الفصل الثالث عشر **شهد الصعيد **
جاسر: وازاح الكرسي الجالس عليه ووقف ومال بجسمه للأمام علي السفرة انطجي عاوزة تجولي إيه وتجصدي إيه من وراه وخبط علي المائدة ففزع الجميع من هيئته إلا ناهد والتى عزمت امرها علي أن تجعله يكره شهد أو يزداد شكه بها .......؟؟؟
شهد: وماأن ابتعدت عن هذا المنزل ومعها صفية وبدأت تحكي لصفيه عما حدث معها الي أن جاءت إلي هنا مع رؤوف وصمتت للحظه واجهشت بالبكاء حسرة علي ما يحدث معها من ظلم وقهر ممن حولها
صفية:وبدات تبكى هي الاخري علي حالها وحال شهد بكفياكي عاااد أنى معوزاشي حدا يحس عليكي وانتى أكده وبلاش تطلعي علي الحرس منشان ميبلغوش رؤوف ويمنعك تدلي تانى وبكفياكى بكى ولازمن تبجى جويه منشان ولدك وكمانى توعي لصحتك علشان لما نهمل المكان اهنه تكوني مليحه ومتتعبيش عااااد المشي من اهنه عاوزه صحه وعافيه
شهد: ونظرت لها بلهفه اتى عتتحدتى صوح عنهمل المكان ده طب كيف .....؟؟ ولا عتتحدتينى اكده وتهوني عليا طب أعمل إيه أنى وجعي كبير جوي ومخبراشي الدنيا عتخبي منشانى ايه تانى جوزي وبعدوني عنيه والله أعلم بحال بوي وعمل إيه ولا حوصل وياه إيه أنى عجلي وجلبي خلاصي عيفطو مني من الفكر فيهم والي متوكده منيه إن جاسر أول ما يوعالي عيطخني ومش عيفكر واصل ولا عيديني فرصه اتحدت كل همه هو انه يغسل عارة بيده ولا بوى هو كمانى محلتوش من الدنيا دى غييري انى وخواتى زمانته عيدور عليا منشان يخلص منى هو كمانى فجلست على الارض ووضعت يدها على راسها هو ليه بيوحصل اكده امعاى ليه لييييه ......
صفيه: اباااي هوني علي نفسيكي يا خيتى وهمست لها منشان الي في بطنك ده وإن شاء الله ربنا يعدلها من عنديه هو عالم بحالك وحالي وعيفرجها بإذن الله بس اتى اصلبي طولك اكده وبلاش تهدى صحتك واتعشمى في ربنا خير ان شاء الله
شهد:بس أنى خايفه لرؤوف ياخدنى وياه ويتدلي لبرة مصر أنى مخبراشي أعمل إيه ومش جادرة اصرخ فيه ليعاند امعايا وكمانى لو الجعده اهنه طولت بطني عتبان ومخبراشي ممكن يعمل فينى وفي ولدي إيه انى مخبراشي هو عيفكر كيف ونظرت لصفيه هو ليه جاعد اهنه وليه مهملنيش اهنه وعاود لمصر لما عرف ان ولدى نزل
صفية: والتفتت من حولها الجدع ده بياجى اهنه بامر من الكبير وكمانى الكبير جاله اوعاك تهمل الجبل اصل الراجل ده محدش يعرفه غير رؤوف بيه وابوة حتى شمردن ميعرفوش واصل وعيتجن منشان يعرفه وكان بيجولى شمردن انى اتسمع عليهم او حتى المحه بس بصراحه معرفتش المحه واصل وعيخفى وشه ومخبراشي هو ليه عيخاف من رجالته اكده بجولك هملي الحديت ده دلجيت وتعالى جربي واسمعي الحديت ده زين أنى إلي هطبخ اهنه وكمانى رؤوف لما بيكون رايد يحط الدوا بيجولي اظبط الوكل منشان اظبط طعماته ومتحسيش بالمرار فيه أنى من يمتى مش هحطلك أيتها حاجة وكمانى عديكي مجويات منشان ولدك وبلاش تعاندي ويا رؤوف ده واصل لحدا ما اشوف صرفة وابعدك من اهنه وكمانى الشباب الي تحت دولي هما يعرفوكي ولا لع انى اتسمعت عليهم وهما عيتحدتو عليكى .....!
شهد: يس واد عمي وكمانى سامر اخو جوزي هما كمانى رجلهم إجت لاهنه ويايا ومخبراشي ممكن يعملو فينا إيه ونظرت شهد لصفيه بطرف عينها الا جوليلي أنى حكيت كتير بس إنتى لية مجبتيش سيرة عمي عاصم ولا لساتك عتخافى منى ومش رايده تخبريني
صفيه: بتعجب مين عاصم ده هو عيشتغل مع الحرس اهنه ايااااك اصل الإسم ده جديد أول مرة اسمعه ومحدش اهنه بينادى على اى راجل بعاصم ...
شهد: بتعجب أكثر منها إنتى عتضحكي عليا يا صفيه كيف متعرفيش واحد كان اهنه وكمانى كان جاعد يومين ويا رؤوف حتى رؤوف منعه إنه يتدلي عندي منشان كان رايد يجتلنى انى اتسمعت عليهم وعلى حديتهم كلياته يبجى كيف محدش اسمه عاصم اهنه .....؟
صفيه: وتراجعت للخلف ونظرت لشهد وعيونها جاحظه إنتى عتتحدتى عن مين الي كان رايد يجتلك واتدلي عشيا يبجي شمردن جوزي وأنى لما سألته ليه عاوز تخلص علي الي فوج جالي إنها أوامر وبس يبجي كيف تجولي عاصم وحماكي بينك مخربطه بالحديت وشمردن هيعرفك منين وهو عياخد الاوامر من الراجل الكبير عن طريج رؤوف
شهد:بهمس لنفسها أوامر منشان يجتلنى ومن مين عااااد بس انى متوكده ان ده حس عمى عاصم وصمتت للحظة يبجي عاصم بيه هو شمردن معجوله دى يا بووووووى عمى عاصم من رجاله الهجامه وكمانى هاتك اعرض والعجيبه صفيه متعرفش انى الي بتحدت عنيه هو جوزها شمردن انى متوكده ولا اكون انى غلطانه واتسمعت غلط وااااا كيف حتى رؤوف اتدلي عندى وحكي ليا الي حوصل منيه اباااااي ي جاسر علي الي مستخبي عنيك ي تري عتتحمل كل ده .......؟؟؟ ولا سامر الي ميعرفش ايتها حاجه وشايف بوة احسن راجل فى الدنيا منشان المال دمر حياته ودمر عياله منشان ايه منشان السلطه معجول ده .....!!!!
صفية: وهزت شهد مالك شردتنى منى اكده وكانك في دنيا تانيه عتفكري في ايه خبرينى ي خيتى يمكن نوصل للجدع الي عتتحدتى عنيه ده واجدر اعرف حاجه من شمردن لما ياجى مع انه مش بيحدتنى عن ايتها حاجه واصل اهنه
شهد: بفزع لع لع اوعاكى تتحدتى واصل ولا تسالي عن عاصم ده ليعرف انى اتحدت وياكى وممكن يخلص عليكى وعليا كمانى اسكتى واصل ومالكيش صالح بحديتى بس اتى شوفي كيف عنهمل اهنه واذا انى معرفتش اهرب امعاكى اوعي تهملي خواتى الرجاله لحالهم ماشي ي صفيه
صفيه : حاضر مش عتحدت وياه بس مالك اكده اتخلعتى وكانك عرفتى حاجه واعرة مالك ....
شهد: انى ممكن اسالك سؤال انتى لية ساكتة علي العيشه دي وليه مهملتيش الجدع ده وعاودتى لبيتك لما اتى تعرفي تهربي ليه ساكته لدلجيت .....
صفيه: وانى بيدى ايه هو انى الي اخترت العيشه دى وبقهر وانتى جيتى لاهنه لية ......وليه مجولتيش لع لرؤوف منشان يهملك لحالك محدش فينا اختار هلاكه ي خيتى بس انى اخوي عرف يوصل لاهنه وبياجى واجعد وياه واتفجت امعاه منشان نهمل البيت ده بس جيتك دى وجعده الجدع ده خربطت كل حاجه كنا عنخطط متشانها بس الحمدلله اننا اتاخرنا منشان مهملكيش للشياطين دولي كلياتهم واعرين وخصوصي الراجل الكبير ده الي امر بجتل بوى وجوزى طخه منه لله ربنا ينتجم منيه
شهد: ونظرت أرضا وتحدثت امعاكي حج محدش اختار ياجى لاهنه ولا اختار الناس العفشه تدخل حياتنا همى تعالي نعاود للبيت وكمانى أنى عايزة انعس راسي بتوجعني ومصدعه جوي وحاسه انى همدانه
صفيه: تعالي همى نعاود وكمانى رؤوف باعت واحد بيراجب حركتنا يفتكر انى عهربك من عهربك اهنه وعوزاكى تنعسي لحدا ما اجهز الوكل واياكى تتعبي حالك فاهمه وخلي بالك ليحس عليكى الجدع ده ويعرف ان ولدك عايش وعوزاكى تصبري لحدا ما نوهرب من اهنه ساااامعه
شهد: يعنى إنتى تعرفي كيف ممكن نهرب من اهنه وتعرفي الطريج الي بيودى للبلد فرحيني وجولي ايوة
صفيه: وطي حسك عاااد لحدا يتسمع علينا مالك أكده عتسعي لموتك ايااااك وانى وياكى هدي حالك ونظرت حولها ومالت إليها قليلا أيوه أنى اعرف اتدلي من الجبل وكتير كنت عروح واجعدو ويا خوي وهو كان عيوصلنى كمانى انى بنت اكبر دليل فى الجبل وبوى كان بيعرفنا الجبل مليح منشان منتوهشي فيه انى وخوى وفى طريج اهنه محدش يعرف بيه غيرى انى وخوى .....
شهد: ونظرت من حولها كيف بتدلي من اهنه لحالك وكل الرجاله دي محاوطين المكان لع وكمانى خوكى بياجى لاهنه دى انى جربت افطس من كترهم
صفية: همي دلجيت نعاود وأنى عجولك كل حاجة همي واوعاكي تهلفطي بايتها كلمة لأن شمردن لو وعي إنى اعرفو الطريج ده عيجتلنى طوالي ده راجل واعر وميهموش غير موصلحته وبس
شهد: طريج إيه ده ولية عيخبيه وميجولش عليه مش إنتى مرته وكمانى عيخاف عليكي يبجى كيف عيحبك وكمانى عيخبي عليكى سرة
صفية: أيوة أنى مرته وكمانى هو عيحبني وعجله طاير فينى بس مش بيتحدت امعايا واصل وأنى اتسمعت عليه وهو بيتحدت عن السرداب ده لواحد من رجالته وجال لو حوصل أيتها هجمه من المركز ينزلنى فيه منشان يحمينى من أيتها ضرر والسرداب ده بيوصل للبلد الي أنى منيها وأنى اتدليت فيه وروحت عند خوي وهو يعرفو بالسرداب ده وبياجي اهنه يطمنو عليا وبيعاود تانى بس خوى اجى مرتين وجالى انه هياجى منشان ياخدنى من اهنه ومش عيهملنى واصل وسط الهجامه دولي
شهد: أحب علي يدك هملينى أنى وواد عمي وسلفي نمشي من اهنه خلينى اهربو جبل ما يبعدوني من اهنه انى خايفه جوى من الجدع ده بالله عليكى عرفيني فينه السرداب ده وانى امشي منيه
صفيه: بخوف وطى حسك وهمي نعاود ونتحدتو بعدين رؤوف عيتطلع علينا امشي الله لا يسيئك أنى منجصاشي هم ودخلو للمنزل سويا تحت أعين رؤوف والذي هو سعيد لخروج شهد من غرفتها ولكنه متعجب لكثرة حديثهم سويا وكانهم يعرفون بعض وظل ينظر اليهم بشك
جاسر: اتحدتى عترمي بحديتك ده علي مين انطجي لاجتلك دلجيت واخلص منيكى انطجيييييي.......
ناهد: بخبث وادعت الخوف مما تتفوة به والله أنى مش جصدي حاجة بس أنى وعيت لايناس خيتك وهي بتحكي ويا شهد عن جوازتك الاولي والي حوصل امعاك واتفجت وياها منشان تكسر عينك ومتعرفش ترفع عينك واصل جدامها والله انى جولت منشان انى محبتشي تحمل حالك ويا بت عيد ايتها شفجه دى عتضحك عليك وكمانى سامر اتفج وياهم وجالو لشهد اوعاكى تخبريه الا في الوجت المناسب وانى حبيت اخبرك انى عكون مرتك وعارفه انك معتحبش الي يخبي عليك ايتها حاجه ......
عزت: ونظر لابنته ومنها إلى جاسر وأبتسم لما فعلته ابنته ايوة اكده اهو دة الشغل الصوح منشان ميحنش لبت عيد ويشفج عليها ....
جاسر: ولم يتحرك من مكانه ولم يتحدث بكلمه واحده غير إنه يتطلع لناهد بعيون الصقر الداميه وتحدث بكل هدوء ميتا جالت ايناس الحديت ده لشهد انطجي مييتااا
ناهد: وهي تمثل الخوف منه إيناس اتحدت وياها وإحنا بالجنينه لما عزم علينا الجدع ده الي إسمه رؤوف خدتها واتحدت وياها حتى انى خبرت بوى وهو جالى اوعاكى تخبري جاسر منشان منخربشى عليه وعلى مرته لكن بفعلها العفش جولت أخبرك .....
جاسر: ونظر من حوله ولعمه صوح الحديت ده
عزت: وطئ طئ راسه للاسفل وبحزن ليه بس ي بتى جولتى الحديت ده ممنوش ايتها عازا بس اجول ايه فى عجل الحريم والله ي ولدى انى مكنتش رايدها تخبرك....
جاسر : وبدأ وكأنه يعد نفسه لسباق الرقد السريع وخرج كالاعصار من غرفه السفرة وأمسك هاتفه واتصل باخته إيناس
ايناس: وهي جالسه بين زميلاتها بالجامعه وااا خوي وابتسمت وهمت بالابتعاد عن صديقاتها الووووو كيفك يا خوي اتوحشتك جوي عامل ايه وشهد أخبارها إيه أنى عتصل بيها كتير وتلفونها مجفول بس انى كمانى كام يوم وعتدلي للبلد
جاسر: بصوت عالي هذ به جدران البيت اخرسي عااااااااد واتسمعي لحديتى ده
إيناس: وابعدت الهاتف عن اذنها من شده صوته ونظرت الي هاتفها وااااا خبر إيه يا خوي مالك حمجان أكده طمني وحسك عالى اكده ليه
جاسر: بطلي رط كتير واسمعينى زين اليوم الي خرجنا كلياتنا وروحنا فيه النادى ويا رؤوف ده إنتى اتحدتى مع شهد عن جوازتى الاولي والي حوصل
إيناس: واحست برجفه خوف بقلبها من أسلوب جاسر فهى لا تعلم بما حدث لشهد ولا لاخيها سامر فتعلثمت بالحديث ولم تقدر أن تتحدث وظلت تنظر حولها بخوف وزعر
جاسر: بصريخ انطجي حوصل الحديت ده ولا لع.....
ايناس: بس اسمعني يا خوي لازمن تفهم الأول أنى ليه اتحدت وياها أنت أكده عتظلمها وتظلمنى كمانى لازمن تعرف انى خبرتها ليه
جاسر: واغلق الهاتف بوجه أخته وتذكر تبديل احوال شهد وكيف عاملته برقه بعد ما فعله بها بجى اكده خواتى اتفجو عليا ومع مين وصرخ ليه ليييييييييه ونظر من حوله وكأنه يريد أن يهدم البيت وبدا يكسر كل ما تطال اليه يده وصعد إلي جناحه ونظر لكل شئ حوله وبدأ يكسر كل شي ولم يكتفي بذالك فحمل سلاحه وغادر السرايا تحت أنظار الجميع ولم يقدرو أن يمنعوة او يتحدثو معه فهو كالبركان الذي سيحرق العالم اجمع
فاطمة: بخوف من حاله أبنها ونظرت لناهد منك لله يا بعيده إنتى ايه محراك شر إنتى عاوزة منيه إيه أنى مخبراشي مخك ده عيوديكى لوين وهزت رأسها يمينا ويسارا وصعدت لغرفتها وامسكت هاتفها كى تتصل بولدها ولكنها تراجعت وخافت وجلست بقله حيله ده انى كنت عاوزة اتحدت امعاك ي ولدى متشان تعرف الي اتسمعت عليه وتعرف مين عيدبر لهلاكك ي ضنايا بوك وعمك هما الي محراك شر ولازمن ولدى يعرف لازمن اخبرة منشان يعرف عفه وطهارة مرته ......
مني: ارتحتى أكده وجهرتيه ووجعتيه أكده إنتى عتحبيه اياااك أنى ممصدجاشي كيف حدا يحب يوجع الي عيحبه إنتى كيف الابلسه شيفاه موجوع وتعبان هوني عليه رايحه تذيدي عليه وجعه ليه عاوزة توصلي لايه منك لله يا بعيده الكلام ممنوش فايدة عاد امعاااكي إنتى الشيطان عيتحكم فيكي والكلام معاكي ممنوش عازا عتفضلي اكده تحفري لحدا ما تدفنى حالك جوات الحفرة دى الشر اخرته عفشه واتى الشر بحد زاده وتركتها وغادرت للاعلي عند الحاجة فاطمه كى تطمئن عليها
عزت: ونظر لمنى غورى جاتك الهم بت بومه كيف امها ونظر من حوله واعاد النظر لناهد هههههههههه والله براوة عليكى بتى بصحيح لعبتيها صوح يا بت عزت وعرفتى تخلي جاسر يكره مرته بذياده وكمان كره خواته كلهم ومفضلش غيرك اتى الي عتكونى الكتف الي عيرتاح عليه ويلا شدى حيلك منشان يشتغل ويا عمك .....
ناهد:ههههههههههههه متخافش عليا انى محدش يجدرني بس أنى مكنتش رايده اوجعه هو إلي بعملته امعايا وهو بيظعطني بره جناحه خلانى اعمل وياه أكده منشان يعرف إنها وجعته في شباكها وإنها خاينه ومعتحبوش واصل خليه لما يوصلها يجتلها ويخلص عليها منشان أرتاح مش يهملها لما تجيب العيل الي لسه منعرفش اذا نزل ولا لع انى مش عرتاح غير لما اتجوز واعيش وياه بكده انى بالى عيرتاح .....
عزت: جدعة إنتى أكده ميتخافش عليكي واصل أنى أكده اتعلمو منيكي وسألها عمك عاصم فينه
ناهد: خرج وجال إنه مش هيعوج واصل زمناته راجع بس إنت عاوز منية إيه
عزت: أنى عاوزة يخلص علي بت عيد خالص او يخليها تهمل الجبل وتبعد مع رؤوف ده خلينا نخلصو منيها ومن سيرتها عااااد انى خايف لجاسر يعرف حاجه ده عيدور كتير والخوف لو عرف الحجيجه جبل ما يكون ويا بوة لازمن يده تتلطخ بدم بت عيد وكماني بوة عيتفج منشان يوهمه بانه جتل خوه وعيخلي يس موطرح سامر وبكده عيكون امعانا ومش عيهمل بوة واصل
ناهد: ابااااي مين الى عيخطت لده كلياته معجول نمى عاصم طب وسامر عمي هيعمل إيه وياه والجدع التانى ده الي اسمه رؤوف أنى مفهماشي عيسوي إيه فيه
عزت:أخفي حسك لحدا يوعالنا أنى غلطان منشان حكيت امعاكي بطلي رط كتير ولازمن تعرفي ان عاصم عيخلص على رؤوف بس هو عيستنى لما يعرف منيه مين الراجل الكبير ويحط يده امعاه ويخلص من الجدع ده
ناهد: واااا غلطان كيف انك بتحكي امعاي هو يا بوي إنت كنت هتعرف من وين بشغل عمي ده غير مني لما اتسمعت عليه هو ورؤوف وأنى جيت وبلغتك وأنت وجعت عمي بالحديت ولا نسيت ان انى السبب
عزت: وخبطها علي كتفها كمداعبه لها بطلي رط كتير يا مراه الكبير هههههههههه
ناهد: ههههههههههههههههه الله عليك يا بوي وعلي حديتك عاااااد وحدثته أنى طالعه عند فاطمه اطيب خاطرها جاتها الهم يمكن اتدلي عنديها والاجيها جاطعه النفس
عزت: ههههههههههههه واجب يا بتى طول عمرك صاحبه واجب اطلعي احداها ولو ماتت تعالى فرحيني....
جاسر: وما أن وصل للأرض وسأل الغفرا مخيمر وينه
الغفير: جاعد لحاله في اليمه البحريه تحب أنادي علية لجنابك
جاسر: أنى داخل الإستراحة دي وأنت شد عليه خليه ياجي لاهنه بلمح البصر وأنت اجعد مكانه اهناك معوزشي أيتها حدا جريب من اهنه ساااااامع
الغفير: بخوف من هيئة جاسر فأسرع بالذهاب لمخيمر إنت يا مخيمر تعالي لاهنه جناب البيه عاوزك هم بسرعه وشكله أكده ميسرش الخاطر هم
مخيمر: اباااي مالك عتسرعني أكده ليه اهدي امالي أنى جاي وياك ومالك اكده عترجف
الغفير: ارجف وبس انى حلبي عيفط من الخوف جاسر بيه شكله مش مليح وكانه عيجتل جتيل دلجيت
مخيمر: طب هم بينا وبطل رط كتير
الغفير : لع أنى اهنه مكانك وأنت عتاخد مكانى بس الأول خبط عليه هو مجعمز في الإستراحة وجال خليه ياجي طوالي ويدخل لحاله
مخيمر: خير هو كان مليح امعاي بالليل حوصل إيه عااااد ربنا يستر من جلبته دي وميكونشي عرف ايتها حاجه ربنا يسترها عااااد ......!!!!
لازم اعرف توقعاتكم ايه والا هلغى نشر بكرة انا ببلغكم ي اجمل فانز بجد بحب اشوف توقعاتكم ايه
