သရဲအိမ်ထဲမှ ဖူးစာရှင်

Chapter (91+92+93+94+95) - (Zawgyi)

==========================

Chapter (92) –လူသတ်သမား၏  တောင်းဆိုမှု

သရဲအိမ်ပိုင်ရှင် Chen Ge တစ်ယောက် မြင်လိုက်ရသောရှုခင်းကြောင့် အံ့သြသွားရသည်။ 'မုယန်အထက်တန်းကျောင်း' မြင်ကွင်းက 'သန်းခေါင်ယံည လူသတ်သမား' မြင်ကွင်းထက် ပိုကျယ်ပြန့်ပြီး ဒီနေရာကိုလျှောက်ကြည့်စဉ် Chen Ge ၏ကျောမှာ အေးစိမ့်စိမ့်ခံစားလိုက်ရသည်။ အမှောင်ထဲမှာပုန်းနေသော တစ်စုံတစ်ရာက အချိန်မရွေးခုန်ထွက်လာတော့မလို ထင်နေမိသည်။

စာသင်ခန်း ၄ခု၊ ကော်ရစ်တာများ၊ အိမ်သာ၊ ရုံးခန်းများ...

မုယန်အထက်တန်းကျောင်းကို ပုံတူကူးကာ ဒီသရဲအိမ်ထဲမှာ တစ်စုတစ်စည်းတည်း သေချာနေရာချထားသည်ကို တွေ့လိုက်ရသည်။ Chen Ge က အောက်ဘက်စင်္ကြန်မှာ လျှောက်ပြီး စာသင်ခန်းများကို လိုက်ကြည့်နေမိသည်။ နံရံများက ဘိလပ်မြေနဲ့ဆောက်ထားပြီး ပြတင်းတံခါးများက လေတိုက်သောကြောင့် တကျွီကျွီလှုပ်ယမ်းနေသည်။ ပထမဆုံးစာသင်ခန်း၏ပုံစံက လက်ခံနိုင်လောက်အောင် ချောက်ချားမှုပေးနိုင်သည်။ သူက ဆက်ကြည့်ရင်း နောက်ဆုံးက ချိပ်ပိတ်ထားသည့် စာသင်ခန်းရှေ့ရောက်တော့ ဆံပင်များထောင်သွားသလို ခံစားလိုက်ရသည်။ ဒါက သရဲအိမ်ကိုပိုင်ပြီးနောက် ပထမဆုံး ချောက်ချားခြင်းဖြစ်သည်။ ဒီစာသင်ခန်းက မုယန်အထက်တန်းကျောင်းက အခန်းအစစ်နဲ့ တစ်ထပ်တည်းမတူပေမယ့် စားပွဲတိုင်းမှာ ဆေးနီသုတ်ထားပြီး စာသင်ခုံတစ်ခုချင်းမှာ ကျောင်းဝတ်စုံတစ်စုံစီ ချထားသောကြောင့် ပိုချောက်ချားရခြင်းဖြစ်သည်။

ဖန်းယွီအဖေ၏ဓာတ်ပုံထဲမှာ ကျောင်းဝတ်စုံအပြည့်ဝတ်ထားသည့် ကျောင်းသားများက ကင်မရာဘက်ကိုကြည့်နေခဲ့ပေမယ့် အခုစားပွဲပေါ်မှာရှိသည့် ကျောင်းဝတ်စုံများက အခု အခန်းဝမှာရပ်နေသည့် Chen Ge ဘက်ကို လှည့်ကြည့်နေသလို ထင်ရသည်။ အသက်ကိုပြင်းပြင်းရှိုက်ပြီး Chen Ge က အခန်းထဲကို ဇွတ်ဝင်သွားခဲ့သည်။ စားပွဲပေါ်က ကျောင်းဝတ်စုံတွေက သူ့ကိုလိုက်ကြည့်နေသလို ထင်ရသည်။

ဘာကြောင့် စာသင်ခန်းထဲမှာ ကျောင်းဝတ်စုံတွေ ပါလာရတာလဲ..။ ဒီဝတ်စုံမှာ ဝိညာဉ်တွေကပ်ပါလာတာလား..။ Chen Ge က ကျောင်းဝတ်စုံတွေကို တိတ်တဆိတ်ရေတွက်လိုက်စဉ် ၂၄ ခုရှိသည်ကို တွေ့လိုက်ရသည်။

'သန်းခေါင်ယံညလူသတ်သမား' ရာဇဝတ်မှုကို ဖြေရှင်းပြီးချိန်တွင် ယောင်းယောင်းနှင့် သူ့မိသားစုက ဒီသရဲအိမ်မှာ ရောက်ရှိလာကြသည်။ ဒါဆို မုယန်အထက်တန်းကျောင်းကိစ္စ ဖြေရှင်းပြီးတော့ ချိပ်ပိတ်ထားသည့်စာသင်ခန်းထဲက ဝိညာဉ် ၂၄ ခုက သရဲအိမ်ကို ရောက်လာတာများလား။ Chen Ge ၏ မျက်နှာက တွန့်သွားခဲ့သည်။ ဒါဆို အဆင်မပြေလောက်ဘူး။

ငါမှားတာဖြစ်မှာပါ..

Chen Ge က ဒီလိုတွေးပြီး တံခါးကိုပိတ်ကာ ထိုစာသင်ခန်းမှ ထွက်လာခဲ့သည်။ စင်္ကြန်၏အဆုံးတွင် အိမ်သာရှိပြီး ဘယ်ဘက်ကွေ့လိုက်တော့ ရုံးခန်းရှိရာကို ဦးတည်သွားပြီး ညာဘက်တွင် အမျိုးသမီးအိပ်ဆောင်သို့ ရောက်သွားသည်။ Chen Ge သည် စင်္ကြန်လမ်းကျဉ်းကျဉ်းကိုကြည့်ကာ သူ့ကိုပိတ်ဆို့ထားသလို ခံစားလိုက်ရသည်။ ကြယ်နှစ်ပွင့်အဆင့် သရဲအိမ်မြင်ကွင်းက ရှုပ်ထွေးနေပြီး သူသာ နောက်ထပ် side mission ကိုဖြေရှင်းလိုက်လျှင် ဒီမြေအောက်ကားပါကင်တွင် ချောက်ချားဖွယ်ဝင်္ကပါကြီးတစ်ခု ဖြစ်လာနိုင်တော့မည်။

Chen Ge က ကြုံရာအိပ်ဆောင်ထဲက တစ်ခန်းကိုဖွင့်ကာ ဝင်ကြည့်လိုက်တော့ ဒီအခန်းထဲမှာ ရှုပ်ပွနေပြီး ရာဇဝတ်မှုဖြစ်ပုံပေါက်နေသည်။ အမှတ်မထင် Chen Ge က ထိုအိပ်ခန်း၏စားပွဲပေါ်တွင် စက္ကူအပိုင်းအစနှင့် ဘောလ်ပင်တစ်ချောင်း တင်ထားသည်ကို တွေ့လိုက်ရသည်။

မုယန်အထက်တန်းကျောင်းမြင်ကွင်း Lock ပွင့်ဖို့ အဓိကလျှို့ဝှက်ချက်က ဒီဘောလ်ပင်ဖြစ်သည်။ Chen Ge က ဘောလ်ပင်ကို ဂရုတစိုက်ကောက်ကိုင်လိုက်သည်။ ဒီဟာက ကျိုးပဲ့အက်ကွဲနေလို့ တစ်စစီမဖြစ်အောင် သေချာလေးကိုင်လိုက်သည်။ ဝမ့်ချီး၏ လူပျောက်ကြေငြာက ယောင်းယောင်းတို့မိသားစုနှင့် Chen Ge ကို ရင်းနှီးသွားစေသည်။ ဒီလိုလျှို့ဝှက်ပစ္စည်းက သူတို့ကိုယ်ပိုင်ရည်ရွယ်ချက် ရှိကြသည်။ ဒီဘောလ်ပင်က ချိပ်ပိတ်ထားသည့်စာသင်ခန်းက ကျောင်းသားများနှင့် ရင်းနှီးအောင် ကူညီပေးနိုင်မလား။

Chen Ge က ဘောလ်ပင်ကိုကောက်ယူပြီး ပြန်ပြင်ဖို့ဆုံးဖြတ်ကာ ထိုအဆောင်မှထွက်လာသည်။

"ဘောလ်ပင်နတ်.. ငါ့ကို မင်း သဘောမကျတာသိပေမယ့် မင်းရဲ့ဘောလ်ပင်ကို ငါ ပြင်ပေးချင်ပါတယ်.. သဘောတူရင် စာရွက်ပေါ်မှာ စက်ဝိုင်းပုံဆွဲပြပါ.."

"ဘောလ်ပင်နတ်.. မင်းက ငါ့ရဲ့အရင်ဘဝက ဝိညာဉ်ဖြစ်ပြီး ငါက မင်းရဲ့ အရင်ဘဝက ဝိညာဉ်ဖြစ်တယ်.. တကယ်လို့ မင်း ငါနဲ့ရှိနေရင် စက်ဝိုင်းပုံဆွဲပြပါ.."

Chen Ge ဘယ်လောက်ရွတ်ရွတ် ဘောလ်ပင်က ဘာမှမလှုပ်ရှားပေ။

"ဘာကြောင့် အရမ်းတိတ်နေတာလဲ.. ငါလည်း ဒီကိစ္စမှာ မတရားခံရတဲ့သူပါကွာ.. ဟုတ်ပြီလား.."

Chen Ge လည်း မပြန်ခင် ပထမထပ်ကို လျှောက်ကြည့်လိုက်သည်။ စာသင်ခန်းထဲက ကျောင်းဝတ်စုံ ၂၄ စုံက လူတွေကို သိပ်မခြောက်လှန့်နိုင်ပေ။ နောက်မှ သရုပ်ဆောင်တချို့ငှားကာ ထိုဝတ်စုံများကို ဝတ်ခိုင်းပြီး ခြောက်လှန့်စေလျှင် ဧည့်သည်တွေကို ပိုကြောက်သွားစေနိုင်သည်ဟု တွေးနေသည်။ Chen Ge က သူ့အိပ်ခန်းကိုပြန်လာစဉ် ဖုန်းမြည်လာခဲ့သည်။ နံပါတ်ကြည့်လိုက်တော့ အင်စပက်တာလီထံမှ ဖြစ်နေသည်။

"အန်ကယ်စန်းပေါင်.. ကျွန်တော် ဘာကူညီပေးရမလဲ.."

မုယန်ကျောင်းကပြန်လာစဉ်က အင်စပက်တာလီနှင့် စကားပြောခဲ့ရသေးသည်။

"မင်း အလုပ်မများရင် ရဲစခန်းကိုလာပြီး ငါ့ကို ခဏလောက်ကူညီပေးပါလား.. လူသတ်သမားက မင်းနဲ့စကားပြောချင်နေတယ်တဲ့.."

"ကျွန်တော်နဲ့လား.. ကောင်းပါပြီ.. ခဏနေ ရောက်လာမယ်.."

Chen Ge ရဲစခန်းရောက်တော့ အင်စပက်တာလီက စစ်ဆေးရေးခန်းထဲထိုင်နေသော ဖန်းယွီ၏အဒေါ်ဆီ ခေါ်သွားပေးသည်။ သူမကို လက်ထိပ်ခတ်ထားသည်။

"အလောင်းတွေက ခွဲစိတ်စစ်ဆေးထားတုန်းပဲ.. သူမက မင်းနဲ့ပဲ စကားပြောချင်တယ် ပြောတယ်.. တခြားသူတွေ ဘာမေးမေး မပြောဘူး.. သူမက စိတ်မတည်မငြိမ် ဖြစ်နေပုံရတယ်.. ဒါကြောင့် မင်းကို လှမ်းခေါ်လိုက်ရတာပဲ.. မင်းတို့ စကားပြောကြဦး.."

သက်လတ်ပိုင်းရဲအရာရှိတစ်ဦးက ရှင်းပြကာ Chen Ge ကို စစ်ဆေးရေးခန်းထဲ တရားခံနှင့် ထားရစ်ခဲ့သည်။

"ကျွန်တော် အကောင်းဆုံးကြိုးစားပါ့မယ်.."

Chen Ge လှမ်းပြောလိုက်သည်။ အမျိုးသမီးက ဆံပင်ရှုပ်ပွနေပြီး ခေါင်းငုံ့ထားသည်။ သူမကိုကြည့်ရတာ ပင်ပန်းနေပုံရသည်။ ဆံပင်တွေက သူမမျက်နှာရှေ့မှာ ဖုံးကွယ်ထားသည်။ အနားကို လူကပ်လာသည်ကို ခံစားရပုံဖြင့် အမျိုးသမီးက ခေါင်းမော့ကြည့်ကာ Chen Ge ကို စိုက်ကြည့်လိုက်သည်။

"ခင်ဗျား ကျွန်တော့်ကို တွေ့ချင်လို့ဆို.."

Chen Ge က နည်းနည်းခွာပြီး သတိနှင့်မေးလိုက်သည်။ ဖန်းယွီ၏အဒေါ်က ခေါင်းကို လေးပင်စွာညိတ်ကာ ပြောလိုက်သည်။

"မင်းကို အိမ်သာထဲမှာ ငါပေးလိုက်တဲ့ပုံ ပါလာရဲ့လား.."

ဒီအမျိုးသမီးသာမပြောလျှင် Chen Ge မေ့နေလောက်ပြီ။ သူက အိတ်ကပ်ထဲမှာပါသည့်ပုံကို ဖြန့်ကာ ပေးလိုက်သည်။ ဖန်းယွီအဒေါ်က တန်ဖိုးကြီးရတနာကဲ့သို့ ပုံကို တယုတယ ပွတ်သပ်လိုက်သည်။

"၃နှစ်လုံးလုံး ငါ ဖန်းယွီအတွက် လုပ်ပေးသင့်တာအကုန် လုပ်ပေးခဲ့ပြီးပြီ.. ဒီပုံထဲက သက်ရှိလူသားက ၃နှစ်အတွင်း ငါမြင်ဖူးတဲ့ ပထမဆုံးပုံပဲ.."

ဖန်းယွီအဒေါ်က သူ့မိသားစု ကားမှောက်သေသွားပြီးကတည်းက စိတ်ကယောက်ကယက်ဖြစ်ကာ လမ်းပျောက်နေခဲ့ပုံရသည်။

"ဒီအရာတွေက ခင်ဗျားထင်သလောက် မရိုးရှင်းဘူး.. ဖန်းယွီက ကျွန်တော်နဲ့သူက တူတယ်လို့ယူဆတာပါ.. ကျွန်တော်က သူ့လိုပဲ တချို့အရာတွေကို မြင်နိုင်တယ်လေ.."

"အဲ့ဒီလိုလား.."

ဖန်းယွီအဒေါ်က ခေါင်းငုံ့သွားပြီး အခန်းထဲက တိတ်ဆိတ်သွားတော့သည်။

"ခင်ဗျား ဘာကြောင့် ကျွန်တော့်ကို လှမ်းခေါ်လိုက်တာလဲ.."

ဖန်းယွီအဒေါ်က စိတ်ပိုင်းဖြတ်ထားဟန်ဖြင့် Chen Ge ကို နူးညံ့စွာကြည့်ကာ ပြောလိုက်သည်။

"ကျွန်မက ဖန်းယွီရဲ့ တစ်ယောက်တည်းသော ဆွေမျိုးပါ.. ဒါပေမယ့် မကြာခင် သူ့ကို စွန့်ခွာသွားရတော့မယ်.. သူက တခြားကလေးနဲ့ မတူဘူး.. ဒါကြောင့် ရှင်အားတဲ့အချိန်ဆိုရင် သူ့ဆီသွားလည်ပေးဖို့ တောင်းဆိုချင်လို့ပါ.. တခြားကလေးတွေ သူ့ကိုအနိုင်မကျင့်အောင် ကာကွယ်ပေးပါ.."

========================