رواية "مشاعر قاسيه"
الحلقه " الثاني الثلاثون"
للكاتبه وسام اسامه
..............................
جلست شهد بهدوء تراقب رواد المقهي المتواضع الذي تنتظر به ناردين..لوت شفتيها بسخريه لتقول...
-حلو اوي والله وبقيتي تشتغلي شغل عصابات ياشهد
كتمت ضحكتها وهي تري ناردين تتجه اليها بوجه واجم وكأن الشياطين تتطاير حولها في هاله شيطانيه جهنميه
اقتربت منها مُلقيه حقيبتها علي المنضده بوقاحه قائله..
-انتي عايزه مني ايه !
ابتسمت شهد وهي ترتشف عصير البرتقال الطازج..لتجعل ناردين تنظرها بحنق لتقول برويه..
-نفس الي انتي كنتي عايزاه مني لما دخلتي حياتنا
رفعت ناردين حاجبيها بتفاجئ لتقول..
-لا مش فهماكي بصراحه..انتي جيباني هنا عشان تقولي شوية فوازير ولا ايه..ماتخليكي صريحه احسن
رطبت شهد شفتيها لتقول بوضوح..
-تبعدي عن حياتنا وملكيش علاقه بغيث اطلاقا
وتحترمي انه راجل متجوز وعنده عيال..والا مش هكون طيبه معاكي ابدا
ابتسمت ناردين وتلاعبت بهاتفها ببطئ لتدرك شهد انها تُسجل كلامتها بخبث وصفاقه..لتنزع شهد هاتفها بقوه وتهمس للهاتف بقوه...
-ابعدي عن جوزي والا هجيب سيرة رفيق و
قاطعتها ناردين وهي تجذب الهاتف بغضب هامسه..
-اخرسي..الي مفروض تبعد وتغور انتي
غيث مش من مقامه يكون مع واحده زيك
واحد اغتصبها مره..واتحبست في جريمة سرقه مره
كانت تلقي كلماتها بغل وحقد كبيران بينما شهد تنظر لها بهدوء..وحين انتهت اجابت باسمه..
-واحد اغتصبني وقاومته..مش عشت مع واحده سنه ونص من غير مايجمعنا رابط..مكنتش بزني ياهانم يابنت لأكابر
امتقع وجه ناردين لتتابع شهد بروية..
-داخله حياتنا بوش الطيبه المثاليه بديله لملك الله يرحمها
داخله وانتي مخططه وعارفه انتي عايزه ايه
هتفت ناردين بحده..
-ملك لو كانت عايشه مكانتش سابتك قاعده في مكانها
ولا متجوزه جوزها يابتاعة انتي..انا أولي اكون مكانها انا الي حبيته الأول قبلك انتي وهي
هزت شهد كتفيها قائله بلا مبالاه...
-ولو كانت عايشه مكانتش هتسمحلك انك تحومي حوالين غيث..وكانت هتكشف تمثيلك عليهم
عارفه ليه كانت هتكشفك
كتمت ناردين عصبيتها لتتابع شهد بحده..
-عشان انتي عامله زي التعبان عينك ولسانك بينقطو السم
ميشفهوش الا حد فاهم خبثك وقلة ادبك وقلة تربيتك
عارفه احنا بنقول علي الي بتلف علي الرجاله المتجوزه ايه
ولا اقولك انا
ثم اخذت شهيق باسمه لتتابع..
-لو شفتك بتقربي من جوزي تاني هفتح دفاترك الغير مشرفه..من اول سبب طلاقك من جوزك وخيانتك ليه
لحد الراجل الي عشتي معاه في حرام سنه ونص
مفهوم ولا محتاجه اكرر تاني
