العاصفة

كلمتين ولازم اقولهم

كلمتين لازم اقولهم تاني
>بداية امل<
امل مش متدينة امل بنت عادية والله عادية الغلط فيكم انتو مش في شخصيتها مش لمجرد انك بتصلي او بتلبسي حجاب تبقي ملتزمة يا بنات ده اقل من العادي .. الصلاة والحجاب دول فرض مالهمش علاقه بالتدين والالتزام واللي بتقولوه ده ..
الجماعةالمسترخمين امل
هو مين قالكم وضحكم عليكم وفهمكم ان الملتزم ده ملاك نازل من السما ما بيغلطش !
اولا امل رخمة او مش رخمة ده لا يعنيني في شيء دي نظرة كل واحد للشخصية
لكن كلامها مع شريف  كان بحدود لانها اولا ما تعرفوش ده يدوب واحد لسه متقدم انا ما قولتلكيش ان بينهم قصة حب مثلا لا انا يدوب قولت دكتور متقدم
وبعدين حصلت الحادثة اللي زلزلتها
طيب نركن شريف اللي مقدرتش تتقبله او تحبه
نيجي لكريم انسان ضحي بحياته علشانها اي انسان في الدنيا كلها هيتعامل باريحية مع حد كان هيموت علشانه ..
فهي بترتاحله وفي بذرة حب اتزرعت بينهم وبتكبر
محدش قالك ولا انا قولتلك اني مطلعة البطله ملاك ما بتغلطش لان كلنا بنغلط
انا بغلط وانتي بتغلطي فعلشان اجيبلك شخصية في روايه ما بتغلطش يبقى كده محدش هيطلع بحاجة من الرواية
انا جيبالك بنت عادية ومش ملتزمة ده العادي جدا على فكرة بس احنا بعدنا عن دينا لدرجة ان واحدة لابسه حجاب او بتصلي بنقول عليها ملتزمة ورخمة
فسوري دي مصيبة وخيبه من كل واحد يقول كده ..
هي حبت ومشاعرها بتحركها .. بتغلط وبتوب وبتذنب وبتستغفر
انسانه عاديه جدا
نيجي لملك اه تربيتها اثرت عليها بس لو التربية اللي هنحكم بناءا عليها يبقي المفروض ربنا ما يحاسبش اي حد اتولد في اسره مش مؤمنه ماهو تربيته !
فهنا ده التناقض والتربية لها عامل بس الشخصية هي الاساس
بدليل بنلاقي فاجر وابوه شيخ والعكس نلاقي فاجر وابنه قمه في التدين
يبقي التربية دي مش الاساس بتساعد اه لكن الشخصية في الاخر هي اللي بتحدد الانسان
بعدين يا جماعه مستغربين ليه ان في ناس ما بتحبش امل وبتقول عليها رخمة !
احنا في مجتمع بيتعاطف مع الجاني وبيجي ضد الضحية .. فده طبيعي عندنا
بنلاقي بنت مغتصبه نقول احسن ماهي تلاقيها لابسه معرفش ايه لكن المغتصب نقول يا عيني اصل عنده مشاكل نفسيه وتربيته معرفش ايه ..
ده مجتمعنا وده بالظبط اللي بيحصل في الروايه هنا ..
متعاطفين مع ملك اللي كل مشكلتها انها بتكره الحجاب والمتحجبات و اصل يعيني امها معرفش ايه وبيجوا ضد امل اللي رخمة واوفر وايه يعني تتعرض لاغتصاب ! وايه يعني تتضرب وتتكسر ! وايه يعني تتهان وتتدل ؟ وايه يعني خطيبها يسيبها ويخونها ! وايه يعني حلمها اتدمر .. دي بارده وبترد ردود رخمة .. سوري اصلها مش مايصة

عجبت لك يا زمن
طيب اللي هيقول ديفشا
امير ما اتغيرش علشان شهد ومهما حاولت تعمل الي انها مقدرتش تغيره واستسلمت واطلقت
امير اتغير لما حس ان الدنيا ضاقت عليه واتغير لانه عايز يتغير
التغير نبع من جواه 
برضه شاكر مقدرش بغير علا .. علا سافرت مع ابوها وشافت دنيا تانية واتغيرت علشان علا مش علشان شاكر ده اللي انتو مش فاهمينه
فهنا سواء سمر او ملك فايوه التربية لها عامل لكن شخصياتهم برضه عليها اللوم الاكبر ..
الانسان الوحش بيكون وحش لانه هو نفسه ده طبعه مش علشان ابوه وامه
الاب والام بيساعدوا لكن الدورالاكبر عليك انت
والا كل ام واب كانوا شكلوا ابنهم زي ما يحبوه طالما هم المؤسسين
مكناش هنلاقي بقى ولا حرامية ولا قتالين ولا اي شخصيات مريضة ماهو الام الاساس
التربية عامل مساعد مش اساس
بس في ناس قابلة للاصلاح وناس مفقود فيها الامل
فرحانة جدا بنقاشكم وتعليقاتكم
لكن عندي رجاء بلاش نغلط في بعض لمجرد ان ارائنا اختلفت
دمتم بخير وحب ومودة