فَقيدة أنمار

بارت 11

.
"كانت سمراء غاوية
ذات شامة على الشِفة السُفلى
كانت عينيها واسعة
وكُنت أشاهد فيهن حياتي كُلها
أولها وآخرها
كان شعرُها طويلٌ بما يكفي لتنساب يدّي بداخله
كانت آيةً خاصة من الجمال
ذلك الجمال الذي لا يتركُ للمرء لُغةً ولا حرف
بل يبقيه مكتوف القلب أمامه
مُسلمًا نفسه تسليمًا كاملاً له".♡
.
.
.
.
.
-زهراء : فزيت من النوم حاسه بثكل وما اكدر احرك جسمي ، انمار محاوط خصري بأيديه وراسه على كتفي حاولت ابتعد عنه شوي بس ما كدرت همست بصوت ناصي ..
: انمار وخر مني اريد اكوم ، احجي وهو ما انطه اي ردة فعل نومه ثكيل ، مليت ضليت ادفع بي وكلت : انماار بسررعه اكعدد ، وهو رأساً فز رفع راسه باوعلي بصدمه وكال : ها شكو شنو صار .

ما تحملت طكيتهه ضحكه بوجهه وكلت : صباح الخير ، ضل صافن ويباوعلي بتساؤل ،وكال ..
: شبيج تخبلتي من الصبح ؟
-زهراء : لا ما تخبلت بس صارلي ساعه اكعد بيك وانتَ متقبل .
-رجع نام علي حضني قوي وكال : عبالي صار شي رجعي نامي بعد وكت .
-صرت ناار من الخجل كلت : ااا لا انمار خليني اكوم عيب تأخر الوقت .
-قرب راسه يم ركبتي شم عطري وكال : العطر مو اخذته منج هذا نفسه لو اتخيل ؟
-دفعته من كتفه وكعدت وكلت : ايي مو شسمه طلع عندي واحد ثاني مثله .
-انمار : هاا هيج الحجي يعني جذبتي علي مو ..
-كلت بارتباك : لا مو قصدي اجذب بس ناسيه عندي واحد ثاني وبس امس خليت منه .
-انمار : يله هلمره سماح المره ثانيه الج عقاب .
-زهراء : شدعوه عقاب علمود عطر !؟
-انمار :اي عقاب بس بطريقتي .
-رفعت حواجبي وكلت : شلون يعني ؟
-انمار : شكلج تستهزئين اوريج العقاب هسه .
-ضحكت بدون ما افهم وكلت : لا خلي غير مره خليني اكوم هسه الحجيه وحدهه جوه .
-ابتسم وكال : تمام بس حضريلي ملابسي وياج .
-هزيت راسي وكمت من الجربايه رحت حضرت ملابس انمار وأخذت الي ودخلت للحمام غسلت وبدلت لبست دشداشه نازكه مال بيت ، طلعت ضليت امشط بشعري وحسيت نصه اجه بالمشط جان انمار كاعد على الجربايه شافني واني ألم شعري من المشط ورحت ذبيته كام يريد يدخل للحمام وكال : هاي ليش هيج شعرج ؟
-زهراء : عادي طبيعي فتره ويتحسن .

*(شعري كل فتره يضل يتساقط بكثره بسبب قلة الفيتامينات وقلة الاكل).

-هز راسه ودخل للحمام ، اني بسرعه سويت شعري ضفيره راخيه وخليت مكياج خفيف وخليت عطر بس ما خليت من عطري لان ما يقبل انمار ، رحت رتبت الجربايه ورشيتلهه عطر ، سحبت البرده وفتحت الشباك حتى يتغير هوى الغرفه جانت اكو مبخره كهربائيه وعلبة بخور على الميز بخرت بيهم الغرفه ، طلع انمار وكف يم المرايه دار علي وكال ..
-انمار: بنيتي انطيني علاكة التضميد قبل لا تنزلين .
-زهراء : تمام ، اخذت العلاكه ودنيت الكرسي يمه .
-باوعلي وكال : الكرسي المن ؟
-زهراء : تكعد حتى اضمدلك .
-انمار : لا ما يحتاج انه اسوي .
-زهراء : لا خليني اني اضمدلك خاف ما تسيطر .
-كعد على الكرسي وكال : يله ضمدي .
-ضمدتله جرحه وكملت ، كال : عاشت ايدج خوش مضمده ، ابتسمت وكلت بثقه...
: اي اني جنت احب التضميد عند اهلي وجنت مسؤله عن الادويه بس احد يتمرض انطي حبايه فلو اوت واكله هاي هيه طبت .،