الحرمان بعد العطاء

البارت 24

الحلقة 24

بقلم الكاتبة///هاجر صباح///

(بارت طويل لهل عيون الحلوة الاحبها😘😍🤩)

زينب ...

رحت الماما بعد ما كانت عيونها تدمع ووجها احمر دخلت لكيت بابا مدنك راسة من سمع خطواتي رفع راسه وعيونه حمرة دمعت عيوني كعدت وماما كعدت يم بابا وكالت:يمة اريدج ام بيت وتعتمدين

على نفسج ما اريدج تفشليني كدامهن ويكولن زوجت بتها وهي كلشي ما تعرف راح اعلمج على الحلويات والاكلات الي ضعيفة بيها ...نزلن دموعي من مجرد فكرة اعوفهم حظنتهم واني ابجي بصوت عالي بابا تقدم وتقرب مني وحظني كال

الله يسعدج بنيتي هي هاي سنه الحياة يلا حبيبتي مسحي دموعج مسحت دموع وماما ضلت تشاقة وياي وابتسم بألم مر اسبوع على الخطوبة وبيوم سمعت التلفون يرن جاوبت واجاني صوته الوو زنوبة؟

جاوبته بصوت كلة حنان:اي حبيبي اني شلونك كلبي..

رد_الحمد لله حبيبي باجر عازمج بمطعم ال.... ماشي؟
جاوبته بتفكير_اوك اكول لاهلي بس كم الساعة ؟؟
ساعة ب 8 الصبح على ريوك كاهي وكيمر يخبل مثلج وصدك الاسبوع الجاي يجون اهلي ونتناقش بخصوص الزواج ...

اوك حبيبي... ضلينه نسولف الى ان سديته وخبرت اهلي وافقو ...ثاني يوم بدلت فستان مشمشي وشال اسود وجنطة سودة ورشيت عطر وخليت مكياج قليييل كولش وانتظرته براس الفرع وشفته اجه قابلته بأبتسامة وهو بادلني بأبتسامه طويله اشبه للضحكة واجرنه تكسي وطلعنه للمطعم المتفقين عليه وصلنه نزلت وهو نزل وراية ودخلنه جان مطعم يجنن اغاني ام كلثوم اضافة لرائحة القهوة

ونسيم البارد الدافئ لان احنه مقبلين على صيف دخلت وصوت الضحكات تتعالى طلبنه اكل وضلينه نتبادل نظرات الي كلها لهفة وحب الى ان اجه الاكل رتبته على الطاولة وكعدنه ناكل بهدوء كملنه كال

شوكت ناوية يوم الزواج او بعد شكد؟؟
كتلة والله ما ادري انتم قررتو؟؟

كال _اي ناقشت اهلي وكالو الموعد المناسب بعد اسبوعين بس ردت رأيج ..

كتلة مو بسرعة خلي بعد شهر..
_لا حبيبتي اني مستعجل ما عندي شي ..
كتلة_اوك حبي بس اشوف اهلي ...
كال بتوتر_زين اني اريد هي عرس هي حنه بيوم واحد لان الصراحة ما اريد هوسة ومدري شنو شوفي ممناقش اهلي بهل موضوع بس الج ..

كتلة بحيرة_والله ما ادري الله كريم
_يابة غير ردت انجلط شهل جمال ولج تموووتين طلعتي بالخطبة الله اعلم شطلعين بالعرس ياابة متلهف احظنج ..

ضحكت علي
كال_باجر اجيب غرفة اخشاب ان شاء الله وبعد يومين اخذج تشوفيها ماشي؟

_ماشي حبيبي ...طلعنا من المطعم ورجعنه للبيت...