⌠فصلية الضابط انمار ⌡
،،
⌠ بقلم _ Zahraa Al-Fartousi ⌡
،،،
- أحسست بشعورٍ ما اليوم !
كنت أحس
شيء ما ينقصني ..
تحسست عيوني
فإذ بهما على حالهما
قلت في نفسي :
إذًا لماذا أشعر وكأن إحدى عيناي ليست موجودة ؟
ثم نظرت الى يداي
كلاهما موجودتان ..
لماذا احس أني فقدت إحداهما ؟!
لماذا أشعر بنقص ؟
كنت أظن أنني فقدت شيئًا مني
أو ربما في روحي
بل أنني فقدتني كُليًّا !
أدركت حينما التقيتك الآن
أنَّ أنت ما كان ينقصني ..
لم أراك وأحدثك في كل اليوم ..
أنت يدي وروحي واكتفائي ومقلة عيني ..
............
- في يَوم من الأيام وليله من ليالي الشتاء البارده ، واكفه بتعب سانده نفسي ع الميز مال الادويه بالصيدلية ، شربت رشفه من كوب الگهوه ورفعت ايدي اليسره اشوف الساعه صار الوقت بال(١٠:٣٢) واني بعدني على نفس الوكفه من الصبح ..
اليوم صار عندي لود بالشغل وزميلتي بالصيدلية صار عندها ضرف وصار الشُغل كله براسي ..
فززني من صفنتي صوت رنة الجرس إلي معلكته فوك الباب ينبهني بدخول شخص ما للصيدليه ..
عدلت وكفتي وكلت بأبتسامه : اهلاً وسهلاً
تفضل عمو .
جان رجال جبير محدب ضهره باينه عليه ملامح تعب السنين ، بيده وصفه ادويه وأيده الثانيه لازم بيهه عكازه ساندته بالمشي ..
باوعلي بأبتسامه وگال :
- "هلا بيج بابا ، الله يساعدج بنيتي".
تقدم يم الميز وقدملي ورقته ، قريتهه وأخذت الادويه إلي جان يريدهه جهزتهم وانطيتهم أله ،.
مد ايده بالجاكيت وباوعلي بأسف وخجل
وحجه بأرتباك :
- " بابا ما اعرف شكلج ... بس نسيت الفلوس بالبيت
ومحتاج العلاج أكدر أخذه وباجر اجيب الفلوس ؟
ابتسمت وكلت : مو مهمة الفلوس عمو مُعافى انشالله ادعيلي بالتوفيق وباريتك الذمه انه .
كال بتعب :
- المرض اخذ ثلثين حَيلي وحَچيتي تعبانه بالبيت
لازم اخذلهه العلاج ، طلعت مستعجل من البيت ونسيت الفلوس بس انشالله باجر اجيبهم بابا ، الله يحفظج ويخليج لأهلج بنيتي ، مع السلامه .
ابتسمت وكلت : على راحتك عمو مثل ما تريد
الله يحفظك ويحفظلك الحجيه .
ابتسم وهمس بكلمة (انشالله) وطلع .
،،،
- عزلت الصيدليه ورتبتها ، أخذت تلفوني والجاكيت وكعدت بالكرسي كبال الباب ،،
الجو مغيم وكئيب ومطر خفيف بين اللحظه والثانيه يزخ المطر قوي بصوره مخيفه ويرجع يصير خفيف ، طفرت نقطة من المطر على عيني سديتهه كرَدة فعل واتمنيت امنيه، وابتسمت لأن اتذكرت موقف صار بيني
وبين انمار مره ....
-《 جنت كاعده بالحديقه ببيتي وبحضني ابني
يغفي ، شوي وسمعت خطوات انمار اجه كرص خدي وكعد يمي وهمس ( سلام يا حلوين ) ، ابتسمت
وكلت :
- اهلاً حبيبي الله يساعدك .
= هلا بيج شلونج ادهم شلون صار ؟ ،
كال هيج واجه يتحسس حرارته بأيده وباسه .
YOU ARE READING
فَقيدة أنمار
Fantasyفتاه هادئه وحساسه من عائله متواضعه جبيرة اهلها ومدللة ابوها تذهب فصليه بسبب ابن عمها ،... . . . الضابط انمار ابن الشيخ انسان عصبي وعديم الشفقه لأبعد درجه وبعيد كل البعد عن الحب والغرام ،... __ماذا سيفعل بعد ان يقع بالحب وهل سوف يرحم فصليته؟!. *ملاح...
