الحلقة 14 ///بقلم الكاتبة هاجر صباح///
جميل ان يخلق لك ملاك يعطيك المعنى لحياتك
________________________________
.
.
.
.
حسيت بالام كلت يمكن تقلصات عادي كمت افتر شوية وزادت الالام بابا فز من شافني الفتر ...
شعلان:ها يابة شو كاعدة شبيج اكو شي يوجعج؟؟
جاوبته " يابة شو دتصير عندي الام وما ردت اكعد ااح..وفجأة حسيت ظهري انشل وبطني جاي تتمزق صرخت ااااااخ ولج يممممممةةةة الحكيليييي...
بسرعة الكل تطافر امي صاحت يمةة اسم الله شبي ...ااااااخ يمة يمكن اجتني ولادة كعدت بالكاع من الالم ماما بسرعة راحت تلبس العباية وزينب
تبجي يمي وتهديني وبابا راح يأجر تكسي حسيت شي حار نزل باوعت ورفعت شوبي شفت الدم ماخذ مسار طويل ...واحس بطني اتشككت اااااخ يمممة اجت امي ...كلتلها بسرعة خابري رافد ما اطلع اله هو وياي....
رافد....
بعد ما تطمنت عليها ووصيت زينب تنطيها علاجها بوقته رجعت للبيت لكيت حمزة وحامد كاعدين كعدت وياهم سولفنه على الشغل والدوام ف حامد كال"خوية شوكت ناوي تنقل سمارة لبيتك الجديد "
كتلة"والله يحامد بس خلي تجيب بسلامة والله كريم "
حمزة "ليش متبقيها هنا احسن الها هناك وحدها وانت مو دوم يمها "
رديت"لا احسن الها هنا مشاكل وي امك وضحى اعرفها ما تكف ياخة عنها اجفة الشر واعزللها...
سمعت صوت الاذان كمت صليت ودخلت لغرفة سمارة وشفت ضحى جاية باتجاهي كالت
"هلا بشمعة بيتي بعد تزوجت ونستني غير اني ابقى الاصل جانت لابسة دلع نزعت شالها ودنكت متقصدة حتى يطلع صدرها باوعتلها كالت بدلع "اصبلك غدة؟"
كلتلها "اي والله ياريت لان جوعان"
ردت" اي اني اليوم اشبعك "
كلش اكره اسلوبها.. نزعت الدشداشة والغترة
وضليت بالتعلاكه اجت هي بيدها صينية نزلتها وكعدت اكل وهي هم اكلت شالت الصينية اني رحت تمددت شوية ودزت مريم كالت"بابا ماما تصيحلك "
نزلت من الجرباية وقفلت غرفة سمارة ورحت شفت شام بالمطبخ تغسل مواعين دخلت للغرفة لكيتها لابسة سيت نوم مدلع وكله فتحات اول ما دخلت
سدت الباب وحاوطت ركبتي باديها وضلت تبوس بيه كلش كرهت جرائتها بعدتها كلتلها "اني اكره المرة الجريئة احب الخجولة تذكرت سمارة وشلون
تخجل من ابسط شي حتى من اتغزل بيها ..انطيتها حقها كواجب علية بس...رحت طبيت سبحت وطلعت رحت للاستقبال بس حمزة واحمد وشهاب
نايمين بيها رحت لغرفة سمارة بس هية الارتاح بيها تمددت شوية حاولت انام مكدرت اشتاقيتلها كلش لحد العصر بدلت وطلعت فتريت بالسيارة شفت
محل ملابس اطفال قفلت السيارة ونزلت اخذت جهاز للطفل وكلشي حتى كاروك وممات ووصل صغار وجواريب لان مقبلين على شته ...تحاسبت
YOU ARE READING
الحرمان بعد العطاء
ChickLitقصة حقيقية ومختلفة ...الكثير منا يحلم للمستقبل يرتفع الى السماء باحلامه لكن لا تنسى هناك واقع يوقع بك من سابع السموات الى الارض...
