سهام : مبرووك يا عرووس ؟؟
" بعاين في احمد الساكت و مبتسم "
احمد : اخبارك يا بت العم ؟ طيبه ؟؟
سلوان : يمة العريس اااا اا " ماده صباعي على احمد " ...
#بمقاطعة
احمد : قولي بسم الله يا بت اعمي عريسك هداك في صالونكم
"النخيل مع سهام بتضحك "
احمد : المدينة نستك سلامك علي الاهل سمح ولا قولة احمد العريس دا هي الخلعتك اطمني يا سلوى اتي إن بقيتي اخر البنوت في الدنيا دي انا ما دايرك يا بت اعمي
والقلب مشي لي تانية
"عاين لي النخيل"
وان شاءالله ياخالتي تفرحو بي قريب بس اكنت راجي ادخل سهام دي ياها امرها البهمني.
"سهام بتتكشم ساي"
سلوان بإندهاش : ازيك يا احمد انا اتلخمت بس وربنا يتمو علي الخير ، وانت عارف موقفي من اخر مرة وكلام امي وكلامنا سو
#قاطعها
احمد : القلب القاسى تخاف منو الحجاره يا بت امي ، اتي كدا يا سلوى والله يديك ود الحلال اليحنن قليبك..
النخيل : احمد يا ولدي دا كلام شنو الحار دا ، نعلو عشان سلوان ما رادتتك؟!!
سلوان : بشبه ضحكة والله يا هو يمة
كلامو بقول كدا زي البتتفشي فيني
احمد :حاشا يا عمتي ما هو كل شي قسمة ونصيب
بقولو الكلام اكان داير تكملة هملة ويا عمتي سلوان سديت بابا بقت زي سهام واحد اخت وانا راجل عندي كلمتي وبقولا ليك قدامك وقدام امك ما رايدك الله يعدلها عليك وتلقي ودالحلال اليصونك ، واحمد اطمني من ناحيتو الا اجيك يبشر ويبارك ماسك عروستو فوق يدو.
النخيل اتحسست : كدي يا اولادي استهدو بالله سلوى اخوك دا وينو ، احمد كدي خش خش الصالون للرجال ديل ، ويا سهام تعالي معاي المطبخ "بتعاين لي سلوان المتضايقة" اتحركي يا سلوى
سلوان : " متضايقة من كلام احمد القالو لانها هي المتعودة تقول الكلام الحار ما حصل سمعتو"
سمح يمة مش لما اعرف العريس التاني كمان اول
سهام : بتضحك كررر علي يا سهام التانية ترا ما براي الشفقانة ، الشفقة تطير تقع في البير "بتضحك"
"سلوان ما ردت شالت حاجات اريج وجاتهم طالعة"
مدثر انا اعصابي باظت خلاص العريس ال في الصالون دا شنو ؟!!
"مدثر بضحك وعينو في اريج المبتسمة"
ياخ دا حسام زميلي في الشغل الجا مرة اتغدى معانا
سلوان : اهااااا ومالو خامي اهلو وجايي انت وافقت بدلي يا مدثر ولا شنو؟!!
مدثر : دا كلامك يا سلوى ، انتي عارفاني ما نوع الاخوان البفرض حاجة عليك ، ولا كان زمان عقدت ليك علي احمد وانتهيت .
اريج : بتضحك وحبت تلطف الجو بالذات عصبية سلوى : كان تعقد ليها عاملة راسها القوي دا
"بضحك "
سلوى : ما فايقة ليك ارح ارح خشي طيب لما يمشو
اريج جرت حاجاتها من يد سلوان : يابت اخش شنو انا اتأخرته وننوية بقيت بخليها كتير وامي بدت تشكي وتلوم فيني ، ما بقدر اقعد انا ماشة هي يلا سلام "جرت سلوان سلمت عليها وبهمسة" مبروك يا عروس "بتضحك"
"دفرتها منها "
#قاطعهم
مدثر : امشي يا اريج بوصلك انا
جيت داخلة منهم علي برندة المطبخ لان الهول فيه الضيوف وشايفة الباب مقفول
سلوان : يمة وينا سهام قدمتو ليهم حاجة؟!
النخيل : اي سهام يديها العافية سوت الشاي ورتبت الصينية والعصير احمد شالن وخشه عليهم قت ليها خشي اوضة سلوى ارتاحي فيها.
اخوك وينو؟!
سلوان: مشى يقدم اريج ، انا بخش عليها
"جات داخلة لقت سهام تهبش في حاجاتا"
سهام : انا بدور متل حاجاتك دي يا سلوى ، واقفة قصاد شريحة التوليت لونها ابيض من درج واحد تحت وفوق صايد مراية ، تعاين في روحها
انا شينة يا سلوى!!!
سلوان : ماف زول شين يا سهام ، اخلاقك هي البتسمحك وهي البتشنيك بس
سهام : النبي هسي انا ما اتغيرته "جات علي سلوان القاعدة في السرير وماسكة تلفونها" سلوى؟!!
سهام : اي يا سهام
سهام : اعفي لي العملتو فيك زمان انا والله ندمانة وسافة التراب يا بت اعمي ، وهسع عرفته قيمة روحي وانعدلته وحات الله والكلام الشين خليتو خلاس ، علا الليلة ونحن جايين في الشارع ما قدرت امسك روحي فلته في البنات بقيت اقابض فيهن اجي عاد اللبس عدم الطرحة شنن!!!
سلوان بتضحك : ربنا غفور رحيم وانا ما عندي معاك شي وتانيا الف مبروك ليك الله يتمو علي خير ، ياكي سهام البعرفها
"بضحكو"
سهام : سمح اكان اتصافينا ما بتجهزيني لعرسي انا دايرة اسوي كدي كدي يايمة عاد يحكو ويتحاكو بي في الدخينات.
سلوان : بجهزك لما ما تعرفي روحك اصبري بس ، كدي هسي تعالي اوريك الصور دي
—من جانب تاني—
ندى دام نور معاك انا ماشي المطار الاقي الطيب اوك
ندى : كويس ومنتبهة في شاشة اللابتوب
نور : بتعاين ليه ، منو الطيب ؟!!
مالك : دا صديقي شديد زول جميل جدا
نور : حا تچيبو معاك الشقة هنا ، نفسي اتعرف بكل طرف بخصك
مالك بعاين ليها بإستغراب ، لما ندى انتبهت لي نور
ندى : احم احم نور هاك ركزي معاي هنا ، في التصميم دا
"مالك طلع "
نور : ندى خلينا نتونس شوية كفاية شغل، رسلي لي كل التفاصيل علي ايميلي حا ارجعها بالليل وبكرا بديك كل رايي اوك يا مزة ، تعالي تعالي "جرتها من يدها" نعمل لينا نسكافيه اول ونقعد في البلكونة الچو چميل
احكي لي عنكم وعن مالك هو مرتبط؟!!
ندى بتضحك : عارفة يا نور انا اول شي عاجباني صراحتك انتي جريئة
نور : اممم كتير قالو لي كدا ، انا اتربيت هنا واصدقائي كلهم اچانب وچنسيات تانية وطبيعة شغلي اثرت علي اكتر فا بقيت احس كلامي عادي بالعكس ما چريئي ، مش افضل من الف وادور وانا في نفس الوقت حابة اعرف عن الشخص القدامي ..
ندى : انا لو مشروعي دا ظبط اول شي بفكر فيه اعمل صداقات زيك كدا واطلع وادخل بمزاجي واعمل اي حاجة نفسي فيها بدون قيود بس يا خسارة مالك ما اظن يوافق
نور : بإستغراب ليش ما يوافق؟!! انا شايفة مالك متساهل
ندى بتضحك : يابت ما شفتي الجانب التاني انتي لسه ، مالك ما بحب الحرية الاكتر من اللازم يعني مش انا اختو هو واثق فيني ومديني حريتي بس في خطوط حمرا ما اقطعها يعني من الاخر هو لسه متمسك بالسودانية حقتو زي ماا بقولو الراجل الحمش الما بحب اختو او واحدة من بنات اهلو تنطلق ساي بخت حدود للحتة دي.
نور : عارفة يا ندى انا واحدة بؤمن بالمقدسات الخمسة !!!
#مقاطعة
معليش بس ما فهمت كلامك يعني شنو مقدسات خمسة
نور : ههه يعني الحب الحرية الكرامة السلام والفن علي فكرة انا برچ العقرب اممم اها يب اول چاوبيني ، هو عندو حبيبة؟!! وتانيا مالك برچ شنو؟!!
—جانب عزالدين—
تسنيم : طيب كان تصبر الموضوع يبرد بعداك تمشي تتقدم ليها يا عزالدين م حار حار كدا
"رفع راسو عن شاشة اللابتوب '"
عزو :انتي بتتكلمي عن شنو ؟!!
تسنيم : عرسك من سلوان يا عزو انا عارفة اي شي
"شبه ضحكة"
تسنيم معليش انا الباب دا قفلتو وهسي قطعت تزكرتي وشايفاني مشغول ، لو تجهزي لي شنطتي من بعد ازنك اذا سمحتي يعني لانو طيارتي بكرا
تسنيم بإستغراب : امرك مجاب يا عزو
"طلعت وبتتكلم مع روحها "
غريبة مالو رايق كدا وقفلني كمان والله حيرتني يا عزو معاك
—عزالدين—
ضاقت بيك يا عزو؟!!
"ضرب بيدو اليمين علي صدرو"
اثبت ، اثبت يا عز
ما شاء الله كان ، وما لم يشأ لم يكن...
عزو :
" دع الشموس تضيء خباياك الحزينة، ثم حاول أن تقنع البائسين أن هذا النور المتوهج فيك، شمس انبثقت من أعماقك بلحظة أمل ساطع.
أخبرهم أن الحياة بربيعها وخريفها فصول ومراحل، كلها ستتعاقب على أرض أيامك،
بشحة المسرات ستجف أيامك وتذبل الأحلام، لكنه ذبول لن يدوم، فالفرح وإن طال انتظاره سيأتي محملًا بأمانيك المزهرة.
—جانب تاني—
مالك بنادي عليه
اووو يا طيبوب ياخ الامارات كلها نورت خش خش يا حبيب والله مشتاقين
الطيب : حبيبي حبيبي تعال " بتسالمو بالاحضان" والله ليك وحشة يا ملوك والسعودية والشركة بلاك بقت بايخة صدقني بالغت فينا .
مالك : الله غالب يا طيبوب بس الواحد ما بدفر الاحسن ولا شنو يا خوة
"بطق في كتفو"
الطيب : والف مبروك المناقشة يا زول ربنا يسهلا عليك واسمع عنك كل الخير والخالة والاهل وندى والسودان كلهم كيف
مالك : والله في امن وامان كلهم بخير وبسلمو وسائلين عنك يا حبوب
الطيب : وعزو؟!!
مالك : كدي هسي ارح خلي الكلام دا ملحوق "جراه ومشو"
"ساعة زمن والطيب ومالك كانو في الشقة "
خش يا الطيب خش دقيقة بس
بنادي ندى ندى نوريان مشى علي الممر لي جوه
نور : جاتو طالعة نحن ف البلكونة
مالك : معاي الطيب جهزو لينا عشاء بس وما تجو بي هناك انا بجي اشيل الحاجات
ندى : حا ينوم هنا؟
مالك : لا بنطع بعد شوية
"جا عليه " اها يا طيبة اخبار الشركة والشغل كيف والمشروع ببدا متين؟!!
الطيب : لسه ابوعمر ما طرح الموضوع لكن سمعت تحت تحت انو زي ناوي يضمنا مع ناس ماجد "بضحك بإستهتار" يعني اتخيل بنكون تحت امرة ماجد وكلو من صاحبك دا
مالك : عزو!!! اووف يا الطيب والله انا مخنوق منو بطريقة اصلي ما اتوقعتو يطلق ندى بالبساطة دي بعد كلامي معاه
الطيب : كلامك؟!!
مالك : والله قلبي واجعني يا طيبوب حاسي اني استعجلته ما عارف ياخ انا السويتو صح ولا غلط ، لما قلت لي عزو طلق ندى و
#مقاطعة بصوت خلاهم يرفعو راسهم
• اهلا وسهلا "مادة يدها" نوريان!!
الطيب بعاين لي مالك مستغرب ومدا يدو وعليكم السلام
"قعدت جمب مالك"
علي فكرة من مالك قال انك صديقو المقرب انا قبل اشوفك ختيت ليك شكل في راسي هههه
مالك : اتضايق شوية
الطيب :" بشبه ضحكة "ان شاءالله شكل يكون جميل زيي كدا بس
نور بضحكة : دمك خفيف
مالك : العشاء جهز يانور؟!!
نوور : ايوة شبه كدا
مالك : طيب معليش عن اذنك عندي كلام معاك تعالي شوية ، دقيقة يا الطيب اخد راحتك
الطيب بعاين ليه وبهزة راس دي منو؟!!
"جو داخلين المطبخ "
مالك : نور معليش بس ممكن تخليك مع ندى لاني بتكلم مع الطيب في كلام خاص شوية
"طلع منهم"
ندى بتعاين ليه من وراه مش قلت ليك ما تمشي ابيتي تسمعي كلامي وانا عارفة مالك واخوي
نور : عادي ما زعلته اسمعي انتي عزو منو؟!!
ندى بضيق : دا طليقي
نور : ايوة يعني قريبكم مثلا؟!!
ندى : لا صديقهم برضو وكانو شغالين مع بعض
نور : مالك زعلان سمعتو قال لصحبو استعجل عزو بطلاقك؟!! وانا شايفاك يعني زعلانة عليه هو دا ما قرارك؟!!
ندى : لا قراري وانا ومالك واحد يعني في الاخر عاوز مصلحتي
نور : طيب انا اتاخرت يا ندى وبكرا شغالة رسلي لي الاتفقنا عليه بكل التفاصيل ح اساهر فيه
ندى : اقعدي شوية لما مالك يمشي ويجي
نور : بالود يا حبوبة بس مرة تانية
"بوسات"
"جات طالعة "
مالك انا ماشة فرصة سعيدة يا الطيب نتلاقى مرة تانية اوك
الطيب : اكيد
"باي وطلعت"
الطيب : دي بت الامارات قول لي؟!!
مالك : ياها زاتا
الطيب لكز مالك : والله انت مفتري ياخ احرجت البت وهي عينا فيك
مالك : انا في شنو وانت في شنو كدي خليني اشوف الاكل واجيك
"جا داخل"
ندى : "حكت ليه كلام نور القالتو ليها"
"بشيل في الصحانة وطالع الصفرة اختصر كلامو"
بنتكلم يا ندى بعدين !!!
ندى : جات داخلة مسكت اللابتوب ونعسانة بتتثائب وبترسل في البيانات والخطط تحديد الملفات كلمة السر وصفحة الفيس والموقع "بتكتب"
جهات الاتصال اممم
تم الارسال.
[شارع ال٦٠ ]
طالعين في الشارع
مدثر : فرصة سعيدة يا جماعة شرفتونا والله
واحد من ال مع حسام : ربنا يتم الفيه خير الف شكر ليكم
حسام : اميين "بعاين لي مدثر مبتسم"
ومسكو من يدو براحة حا انتظر الرد يا مدثر زي ما قلت لي بشرني بخبر سمح
مدثر : الفيه خير ربنا بعملو ما تستعجل ياوحسام كل شي قسمة ونصيب وانا كلمتك اذا هي قالت لا انا ما بقدر اجبرها.
حسام : خير ان شاءالله
"ودعوهم وجا داخل مع احمد لقو النخيل وسهام وسلوان طلعو بره في السراير قاعدين
احمد : اها يا جماعة انا بمش
مدثر : افو ياود العم دا كلام شنو انت بايت معانا الليلة هنا تمش وين
"سهام قامت"
النخيل : اجي ياولدي في ليلكم دا تمشو وين وحات الله ما تمرقو من خشم الباب دا مدثر اتكلم معا
مدثر : ما بخلي يمة ، سهام اقعدي قبلك
احمد : سهام التقعد انا برجع الفندق النزلنا في وباكر بجي ان شاءالله
مدثر : مسكو من يدو والله ما تطلع من هنا قلت ليك
احمد : يا مدثر اخوي ما تصعبا علي وحات الغالية دي "اشر علي النخيل" خليني النمش .
"مدثر مسكو ومشى طلع معاه سلوان ساكته شايلة رقية بتهز فيها في السرير و سهام والنخيل بتونسن قاعدات في سرير "
—جانب مالك والطيب—
التكسي الاتصل بيه مالك للطيب جا واقفين بره الشقة تحت
• يلا يا ملوكي تصبح علي خير "مسكو عليه"
—بينا تلفون يا طيوب بنتفاهم الليلة ارتاح ونوم كويس والصباح رباح
"جا داخل لقى ندى قاعدة في الصالة بره"
مالك : قايلك نمتي انتي
ندى : نعسانة بس ما قدرت وااا اممم
مالك : بس بس عارفك محرحر ليك كلام نوريان القالتو
"متضايق"
ندى : معليش يا مالك بس نور عفوية والله البت دي بتتكلم ساي لكن من جواها طيبانة
مالك : كان ما كدا ما كنت خليتك تتعرفي بيها اصلا
ندى : ما عليك اصبر عليها هي كمان ما غلطتها زولة عاشت حياتها هنا وانت شايف طبيعة شغلها فا ممكن براحة تصحح ليها مفهومك واوعك تبقي دبش كفاية لبنى
مالك : "بضحك" ههههه نور ما زي لبنى اصلا لبنى ما استلطفتها
ندى : ايوااا ايوااا وانا اقول غريبة مالك رقم تحرر نور بس بحس ان في كيمياء بينكم ، مع اني ختيت ليك لبنى لكن ما علينا نور برضو تستاهل
مالك : احم احم مش تستاهل المحاولة
ندى : "سرحت بعيد"
مالك : ندى تعالي اقعدي جمبي "قعدت" انتي ما كنتي مقتنعة بطلاقك من عزو؟!!
ندى : ااا اممم انا طلبت الطلاق في النهاية
مالك : بس انا الاتدخلت واستعجلت عزو امكن امكن
ندى : امكن شنو يا مالك؟!!
مالك : امكن لولا كلامي عزو ما كان طلق!!!
ندى : شنو؟!!! ياتو كلام؟!!
مالك!!!!
_________
مدثر جا داخل بعد ودع احمد
جا قعد في السرير التاني
مدثر : يمة عندي معاك كلام
النخيل : ان شاءالله خير لعريس سلوان ولا شنو؟!
سلوان : يمة مدثر عارف ردي كويس وانا قلتو ليه
مدثر بعاين ليها : خير يا سلوان بس قولي بإسلوب احسن
سلوان : انا اسفة "سكتت" اها موضوعك شنو قول
"سهام تعاين ليهم ساي"
مدثر : يمة انا دايركم تمشو معاي تتعرفو بأهل اريج
النخيل : اجي من متين دا؟!!
مدثر وسلوان مستغربين فيها
سلوان : اجي انتي يمة مش كنتي مستعجلة تعرسي لمدثر اها وقت جاك تقولي ليه متين دا؟!!
النخيل : انا والله اكنت دايرة لي واحدة ما معرسة
سلوان : طيب اشمعني بت بدرية زمان كانت ليك حلوة ، هسي يمة اريج ما فيها عيب رايقة وخدومة وبتتحبه
مدثر : ما موافقة يعني عليها يا امي؟!!
النخيل : ات مش دايرا انا تاني رايي فوق شنو؟!!
مدثر : عشان دايرك المرة دي تكوني رضيانة وفرحتي تكمل يا يمة يا ام مدثر
قشت دمعتها النزلت جارية: يمة دي منك يا مدثر سمحة بالحيل وقت تقولا ، سمح يا ولدي نمشي طوالي محل قلبك يريد امك معاك ، الله يتم الفيه خير
ايوووووي سهام زغردت
فرحت ليك ااا مدثر تستاهل السمح اته
سلوان بتضحك : ياااارب ، اديك رقمها تكلمها ولا اكلمها انا بكرا
سهام ردت : اجي دي عيبة يا بت امي كيفن تدي رقما ، حدثيها اتي ، وحات الله انا الليل اياهو شفتو فد مرة ما بعرف دربو بوين .
مش كدي يا عمتي
النخيل : كدي بالحيل ، كلميها اتي يا سلوى وباكر اكان الله مدا في العمر نمش ليهم تعارف .
مدثر : ان شاءالله يلا انا داخل تصبحو علي خير.
سهام براحة سلوى كدي تعالي النسألك منحرجة من قبيل ..
سلوان : اها
"قربت عليها وس وس وس"
بتعاين ليها!!!!
#دمتم_ بسلامة🍂
#سحر_سمير
#فاطمة_قسم_الله