The 'Un' Attached String

Chapter - 33

[Next Day]

"Itna sab kuch ho gaya aur tumne mujhe bataya bhi nehi vo to aunty se mujhe pata chala! Main to soch bhi nehi sakti ke godh bharaai ki rasam ke liye main Rohit ke ghar kya gayi, mere peeth peeche itna sab kuch ho gaya. Sahi hai yaar... matlab is ladke ko to akele chod kar ja bhi nehi sakti hu main kahi. Agar main hoti na to ye sab kuch bhi nehi hota, pehle to thik se is Maahir aur us Anu ki dhulaai karti main to.", said an angry Kuhu to Bela after coming to Sarna House to meet her and Bulbul, the moment she came to know about Bulbul's condition from Madhu. Not only Kuhu and Rohit but Pratham and Suhaani too arrived from Mumbai on getting to know about the divorce case and Bulbul's health. Pratham had been planning for a long time to shift to Delhi permanently and open his own legal firm and so he sent his parents to their paternal house till he arranges for a place to live at Delhi and settle there. All were sitting at the hall and Bela replied to Kuhu, "Tumhaara gussa hona jaayaz hai Kuhu par uswaqt main aisi mental condition mein thi ke main... You know Bulbul... usne abhitak ek lafz nehi bola hai apne muh se. Khaana khila kar do to khaati hai, kuch bolo to sunti hai lekin bolti nehi hai. Mere haath se bhi nehi khaati hai sirf mamma ke haath se khaati hai, yahatak ke abhi to mamma ke paas hi soti hai, mere paas bhi nehi aati. Main jab bhi usko bulaati hu ya kuch bhi kehti hu to aise dekhti hai meri taraf jaise mujhe pehchaanti hi nehi hai. Pata nehi mujhe aisa kyu lag raha hai ke jaise Bulbul mujhse bhaag rahi hai." Pratham too was extremely angry on Maahir due to his reckless behavior and he said, "Ek number ka gadha hai ye ladka! Baap ban gaya hai lekin harkate.... Mujhe bhanak tak nehi pari aur usne divorce file kar diya, court se order tha ke 6 mahine rehna hai, usne mutual separation ka case file kiya hai with dropping off Bulbul's custody. Itna bara businessman hai lekin akal dhele bhar ki nehi hai." Suhaani felt sad and said, "Mujhe to abhi bhi yakeen nehi hota hai ke jiju ne aisa kiya hai. Jiju to kitna pyar karte hai Bulbul se." Kuhu was so agitated due to Maahir's act that she replied, "Uska dimaag kharaab ho gaya hai aur kuch nehi pata nehi Anu ne patti kya paraai hai. Vaise usko pata hai kya ke Bulbul hospital mein pohoch gayi thi?" Bela nodded her head and replied, "Nehi maine usko nehi bataya aur mamma ko bhi manaa kiya hai usko kuch bhi bataane se." Kuhu said, "Achcha kiya, bilkul thik kiya, isi laayak hai vo. Hamesha kehta tha ke Bela bachchi jaisi hai, to abhi jo usne harkat ki hai kya vo bohot adult waali ki hai na? Bela aur Maahir ke alag hone ke time se abhitak agar har cheez mein kisi ne sabse zyaada maturity dikhaayi hai to vo Bela hai. Ye jo Maahir ke life mein aadhi se zyaada problems hai na uski vajah uski ek bekaar ki ego aur bewakufi hai. Pehle to kitna suljha hua tha, ab to jaise din ba din akal uski ghaas chadne ja rahi hai. I'm telling you Bela, divorce him right away, jo aadmi apni hi khushiyo pe aag lagaaye aise aadmi ke saath patch up karne ka sawaal hi paida nehi hota. Throw him out of your life permanently and then settle with Bulbul somewhere else, I guarantee tum dono bohot khush rahoge." Pratham supported Kuhu and said, "Kuhu bilkul thik keh rahi hai bhabhi! Vo aap dono ko deserve hi nehi karta hai. Aap papers par sign karo, main sab sambhaal lunga aur stay order banwaaunga ke Maahir, Bulbul se apni zindagi mein kabhi nehi mil paayega." Rohit was listening to everyone and then said, "I know aap sab log Maahir par bohot gussa ho aur ye sahi bhi hai usne kaam hi aisa kiya hai but I think hume usko ek mauka dena chahiye... Main ye nehi kehta hu ke Bela ko uski zindagi mein waapas jaana chahiye lekin mujhe lagta hai ke ek baar thande dimaag se, shaanti se uski baat bhi sun leni chahiye, I'm sure Bulbul ke saath aisa karke vo khud bhi khush nehi hoga, Bulbul jaan hai uski. Yaha hum sab ek dusre ke saath hai aur waha vo bichaara akela hai." Kuhu chuckled sarcastically and replied, "Vo akela kaha hai, Anu hai na uske saath." Rohit replied, "Oh c'mon guyz! Hum sabko pata hai Anu kaisi hai, usko apni khushi ke sivaay aur kuch dikhta hi nehi hai varna vo aisi harkat kabhi nehi karti. Suicide commit karke usne Maahir ko literally blackmail kiya hai shaadi ke liye, isse bara saboot kya ho sakta hai ke vo kis hadh tak obsessed hai Maahir ko lekar. Peechle 8 saalo mein jo usne Maahir ka saath diya hai vo uske liye nehi, isliye taaki vo Bela ki jagah le sakey. Anu ne jaanbujh kar Maahir se kaha ke vo Maahir ke liye Bulbul ko bhi apnaane ko tayyar hai kyuki usko pata hai ke Bela kabhi nehi maanegi aur Maahir bhi nehi maanega aur bina kuch kiye Bulbul asaani se uske raaste se hat jaayegi kyuki divorce or no divorce, Bulbul uske raaste ka sabse bara kaata hai. Maahir is just a victim of the situation, I'm sure usne ye sab isiliye kiya hoga taaki Bulbul ko in sab se dur rakh sakey and agar vo Bela ke saath rahegi to zyaada khush rahegi aur uske liye yehi achcha hoga. Parents aise hi to hote hai apne bachcho ke liye vo kuch bhi kar sakte hai. Ab koi galti kar raha hai aisa janne ke baad usko aise karne dena to aur bhi zyaada bari waali bewakufi hogi na." After Rohit had finished speaking, he found everyone was staring at him and so, in a fearful voice, he concluded, "Ye... bas... mera... point... of... view... hai. Agar vo sahi mein kisi conspiracy ka shikaar ho raha hai to hume usko akela nehi chodna chahiye na kyuki no offense but Bela ke paas uski puri family thi, akela to Maahir hai." Pratham, after listening to Rohit replied, "Main to nehi jaaunga kyuki uski bekaar ki baate agar sunni pari na mujhe, mera dimaag kharaab ho jaayega uar uske baad pata nehi shaayad main kuch na kuch kar bethunga." Kuhu took a deep breath and replied, "Ha main to unofficial mummy hu uski, mujhe hi jaana parega." Rohit immediately replied, "Ha main bhi chalunga tumhaare saath kyuki pregnant aurat ka gussa bohot khatarnaak hota hai, khudke liye bhi aur dusro ke liye bhi." Suhaani said, "Wait yaar! Hum sabne apni apni baat to keh li par ye bhi to hume janna chahiye na ke didi feel kya kar rahi hai. Didi aap bolo aap kaise ho?" Bela remained quiet for some time and then said, "I don't know... Mujhe nehi pata ke main exactly kaisa feel kar rahi hu. Vo 4 mahine... vo 4 mahine bohot... achche the. I knew ke hamaare paas sirf 6 mahine hai lekin un 4 mahino mein... galti meri thi ke maine shaayad expect karna shuru kar diya tha kuch achcha hone ka. Mujhe to pata tha ke Maahir aur Anu ke shaadi ka... main to complain bhi nehi kar sakti hu ke usne waapas se mujhe dhoka diya hai. Is baar usne dhoka nehi diya mujhe... shaayad maine apne aap ko dhokha diya hai. It's so complicated!" Pratham asked, "To aap kya karne ka soch rahi hai bhabhi?" Rohit replied, "Ek baar beth kar sab aamne saamne baat kar lete hai na." Suhaani said, "Mujhe pata hai kya lagta hai? Kahi na kahi hum Anu ko bhi blame nehi kar sakte hai, because she loves jiju very much. Jab hum pyar mein hote hai to hume kuch sahi galat nehi lagta hai, isiliye kehte hai na ke pyar andha hota hai. Anu literally ek family tod rahi hai, par usko lag raha hai ke vo sahi kar rahi hai aur dekha jaaye to hum sab apni apni khushiyo ke liye thore bohot selfish to hote hi hai bas Anu ke case mein fark itna hai ke... uska pyar paagalpan mein badal raha hai, apni khushi ke chakkar mein vo usiko dukh de rahi hai jisse vo pyar karti hai aur vo hai jiju." Pratham said, "Thik hai uska dimaag kharaab hai lekin uske papa ka to dimaag kharaab nehi hai na? Vo to beti ko sambhaal sakte the, uska dimaag thikaane laga sakte the? Mere dad hote to ulte haath ka do lagaate." Bela got up and said, "Aap logo ko jo kuch bhi karna hai karo, mujhe Maahir se aur koi baat nehi karni hai. Abhi filhaal mujhe Bulbul ko lekar kal ek psychologist se milne jaana hai, main uske alava aur kisi cheez ke baare mein nehi sochna chahti hu. Bas vo thik ho jaaye pehle... par ha ek baat maine tey kar li hai... 8 saal pehle maine Maahir ko isliye choda tha kyuki tab mujhe aisa laga tha ke kabhi kabhi sazaa na dena bhi bohot badi sazaa hoti hai lekin is baar aisa nehi hoga..." She turned towards them and continued, "Uswaqt ek biwi ne chod diya tha, ab ek ma nehi chodegi. Anu aur Maahir ne jo kuch bhi kiya hai na Bulbul ke saath, uska hisaab to unhe dena padega. Bas ek baar Bulbul normal ho jaaye, ek second ki bhi saans unhe chain se nehi lene dungi main khaaskar us Anu ko. Har rishtey ko lekar business business khelne ka bara shaukh hai na usko, asli business to ab main seekhaaungi usko." Listening to Bela's decision, all were happy but Kuhu was especially happy since Anu and Maahir really needed to be taught a lesson.