الحرمان بعد العطاء

البارت 11

امي مشتاقتلج ومشتاقة لزينب لازم اخلي رافد يوديني لاهلي كملت سديت المي وبدلت لفيت شعري وطلعت عيوني مورمة من البجي..

شام:ليش هيج يا امي عليمن تبجين خلي يولن يرحلج فدوة تعالي يمي كعدت يمها حضنتني وغطتني نمت ما حسيت بشي شميت عطره اي اي هو معناها اجه فتحت عيوني بصعوبة لكيته يمي ..

باوعت اني بغرفتي شجابني ومن شوكت اني هنا ما اعرف ...سألته:بيش الساعة ؟؟
رافد:الساعة ب 8 شلون صرتي جنتي مصخنه وسويتلج كمادات لان درجة حرارتج عالية حبيبتي شلون صرتي هسة

سمارة:ما تحملت خنكتني العبرة بجيني بقوة..بسرعة ...كمز وحضني شبيج كلبي منو وياج اشرب من دمة بس احجي اسأل شام والبنات محد تحجي..

جاوبته:واني ابجي لك رافد هاي ضحىى هي وبنتها جنت بالمطبخ واجت دفعتني ووكعتني على الباب وجرت شعري واني عضيتها واجت ضحى موتتني كتل والله حتى خنكتني...

رافد:بس على كيفج حبيبتي اني احاسبها بسيطة راح بسرعة خفت خاف يكتلها كمت واسمع صريخ خليت حجاب على راسي وطلعت شفته دا ينزلها من الدرج سحل ويجر بشعرها ..

لجججج بنت الكلللب شمسووويتلج سمااارة شلووون هييج تسوين بيييها جاوبته وهي تبجي لككك جذااابة والله هي الكتلت مريم وشووف وجهي مخرمش جذااابة هاي ام الزللم كالت هي وهو تخبل...

نزع الحزام مووتها كتل لجججج بنت القندرة عيييب اني شنو هناااا مكرررن لو طرطووور شنو ام الزلم بنت الكلب ركضت شام فاككتها منه وهي تحجي بسييييطة سمااارة اننني اعلمج اله اندمممج والله...راحت وهي تتوعدلي ...

اجه رافد دخل للغرفة كتله باجر وديني الاهلي مشتاقتلهم واريد ارتاح شوي يمهم..
كال:ماشي حبيبتي جوعان سويلي عشة او اي شي وياج..
كتله ماشي رحت توضيت وصليت دخلت للمطبخ لكيت حمزة كال:هلو سمورة الحمد لله على السلامة

جاوبته الله يسلمك ...كال :حقج هاي ضحى مسمومة تره ديري بالج منها ولو حقها تغار منج على هل جمال وين لكاج ابوج وصادج والله خوش ذوق طلع عندة وغمز وراح...

كلش تضايقت يا ربي شلون هاذ منين طلعلي نوب استغفر الله رح كليت اصابع بتيته وطماطة ورحت لكيته ممدد وايدة على عيونه فتحت الضوه فز

وكعد تعشينه وديت الصينية وغسلت المواعين واجيت دخلت للغرفة لكيته ماكو سمعت صوت الولد بالاستقبال كلت يمكن راح يمهم بدلت سيت نوم

بنفسجي غامق وتعطرت اجة تقربلي كالت:مو حقي اتخبل بيج وبجمالج اروحلج فدوة شوف الانوثة مو مثل ضحيوه جنهة جبار حته ما تخجل ضحكت..

دخلنه سبحنه وطلعنه ...نوب نعست كلش نمنه كعدت الصبح لكيته مبدل كال جهزي نفسج اوديج الاهلج مثل ما طلبتي يتدلل الحلو ابتسمت طلع واني بدلت فستان وردي بي ورود لون ابيض وحجاب لون ابيض واخذت جنطة صغيرة بيها كم ثوب خاف ابقة كم يوم...

صعدت شغل اغنية كلعادة وضل يدندن وياها ويأشر علية ابتسمت اله وصلت بوسني ونزلت من السيارة ضل واكف دكيت الباب منا من دخلت يله راح سلمت

على ماما وزينب جانت تغسل بالطرمة شمرت الصوندة واجت تركض زحلكت رجلها وطاحت ااااخ ولج يمة ياا يابة اتكسرت لعد شكد رجلج خضرة

ضحكت علبها وضربتها بخفة ايدي انجبي ولج شبكتها ودخلنه كالت حقيرة صار ٤ اشهر من تزوجتي ولا اجيتي نسيتيني وايدج بالعسل..

انجبي ولج شابعة ضيم يا عسل كولي بصل ...

اهوو عيني منحسدج تره...
خب دولي تحسدني تره هو اني طافرة روحي والله دشوفي ايدي راويتها صايرة زركه شهكن امي وزينب ماما كالت يمةة ولج يظربج؟؟؟؟ خلي يجي شعلان ونتصرف كلتلها على كيفج خلؤ احجيلجن الصار..

حجت زينب كالت واني اكول تعودت وهسة يدللها دلال...

سمارة:لعد خلي احجيلجن وحكمن حجيتلهن كلشي تخبلن كالت ماما بعد متروحين اله نشرط شروط علي

خلي يعزل بيج ..تنهدت وفوتني للغرفة بدلت ونظفنه كعدت ارتاح للعصر اجه بابه ركضت علي شبكتة مرت يومين وزينب طايرة بيه من الفرح ضلينه نسولف

كالت:من تزوجتي الشيخ دبر شغل لبابا وراتبة زين ضل يشتغل والحمد لله مكفينه الراتب وهم سوه سلفة حتى نفلش بيتنه ونبني لان تعبان كلش وهم جبنه غراض مواعين وجدورة اكلج صدك المدرسة بعدلها اسبوعين ترة

جاوبتها:ياا واله ناسية اكول لرافد حتى هم يلا اجهز للمدرسة يا رب يقبل اخاف يخلف بوعدة بحجة اغار ومدري شنوو

عذراء:لا حبي هو وعدج وما اعتقد يخلف بوعدة سولفتلها على كلام حمزة..
كالت تجاهلي هسة يمل منج ومن ما تنطي مجال يمل ويفك ياخة عنج ...مرت يومين بيوم كاعدة واندك الباب راح بابا يفتحة.....يتبع

(بنات مقررة اغير الاسم شنو رايجن اغيرة لو ابقي واذا اغيرة اقترحولي اسماء)😍❤التصويت لتنسنه⭐🌟