادخن، كملت وانطتني الصينيه وكالت :محتاج شي بعد .،
هزيت راسي بالنفي وكلت :جؤ .
-يوم من ايام الفاتحه دخلت للمطبخ لكيت زهراء تبجي وإيدهه حمره سئلتهه :شبيهه ايدج .
كالت :ما بيهه شي ،جاوبت حنين بدالهه وكالت : ملاك كالبه القهوه عليهه وحركتهه ، انقهرت عليهه بس ما بينت نترت بيهه وكلت : عوفي البجي وكومي حضري الضيافه ،
ماجاوبت وكامت حضرت وهيه تبجي ولازمه ايدهه ، بليل جنت طالع رحت للصيدليه جبت دوه لوالدي واجت علبالي زهراء جبتلهه عصارة حروق ورجعت للبيت صعدت لغرفتهه دكيت الباب وانطيتهه خذتهه بدون ماتباوع بوجهي شكرتني وكالت :من رخصتك، ودخلت للغرفه وسدت الباب ،..
-خلصت ايام الفاتحه جنت كاعد بغرفتي بالمركز ملتهي بالشغل والمجرمين اجاني اتصال من رقم غريب فتحته اجاني صوت مو غريب وكال :السلام عليكم وياي الضابط انمار .
جاوبت :وعليكم السلام تفضل منو حضرتك .
-كال : اني ابو ثائر عم زهراء عندك وقت ابني عندي حجي وياكم .
-كلت : هلا بيك تفضل اسمعك .
-ابو ثائر :اول شي البقيه بحياتكم سمعت اخوك فهد توفى
-انمار : حياتك الباقيه شكراً
-ابو ثائر :عمي يمتى اكدر اجي حتى اخذ زهراء لأن الجان عاقد عليهه توفى بعد المن باقيه خليه ترجع لأهلهه .
-انمار : ههههه شلون ترجع انته فاهم غلط اجت فصليه لأخوي واخوي توفى تضل خدامه وما نرجعه ، عادي تريدون تاخذونه انطوني ثائر وارجعلكم الفصليه غير هذا الحجي ما عندي.
-ابو ثائر :لا بويه شلون ما يصير تضل عندكم إلا واحد يعقد عليهه بس شوف الشيخ وبلغه بسلامي وكله بطلبي وردلي خبر بلا زحمه .
-انمار :انشالله بس عمي انت منين عرفت اخوي توفى؟
-ابو ثائر : زهراء اتصلت على امه وكالت .
-انمار : تمام مع السلامه .
-نهيت الاتصال وصارت عيوني بكصتي يعني هاي الفصليه متصله على اهلهه وعندهه تلفون ويمكن عدهه علاقه بثائر ،
حسيت ضغطي صعد كمت بسرعه وطلعت من المركز صعدت بالسياره واجاني اتصال من الوالده عدنه بيت عمي وتريد اجيب عشه ، اخذت عشه من المطعم وتوجهت للبيت دخلت طبيعي سلمت لكيت زهراء كاعده يم حنين صحتلهه تجي وراي للمطبخ ،
جنت واكف ادخن بس دخلت طفيت الجكاره وكفت كبالهه وسئلتهه : عندج تلفون ومتصله على اهلج جاوبت ب أي وما نكرت ،
اسئل بيه وهيه تجاوب بنتره عصبتني وحركت اعصابي ببرودهه اخذت كلاص جان على الميز وركعته صارت الكاع كزاز هيه نزت من مكانهه وصارت دمعته بعينه ، ضليت مركز بعيونه ولزمت ايده ولويته وره ضهرها ودفعتهه على الباب ضلت تبلعم عرفته توترت من قربي الهه ،
لويت ايدهه اكثر ضلت تبجي هددتهه انو بعد ما ترفع صوته وترادد وكلتله تجيب تلفونهه وتجي .
وخرت منهه وراحت تركض داست على الكزاز بدون ما تشوف وصعدت لغرفته ضليت منتضرهه بالربع ساعه وهيه ماكو صعدت وراهه وصلت لباب غرفتهه وطلعت اجت انطتني التلفون وراحت بدون ما تحجي شي .
-ضميت تلفونه عندي ونزلت تعشينه وهيه طلعت كالت ما تشتهي وره شوي كام احمد هم طلع وراهه ،انه احمد ما ارتاحله ابد هواي لاكفه يصاحب بنات ويضحك عليهن وهسه اشوف عيونه بس على زهراء خلصت عشاي ورحت وراهم وكفت بالمطبخ ولكيته يتحارش بيهه وهيه ترزل بي تمادى اكثر من جر حجابهه وضربته راجدي رحت لزمته وكسرته تكسر حاولت زهراء تدفعني وهيه تكول : راح يموت عوفه كافي ،دفعته وكلتله حسابج بعدين طلعو الاهل على صوتي اجه عمي ورزل احمد واعتذر من عدنه وراحو .
دخلنه للبيت رحنه انه وابوي للديوان وبلغته بكلام ابو ثائر ،شفت ابوي ما عارض كلامه وكال : صح كلامه ما يصير تبقى لازم احد يعقد عليهه لو نرجعه الاهله ، بعدهه باوعلي وابتسم وكال ..
ابو انمار: بويه ليش ماتعقد عليهه انت ،هيه خوش بنيه وانت بعدك شاب وما عندك مره ها شتكول .
-انمار : والله بويه ما ادري ، بس شتكول انته اني ما عندي اعتراض بس ، بس بويه اني شغلي خطر وعلى ساعه الله ياخذ امانته وما اريد اربط عائله بركبتي .
-ابو انمار : لا تكول هيج بويه عمرك طويل انشالله ،
ضل ابوي يحجي وياي ويقنع بيه ...
ضليت افكر بكلام ابوي وجني اقتنعت ، هيه البنيه صح خوش بنيه وراضيه ابوي وامي ،
بس بعدني ماعندي اي ثقه بيهه ،رحت صحتله تجي لأبوي حتى يبلغها بالراح يصير .
صعدت لغرفتي وانه افكر بالموضوع طلعت تلفونهه وفتحته مخليه صورتهه خلفيه اخذني فضولي ودخلت اشوف صورهه نقلت كم صوره لتلفوني ومسحت كل صورهه لان جانو بدون حجاب والصراحه لان جانت طالعه حلوه بيهم .
ضحكت على تصرفي ودخلت على الواتساب لكيت عدهه بس بنات ما لكيت شي غلط مسحت الإنستقرام والتلي وسديت تلفونهه ونمت …
.
.
.
لاتنسون التصويت والتعليقات الحلوه مثلكم ، انتضروني في بارت جديد باي ❤️.
YOU ARE READING
فَقيدة أنمار
Fantasyفتاه هادئه وحساسه من عائله متواضعه جبيرة اهلها ومدللة ابوها تذهب فصليه بسبب ابن عمها ،... . . . الضابط انمار ابن الشيخ انسان عصبي وعديم الشفقه لأبعد درجه وبعيد كل البعد عن الحب والغرام ،... __ماذا سيفعل بعد ان يقع بالحب وهل سوف يرحم فصليته؟!. *ملاح...
