جالسة بغرفتها ترفض الطعام والشراب فقط نائمة تبكي دموعها تسيل علي وجهها
تريد حبيببها الوحيد تهمس باسمه كل ثانية ها قد مر اسبوعان وهي بنفس الغرفة يدخل لها هارون لتنظر له بغضب وكره ولكنه لايهتم
قطع عليها تفكيرها دخوله لتتافف
هارون دون ان يظهر عليه شئ : وبعدين معاكي يا ليل الاكل بيخرج زي ماهو انتي كده بتموتي نفسك
ليل ببرود : انا هنا ليه
هارون بتنهيدة طويلة ليجلس علي الكرسي بجانب فراشها : اعرفك بنفسي هارون الاشقر رجل اعمال عايش في القاهرة لكن انا في الحقيقة الشخص اللي كنتي بتتكلمي عنه و بتحاربيه في خطاباتك
ليل بصدمة : انت اللي كنت بتخطف الاطفال انت السبب في حرقة قلب كل ام علي ابنها انت الشيطان عديم الرحمة قاتل الابرياء
هارون بغضب : ايوة انا بس ده كان قبل ما اقابلك كنت انسان من غير قلب كنت انسان عديم الاخلاق لكن من بعد ما حبيبتك وحبيبت برائتك بقيت انسان تاني
ليل بكره : اخرس انا ميشرفنيش ان واحد زيك يحبني انت لازم تموت لازم تكون عبرة لامثالك
هارون بوجع : مش ذنبي اني كبرت لاقيت نفسي كده انا اتربيت في جو العصابات في بيئة الضعيف فيها مالوش مكان قررت افضل كده قررت محبش وقلبي عمره ما فكر يميل لواحده ولا يعرف معني الحب غير علي ايديك يوم ماشوفتك اول مرة حلمي انك تحبيني وانا هعملك كل اللي نفسك فيه
ليل بغضب وصراخ : متقولش بتحبني انت شيطان ثم انا عمري ماهحبك انا قلبي محبش ولا هيحب غير زين جوزي
هارون بشر وهو يصرخ في وجهها : متجيبش سيرته خلاص انسيه زي مانساكي كلهم في مصر تعايشوا مع موتك وزين نزل الشركة و المستشفي ومش بعيد يدخل في قصة حب جديدة
ليل بانهيار : انت كدااب
هارون باصرار : لا مش كداب خلاص انسيه وكل ما اقتنعتي اسرع سهلتي علي نفسك وعليا المهمة انا انقذتك من الموت كانوا عاوزين يقتلوكي
ليل ببكاء : ياريتك كنت سمعت كلامهم
هارون بحب : مقدرش قولتلك انك بقيتي كل شئ بالنسبة لي
ليل بكره : وانت ولا حاجة بالنسبة لي
هارون بشر : هنشوف يا ليل لما تسمعي خبر موت حبيب القلب ممكن اكون حاجة بالنسبة لك
ليل بصراخ : لا لا ارجوك ياهارون انا هنساه بس انت سيبه في حاله
هارون يومئ لها بابتسامة نصر
ليقوم ويخرج ويتركها منهارة علي حالتها التي وصلت لها لتهمس باسمه كالعادة
بالقاهرة
بمبني المخابرات
يقف كرم يتحدث بالهاتف بغضب
كرم بغضب : انت يابني ملف كامل بالمعلومات يكون علي مكتبي انت فاهم انا مش عاوز مشاكل تاني
زين وهو يدخل عليه دون ان يطرق الباب ويجلس امامه
اغلق كرم الهاتف ليذهب ويجلس امام زين الذي اختفي منذ اكثر من اسبوعين
كرم بهدوء : زين انا بحاول وانت مش مساعدني بتشتغل لوحدك وبتدور لوحدك وكل واحد مننا بيدور في اتجاه غير التاني
عرفت مين اللي كان بيتجسس علينا ووصل العلبة لغرفة ليل
كرم وهو يجلس وينظر له بإنصات : حارس البوابة الخارجية
كرم بتساؤل : وانت عرفت منين
زين ركبت جهاز تعقب لكل اللي شغالين عندنا وفضلت اراقبهم اسبوعين كان الوضع تمام الا واحد بس كان كل يوم بيروح لست غلبانه في بيت بسيط كده يديها فلوس واكل ويرجع فضلت وراه لحد ما عرفت ان الست دي تبقا ام البنت اللي ماتت مكان ليل
كرم : وهو فين
زين : متحفظ عليه في بدروم القصر
كرم بتفهم : مش في مصلحتنا ان هارون يعرف انه اتمسك لانه نقطة وصل بينا وبينه هارون بيتابع اخبارنا عن طريقة
زين يومئ له بفهم
ودلوقتي لازم ناخد منه كل المعلومات اللي هتساعدنا نعرف هو فين
مستشفي الحكم
نور : وانا اساسا بحب التحدي فلما طلب مني اتحداه بكل بساطه وافقت ومكنتش اعرف ان طارق عاوز ينتقم مني كان السبب اني افقد التوازن و دخلت بالعربية في شجرة وجيت هنا كانت الممرضاات متجمعة حوله يستمعوا لقصته بهيام وتأثر بغرفته
ليأتي ذلك الاعصار من خلفه
حلو اوي انتو سايبين شغلكم والمرضي وجايين تضيعوا وقتكم ووقت المستشفي علشان تسمعوا الاستاذ مخصوم لكل واحدة فيكم تلات ايام ويلا من هنا مش عاوزه نقاش
نور ببرود : بس انا مريض انا كمان وبيهتموا بيا
جهاد بغضب لاتعلم سببه : هو المريض مش محتاج الراحة ولا حضرتك فرحان ومعجب بلمة البنات حواليك قعدتك طولت هنا بسبب عنادك
نور بحب : الوحيدة اللي محتاج وجودها بعيدة عني وبتهرب ليتابع بحزن : ولا بعد ماعرفتي حالتي اقدر اقول ان مفيش امل خلاص
جهاد بحزن وهي تتذكر
فلاااش باك
دكتورة جهاد دكتور اشرف عاوز حضرتك في مكتبه
دكتور اشرف : المريض اللي وصل المستشفي في حادثة سيارة ايه حالته
جهاد باستغراب : الاشاعات طلعت سليمه مفيش غير كسر بسيط و يومين وهكتبله علي خروج لما نتيجة التحاليل تطلع
اشرف بأسف : نتيجة التحاليل قصادي
جهاد بتساؤل : واقدر اعرف ايه اللي في التحاليل
اشرف بعملية : ورم بمنطقة حساسة بالمخ للاسف الورم لازم يتم اسئصاله في اسرع وقت والا هيسبب مشاكل تانيه احنا في غني عنها
جهاد بصدمة وهي تومئ وتاخذ التحاليل وترحل معرفتها لمرضه اوجع قلبها هي لم تكن تهتم لتصرفاته وغزله لها كلما رأها مابها الان هي طبيبة يأتي اليها كل يوم مئات المرضي ماتلك الدموع
في نفس خروجها كان نور ينتظرها في غرفته
نور بمزاح : دكتورة جهاد بنفسها هنا وفي غرفتي المتواضعة انا لو كان عندي خبر كنت قومت فرشت الارض رمل
جهاد دون ان يظهر عليها شئ : ممكن نتكلم جد شويه
نور وهو يكشر بوجهه مازحا : انا من يوم ماعرفتك وانتي بتتكلمي جد وبتزعقي بجد هو في أجد من كده
جهاد بابتسامة : لا انا بتكلم عليك انت تسمعني وتكون جاد شوية
نور وهو مأخوذ بجمال إبتسامتها : الشمس طلعت بعد ما ابتسمتي جهاد بسخرية : احنا بليل
نور بحب : لا دي شمس قلبي اللي طلعت ونورت
جهاد بتاثر وارتباك من حديثه : اخذت تشرح له ما عرفته وانه يجب ان يقوم باجراء جراحة دقيقة في اسرع وقت
اختفي مرحه ليظهر في عيناه وجع تراه جهاد لاول مرة : ولو معملتش العملية
جهاد بتأثر : مفيش اختيار تاني العملية الحل الوحيد
نور ببرود : انا مش موافق
جهاد بصدمة : بس انت كدة بتعرض حياتك للخطر وممكن للموت
نور بابتسامة شاحبة : كنت حاسس اني هروح لهم قريب ثم القرار ده يرجعلي انا انتي يهمك في ايه اعمل العملية او لا
ليقوم ويتركها ومن وقتها وهو محجوز بالمشفي ويتصرف تصرفات تثير غضبها بجانب انه عاد لروح المرح والمزاح مع جميع الممرضات ويتجاهلها منذ ذلك الوقت وهو سعيد برؤية غيرتها ولكنها دائما ماتهرب خوفا من ماضيها ولكنها عرفت اخيرا حقيقة مشاعرها اتجاه نور وما شعرته ناحية زين كان وهم المراهقة
باااااك
جهاد دون تفكير : نور انا بحبك
نور ينظر لها لدقائق لايستوعب ماقالته لتومئ له جهاد بتأكيد
نور بابتسامة حزينة : بس انا مش محتاج شفقة منك
جهاد بنفي واصرار : انا بيمر عليا اكتر من ٣٠٠ مريض يوميا في اللي حالتهم خطرر وفي اللي بيكونوا بين الحياة والموت لو انا بشفق عليهم كلهم يبقي هقول لكل واحد بحبك بقي
انا مش بشفق عليك انا فعلا بحبك
نور وهو يقترب منها بسعادة : بجد ياجهاد
جهاد : بس مفيش اي خطوة جدية بينا هتم الا اما تمضي علي موافقة العملية
نور بجدية : مخاطر العملية هي اني ممكن ماشوفش تاني وممكن افضل طول حياتي علي كرسي هترضي ترتبطي بانسان عاجز
جهاد باندهاش من معرفته لتلك الاعراض الجانبيه التي خبئتها عنه
ليكمل نور : بابا الله يرحمه كان عنده نفس التعب ورفض يعمل العمليه ومات ووالدتي مستحملتش خبر موته وتوفت في نفس الشهر وانا عايش لوحدي منكرش اني كنت شاب تافه ومستهتر عايش بفلوس ابويا بصرف وبتفسح وسباق عربيات لكن بعد ما عملت الحادثه وشوفتك عرفت اني عاوز اعيش لاني لسه محققتش اي شئ من احلامي عاوز اكمل حياتي معاكي
جهاد بدموع علي حال ذلك الشاب المرح الذي يحمل بداخله حزن العالم اقتربت منه : صدقني دكتور زين من امهر الاطباء الجراحين مفيش جراحه دخلها اللي وخرجت ناجحه خلي عندك امل وثقة وكمان الاثار الجانبية دي مش اكيد بتحصل في كل الحالات بتحصل بنسبة ٢٠%
نور بحب : انا مش عاوز دكتور زين اللي يعملي العمليه
جهاد بتساؤل : دكتور جمال ؟
نور بنفي : لا دكتورة جهاد
جهاد وهي تبتعد عنه تحرك وجهها يمين وشمال
ليقوم نور ويقترب منها ويمسك يدها ليرفعها علي شفتيه يقبلها بحب: انا هوافق علي العمليه لكن بشرط انتي اللي تعمليها
كادت جهاد ان تتحدث
ليقاطعها نور بدموع : ارجوكي علشان ابقا مطمن لو عشت يبقا انتي السبب ولو مت ابقي مت علي ايديكي
جهاد ببكاء : مقدرش يا نور الجراحه مش سهله
نور بحب : هووافق لو انتي اللي هتعمليلي العمليه
بعد يومان
تم تجهيز نور لاجراء الجراحة ووضعه علي السرير المتنقل ودخل غرفة العمليات لينظر بابتسامة عاشقة لجهاد الواقفه بقلق تستعد ومعها طبيب مساعد طقم من الممرضات وبعض الاطباء المتواجدين خلف الزجاج يشاهدونها كانت خائفة ترتجف لينادي لها بهمس اقتربت منه ليهمس لها في اذنها ببعض الكلمات : انا حبيبتك من اول مرة شوفتك فيها ومن وقتها وانا بحلم باليوم اللي هتبقي مراتي فيه ولو اليوم ده مجاش طلبي منك انك تسمي بنتك فرح لانها هتبقي فرحتي لانها هتكون بنسخة منك ولو ولد سميه نور علشان ديما لسانك ينطق اسمي وتبقي فكراني اوعي تنسيني ياجهاد ليغلق عيناه ببطئ بدأ مفعول المخدر يسير بجسده
وسط بكاء جهاد وشهقاتها لتبدأ اول واخطر تجربه في حياتها
الولايات المتحدة الامريكية
المطار
دخل متخفي ومعه كرم يسير بثقة يتذكر مكالمة مصطفي زوج غرام
عندما اخبره بأنه كان يسير مع غرام يتسوقوا بالمول وفجأة غرام لمحت فتاه تشبه ليل ولكن شعرها وملابسها مختلفين تسير مع رجل رأته من قبل ولكنها لا تتذكر
لم ينتظر زين وكرم ليذهبوا لذلك الخائن ويستجوبوه بطرق اشد واقسي ليعترف بان هارون يتواصل معه واخر مرة كانت من امريكا
وها هو بأمريكا ومازال المشوار بعيد لمعرفة مكانها
قررت ليل ان تتبع طريق اخر مع هارون فهو يحبها حسنا ستستغل ذلك الشئ لصالحها قررت اعطائه الامان واشعرته انها استسلمت بالامر الواقع
تتذكر حين طلبت منه ان تخرج قليلا تغير من مودها السئ وتفكر جيدا ليوافق وبالفعل كانت ماتوقعته لقد غير اسمها واوراقها كما انه غير من مظهرها حتي لايتعرف عليها احد
ذهبوا الي مول كبير للتسوق وجلست معه بالكوفي شوب وبعدما انتهوا ليقرر الرحيل في نفس لحظة دخول مصطفي وغرام لتتقابل نظراتها مع غرام التي رأتها واتسعت عيناها صدمة يالها من تدابير الله لكم دعت وها هو يستجيب لدعائها لم تبين شئ حتي لا يؤذيها هارون لتخرج معه دون ان ينتبه تتمني ان تكون غرام اخبرت مصطفي واخبر زين فزين سيفهم بالتأكيد عليها ان تحاول الذهاب لنفسه المول مرة اخري
اصبح هارون خاضع لها تماما متيم بها حبها يسيطر عليه يأخذها معه بكل مكان استطاعت ان تعرف معلومات خطيرة وتعرف منه انه ليس وحده بل هناك منظمات كبيرة تمول العصابات وتساعدهم في تجارة المخدرات والاعضاء وهارون ماهو الا خيط من ضمن الخيوط
ظل زين وكرم يبحثوا بسرية تامة ذهبوا الي المول ومن خلال الكاميرات استطاعوا رؤيته وهي معه لقد اشتاق لها شكلها مختلف تماما ولكن قلبه عرفها من اول لحظة
زين بغضب : الكلب مغير شكلها
كرم : اهدي يا زين لازم نفكر بعقل ونشوف هنعمل ايه احنا هنا مش في بلدنا يعني كل خطوة محسوبه علينا
زين بغضب : متنساش اني كنت هنا تلات سنين حافظ كل شبر فيها
فيلا هارون
استغلت ليل خروج هارون في اجتماع مهم ذهبت لمكتبه دون ان يشعر بها احد لتفتح اللاب توب ثم تأخذ جميع المعلومات التي تدين هارون وكل اسماء المشتركين والمتورطين معه سمعت صوت سيارته لتغلق اللاب وتجري علي غرفتها وتحاول ان تخفيها بعيدا عنه
دخل الغرفه ليجدها نائمة
هارون يقترب منها بحب ينظر لها بعشق خالص ليجلس بجانبها : انتي ازاي بالبرائة دي عملتي فيا ايه جننتيني هوستيني ليأخذ تلك الخصلة المتمردة ويقربها من انفه يشتمها لقد سحرته وسحرت قلبه ليقوم ويغلق الباب لتفتح عيناها التي ادمعت شوقا لحبيبها زين
في الصباح ارادت الذهاب الي المول تدعو الله ان يكون الحظ حليفها
هارون بحب : صباح الخير
ليل ببرود : انا مخنوقة وعاوزه اخرج شويه ولوحدي
هارون بابتسامة : عاوزة تخرجي تحت امرك لكن لوحدك دي مستحيل
ذهبت المول اخيرا وهو معها جلست بالكوفي شوب شعرت باليأس لم تجد شئ غرام لم تعرفها لتمتلئ عيناها بالدموع
ليل ببرود : انا داخله الحمام
كانت شهقاتها عالية تبكي علي حالها وما اصابها لتضع يدها علي بطنها ببكاء شديد ثم تهمس : بابا هيجي ينقذنا انا عارفه وحاسه انه معانا متقلقش يا حبيبي
لتغسل وجهها من الشحوب الذي بدي عليها والضعف منذ ان علمت بحملها كما انها تخشي انا يلاحظ هارون شحوبها ويؤذي طفلها
خرجت وكادت ان تخطوا خطوة للخارج لمحت ظله قلبها توقف لثواني اخذت انفاسها للتتمالك حالها لقد اخبرته غرام وفهم زين وهو هنا حقا في نفس المكان كان يقف بعيدا مع بعض الحراس وهارون الاقرب لها نظر هارون باتجاهها ليري نظراتها للواقف لم ينتظر ثواني وكان امامها يأخذها من يدها واخرج مسدسه
هارون : لو صرختي ولفتي النظر المسدس ده هيبقي في قلبه يلا بينا
سريعا اخرجت من جيبها الفلاشه التي سجلت علبها جميع الاعمال المشبوهة والقتها مع تلك الورقة علي الارض ودموعها تنهمر بقوة وهي تري حبيبها زين ولا تستطيع الصراخ باسمه لترحل من المول دون ان ينتبه لها
يقف مع بعض القوات الخاصة متخفيين وكرم بالجهه الاخري عندما وصلتهم الفلاشه والورقة المكتوب عليها باللغه الانجليزية ))ساعدوني واوصلوا تلك الفلاشه الي السفارة المصرية ليل )) توصلوا اللي المنطقة ولكن اين بالتحديد لا يعرفوا
كان هارون يجلس مع باقي العصابة حيث جمعهم بملهي ليلي ليتم الاتفاق علي العملية الجديدة لقد اخذ احتياطاته من التنكر
نزلت من السيارة ترتدي زي المغنية ليالي لم يستطيع احد التعرف عليها لقد غير هارون من هيئتها تماما
لمحت زين يقف من بعيد مع القوات الخاصة غير منتبه لها لتدخل الملهي سريعا حتي لا يفهم هارون ويهرب مثل ما حدث في.المول
استقبلها هارون بنظرات غامضة وعاشقة مبهورة بجمالها امسك يدها واجلسها بجانبه ابتسمت لها ابتسامته لا تصل لعيناها حاولت ان تبدو لطيفه جلست تستمع له ولغزله دون اعتراض وبداخلها خائفه حد الموت ان يرحل يجب ان تفعل شئ تلفت الانتباه تلك الفرصة الاخيره فهارون قرر اليوم ان يرحلوا الي بلد اخري بعدما علم بوجود زين عليها فعل شئ ولكن كيف والحراسه المشددة من هارون لتأتي لها فكرة لتنحني علي اذنه تهمس له ببضع كلمات ثم تقوم باغراء اجادته
لتسير ببطئ وتصعد علي خشبة المسرح
اشارت للموسيقي بأن تبدأ بعد ان اخبرتهم اسم الاغنيه واللحن
بدأت بالغناء وبصوت قوي نظر لها هارون بعد ان ترك من بجانبه يتحدث وجميع حواسه منتبهه لها
كان يقف بالخارج لمح الاحباط بعين كرم
كرم بغضب : ضاعوا مننا يا زين ضاعوا
زين يلتفت كالمجنون هنا وهناك فجأة صوت الاغنيه
زين وهو ينصت لذلك الصوت : ششششش
حاول ان يقترب اكثر واكثر من الصوت ثم اخيرا صرخ الاغنيه يا كرم الاغنيه الخاصة بيا دي اشارة من ليل هي عارفه اننا هنا
كرم عاد له الامل
اقتربوا اكثر من الصوت
زين بحماس : هنا هنا يا كرم في الملهي ده
ليوجه حديثه للقوات : استعدوا
دخل زين متخفي وسط الناس لتقع عيناه عليها تعالت دقات قلبه كان سيموت ان فقدها مرة اخري كانت تغني لتلمحه لتبتسم له لم يلاحظها غيره
كانت تغني بفرحة ظهرت عليها"
"""" كيف طاوعك قلبك تبعد وتنساني """"
كرم بالخارج يجمع القوات ويحاصروا الملهي
زين ينتظر الاشارة بقلب متلهف كان كالميت ورؤيتها احيته من جديد
تغني بصوتها العذب فرحة بذكائه بينما هو يسيطر علي حاله بصعوبه يريد قتل ذلك القذر وهو يري عيناه عليها بتلك الطريقة توعد له باشد العذاب
انتهت من الغناء ليذهب لها هارون بنظرات عاشقة ذهب اليها في نفس اللحظة التي اعطي كرم فيها الاشارة لزين ليتجه سريعا يمنع هارون من الاقتراب لينهال عليه باللكمات وينقلب الملهي لساحة حرب وكاد افراد العصابة لن يهربوا ولكن كرم دخل بقواته وقبضوا عليهم
لمح زين جومانا وهي تحمل السلاح وتصوبه اتجاه ليل قائله بجنون : لازم تموتي انتي اخدتيه مني وانا مش هسيبهولك لازم تموتي جري عليها سريعا ليأخذها باحضانه لتطلق الرصاصة
صمت صمت وصراخ ليل
نظرت لزين الذي يحتضنها بانهيار تطمئن عليه لتحمد الله انه بخير لتنتبه للواقف خلف زين وهو ينظر لها بابتسامة عاشقه وعيون تدمع ثم يقع ببطئ
عندما لمح زين السلاح المصوب اتجاه ليل جري عليها ليحميها في نفس لحظة وصول هارون لتخترق الرصاصة قلبه من الخلف ليقع تحت نظرات ليل الباكية ثم يشير بيده بضعف لتقترب حاول زين منعها ليتحدث بضعف : ارجوك كلمة واحدة واخيرة
اقتربت ليل منه ليهمس لها : اول مرة شوفتك كان اليوم اللي وقفت فيه وغنيتي نفس الاغنيه اللي غنتيها اليوم عرفت انها اشارة كان ممكن اخدك واهرب تاني لكن خلاص صدقت انك عمرك ماهتحبيني انا اللي بعت رساله للبوليس بميعاد العمليه وفي الفون بتاعي كل المكالمات ومواعبد العمليات اللي حصلت واللي هتحصل والباسورد ( ليل ) والخزنة اللي في اوضة نومي فيها ملفات مهمة جدا هتفيدك الباسورد تاريخ اول يوم شوفتك فيه انتي الحاجة النضيفة اللي قبلتها في حياتي سامحيني ياليل علي اللي حصل مني كان نفسي اموت نضيف لكن ملحقتش ريحي قلبي وسامحيني ليتوقف عن الحديث وتتوقف نبضات قلبه لتصرخ ليل جذبها زين لاحضانه وهو يهدأها : اهدي ياحبيبتي خلاص الكابوس انتهي اهدي انا كنت مرعوب يحصلك حاجة
ليل بانهيار : انا اللي وصلت نفسي لكل ده يازين انا اسفة ياحبيبي انا ...
ليقاطعها : شششش اهدي اهم حاجه انك رجعتي لحضني من تاني ومش عاوز حاجة من الدنيا
ليل وهي تنظر لعيناه وتاخذ يده وتضعها علي بطنها : مش انا لوحدي اللي رجعت لحضنك في حاجة هنا كانت محتاجة حنان ابوها
لينظر لها زين بزهول ثم يحتضنها بفرحة وهو يضحك قائلا : بحبك يا ليل بحبك يا اجمل ام في الدنيا
حمدالله علي سلامتكم نحن الان بمطار القاهرة الدولي
احتضنها زين بحب وكرم بجانبها سعيد لهم تبتسم بفرحة وهي تري جميع افراد اسرتها المنتظرين لها بالخارج بلهفة عندما ظهرت صرخوا جميعا فرحة اولهم كانت والدتها التي جرت عليها لتأخذها بحضنها بلهفة وبكاء وشهقات عالية
سوار : بنتي حبيبتي ونور عيني حمدالله علي سلامتك يا قلب ماما كنت هموت بسببك ليه كده ياليل حرام عليكي
ليل ببكاء : بعد الشر عنك يا حبيبتي
عزيز بدموع : انا شوفت شهرين بعمري كله
ليل : سامحني يابابا
نوران ببكاء : ضربتها بالقلم وسط صدمة الجميع ثم حضنتها بشوق وبكاء كان هيجرالي حاجة من الخوف عليكي
ناريمان : احتضنتها بسعادة وفرحة لرجوعها سالمة وبخير
قسم التي احتضنتها ببكاء : انا اسفة يابنتي اني كنت سبب في اللي حصلك واني فرقت بينك وبين ابني
ليل بحنية : انا الجزء ده نسيته من حياتي وهنبدأ مع بعض حياة جديدة وصفحة بيضة
ليأتي زين من الخلف ويتحدث بتعب : اظن انكم اطمنتوا عليها عن اذنكم بقا يلا ياليل
قسم بتساؤل : علي فين
زين : علي بيتنا لسه عندنا كلام كتير اوي متكلمناش فيه وكمان علشان ترتاح ليأخذها من يدها ويرحل ثم يلتفت اليهم من بعيد واه نسيت اقولكم ان ليل حامل وسط صدمة الجميع وشهقاتهم
كرم بغيظ لنوران : علي فكرة انتي زوجة معندكيش دم
نوران بعدم استيعاب : هي دي وحشتيني بعد شهرين بعد
كرم بسخرية : لا ارجوكي كفاية القبلات والاحضان لللي استقبلتيني بيها انا هروح اشوف عروسه تانيه تهتم بيا وتستقبلني بحرارة ليتركها ويرحل ببرود لم تستوعب ما قاله لتفيق علي كلام والدتها
ناريمان بمرح : ليه حق يتجوز الصراحة وانا بنفسي اللي هدورله علي عروسه
نوران بغضب كده ياماما ماشي مش مسامحاكي
لتجري وراء كرم : استني ياكرررم اصبر نتفاهم بس والله بحببببببك
وسط ضحكات الجميع والسعادة عادت لهم من جديد
انتظروا النهاية بعد قليل
قراءة ممتعة
مع تحياتي
Rehab ayman