الحرمان بعد العطاء

بارت 22

بسرعة طلعت واني حمرة من العصبية واعصاب بحيث حتى ما ودعت ولا اي احد ولكيت ماما بالحوش تسولف وي النسوان عبرت منهن وطلعت بسرعة صاحتني ماما بس ما جاوبتها لكيت شهاب وصلني للسيارة صعدت لكيت سمارة دا توكل غزل فواكة مقطعة ..

كعدت واني أتأفأف دا تسألني وصعدت ماما كالتلي بعصبية_طايحة الحظ متسمعيني من صحتلج ونوب حظرة جنابج متسلمين على النسوان مو من مقامج مووو؟؟؟
ضليت ساكته جاوبتني بصياح ..

_موووو داااا احاااجيييج احجييي لج
دا انطق وحسيت اجاني راشدي فر وجهي فر وكعت على الجهة الثاني واني مصدومة باوعت لامي بنظرة عتاب وحزن واردفت بخنكة ..

_تضربيني!!!! مااااامااااا تضربيني لان ما سلمتتتتت!!!؟؟؟ليييش هاااا شسوييييت موووو شي مهم اذا سلمت او لا درت وجهي بسرعة واني دموعي ما اعرف شلاااال غزيير من الدموع ينزل من عيني يحرك خدي الطري ...

سمارة......

صعدت بالسيارة ووياي غزل لكيت الولد مصفطين الغراض كلها ومثل ما اجينه سيارة بيها الغراض كلها واني وشام وسارة وحمزة ورافد  بالصدر والباقين بالسيارة الثانية دا اوكل غزولة لان جوعانة وزهراء قطعتلي فاكهة وما لحكت اوكلها جبتها هنا ودا اوكلها واجت سارة صعدت وهي وجها احمررر وترجف من الاعصاب دا اسألها شبيج ..

واجت شام صعدت وضلت تحجي على سارة وسارة ساكتة الى ان انصدم بضربة على وجه سارة مستحيييل هاي اول مرة تضربها شام لان دائما سار من هي صغيرة عاقلة رغم اني اكبر منها بسنه بس هي تنصحني وعقلها اكبر من عمرها وكامت تصيح وتبجي باوعت لشام بعتب وهزيت راسي واكتفيت بالسكوت اما شام بين عليها القهر والندم نزلت راسها وسكتت..

اجه رافد وحامد تفقدو الغراض وكلمن راح بسيارة وطلعنه السيارة تمشي تقريبا الدنيا غروب ومشه الوقت واني اشوف سارة بس تبجي وصافنه  اتذكرت نفس الشعور من قبل لا اتزوج رافد  شلون جنت اعيش الموت بحد ذاته الاجبار صعب كلش ويؤدي الى حالات انتحار هواية

والاهل يجبرون الشخص على الزواج ظناً منهم ان لمصلحتهم هلشي بس بالحقيقة هم ديظلمون ابنهم او بنتهم ما رح يكدر يسعد الانسان الي رح يرتبط بي حياته كلها وبهذا تكثر حالات الطلاق اما بسبب الاجبار الذي يؤدي بنسبة100/90 الى عدم الرغبة من جهة الاخر وعدم التفاهم لكلا الطرفين ...

والقليل مثلي الي تقبلت رغم انجبرت بس بالبداية صديت بس بعدين تأقلمت ورافد كان انسان جيد وكثير صفات متشابهة عدنه بالتالي تفاهمنه اما احيانا او الاكثر ما يكدرون يكملون حياتهم يبقون بالصد اما الخلل بيهم لان ميرغبون الشخص الي مرتبطين بي اما ان الشخص بذاته سيء الهم او اختيار الاهل لابنائهم يكون الشخص الخاطئ ولي يؤدي الى عدم التفاهم وبعدين من البنت تطلق في بعض المجتمعات كلمة مطلقة شيء عيب واي شخص يخطبها يوافقون بحجة ان البنت لازم يكتاجلها سند بالحياة !!!