الفصل الرابع عشر **شهد الصعيد **
إيناس: وبعد غلق اخيها الهاتف فى وجهها وبدأت تجهش بالبكاء واقتربت احدي صديقاتها وسالتها مالك عتبكي ليه في حاجه حوصلت ايااك حكي امعاي ي صاحبتى فى حد عنديكم حصله حاجه .....؟
ايناس: لع مخبراشي ايتها حاجه أنى لازمن اتدلي للبلد ومش خابرة اركب من وين أنى عمري ما اتدليت لحالي ومخبراشي أروح فين انى السكن جوات الجامعه وخوى كان هيشيعلي العربيه بس اتى أكيد تعرفي المحطه فينها او اركب من وين .....؟؟
صديقتها: ايوة طبعا اعرف تعالى أنى هوصلك للموجف وعتركبي من اهناك بس جولي إيه حوصل وخلاكي أكده وجدتك عتتنفض كلياتها من الخوف حتى الي كان عيتحدت امعاكى حسه كان عالى جوي هو ده بوكى ....
إيناس: ده اخوي جاسر الكبير وبينه اكده متكدر منى بالله عليكى وصلينى وأنى في الطريج عحكي وياكي ودلينى اعملو إيه منشان أصلح الموضوع ده زمنات خوي مغفلجها علي شهد يا ويلي من الي جاي وسألت نفسها بس خوي عرف كيف.......؟؟ وسرحت مع نفسها معجول شهد حكت امعاه عتحكي امعاه وهي خابرة إنه ممكن يجتلها ويجتلنى أنى كمانى امعاها ولا تكون شهد عاوزة تذل خوي كيف ما كان عيذلها بس دى مش طبعها عااااد ولا هى ممكن تجرح ايتها حدا واصل وانى اطلعت كتير في عنيها ومتوكده إنها عتحب خوى وااااا بس عرف كيف ....
صديقتها: وهزتها من كتفها مالك عتشردى منى اكده يلا همي منشان تلحجي الاتوبيس إنتى عتروحي السكن تاخدى شنطتك ولا هتعاودي أكده للبلد من غير ايتها حاجه
إيناس: لع هعاود طوالي للبلد مفيش وجت ولو عوجت اهناك عتصل عليكي تشيعيلي خلجاتي يلا همي وصلينى بسرعه وغادرت ايناس مع صديقتها لموقف السيارات حتى تعود الى البلد وتلحق بصديقتها شهد والتى لا تعلم شئ عن ما يحدث هناك
مخيمر: واقترب من الاستراحه وطرق علي الباب ولم يمهله جاسر فجذبه للداخل واوقعه ارضا ووقف أمامه بكل هيبه وجبروت ونظر ليده المحروقه وداس عليه بقدمه وهرسها بكل ما اوتي من قوة .....
جاسر:وهو يرفع حاجبه كيفها يدك مليحه ولا عتوجعك ولا تحب أنى اداويها ليك اصلي انى خابر الشاى بالسكر الحرج بتاعه واعر جوي ولا ايه
مخيمر: بزعر من هيئة جاسر لع جنابك أنى مليح جوي ويدي كمانى مليحه بس ارفع مداسك عنيها جنابك ....ومالك حمجان أكده ليه أنى حوصل مني ايتها حاجه عفشه منشان اكده متكدر منى
جاسر:بهدوء وبهمس كفحيح الافعى وي وي وي حوصل ايه وعتسأل كمانى ده إنت الي عتخبرني بكل حاجة وتجولي عتلعب ويا مين من ورا ضهري وعتاخد الامر من رؤوف من ميتا وتعرفه من وين .....؟ ولا حسان كمانى الى هملته يتدلى للارض منشان ياخد عمري وتخلصو منى جولي انت بجى عتشتغل ايه ويا الهجامه ودورك امعاهم ايه ومين امرك تجتلنى ولما شهد وعيت عليكم صرخت وخربطتلكم كل حاجه لع وايه خطفتها وساعدت حسان منشان يلوث شرفي ي واد المحروج انت انطج
مخيمر: وجحظت عيناه وبدا نفسه يعلو والقلق تملكه لا بل الخوف وبدأ يسعل خوفا وارتعاب من جاسر ومن هيئته وأيقن بأن جاسرعلم هويته الاخري فنظر من حوله وكأنه يبحث عن طريق للهرب من أمام بطش جاسر
جاسر: ونظر من حوله هو أيضا هههههههههههه وتحدث عتطلع علي إيه الباب ولا الشباك عاوز تهرب أنى مش همانع واهاااا انى بعدت عنيك وعاوزك تهرب بس الاول عاوز اجولك كلمتين بيتك كلياته عندي في مكان آمين جوي حتى ولدك الكبير الى معنديكش غيرة على البنته عندى ومعاه باجى عيالك برنه اصغيرة دلجيت اخلصو عليه واريحك منيه هو وباجي عيالك ايه جولت ايه ......؟
مخيمر: بزعر وخوف لع لع ولدي لع احب علي يدك كله الا ولدي بس انى خابر زين انك يستحيل تجتل ايتها حدا وجلبك كبير ميعرفش الغل واصل
جاسر: إيه غالي عليك جوي ولدك اكده .....!!! اباااااي عليك يا جاسر ميبجاشي غالي ليه وهو الصبي الي جه بعد شوجه بعد خمس بنته صوح يا مخيمر وبعدين مين جالك ان انى لسه جلبي طيب من بعد الي حوصل امعاي انى خلاص مبجيتش باجى على ايتها حدا والجتل مفيش اسهل منيه على الاجل جلبي عيرتاح وغليله عيشفى من الى جواتهة انطج خلصنى والا انى اعرف كيف اخليك تتحدت
مخيمر: بخوف ورعب أنى تحت أمرك ومن يدك دي ليدك دي بس ولدي لع مالوش ايتها ذنب واصل وانى عاوزك تدينى الامان وتحمينى من المطاريد ورجالته
جاسر: اممممممم أكده مليح اتحدت وليك منى الامان بخصوص بيتك اما انت لسه معرفش انى عسوى فيك ايه ولو خبيت عنى ايتها حاجه انت خابر زين انى ممكن اعملو ايه واديك واعى انى وصلتلك اهاااا وهوصل للحجيجه الي غايبه عنى كلياتها لو تعبتنى ودلجيت أنى هجعد وأنت هتحكي كل حاجة تعرفها وكل حاجه إنت عملتها انطج مفيش امعاك وجت نص ساعة لو مخلصتش كل الحجيجه ولدك عيدبحوه وكمانى بناتك ومرتك واوعاك تطمن وتجول إنى معملهاش أنى بعد الي حوصل خلاصي مبجاشي يهمني أيتها حدا وصرخ به انطج ......
مخيمر: وسرح مع نفسه وخاف أن يحدثه عن أبيه وبدأ يحكي عمك عزت اجي احداي وطلب مني إنى أهمل مكانى في الأرض منشان اخلي حسان وذكي ياجو لاهنه .....
جاسر: وعيونه جاحظه وتحدث عمي عزت كيييييف واحس وكأنه بدوامه لا آخر لها كمل واوعاك تبطل غير لما اطلب منيك
مخيمر : واكمل حديثه وكمانى جالي إنى امسك الحج ذكي واربطه في السجرة وحسان عيتخبي وكان مخطط إنه عيبلغ مرتك إنك متصوب وهي عتاجي لاهنه وبكده عياخدها حسان ويجول إنها هملت البيت وهوربت وياااه بس أنى لجيتك جاي وهي امعاك الست هانم وبكده الخطه كلياتها باظت وانى جولتله همل الارض جبل جنابك توعاله بس اجول ايه حسان الشيطان وزه ورفع عليك السلاح منشان يخلص عليك وانى اتصدرت ليه لكن مرتك وعيت لحسان وأنى كنت جاره وهو عاوز يصيبك بالرصاص أنى حاولت امنعه بس هو ركب راسه ومجدرتش عليه وصوب يمتك الفرفر وهي وعيتله وصرخت منشان تشتته وضربته بالشنطة الي بيدها وأنى اتخفيت وسط الزرع وضربتها علي راسها وغمى عليها وسحبتها ودسيتها بين الزرع منشان حسان يخدها ويهمل الغيط ويهملك احالك وبسبب صرختها جنابك وعيت وجيت يمتي وطلبت أنى أنور الكشافات منشان اشوف الارض كلياتها وحسان وجتها همل مرتك غميانه وبعد عنى وانى معرفش هو راح وين وأنت عاودت لذكي ولما رجعت جنابك تانى هو صوب عليك ووجعت على الارض وحضرتك غرجان بدمك وهوخد الست هانم وهرب طوالي من المكان الغربي اصل انى منورتش الكشافات اهناك وجولت انهم محروجين
جاسر: واحس بغصه بقلبه ومراره ومال عليه وضربه علي وجهه بطرف سلاحه بكل ما اوتى من قوة فتالم مخيمر وكاد ان يغمى عليه وصرخ به جاسر ايه اتوجعت اياااك كمل حديتك وإيه تانى كت عتدبره ويا عمي غير أكده وإيه حكاية رؤوف هو كمانى انطج الوجت بيعدي وولدك عيموت اخلص
مخيمر: أحب علي يدك ولدي لع وأنى اها امعاك وعجول كل حاجة بس بلاها ولدي الله لايسيئك انى محلتيش غيرة همله احب علي رجلك
جاسر: وازاحه برجله بعيد عنه بجولك ايه كل ده عيتحسب من الوجت عليك كمل حديتك عااااد وبلاش توجف منشان ولدك انطج
مخيمر: اهاااا عتحدت ومش عبطل واصل أنى كنت عروح عند حسان في بيت برة البلد منشان اسهله الخروج من البلد ومعاه مرتك بس خبر موتك خربط كل حاجة كان عمك عيدبر ليها منشان يفضح الست هانم شهد ويجول انها هوربت ويا واد عمها وبكده تتجوز بته وهو يخولص من بت عيد لحدا ما حضرتك اجيت ومسكت حسان ورجعت مرتك وذليته في البلد كلياتها والباجي إنت خابرة زين انى ماليش صالح واصل بايتها حاجه انى نفذت اوامر عمك وانى عبد المامور ي بيه
جاسر: واستشعر كذب مخيمر واحس بأنه يخبئ ما هو اهم من كل هذا طب والله انت عبد المامو انى الي كت بامرك كيف تأكد الامر من عمى ومن ميتا بينك وبين عمي حديت ولا فى طرف تالت للحديت ده ورؤوف إيه حكايته امعااك ومن ميتا وانت تعرفه انطج
مخيمر: بخوف انى عتحدت اهاااا وتملكه خوف اكثر من جاسر ومما سيخبرة به وتحدث رؤوف ده بيشتغل ويا الهجامه بيزرع حشيش وافيون وعيسلم البضاعه وبيعاود مصر تانى ولما بياجى بياجى عن الطريج الغربي فوج للجبل حدا المعديه وأنى عشتغل وياه أنى دليله بالجبل وبس أحب علي يدك هملنى وهمل ولدي انى ماليش صالح باي حاجه انى عاخد الاوامر وبس واهاااا حكيت على كل حاجه
جاسر: بنفس غضبة المكبوت وبقلب يكاد أن يقف من رد مخيمر عليه ومما سيحدث به مخيمر جولي بوي يعرف بكل الحديت ده وعيشتغل ويا رؤوف صوووووح .....
مخيمر: واحس بان قلبه سيقف وتحدث بصوت مهزوز ورد علية بخوف وزعر بوووك للللع ممميعرفش أيتها حاجة للللع صدجني هههههووووو بعيييد ععن ايتها حاجه من دى
جاسر: وكأن مخيمر لم يحدثه وسأله وخوي سامر إيه حكايته انطج وبوى يعرف إيه منشان يسلم حاجة تدين خوي لعم عيد الزياد ولا خوي عيشتغل ويا رؤوف وبوى عيخبي كل ده منشان هو كمانى يده معاكم ومع الهجامه .....؟
مخيمر: بخوف اكتر وتعجب سامر بيه أنى مخبرش الحكايه دى ومعرفشي عنيها ايتها حاجه احب علي يدك همل ولدي ابوس علي رجلك
جاسر: أنى عهمله بس لما نتدلي للجبل وتعرفني الطريج الي اوصل بيه للهجامه فوج جولت إيه موافج ولا اتصرف أنى لحالي بس اكده تجول على ولدك ي رحمن ي رحيم
مخيمر:وسرح مع نفسه وأحس بأنها النهايه اهاااا بوة كان عاوز يغيرة منشان يكون دراعه الليمين او يكون زييه بس ده الى جدامى بجي وحش دامى عاوز يجتل بدم بارد وانى خابر ليه ابوة اتلعب بيه وبشرفه يبجى كيف عيفكر بوجع غيرة ولا عيهمه ايتها حدا ونظر مخيمر اليه ورد عليه أنى موافج بس اتصل على رجالتك وهمل ولدي وأنى من يدك دي ليدك دي ومش عهملك هبابا
جاسر:ونظر اليه بطرف عينه وأمسك هاتفه واتصل علي احد رجاله بجولك إيه همل الولد دلجيت وإذا متصلتش عليك بكرة في المسا خلص عليه وعلي البيت كلياته واغلق الهاتف ونظر لمخيمر وأنت عتاجي ويايا في المخزن وتجعمز فيه لحدا ما انى اجيلك ومش عاوز اسمع حسك واصل فاهم هم وأخذه جاسر وربطه في المخزن وعاد إلى إلاستراحه وظل يفكر بعمه وناهد وبما كانو يدبرون له وبدا يجمع الاحداث ......؟
مني: يا مراه عمي اني بجالي أكتر من ساعتين عتحدت وياكي وانتى مش عاوزة تتحدتي ويايا منشانى جولي أيتها حاجة انى عخاف اكده عليكى
فاطمة:بحزن ووجع قلب هملينى لحالي معوزاشي اتحدت ويا حدا هملينى يا بتي ربنا وحده عالم بيا وبوجيعتي وبجهرتى علي عيالى انى خلاص معدتش افهم ايه عيدور اهنه الشر بجى كتير ليييه وليه ي بتى الغل والحجد. دة كلياته ليييه
منى : والله مخبراشي انى عرد واجول ايه بس ربنا كبير اتمسكى بحباله وادعى انه يرفع الغمه دى عنينا
عاصم: ودخل الغرفه ووجد مني تحدث فاطمة ونظر إليهم خير في إيه مالك يا حاجه فاطمة حاسه بايتها حاجة اياااك ومال وشك متغير ليه
فاطمة: ونظرت إليه إنت فينك أنى مبجتشي اعرفو ميتا عتاجي وميتا عتهمل البيت ولا كأنك عايش اهنه ولا حاسس بايتها حاجة ولا لع انى غلطانه انت بتعرف كل حاجه وعتدبرلها كمانى انى بس الي غفيانه في البيت ده الي حيطانه غيمت بالحزن والظلم للي عيشين اهنه
مني: وخرجت من الغرفه بكل هدوء تاركه عمها مع فاطمة ولكنها احست بان زوجه عمها تعرف بامر مهم من خلال حديثها مع عمها
عاصم: بصريخ وصوت عاااالي أنى مش وعيلك عاااد أنى مسافر دلجيت ومش فاضي لرط الحريم ده ومش رايد اسمع رطك الكتير ولو مش عاجبك البيت همليه انى منجصي وجع راس وأمسك بالشنطة وهاتفه وغادر تحت أنظار فاطمة المتعجبه من تصرفاته وعدم مبالاته حتى بعد ان اوضحت بكلامها امور كثيرة
إيناس: ووصلت أثناء خروج أبيها من البوابة فاوقفته وقبلت يده اتوحشتك جوي يا بوي عامل إيه وكيف حالك طمنى عليك
عاصم:بابتسامه لها فهى ابنته الوحيده وروحه بها أنى الي اتوحشتك جوي جوى ي غاليه بس أنى مسافر وراجع كمانى يومين وهجعد وياكي كتير جوي لما اعاود واوعاكى تسافري واصل غير لما اجى واشبع منيكى
إيناس: ماشي وأنى عستناك منشان احكي امعاك كتير جوي بس اوعاك تتاخر عليا لحسن انى عندى حكي كتير
عاصم : وابتسم لها لع مش هعوج وهعاود طوالى وغادر تحت أنظار ابنته والتى أسرعت بالدخول للسرايا وسألت عن أمها أحد الخدم فحدثها بأنها بالأعلى في غرفتها وصعدت وما أن دخلت فرأت أمها تبكي بحرقة وواضعه يدها على وجهها فاقتربت منها وجست أمامها وامسكت بيدها وقبلتها مالك عتبكي ليه ومالك اكده انى اول مرة اوعالك عتبكى ومجهورة خبر ايه فهمينى
فاطمة: فرفعت رأسها بتى نور عينى واحتضنتها وظلت تبكي وهي باحضانها والله اتوحشتك جوى والبيت اهنه بجى عفش من غيرك انى معوزاش ايتها حاجه غيرك اتى وخواتك وبس ومش رايده حاجه تاني لا مال وعز انتم وبس
إيناس: وابتعدت عن امها مالك حزينه اكده مين اهنه مكدرك وخلاكى تبكى بوجع انى عمرى ما وعيت ليكى اكده واصل اتحدتى امعاي يمكن اخفف عنيكى الوجع ده واوعاكى تخبى عنى ايتها حاجه .......؟؟؟
جاسر : وخرج من الاستراحه واخذ حصانه وكانه بعالم اخر وبعدين ي جاسر معجول كل شكوكى عتطلع صوح ولا ايه ي خوفى من الي جاي ومن الي عيظهر ليا بيوكد انى كنت صوح وكل حاجه انى شكيت فيها عتظهر واحده واحده ونظر للسماء وناجى ربه يااااارب نورلي بصيرتى وثبتنى للآخر ونجى المظلوم ياااارب متحرجشى جلبي على عزيز عليا وسقطت منه دمعه خانته من كثرة المه ووجعه .......؟
شهد : وما ان صعدت غرفتها وتذكرت حديث صفيه عن الهروب معجول صفيه عتخلينى اهروب من اهنه وكمانى سامر ويس بس انى خايفه لو الجدع رؤوف وعى انى غايبه عيدور علينا لع لع انى لازمن احميهم الاول منشان يهربو وانى اامن ليهم الهرب ده وانى متوكده ان ربنا معايا ومعاهم وينور بصيرة جاسر ويخفف من عليه الجاى كلياته ويصبرة يارب خليك امعاه واحميه ومتوجعش جلبي عليه وبارك فى عمرة ويدينى العمر منشان يشيل ولده يارب ياااااارب....
منى : وجلست في الجنينه وهى تتذكر حديث عمها مع الحاجه فاطمه والعجيبه تغيير عمها ومعاملته السيئه والتى لاول مرة تحدث وتذكرت ما استمعت له من حديث بين اختها وابيها وعزمت امرها بانها ستحدث اخيها بكل ما تعرفه من حقااائق.....
