الحرمان بعد العطاء

البارت 15

جاوبته بخوف"اا والله مو قصدي بس ما ردت اكل" شمر الماعون وطلع صوت فزيت بسرعة هو خلة وطلع ركع الباب حيل كامت تبجي غزل رضعتها..هسة اني شسويت بلة؟؟ما يستاهل كل هذه العصبية؟؟؟
شلت غزل ونومتها بفراشها ونمت والدمعة بعيني كعدت الصبح الم ببطني يموت ردت اكوم ما كدرت شربت مسكن الالم وضليت بفراشي صافنه اجت

شام دكت الباب "تفضلي دادة " اجت يمي وبيدها صينية كالت الشيخ دزها وكال خلي تاكل وبعدين احاجيها" "كلتلها كليله ماا اريد "

كالت"'الخاطري اكلي انجبرت اكل لان اني فعلا جوعانه من البارحة بليل وشالت الصينية ...للعصر اجه رافد اني ما اهتميت كأن ما موجود اجه هو كعد يمي "كال الحلو اليوم زعلان" راد يحضني بسرعة عطت "'ديييير بااالك تطخني والعبرة كاتمتها بصدري ما احس الا دموعي تجري من وحدها وتتسابق على خدي "

هو بسرعة حضني وخلة راسي بصدره العاري كالي"'حكج عليه سمارتي اسف كلش والله بس لا تبجين يبعد شيخج انتي"ضليت ابجي الى ان هدأت بصدرة رفعت راسي باوعلي وهو عيونه حمر كال"والله ما ردت اصيح عليج بس على مودج ما احب تتمرضين كلبي بيدج اخاف عليج من الهوا لو مر بيج يا بعد كلبي الينبض بس الج"

حضنته كتله اني هم اسفة والله بس مجان قصدي اكسر كلمتك حضني وغفيت بحضنة...

مر اسبوع وكدرت اوكف على حيلي بهل اثناء جهزت من طنتوري كل ملابسي بجنطة جبيرة كولش وهم جنطة لغزالتي وجنطة لكل ملابس رافد بس مكفت اضطريت احطهن بجنطة ثانية مر شهر وبيوم كاعدة كال كملت كلشي يلا اخذج نروح لبيتنه بسرعة لبست غزوله ملابس ثخينه ولبستها جواريب وغطيتها ببطانية واني

لبست ثوب قديفة لوب ازرق غامق اخذنه رافد للبيت صعدت بسيارته وشام توصيني اغطي غزل زين من البرد صعدت بالسيارة وطلعنا جان كولش قريب مسافته تقريبا 10 دقائق ووصلنا نزلت جان بابه لون اسود فتح الباب راغد دخلت اول شي حديقة جبيرة ونوب ممر طويل يودي لاستقبال

كولش جبير وبعد مسافة مطبخ وينتهي بغرفة جبيرة وبطنها على اليسار غرفة نوم تصميمها كولش حلو لون ابيض ورصاصي شفت البيت كله مأثث كولش فرحت بي وضليت افتر واخطط هنا راح اجيب شتلات ورد وهنا اعدل وهنا اخلي واشتري واخطط لحد ما رجعنه ثاني يوم نقلنه الغراض وونقلنا غرفة الاخشاب مالتي وطول رافد يلا اجه كال"طولو يلا رجعو ركبو الاخشاب وبعد يوم ودعت شام كالت هلايام هم ننتقل بس صارت مشاكل ضحى بس تدعي "الله لا يوفقج هجامة البيوت اخذتي الرجال من مرته وعيالة شوفي لو ما الله يطلع حوبتي بيج وبجهالج"

كلش ضجت من دعوتها وخفت لا تتحقق رحت لبيتي واني طايرة من الفرح نسيت كلشي يضوجني جان مساحته 500 متر جبير وعلى الشارع موقعة كولش حلو جان ..خليت غزل عند ابوها بالاستقبال جان حته صوبات جايب ٣ جديدات طلعتهن من الكارتونه مسحتهن وشغلت وحدة الهم بالاستقبال ورحت لغرفة النوم لكيت الغرفة هوسة نزلت فرشة

لون رصاصي فرشت الكاع ونزلت نزله مالت الجرباية لون ابيض ومنقشه برصاصي وطلعت الجنط رتبت الملابس وصفطتهن وخليت لكل واحد خانه ورتبتهم وعدلت الفراش وعطرت الغرفة وسديتها رحت طلعت فراشات ونضدت النضدة من جديد وفرشت قراشات للاستقبال وللغرفة متت تعب من الصبح لحد ما اذن وكل ساعة رافد جاي لان ما يعرف يسكت غزل ف اعوف البيدي واخذها وارضعها وارجعها بفراشها دخل رافد يتمدد بالغرفة انبهر بالترتيب

كال"عااشت ايدج عشتي والله الغرفة تجنن مطلعتها ابتسمتله ورحت للثلاجة شفتها بيها دجاجتين طلعت وحدة وقطعتها وسلكتها وشويتها وسويت تمن وزلاطة وخضرة ولبن .. دخلت وهو رجع غزل لفراشها وتقدم ياكل كملنه اكل شلت الصينية وسمعت صوت الاذان
كتلة رافد" راح يأذن روح صلي وانطيني غزل ارضعها بين ما تكمل " انطاني غزل وراح توضه طول يلا اجه كال روحي صلي'' رحت توضيت وصليت غسلت المواعين وغفينه اثنينه للعصر كعدت لكيته بعدة نايم رحت للمطبخ فتحت الكاونتر لكيت اكياس عدس وطحين صفر وطبقة بيض بالثلاجة كلت اسوي كيكة شفت المقادير بيهن نقص درت وجهي لكيت رافد"ها حبيبتي محتاجة شي اني رايح اتسوك"

كتله اي "كتبتلة بورقة كل الاحتاجة" وطلع رحت يم غزل بدت تحرك اديها وشوي كبرت صار عمرها شهرين للمغرب رجع رافد رحت عزلت المسواك ورحنه صلينه.. وسويت بتيته وطماطة للعشة شي خفيف لان راح ننام اكلنه غسلت المواعين وبديت اسوي كيكة حظرت المقادير وبديت خليتها بالفرن ورحت عصرت عصير طبيعي .. بين ما تستوي الكيكة طلعت الكيكة من الفرن وخليته بماعون وقطعتها وصبيت العصير ودخلت كال"يااا يابة عشتي والله اروح فدوة لام بيتي وحبيبتي'' ابتسمت وكعدت اكل كطعتين وراد الثالثة كمل الكلاص مالته وكمل الكيك شلت الصينية وغسلت المواعين وعزلت المطبخ'' مرت الايام وصار شهر ببيتنه وهو ما بين الشغل والديوان والبيت مره متمددين بالغرفة زجان نسمع الباب يندك بقوة بسرعة طفر رافد فتح الباب ومدري شحجة واجه مخبوص بدل بسرعة واخذ السويج وطلع ما دريت شنو السالفة.....يتبع