الفصل ١٥★★شهد الصعيد★★
الفصل ١٥
إيناس: ابااااااي عتروحي كيف أكده وأنتى لبسك كلياته عليه عصير الخلج عتجول ايه تعالي أنى عخليكى تغيري خلجاتك من عندي همي وصعدت شهد مع ايناس للاعلي فاختبئ جاسر كى لا يراه احد وهما أن ينزل فراي ناهد تصعد للسلم وهى تتلفت من حولها ........؟؟
حسان : لابيه أنى خارج رايح لحنه بت عزت الشهاوي وأنت مش عتروح اياااك
عمران: تعالي اهنه أنى رايد اعرفو منيك بجالك من عشيا جاعد فى مجعدك ومعتنزلش واصل ودلجيت نازل رايح الحنه .... وكمانى مخبي وشك أكده ليه
حسان: بغيظ أنى طالع عتروح ويايا ولا لع وكمانى أنى حاطت الحرام ده ( الشال) عشانى الحلاج ولد الفرطوس حلج شنبي وأنى كنت عجتله بس هملته عشانى عياله
عمران: ابااااااي ي فضحتنا وسط الخلج وكمانى عاوز تروح الحنه والعالم كلياته اهناك
حسان: اباااااي وايه فيها دي .....؟
عمران: فيها أنك عتخبي وشك وخجلان اهاا يبجي كيف هتروح وسط الخلج وتجعد وياهم وأنت عتخبي وشك
حسان: امعاك حج وادي الحرام اهااا معغطيش وشي واصل واهااا كأنه موضه ولا ايه .......عتاجي ولا لع
عمران: بذهول من تصرف إبنه ومن حلق شاربه وأحس بشئ خاطئ .. فنظر إلي حسان يلا ي ولدي نروحو ويا بعض وخرجو إلي السرايا لحضور الحنه
حسان: لنفسه. أنى خرجت ي بت عمي عشانى تعرفي اني مش الشنب إلي عيكسرني والله لأعلمك وأعلم خوي الأدب وأنا وعيتلكم اهاااا ....!!!!
جاسر: وااااا عتتسحب أكده ليه دي .....؟ وتعجب من تصرف ناهد ولم يهتم ونزل وخرج الي الجنينة لاستقبال المعازيم
إيناس: امسكي البسي ده عيبجي عليكى حلو جوي
شهد: لع أنى هغسل فستانى والبسه .....
إيناس: والله أزعل منيكي يلا خدي والبسي عشان منعوجشي عليهم .....فسمعو خبط علي الباب فاذنت إيناس للطارق فوجدتها ناهد
ناهد: لشهد أنى أسفه والله مكنتش اجصد
شهد: مفيش أسف ولا حاجه وإلي حوصل..... حوصل وأنى اها هغير خلجاتي وعنزلو طوالي ودخلت شهد لتغيير ملابسها فى الحمام
ناهد: ناولينى خلجاتك أنى عغسلهم ليكى وعينشفو جبل ما تروحي
شهد: وخرجت بعد أن لبست أنى عشطفهم ريحي حالك ....
ناهد: كيف ده لا أنى ولا أنتى عنغسلو الخلجات الشغالين اهنه عيغسلوهم واحنا عننزلو للعالم تحت
إيناس: امعاكي حج ي بت عمي يلا ي شهد ننزلو وأنى عشيع لايتها حدا من تحت يطلع يشطف الخلجات
ناهد: لع خدي صحبتك وأنى عجول لايتها حدا ياجي ويغسلهم ...
شهد: بابتسامه همو بينا وخرجو سويا ونزلو للأسفل ولكن ناهد انتظرت بعض الوقت وصعدت مرة أخري واخذت لبس شهد ووضعته بداخل كيس بلاستيك واخذته ودخلت غرفتها ووضعت شئ بداخل الكيس ونزلت للأسفل ......؟
مني: لأمها أمي وينها ناهد مش جاعده جاري ليه ....
أفكار: والله مخبراشي ي بتي وعطول عليها مش وعيالها اهنه بينها جوه في المطبخ أنى عطول عليها
ناهد: واقتربت من أم شهد خالتي ده الكيس فيه خلجات بتك امسكيه ولا حطيه جارك وأنتى مروحه ابجي خديه وياكى
وفيه: هاتي ي بتي ربنا يخليكى ويحميكى ي رب ... وامسكت الكيس ووضعته بجوارها
شهد: لايناس والله الحنه جميله جوي والليله كمانى جميله واها العروسه فرحانه جوي
إيناس: بت عمي دي كيف خيتى وطيبه جوي وأنى عحبها
شهد: ربنا يخليكم لبعض وبداو البنات فى التصفيق والغناء والجميع سعداء
سامر: وكان جالس بجوار يس إلا جولي هو خوك كيفه دلجيت وعامل إيه...
يس: جاعد فى البيت لحدا ما شنبه ما يطلع تاني ولوجتها يحلها الحلال بس أنى خابرة هو محراك شر بس الأهم أنى احمي منيه بت عمي
سامر : امعاك حج وأنى وياك فى أيتها حاجه سامع
يس: ههههههههههههه وماله عشانى نجول ي نعيش سوا ي نموتو سوا ههههههههههههه بينه أكده عتكون معرفه مغفلجه عليك وعليا
جاسر: اقترب من سامر ونادى عليه فاقترب منه سامر نعم يا خوي عاوز حاجه
جاسر: نظر له لع معوزشي أيتها حاجه بس مش رايدك تزعل مني واصل أنى .....
سامر: اوعاااك تجولها أنت خوي وصاحبي وكمانى في مجام بوي وأنى إلي غلطان أنى آسف واحتضنو بعضهم بكل حب
يس: بابتسامه لما رآه من حب جاسر لأخيه ودعي لأخيه أن يصلح له حاله ويرجعه عن طريج الشيطان
سامر: وجلس بجوار يس مرة أخرى وما هى إلا ثوانى وأمسك بيد يس الحج طول من جه ....
يس: ونظر هو الآخر وااااااا كيف ده لع وكمانى عاين الحرام(الشال) من على وشه ونظر إلي سامر
جاسر: وهو يستقبل المعازيم فشعر بتوتر كل من يس وأخيه لما رأو حسان ولنفسه مالهم دولي كانهم شافو عفريت وتعجب لهم ونادى علي أحد الغفرا وهمس له بشئ والغفير أجاب له بهز رأسه ........؟؟؟
فاطمه: وبدأت فى تقديم وجبات الطعام ومعها الحلويات واقتربت من شهد اتفضلي ي بتي امسكي
شهد: شكراً ي خالتي عجبال فرح إيناس إن شاء الله
فاطمه: وعجبالك كمانى ي بتي ربنا يفرحك ويسعدك إن شاء الله
أفكار: لفاطمه تعالي عوزاكى أنتى شيعتى الوكل للرجاله .....؟
فاطمه: لع الرجاله معمولهم سفرة كبيرة للوكل والطباخين بيجهزوها واهنه ده وكل الحريم
أفكار: ربنا يجعله عامر وعجبال ما اجف لفرح جاسر وسامر بإذن الله
فاطمه: اللهم امين بس يلا همي وشيعي الخدم من جوه يجدمو الوكل اهنه
إيناس: لشهد مالك مش عتاكلي ليه وركنتي الوكل جارك
شهد: أنى شبعانه جوي مجدراشي اكل واصل
ياسمين: كلي الوكل طعماته حلو جوي وكمانى شكل البسبوسه حلو
هنيه: وخبطت ياسمين بيكفي حديتك ده وكلي من سكات اباااي عليكي
ياسمين: اهاااا سكت ومش عنطج واصل
سامر: واخذ مكان بعيد عن التجمع إلا جولي يا يس هى بت عمك عتحكي لبوها ولا لع
يس: وااااا عتحكي تجول إيه عتجوله ولد خوك كان رايد يفضحنى ويفضحك ويهتك عرضي والله عمي يروح فيها طوالي كله إلا بناته .....
سامر: امعاك حج بس خوك لازمن حدا كبير يتصدرله لأن جيته لاهنه ولا كأنه عمل أيتها حاجه طيب بوك يمكن لما يعرف يتصرف وياه
يس: بوي والله أنت مخبرشي أيتها حاجه بوي ممكن يجوزهاله ويجول أنه عمل وياها حاجه بوي عيلبي طلبات خوي كلياتها وعمره ما جال إن ده غلط ولا صوح عشانى أكده خوي طمع فى كل حاجه حتى بت عمه طمع فيها .....
سامر: طيب وده العمل وياه إيه عنهملو شهد لحالها أكده .....؟
يس: لع أنى مش عهملها لحالها واصل تانى جيت خوي أكده عيتحدانى وكمانى رايد شهد توعاله وعيخوفها منيه
سامر: ربك يسترها عليها والله بت عمك ما تستاهل واصل أيتها حاجه عفشه عتحصل ليها
يس: إن شاء الله خير وهم نجعد ويا العالم وكمانى خوك عينه عتطج شرار وهو عيتطلع علينا
أفكار: يا أم جاسر الحريم كلياتهم كلو الحمد لله وكمانى العصير عيجدموه دلجيت
فاطمه: بألف هنا وبصي على أيتها حدا رايد وكل اديله الوكل كتير
أفكار: كلياتهم عياكلو وأنى عخلي الخدم يجدمو وكل تانى للي عاوز
جاسر: دخل السرايا ونادى على احد الخدم ي أم إبراهيم شيعلي أمي اهنه أنى عستناها فى المكتب ........
أم إبراهيم: حاضر جنابك وذهبت ونادت على الحجه فاطمه ي حجه جاسر بيه عيستناكى فى المكتب
فاطمه: ابااااي خير فايت الرجاله وجاي ليه وذهبت الي أبنها ودخلت عليه
جاسر: تعالي ي أمي عاوزك ....
فاطمه: خير ي ولدي رايد إيه فى حاجه
جاسر: أنى رايد اجدم هديتى لمني وأنتى خابرة غلاوتها عندي إيه
فاطمه: واااا جدملها ي ولدي الي انت رايده ليه عتجولي أنى
جاسر: أنى جولت لأبوي وكمانى لازمن اجولك لأنى مش رايد اجول لعمى عزت واصل
فاطمه: واااا هديه إيه دى يا ولدي ....؟
جاسر: أنى كتبت ليها فدانين أرض من نصيبي أنى بعيد عن نصيب خواتي وأنى عزرعهم ليها وايتها محصول عيكون ليها هي
فاطمه: ابتسمت لابنها وملست على خده ربنا يحميك يا ولدي ويوسع رزجك إن شاء الله
جاسر: طيب روحي حضرتك وشيعيلي مني مش رايد حدا ياخد باله منيها وهي امعاي
فاطمه: أنى عخرج وهشيعهالك طوالي
مني: والله ي شهد حسك حلو جوي بالله عليكى غني أيتها حاجه تاني عشان خاطري أنى
شهد: ههههههههههههه وااااااا أنى عغنى تانى لع بكفايه عاااد
مني: متخجلنيش والنبي غنى غنيه لايتها حدا انتى عتحبيه
إيناس : غني بالله عليكى متكسفي عروستنا والعالم عياكلو وملهيين فى الوكل غني لينا إحنا اهنه
شهد: والله ما خابرة اغني ايه طيب حدا يجولي أيتها غنيه وأني اغنيها طوالي
فاطمه: خرجت فرات البنات ملتفين حوالين شهد كي تغني لهم فابتسمت لها فاطمه ولنفسها تحدثت علي محبه أهل البلد لها حتى منى إلي أول مرة توعالها شبطانه فيها كيف العيال .... !!
ناهد: مالهم البنات جاعدين وياها ولا ما تكون هي العروسه علي إيه اصبرو هبابا والخلج دي الي عاملين حالهم عيحبوكي عيهملوكى كيف الجربااا
إيناس : أنى اجولك تغني غنيه حلوة جوي وأنى سمعتك وأنتى عتغنيها في السكن غنيه شرين ( أنا مش مبيناله ) وبدأت شهد فى الغناء وتحمس لها البنات وباقي المعازيم حتى فاطمه نسيت ما طلبه منها جاسر ووقفت تستمع لها
جاسر: وهو جالس فى المكتب فسمع صوتها واقترب من باب المكتب ووقف خلفه وفتح جزء بسيط من الباب وظل يستمع لها وهو مفمض العينين وكأنه يراها أمامه وتحدث مع نفسه ..... أنى مخبرشي ناويالي على إيه ي بت عيد
*************************************
سامر: واقترب لأحد الغفرا هو جاسر خوي فينه مش وعيله اهنه
الغفير: وأنى كمانى رايده ومخبرشي راح لوين
سامر: واااا رااااح فين ده بوى عيسال عليه وهو وكأنه فص ملح وداب
يس: مالك واجف أكده عتدور على حاجه ...
سامر: أنى عدور على جاسر بوي رايده..
يس: أنى وعيتله وهو داخل السرايا ويريت لو عتدخل شيع لمراه عمي تاجى عشانو نروح
سامر: واااا جنيت عاااد عتروح كيف والحنه لساتها في أولها اهاااا استنى اهنه وأنى عنادى لجاسر واعاود وأنت اتحدت ويا أحمد بينه عينعس وهو جاعد
يس: واقترب من أحمد مالك أنت نعسان جوي اكده
أحمد: والله أنى واخد اجازة يومين عشاني اريحو فيها واديك واعي جيت لجيت شهد فى الغيط لحالها والله شغل الغيط ده تجيل جوي
يس: امعاك حج شغل الغيط تجيل للي زينا والله شكلنا عفش ههههههههههههه
أحمد: ولم يتمالك نفسه هههههههههههه تجصد إن البت اجدع منينا
يس: والله بينها أكده خيتك عافيه جوي وشديده مش زي حالنا اكده عنتحدتو وبس
حسان: واقترب من أحمد كيفك ي إبن عمي جيت ميتا
أحمد: أنى الحمد لله جيت النهارده وأنت كيفك يا أبن عمي
حسان:: أنى مليح جوي بس وعيلك عتنعس على حالك
أحمد: خلاص أنى فوجت اهاااا ومش عنعس تاني خلاص
حسان: أنى عجوم اجعد ويا الرجاله عن أذنك بس ابجي تعالي احدانا وسلم على مراه عمك
أحمد: إن شاء الله اجي وأسلم عليها امالي عمي فينه اجي امعاك عشان أسلم عليه ...
حسان: اها جاعد ويا بوك جوم سلم عليه
أحمد: ماشي وقام كي يسلم على عمه ....
حسان: كيفك ي خوى عامل ايه ....؟
يس: أنى مليح جوي و أنت كيفك والله براوة عليك طلعت أكده ولا همك عن جد أنت فظيع جوي وما فى منيك تانيين
حسان: أنت لسه متوعاش عليا أنى فوتك أكده عشان اجيب اخرك ويايا ولما اشوف لميتا عتتصدرلي ي إبن بوي
يس: أنى عتصدرلك وعتلاجينى جبالك طول ما أنت عتتعرض لبت عمك ومفيش أيتها حاجه عتمنعني إلا الموت
حسان: وضحك على اخيه بسخريه يبجي موت وريحنا جاتك الهم وقام من جواره واتجه إلي ابيه وعمه وجلس معهم
سامر: ووقف أمام باب السرايا واستمع لمن تغني وكان مستمتع بالصوت فنظر وجحظت عيناه واااااه شهد وابتسم والله صوتك جميييل جوي ياخد العجل ويدخل الجلب وبحث بعينه علي اخيه فرآه واقف خلف باب المكتب وهو مغمض العينين فابتسم ولنفسه بركاتك ي شهد لينتى الصخر بينك عااااد
***************
وما أن انتهت شهد من الغناء فالجميع كان سعيد بها
إيناس: والله براوة عليكى صوتك مليح جوي
شهد: ربنا يخليكى وبكفياكي عاد تطلبي اغني تانى أنى جولت اها
فاطمه: مني تعالي جاسر رايدك فى المكتب عيستناكى ي بتى وأنى نسيت من جمال حس شهد
شهد: بخجل ربنا يخليكى ي خالتي ونظرت لايناس فينها امي بكفايه عاد عاوزة اروح
إيناس : ابااااي عليكى مالك مستعجله أكده استنى ويانا لسه بدري
مني: اانى عطل على جاسر واعاود اوعاكى تمشي جبل ما اجي سمعانا
شهد: ماشي أنى جاعده اها بس متعوجيش
ياسمين: انتى رايده تروحي ليه والله الجعده اهنه مليحه جوي
شهد: أنى تعبانه ورايده انعس
ناهد: وقد استرقت السمع واقتربت من شهد بجولك إيه جومي طسي ( اغسلي) وشك بالمايا عتفوجي ومتزعليش خيتك واصل
شهد: نظرت لاختها وابتسمت ماشي بس فينه الحمام
ناهد: فوج تانى باب بعد السلم إلي فى اوضه إيناس
شهد: متاجي معايا وبلاها اطلع لحالي أكده
ناهد: اطلعي مفيش غير الحريم اهنه والرجاله كلياتهم برة يلا عشاني تفوجي
شهد: ماشي وصعدت الي الدور الثاني ودخلت لغرفه إيناس وغسلت وجهها ونزلت مرة أخري وجلست بجوار أختها وايناس
ناهد: لأمها وااااا أنتى مش لابسه دهباتك ليه كيف مراه عمي الناس يجولو علينا إيه
أفكار: أنى موعيتش البسهم بس أنى لابسه الغوشات اها بكفايه
ناهد: وااااا والله بوي لو درى يغفلجها علينا وعليكى انتى خبراه زين
أفكار: اباااااي عليكى انتى وبوكى خلاصي اطلعي هاتي الدهبات
ناهد: لع اطلعو كيف وعتلبسيهم جدام الخلج اطلعي والبسيهم فوج واتدلي لاهنه
أفكار: حاضر ي بتي عطلع اها فابتسمت ناهد لنجاح مخطتها فهى خبأت دهب أمها فى ملابس شهد
إيناس: لناهد اباااااي مالك عتضحكي لحالك ضحكينا امعاكي
ناهد: أنى مبسوطه جوي النهارده حنه خيتى وأنى مبسوطه فيها حاجه دي
إيناس: لع انبسطى وماله ربنا يسعدك عجبال فرحك إن شاء الله
ناهد: إن شاء الله جريب جوي .......
جاسر: لمني ألف مبروك ي خيتى ألف مليون مبروك امسكى دى هديتى ليكى
مني: امسكت الورقه واااااه كيف ده فى حدا يدى هديه ارض
جاسر: أنتي خيتى وأنى فرحان بجوازتك وأنى عراعي الأرض وايتها مكسب عشيعه ليكى بس اوعاكي تجولي لابوكى عاااد لياخدها منيكى
مني: ربنا يخليك ي خوي ولا يحرمني منك واصل
جاسر: يلا اطلعي وافرحي واوعاكى تعوزي أيتها حاجه ومتجيش طوالي لعندى واقترب منها واحتضنها ربنا يسعدك ي رب
مني: عجبالك أنت كماني لما تلاجي الي تسعدك ي رب
جاسر: فابعدها عن حضنه لوله أنى راضع وياكي وبجيتى خيتى مكنتش افوتك واصل
مني: والله البنات اهنه مليحه جوي سيبنى أنى اختار واحده تليج بيك
جاسر: وااااا روحي يلا احداكي ضيوف عتهمليهم وتتحدتى ويايا إياك
مني: لع خلاص أنى طالعه اهااا
أفكار: وبحثت في كل مكان في الغرفه ولم تجد الذهب فنزلت مسرعه إلى فاطمه الحجينى ي فاطمه
فاطمه: واااا مالك وشك مخطوف وكان روحك عتطلع في إيه
أفكار : الحجينى طلعت البس الدهبات ملجتهومش ي مراري يانى
فاطمه: وااااااا كيف ده أنى مفيش أيتها حاجه عتضيع من بيتى واصل والشغالين اهنه عيخافو ولا يمكن يعملو عامله عفشه أكده
أفكار: يعنى ايه الدهبات ضاعو ولا ايه .....؟
فاطمه: اصبري أنى عشوف من طلع فوج أنى خليت واحده من الشغالين تنتبه للسلم اصبري وذهبت فاطمه للشغاله ونادت عليها بت تعالي اهنه مين طلع فوج غريب من المعازيم
الشغاله: بتذكر مفيش غير الست إيناس وصحبتها والست ناهد
فاطمه: يعنى محدش طلع لحاله فوج
الشغاله: صحبه بتك طلعت فوج لحالها ولساتها نازله
فاطمه: مين دي ..... صحبات بتي كتير انطجي ي بت
الشغاله:: الست شهد طلعت لحالها ولساتها نازله
فاطمه: اباااي معجول تكون .....لع لع مش معجول
أفكار: والله كل حاجه معجوله أنى مش عهملها البت دى لحالها لازمن تطلعو الدهبات فذهبت أفكار مسرعه إلي شهد وبدأت تتحدث معها بصوت عالي انتى سرجتي دهباتي طلعيهم لاجتلك اهنه
شهد: بذهول وااااا عتحدتينى أنى ....؟؟؟
افكار: ايوة أتى مفيش غيرك سرجتي الدهبات فينهم دستيهم وين....
شهد: حضرتك فى مجام امي عيب تتهمينى بحاجه عفشه أكده وأنى لا يمكن امد يدي علي أيتها حاجه مش بتاعتي .....
جاسر: ايه الصوت ده خبر ايه خير ي رب وأسرع بالخروج من غرفه المكتب
سامر: اباااااي كيف مراه عمي عتتهم شهد أكده والله ابوها لو سمع عيغفلجها علي الكل ولا يس ولد عمها واسرع للداخل واغلق باب السريا من خلفه وذهب إليهم
فاطمه: أهدي هبابا ي أفكار براحه أكده
وفيه : اقتربت من ابنتها ليه عتجولي على بتى حراميه ....؟ سرجت منيكى إيه
أفكار: اسألي بتك دخلت مجعدى وسرجت دهباتي
وفيه: عيب ي حجه أفكار لما تتهمي حدا من غير بينه ايه دليلك على بتي
افكار : ونادت علي الشغاله تعالي اهنه وجولي مين طلع فوج لحاله ونزل تانى لحاله
الشغاله: الست شهد طلعت لحالها ونزلت طوالي
وفيه: لابنتها جوليلي ي بتي انتى طلعتي لحالك فوج
شهد: أنى كنت عنعس على حالي واجت ناهد وجالت اطلعي فوج طسي وشك بالمايا واني طلعت وبس أكده
ناهد: وااااا أنتى عتكدبي ليه أني جولتلك ميتا اطلعي فوج والله ما حوصل ...ونظرت الي جاسر الواقف امامها ي ولد عمي البت دي عتكدب
شهد: وجحظت عيناها واااااا كيف ده عتنكري ليه .....
هنيه: فاقتربت من ناهد وصفعتها على وجهها بالقلم الذي اوقعها أرضا انتى إلي عتكدبي أنى سمعتك وانتي عتجولي اطلعي فوج وهى كانت ريداكى تطلعي وياها وانتى جولتي لع غيتك ايه منيها بت عمي اول مرة توعالك وتوعي للعالم اهنه كيف عتدخل وتسرج وتدبر لكل ده ميتا
سامر: بإعجاب والله تسلم يدك امعاكي حج..
جاسر: معوزشي ولا كلمه واصل رايد أسأل سؤال للشغاله تعالي اهنه لما الست شهد طلعت لحالها عوجت كتير
الشغاله: سكتت لثوانى لع نزلت طوالي معوجتش
جاسر: اباااي يعني عتسرج الدهبات وهى متعرفش مجعدك ي مراه عمي وعشانى تدور مليح لازمن تغيب ياجي ساعه اجل حاجه
إيناس: والله ما حوصل أنى كنت وياها وغيرت خلجاتها ونزلنا ويا بعض ...... وكمانى أنى خبراها زين هى مستحيل تمد يدها على أيتها حاجه مش حاجتها
بعض أهالي البلد والذين يعرفون شهد وتحدثو لايمكن بت الحج عيد تعمل أكده عيب عليكو كيف تتهمو العالم أكده من غير دليل
شهد: أنى جدامك اها فتشيني وإذا لجيتى الدهبات يبجي ليكى حج وإذا ملجتيش يبجي أنى عندي الحج
جاسر: وهو واقف مثل الصخر ينظر لشهد التى تتحدث بكل ثقه وعزه نفس فنظر الي ناهد فرائها تبتسم وسعيده لما حصل وكأنها على علم بكل شيئ فتذكر صعودها للاعلي وهى تتسحب فأدرك أن ناهد هى ما دبرت لكل هذا
سامر: خبر إيه فى إيه وطي حسك ي مراه عمي بلاش الرجاله توعالنا والله الخلج اهنه عتفضحنا كلياتنا
ناهد: بكفياكم عاد خلاص امي رايده تفتشها خلاصي هملوها تفتشها مش عتجول أنها بريئه خلاص اها ادى الجمل وادي الجمال
جاسر: وضيق علي عينه ونظر الي ناهد وبصوت عالي اوعاكي حسك يطلع فهمانا ومفيش أيتها حدا اهنه عنفتشه
شهد: ونظرت لجاسر فالتقت اعينهم وكأنه يريد أن يطمئنها فخجلت ونظرت للأرض
ناهد: كيف ده ودهبات امي فينهم واااا عتسكت اياااك عن الحج
سامر : وهو ينظر لأخيه فشعر أن اخيه يريده أن يكون معه على حديثه الذي يقوله
جاسر: أنتى عتعلي حسك عليا إياااااك ولا نسيتى حالك اهنه أنتى تجعدي ومعوزشي منيكي أيتها حديت سامعه أنى عدخل مكتبي وعفتح الكاميرات الي في السرايا كلياتها ادوني عشر دجايج بس وأنى هعرفو مين اتدلي لمجعدك ي مراه عمي وهعرف مين الحرامي اهنه وتركهم ودخل المكتب والجميع منتظر خروج جاسر
ناهد: وقد انقبض قلبها فهذة هى نهايتها إذا علم جاسر بما فعلته ......فتسحبت للوراء بدون أن يشعر بها احد واخذت كيس اللبس بتاع شهد وفتحته واخذت منه الذهب وما أن اخرجته وإلا بااحد يمسك يدها ويكاد أن يعتصر يداها بين كفه فنظرت فرأت جاسر ممسك بيدها تعالي أنى هعرفو كيف اردك لعجلك خدى الدهبات وطلعيهم فوج واوعاكى تنزلي لاهنه ودسيهم مليح لما اطلع فوج
عاصم: دخل السرايا وااااا خبر إيه مالكم حسكم عالي أكده
فاطمه: ولا حاجه مفيش أيتها حاجه شويه زعل اكده وراحو لحالهم
ياسمين: لع كيف يعني مفيش أيتها حاجه انتو عتتهمو خيتى بالسرجه وكمانى عوزين نسكتو ايااك
عاصم: اباااااي مين اتهم مين ونظر لسامر وجاسر حدا منيكم يتحدت
سامر: وحكي لابيه ما حدث واقترب منه وهمس بأن ناهد من فعلت كل شيئ
عاصم: بصوت عالي كيف ي أم مني تهينى ضيوفك كيف ده وليه مشيعتليش ليه وأنى ادليت لاهنه وكنت عرفت اتصرفو
أفكار: حجك عليا أنى غلطانه أنى من خضتى والله متحملتش
عاصم: اباااي ورايده مني اسكت عااااد لع أنى لازمن ارد اعتبار شهد وجدام الخلج دي كلياتهم
سامر: وكان سعيد من تصرف ابيه ونظر إلي شهد واخواتها
عاصم: تعالي يا شهد يا بتى اجفي جاري وأنتي ي أفكار لازمن تتاسفي لشهد جدام الخلج
أفكار: بذهول وي وي وي أنى اتاسف ولمين لدي ي ابو جاسر وشاورت على شهد
شهد: ورأسها مرفوع أنى مش رايده أيتها آسف أنى خابرة حالي زين جوي وخابرة بوي رباني كيف ونظرت لأمها وامسكت يدها ويد هنيه واختها ياسمين يلا خلونا نعاودو لدوارنا
عاصم: استني ي بتي تعالي اهنه كيف عتكسري كلمتى
شهد: لأنه ميصحوش إن واحده في مجام أمي تجف وتجولي أنى اسفه ويريتها عتجولها وهى حساها لع عتجولها بالاجبار وأنى معوزاش أسف من أيتها حدا ....
عاصم: بإعجاب والله عيد عرف يربي بت كيف الجوهرة واقترب من شهد أنى أسف ي بتي حجك عليا أني
شهد: لع مفيش أيتها أسف ي عم عاصم بس يريت تعلمو بتكم أنها متكدبش لأن الكدب مفتاح أي شر وربنا يهديلها حالها عن اذنكم وامسكت بيد امها وأخواتها وخرجو من السرايا
يس: خبط على كتف أحمد هم خواتك البنات طلعو يلا شيع لابوك عشان نروح
أحمد: بوي جاي لحاله اهاااا يلا هم بينا أنى نعسان جوي وخرجو جميعا إلي الطريق للعودة إلي منزلهم...
حسان وابيه: نادو على عيد بأن ينتظر كي يمشو سويا
شهد: نظرت خلفها فرأت حسان فخافت منه وااااا كيف ده عيتطلع فيا ولا كأنه عمل أيتها حاجه
هنيه: أمسكت يدها أمشي واياكي خوي يوعالك وأنتى خايفه أكده أنتى جويه وعمي واجف امعاكي وأنتي مش مغلوبه على أيتها حاجه زيي اوعاكى خوي يكسرك ولا يربي جواكي خوف بكده هو عيكسب
شهد: اخذت نفس طويل ونفخته امعاكي حج فى كل كلمه جولتيها وأنى لازمن اجف لحسان ومعخافش منيه أنى الخوف اتملكنى ومعرفتش اتصرف وياه بس خلاص مش عيوحصل تانى واصل ويلا همي بينا ...
جاسر: نظر لأخيه وشاور له برأسه فاقترب منه سامر : نعم ي خوي رايد حاجه إياك ..
جاسر: معوذشي أيتها حدا اهنه يطلع الحديت إلي حوصل ده بره السرايا ونبه على كل الحريم سامع وأنى طالع فوج لبت عمك رايد افهم شئ منيها وصعد جاسر وطرق علي باب غرفه ناهد
ناهد: بخوف مين ....
جاسر: اانى جاسر اطلعي لاهنه رايد اتحدت وياكي
ناهد: ي مرارك ي ناهد من جاسر عيسوي فيا إيه يا نصيبتى يانى
جاسر: بصوت عالي اطلعي لاهنه جولتلك همي
ناهد: اقتربت من الباب وفتحته واخرجت ووقفت أمام جاسر نعم رايد إيه مني
جاسر: بعيون مثل النار جوليلي ليه عملتي أكده وكنتي رايده تفضحي بت عيد ليه جولي
ناهد: أنى معنديش حديت اجوله وأنت اهاا واجف عتتعارك امعايا عشانها
جاسر: بغيظ وامسكها من حجابها بكل قوة أنتى عامله لنفسك جيمه ليه عاد احداي ورايد اعرفو ليه عملتي اكده ويا شهد انطجي وإلا انتى خابرة أنى ممكن اعملو وياكى إيه
فاطمه وافكار سمعو صوت جاسر وناهد واسرعو للصعود للاعلي فراو جاسر وهو ممسك بحجابها وشعرها وهى تحاول أن تنزع يده عنها
فاطمه: اباااي هملها ي ولدي كيف عتمسك بت عمك أكده
أفكار: وحاولت أن تفلت يد جاسر ولكنها لم تقدر ولكنها خافت من شكل جاسر فابتعدت عنه
عاصم: وصعد هو الآخر وراء الصوت وسأل إبنه جاسر ماسك بت عمك ليه أكده فهمني ي ولدي
جاسر: الست هانم هي إلي سرجت دهبات امها ودستهم فى الكيسه وسط خلجات شهد بت عيد وهي الي دبرت لكل ده وأنى رايد اعرفو منيها هي ليه عملت أكده
أفكار: ي مورك ي افكار علي بتك ونظرت لابنتها أنتى سويتى كل ده ليه ي بتي
فاطمه: طيب هملها ي ولدي أنت أكده عتخوفها وهى معتعرفشي واصل ترد وهى خايفه
جاسر: فابعد يده عنها فرجعت هى إلي الوراء واحتمت بفاطمه أنى عجول كل حاجه بس اوعاكم تهملو جاسر ويايا ليجتلنى ...
جاسر: بغيظ انطجي لاطوخك عيارين وارتاحو منيكي انطجي
عزت : صعد هو الآخر للاعلي وسمع بعض ما دار ولم يفهم أي شئ واقترب من أخيه فى إيه ي خوي خير
عاصم: أنى خابر أيتها حاجه أنى واجف اها وعتسمع للحديت
جاسر: بصوت عالي هز به ارجاء البيت والله بينى أكده عتجلك وارتاحو منيكي وذهب إليها فاحتمت بفاطمه
ناهد: اهاااا عتكلم وبلاشي تاجى احداي
فاطمه: نظرت لجاسر بعد عنيها خليها تتحدت وبلاش تخوفها أكده
ناهد: أنى عجول اها اصل البت دي أنى مش عحبها وكمانى رايده تعمل لحالها إنها واحده وأنى حبيت اكسرلها رأسها
جاسر: واصطق علي أسنانه من الغيظ جولي الحجيجه لاجتلك والله ما حدا عيشفعلك جولي الحج
ناهد: بخوف أنى جولت ونظرت إلي أبيها
عزت: بخوف من جاسر فهو اثناء غضبه لا يقدر عليه أحد وتحدث اسمعني ي ولدي كل ده غيرة بنته عاااد وبتى غيرانه
جاسر: ونظر خلفه باتجاه عمه عتجول إيه غيرة وهي بتك عتغير من بت عيد ليه دى أول مرة توعالها فهموني فى إيه أنى مش خابرة
عزت: أنى اجولك بت عمك من وجت ما اجت لاهنه وهى عتسمع من خيتك حديت كتير عن شهد دي وهي أكيد غارت ي ولدي
جاسر: وهو يضرب كف على كف اباااااااااي برديك عيجولي غيرانه ونظر لعمه بعيون تكاد أن تفتك به
عزت: بخوف وتراجع بضع خطوات للخلف واااااا هو بوك مخبركشي إياااااك
جاسر: نظر لأبيه بتعجب بوي عيخبرني بأيه
سامر: ففهم ملعوب بنت عمه مع أبيها ونظر لأبيه وهذ برأسه كي لا يقول لأخيه ما دار بينه وبين عمه
جاسر: وهو ينظر لأبيه فلاحظ نظرات سامر وكأنه لا يريد أن يعرف بأي شيء وبدأ بعلو صوته والله إن ما حدا فهمني ونظر لناهد لاطخها دلجيت وأخذ سلاحه من جلبابه ورفعه على رأس ناهد
عزت: وي وي أنى عجول اهااا بس نزل السلاح ده البت عتموت من الخوف
جاسر: جول ي عمي وأنى مش عنزل سلاحي واصل جووووول
عزت: بوك طلب يد بتى ناهد ليك وأنى وفجت وهي بنته اصغيرة وغيرانه عليك من بت عيد دي
جاسر: بعد ما سمعه فضغط علي السلاح واطلق منه الرصاص والجميع بدأ فى الصريح .......؟؟؟
عايزة تعليقاتكم إيه الي حصل وجاسر قتل ميييين؟
