شقة رقم ٧

ماذا لو.. [ السباعي موظفين في شركة إنترنت]

المدير فجأه جه من وراه بيتوعدله
- انت بتعمل ايه بالضبط؟؟

بلع ريقه ولف راسه بحذر للمدير الي وشه لا يبشر بالخير و ضحك بتوتر قايل
" بصلح الراوتر بتاعنا يمكن المشكله عندنا ولا حاجة "

~~~

- يونغي -
(الموظف الروبوت)

يونغي بوش ملان ثابت زي الروبوت بيرد على كل عميل بيشتكيه وفي أي شكوى مش بيقول غير جمله واحد بس..

" اقفل الروتر وافتحه تاني "
- بس هو مش..

" اقفل الروتر وافتحه تاني "
- الروتر كان اـ

" اقفل الروتر وافتحه تاني"
- حضرتك انا..

مصمم على كلامه
" اعمل زي ما بقول لحضرتك اقفل الروتر و افتحه تاني، شكرا على المكالمه "

فصل المكالمه قبل ما يسمع اي محاولات تبرير أخرى من العميل ودخل مكالمه جديده
"ايوه مع حضرتك خدمه العملاء، أي استفسار؟ "

- اهلا بيك، انا بس الروتر عندي كان باـ

قاطعه بالقول
" اقفل الروتر و افتحه تاني، شكرا لاتصال حضرتك - قفل المكالمه وفتح مكالمه تانيه - اهلا مع حضرتك خدمه العملاء، أي استفسار؟ "

~~~

- جونغكوك -
(الموظف الطهقان)

ضغط على زرار في الكيبورد بملامح وش متجمده
" ايوه اي استفسار.."

- خدمه العملاء؟؟

زفر بنفاذ صبر
" امال هيكون مين يعني الي هيقولك اي استفسار غيري، امك مثلا؟؟ خلص عاوز ايه قول مشكلتك بسرعه "

- انا كنت بتصل علشان الراوتر فصل بقاله يومين

رد عليه وبيحاول ميخرجش عن شعوره
" وبعدين واعملك ايه يعني اجي اصلحهولك؟ أنجز عاوز ايه تاني؟؟ "

- عاوز اشوف حل للمشكله!

اتهجمت ملامحه اكتر و ضغط على زرار في الكيبورد تاني
" لحظه هحول حضرتك لقسم الشكاوي خليك معانا على الانتظار "

- لحظه بس انا مـ
تيت تيت تيت..

فصل السماعه و دخل مكالمه جديده لعميل تاني
" اهلاً بحضرتك اي استفسار؟ - فجأه صاح من رد العميل - ايوه خدمه الزفت هيكون مين يعني؟ رامز جلال وعامل فيك مقلب! دي حاجة تغم! "