بعد منتصف الليل

الفصل الثالث والعشرون

هارون وهو يقترب منها ويتحدث بهدوء : كل اللي بتقوليه ده مش حقيقي ده وهم في خيالك المفروض تكوني فاهماني وعارفه اني مش بتاع حب انا بحب شغلي ومخلص في شغلي وانتي مميزة عندي ياجومانا وعلشان كده انتي الي معايا في كل شئ ياريت تسيبي كل الجنان ده وتركزي في اللي احنا جايين ليه انا هلبس وهروح الشركة وانتي اهدي كده وتعالي ورايا علشان في شغل كتير ورانا

عودة الي فيلا عزيز

يجلس بمكتبه مع كرم يتحدثوا بأمور المجموعة فمنذ وفاة سالم وعزيز يحمل عبئ المجموعة علي عاتقه لايريد ان يخذل أخيه يريد أن يحافظ علي ماله من أجله فقط

عزيز : وانت عامل ايه في شغلك وصلت لحاجه
كرم بغموض : الحقيقة ياعمي موصلتش لحاجه لسة كل شئ غامض ومش عارفين اي حاجة
ليومئ عزيز بحزن
ولكن نظرات كرم كشفته ليكمل : متقلقش ياعمي زين راجع اختفي السنين لكن هيرجع بسبب قوي وكل النقط هتبقي واضحة في يوم من الايام
لتقاطع حديثهم دخول نوران وهي تبكي لينهض كرم بخوف
كرم : مالك يا نوران ايه اللي حصل
نوران ببكاء : جهاد لسه قافله معايا وبتقولي والدتك في المستشفي لاقوها في الحمام واقعة وجمبها علبة الحبوب فاضيه حالة انتحار ياكرم وحالتها خطيرة
ليخرج كرم مسرعا ليأتي معه عزيز ونوران

بالخارج خرج كرم مسرعا باتجاه سيارته ليلحق به عزيز ويركب معه

بالمشفي كانت ناريمان واقفه أمام غرفة العمليات وبجانبها جهاد ليأتي كرم وعزيز لتتقابل نظراته مع نظرات اخته المشتاقه النادمة
سنين تريد ان تحدثه ولكن كيف وابنتها لها يد بما حدث

كرم : ايه اللي حصل ياعمتي
ناريمان ببكاء : قسم من يوم ما انت وزين سيبتوا البيت وهي مبتخرجش من اوضتها في الأول كانت مبتتكلمش مع حد ودايما عينيها علي صورة سالم الله يرحمه وبعدها بمدة لاقينا الموضوع بيتطور الشغالة بدأت تيجي تقولي انها بتسمعها بتتكلم لوحدها مع سالم الله يرحمه وبتقوله سامحني انا في الأول مصدقتش لكن فعلا سمعتها بنفسي بتكلم صورة سالم كأنه حقيقي قصادها طلبت لها الدكتور قالنا انها حالة اكتئاب متأخرة وحالتها بتسوء لازم نشوف ايه الحاجات اللي بتفرحها ونحاول نعملها بدأت أقرب منها لاقيتها مش بتستجيب واخر محاولة مني هي يوم مادخلت وخبطت عليها في الجناح ملقتهاش فضلت ادور عليها في القصر ملقتهاش في الاخر لاقيت الشغاله بتصرخ جريت اشوف في ايه لاقيت قسم واقعه علي الارض وعلبة الحبوب كلها اخدتها طلبت الإسعاف بسرعه وجينا علي المستشفي

كرم وهو يلكم الحائط بغضب: انا السبب انا السبب ليوقفه عزيز في محاولة لتهدئته : مالوش لزوم لكل ده أن شاء الله كل شئ هيبقا تمام وقسم هتبقى كويسة

بعد ساعة
خرج الطبيب اسرع كرم و الباقيين خلفه
الطبيب : اطمن يا كرم بيه الحمد لله والدتك بخير قدرنا نعمل غسيل للمعدة لكن المشكلة في الحالة النفسية والدتك مش عاوزه تستجيب معانا هي قررت تختار العزلة عن العالم كله وده اكبر سبب ممكن يأثر علي صحتها الحالة النفسية اساسية لصحة المريض لازم توفرولها الجو المناسب انها تخرج من الحالة النفسية اللي هي فيها