إغواء قلب (مكتملة)

الفصل الثالث

صرخ اكمل بحدة : ملكش فيه بنت ال..... دي لازم اربيها
ليهتف هاشم بصياح : تربيها ....انت هتموتها وبعدين قالتلك مش هي اللي سرقتك حرام عليك يا اخي انت ايه
نهض اكمل بغضب وهو يطالعها منكمشة بذعر وترجوه بعيناها ،ليتنهد وهو ينفض يد صديقه بقوة ويقول:
- وانت بتصدق برضو واحدة شمال زي دي ليتناول سيجاره ويشعله بغضب وهو يستأنف بحدة:
- مش هرحمها غير لما تقولي مين اللي كان معاها، ظهر في الكاميرات اتنين غيرها لتهز فتون رأسها بلرفض وهي تجهش بلبكاء بقوة ليستأنف اكمل:
- شفت تبقي تستاهل كل اللي هيحصلها ليقترب منها وهو يبتسم بمكر وينفض سيجاره علي يدها لتشهق هي بألم و تحاول التراجع للخلف ليقبض عل فكها بقوة وهو يحدثها بنبرة مخيفة:
- انطقي احسنلك بدل ما ادفنك هنا لتصرخ وهو يطفئ سيجاره بيدها المكبلة ليقاطع صرخاتها اندفاع هاشم اليه بقوة وازاحته عنها وهو ينهره
هاشم : انت مجنون انا مش هسكت يا اكمل هبلغ عنك فورآ لو مسبتهمش يمشو
اكمل: مش هتمشي غير لما تقولي مين اللي سرقني ليقاطعم صوت فرحة بأرتعاش بعدما استعادة وعيها
فرحة :ابويا هو اللي سرقك عزت العايق يا باشا اختي ملهاش ذنب علشان خاطر ربنا سيبنا نمشي
فتون بصياح: اسكتي يا فرحة اسكتي
رد اكمل ساخرآ : ابوكي... دة انتو عصابة بقي انتي تصدادي الرجالة وابوكي يسرقهم لا بجد براڤو عليكم
استكملت فرحة بذعر ونبرة يشوبها الهلع
-ابوس رجلك سيبنا نمشي
رمقها أكمل بتذبذب ومرر يده على وجهه ليهدء من انفعاله ثم لانت نبرته قليلآ تأثرآ بذعر فرحة ورعشتها الملفتة للنظر وهتف:
-ماشي هاسيبكم ومسامح في حقي بس الاول اختك تمضيلي علي وصل امانة علشان اضمن انكم متبلغوش اني خطفتكم
هتف هاشم بعدم رضا : حرام عليك وصل امانة ايه اللي انت عايز تمضيها عليه دول شكلهم غلابة
رد اكمل بشراسة : دة اللي عندي وتحمد ربنا اني هسيبها انا عملت خاطر ليك والبت اختها صعبت عليا اناكنت هاعلقها اماء له هاشم بعدم رضا وهو يتوجه نحوها ويفك وثاقها لتنظر له فتون بأمتنان وتهمهم:
- انا متشكرة اوي انك ساعدتني كانت تتحدث من بين شهقاتها ودموعها منهمرة علي وجنتها دون ارادة منها لتستأنف بخوف وهي تطالع شقيقتها
فتون: انتي كويسة يا حبيبتي
ردت فرحة بأقتضاب : كويسة
تقدم هاشم منها وفك وثاقها هي ايضآ لتقترب فتون منها وتحتضنتها بحماية و تتحدث بنبرة حنونة :
-متخافيش يا حبيبتي مفيش حاجة حصلت اماءت لها فرحة وهي ترسل لها نظرة يشوبها اللوم لتطرق فتون رأسها بلارض بخزي وتتحدث بنبرة موجعة:
- حقك عليا
ليقاطعهم اكمل وهو يصفق بسخرية:
- ايه الفيلم الهندي دة يا بت انا اتأثرت تصدقي ليستأنف وهو يغمز عينه بوقاحة:
- وياتري بقي اختك بتسرحيها معاكي ولا ليها نشاط تاني
هتفت فتون بشراسة : ملكش دعوة بيها وسيبنا نمشي
قال اكمل وهو يذم فمه بضيق مصتنع : -هسيبكم بس والله زعلان كان نفسي اتبسط معاكو شوية
ليقاطعه هاشم بحدة بعد ما فهم حديثه المبطن :
- اسكت يا اكمل كفاية كدة وخليهم يمشو
اكمل :مش قبل ما تمضي
اخلصي يا روح امك وامضي على الوصلات دى لتتناول من يده الوصلات بأيدي مرتعشة وهي تنظر له بريبة ليبتر نظراتهابحدة:
اكمل: انتي لسة هاتصوريني امضي يا بت واخلصي ولا هرجع في كلامي وارميكي انتي والقطقوطة الصغيرة لرجلتي يتسلو بيكم
لتشهق فرحة بذعر وهي تتمسك بشقيقتها
لتستأنف فتون بخوف: -هأمضي ..هامضي تناولت القلم من يده ومضت علي وصلاته بتعجل ليتحدث هاشم: اظن تسيبهم يمشو بقي أبتسم اكمل بمكر ورد وهو ينظر لها بتوعد :
-هاسيبهم بس اعملي حسابك هتشوفيني تاني
ليهم وينصرف وعلى وجهه ابتسامة منتصرة ،لتهرول فتون وهي تجر شقيقتها قاصدة الفرار من ذلك المكان الموحش...
-----------------
زفرت فدوة بأرتياح بعد ما انهت عملها فااليوم كان شاق عليها بدايتآ من حديث خالتها المتسلط لموقف صديقتها العدائي لتلك الزبونة السمجة التي ارهقتها بتعديلاتها بلتصميم لتتنهد بضيق وهي ترتشف من كوب القهوة خاصتها وتطفئ الضوء وتزيح الستائر من على النافذة وتتطلع الي الفراغ بشرود وهي تستمع لصوت فيروز يصدح في الاجواء بشاعرية رغبة منها تهدئة اعصابها فهي تفعل ذلك عندما تتعرض لضغط نفسي، أبتسمت بمكر وهي تنظر لتلك السيارة التي ترتكن زاوية الشارع ويرتادوها شخصين يبدو عليهم التلصص ،ليست المرة الاولي التي تراهم بها هي تشعر بتتبع احد لهاوفي كل مرة تكاد تكذب احساسها ولكن اليوم ستتأكد من حدثها نظرت لساعة يدها نظرة خاطفة فقد تعدت الحادية عشر بقليل لتهم بتناول متعلقاتها وتغلق السنتر وتذهب قاصدة سيارتها وهي ترمق السيارة المزعومة بشك ثم صعدت الي سيارتها وقادتها بتروي