فَقيدة أنمار

بارت 14

.
.
.
.
-انمار : يله هسه دور زهراء نشوف معدلهه .
-بطني مغصتني وتوترت كلت بتوتر : ايي .
-ضل يباوع شوي واختفت الابتسامه من وجهه وكال : حراماات لييش هيج زهراء ؟

-دمعن عيوني وكلت : لا انمار لا تكولهه درجتي موحلوه موو ؟!
-انمار : لا موخوش درجه توقعت احسن .
-نزلت دمعتي ودخت وكلت : حباب يله كول والله كلبي ضل يأذيني ..
- ابتسم وكال : اشاقه بنيتي معدلج 98 وبي بوينت .
- ضليت مصدومه كلت : صدُك والله ؟
-ضحك وكال : اي الف مبرووك .
-حسيت الادرينالين صعد الراسي ضليت واكفه واباوع واضحك بدون وعي ،
اجه انمار حضني حيل وباسني بخدي وكال : عفيه ببنيتي الف مبروك .
-بادلته الحضن وكلت : عمريي الله يبارك بيك .
-حنين : احم احم نَحنُ هنا .
-انحرجت نسيت هُمه موجودين وخرت من حضن انمار اجتي حنين ابتسمت وباركتلي والشيخ والحجيه كذالك ،
خلصناها ضحك وكل شوي حنين تكوم تطفر وتركص وترجع تكعد ، جانت احلى ساعه او اكدر اكول جان احلى واسعد يوم بحياتي ،.
كل ثواني اكول الحمدالله ماضاع تعبي وتعب اهلي علي ..
-ابو انمار : الف مبروك بناتي يوم الاشوفكم بأعلى المراتب انشالله .
-اني وحنين : شكراً الله يبارك بيك شيخ .
-زهراء : من رخصتكم رايحه اتصل على اهلي وابشرهم بنتيجتي .
-ام انمار : اخذي راحتج حبيبه .
صعدت لغرفتي واني اركض فرحانه اخذت التلفون واتصلت على امي شوي وفتحته كلت ..
-زهراء : الو امي شلونج
-ام زهراء : هلا بيج ماما زينه انتي شلونج
-زهراء : ماما اني كُلش زينه إحزري شنو صار اليوم ؟
-ام زهراء : شنو صار يمه لا تخوفيني عليج احجي ..
-زهراء : هههه لا ماما لا تخافين صار شي كلش حلو
شي اني جنت اتمنى وانتي هم جنتي تتمنيلي يا .
-ام زهراء : ايي ماما كافي احجي وترتيني .
-زهراء : ماماا طلع معدليي ٩٨
-ام زهراء : صدك تحجين ؟.
-زهراء : هههه اي ماما بنتج راح تصير دكتوره ..
ضلت تهلهل وتبجي بعدهه باركلي ابوي واخواني فرحولي حيل ضليت ادردش وياهم ،
كاعده احجي ويه اختي وكلت : عنوب شلونه ثائر ؟
-بهالإثناء دخل انمار للغرفه بس سمع اسم ثائر تغيرت ملامحه .
-زينب : زين قبل شوي جانو اهلي يمه بالمستشفى يكولون شوي احسن ، بس لا تخافين ما يموت ههههه .
-زهراء : هههه ولج لا احد يسمعج عيب .
-زينب : لا عادي يولي خلي يموت اصلاً يستاهل .
-زهراء : ياا عزه حتى لو مايصير تدعين على اي شخص بالموت .
-زينب : ايي عوفي يولي كوليلي انتي شلونج زوجج شلونه وياج عاد صاك لو لا هههه.
باوعت لأنمار ابتسمت وكلت : يعنيي زين ..
-زينب : هههه كتلني الفضول دزي صوره شي.
-زهراء : هههه انشالله .
-زينب : عمري يله اخذي راحتج تصبحين ع خير .
-زهراء : أجمعين عمري باي سلميلي .
سديت الاتصال وي اختي وكمت جان انمار كاعد ع الجربايه لازم تلفونه ويدخن ،

اخذتلي بجامه ودخلت بدلت ، فتحت شعري مسرحته خليت مرطب وعطر ورحت يم انمار وكلت : تريد شي قبل ما اطفي الاضويه؟
-هز راسه وكال : جؤ
طفيت الاضويه ورحت كعدت ع الجربايه واني فرحانه وكل شوي ابتسم ،.
كام انمار للحمام اخذ دوش وطلع اجه تمدد يمي ابتسم وكال : شلونهه الشطوره .
-ابتسمت وكلت : كلش زينه .
-انمار : شلونهم اهلج وشنو جوابهم على نتيجتج ؟
-زهراء : كلهم فرحوا وباركولي وخاصه امي .
-انمار : وثائر؟
-باوعت بأستغراب وكلت : شبي ؟
-انمار : هسه سمعتج تسألين علي ، حجيتي وياا شنو؟!
-زهراء : اي سئلت لان مسوي حادث وحالته خطره وبس .
-انمار : يعني هسه انتي ما حجيتي ويا ؟!
-زهراء : لاا انمار انته ليش ما عندك ثقه بيه ؟
-انمار : مو شغلة ثقه مجرد انه ما احبه ولا اريد تذكرين اسمه على لسانج .
-زهراء : ليش عيني هو انه بس سئلت شسويت ؟
-عكد حاجبه وكال بعصبيه : ايي لاتسئلين انسي عندج ابن عم اعتبري مات .
-ضحكت وكلت باستهزاء : هسه انته ليش عصبت شنو تغآر علي مثلاً ؟
- تقرب علي يباوع بعيوني وكال وهوه عاكد حواجبه
: اي أغآر ،.
-رفعت حواجبي وكلت : ههه تحجي صدك لو تشاقه ؟
لمس خدي وكال : تصدكين هيج من الهوى الي يلامسج اغار ، وحنين من تحضنج هم أغار ، ومن تضحكين وي غيري ، ومن تجي عينج بعين اي شخص غيري ، ومن احد يشم عطرج ، ووو تردين اعدد بعد ؟
-ضليت صافنه ما اعرف شنو اجاوب بعدهه ابتسمت وكلت : وشنو سبب الغيره واني بنضرك مجرد فصليه ؟
-دار وجهه استغفر وكال : راح تعيدين السالفه وتزعلين؟
-زهراء : لالا ما ازعل بس يعني انطيني سبب ليش تغار علي ؟
-انمار : خلي ننام مو هسه اكلج .
-زهراء : لاا انماار حباب كول هسه .
-انمار : تعاي نامي غير مره .
-كعدت ع الجربايه واباوعله منتضره جوابه بفضول ..
-انمار : انه راح انام وانتي ضلي .
-زهراء : اوك نام وباجر بس تكعد تكولي تماام؟
-انمار : انشالله يله هسه تعاي نامي يمي.
-تمددت يمه دخلت بحضنه وكلت بصوت ناصي : انمار سؤال ؟
-جاوبني وهو حاضني : كولي
-زهراء : راح تخليني اداوم كُليه موو؟
-انمار : ما ادري الله كريم.
-بعَدت منه وكلت : شنو ما تدري انمار اني اريد اداوم عفيه لا تكسر بخاطري ..
-انمار : شش كافي نامي .
-ضجت وبنفس الوقت خايفه انمار ما يقبل ويضيع تعبي ، درت وجهي عنه وحاولت انام ما كدرت شوي وحضني وضل يشم بشعري ، درت علي وكلت : انمار ؟
= ها عيني
- عيني وحدة؟!!!
چـا عينك الثانيـة إلمن!!
= ياعيـوني آنــتِ،
شسـوين بعيـني وگلــبي يمج ؟
-ابتسمت ودفنت وجهي بصدره وكلت : يعني انت ما تحبني ؟
-انمار : ليش تسألين ؟
=لعد ليش ما تخليني اداوم :)
-باسني بخدي وكال : اذا طلعت كليتج حلوه وبنفس كلية حنين اخليج بس إذا كليتج وحدج أنسي شي اسمه دوام ..
-ضجت حيل سكتت وضليت مركزه بعيونه .
-ابتسم وكال : احجي لا تضلين ساكته .
-حاوت ابتعد عن حضنه ما كدرت حاضني حيل كلت : شوي وخر عني اريد انام .
-قرب وجهه علي وكال : نامي
=ما اريد انام بحضنك وخر خنكتني .
-تنامين لو اخنكج بغير طريقه ؟
=شلون يعني ؟
-قرب وجهه باسني قريب من شفتي بعدهه حاول يبوسني بشفتي دفعته وكلت : انماار كافي .
-ضحك وكال : يله نامي .
-حضني حيل ضل يلعب بشعري وكل شوي يبوسني ويشمني ويكول : بوويه انه الج ..
=ليش ؟
-ماالج دخل نامي .
-دفنت راسي بركبته وغفيت ..
.
.
.
-فزيت الصبح على صوت المنبه فز انمار وكال وهو مغمض عيونه : طفي المنبه بعد وكت .
=اوك ، طفيت المنبه رجع حضني انتضرت لحد ما نام ، وكمت من الجربايه ،
دخلت للحمام اخذت دوش ع السريع ولبست تراك بيت مرتب وكفت يم الميز امشط شعري ،.
كام انمار من الجربايه واجه يمي وكال انمار : صباح الخير .
-ابتسمت وكلت : صباح النور .
=شعندج كاعده من الصبح ؟
-شبعت نوم وكلت اخلص شغلي من وقت ، درت علي وكلت بدلع : حتى اليوم انته توديني لأهلي ..
= تقرب يمي ورفع حاجبه وكال : ليش اوديج شنو تغير ؟
-ما تغير شي بس انت مو وعدتني توديني والله مشتاقتلهم حبااب،.
=خوش بس مو اليوم غير مره .
-ليش شنو عدنه اليوم ؟
= اليوم تجي ساره وراح يجون اهل ياسر علمود نحدد يوم خطوبة حنين .
- ابتسمت وكلت : ياا صُدك والله .
- بادلني الابتسامه وهز راسه وباسني بخدي حيل وراح للحمام ، كملت نفسي ع السريع ورتبت الغرفه وحضرت ملابس انمار ونزلت ،..
صبحت ع الشيخ والشيخه ورحت لغرفة حنين وكلت بصوت عالي : حنوون كعديي ..
-فزت وهيه مخترعه وكالت : ها شكو شنو صار؟
-ضحكت وكلت :يله كعدي اليوم يجي حبيب القلب وغمزت .
-صفنت وكالت : ياسر ؟
-هزيت راسي وكلت : اي حبي اليوم يحددون خطوبتج .
-طفرت من الجربايه وكالت بفرح : ياااايي صدك تحجين؟
=ايي عمري .
-ضليت تركص واجت حضنتي وباستني بخدي وكالت : احلى خبر من الصبح .
-ضحكت وكلت : اني رايح احضر الريوك .
=تمام حبي ثواني وجايه وراج .
- ابتسمت على فرحتهه وطلعت للمطبخ بديت احضر الريوك ، اجه انمار وكال : اني رايح للمركز محتاجه شي قبل ما اطلع .
=لا بس اكل شوي قبل لا تروح .
-انمار : انطيني بس جاي .
=اوك ، ورحت سويتله لفة صغيره ووياهه كوب جاي انطيته وكلت : اكل بس هاي .
-ضحك اخذهه من ايدي وكال : خوش .
اجت حنين راح باست اخوهه وكالت : صباح الخير .
-انمار : هلا حبيبتي صباح النور ، شلونج ؟
-حنين : الحمدلله وانته ؟
-باوعلي وابتسم وكال : كلش زين .
ضحكت حنين وكالت : الله يديم .
كام انمار ترخص وطلع لشغله اجو الشيخ والحجيه تريكنه سوه حجه الشيخ وكال ..
-ابو انمار : حنينه اليوم راح يجون اهل ياسر ونحدد الخطوبه تردين تحجين شي يعني عندج شرط ، إعتراض شنو تردين احجي هسه ولا تسكتين عن أي شي بنيتي .؟
-ابتسمت وكالت بخجل : لا بويه انته شنو تكول اني موافقه وشرطي بس يخليني اكمل دراسه .
-ابو انمار : خوش بنتي الله يوفقج انشالله .
-كامت حنين باست ابوهه وأمهه وكالت : الله يخليكم النه .
-ام انمار : حبيبتي بنيتي انتي .
ضلينه نضحك ونسولف . . . . .