العاصفة

بوست للنقاش

بوست للنقاش ..
لاحظت في بعض الكومنتات ان ناس مضايقين من شخصية امل وبيقولوا المفروض شايفه سمر وحشه يبقي لما تساعدها فدي سذاجة ..
مش هنتكلم في تفاصيل الروايه بس هقول رأيي الشخصي بعيدا عن الكتابه
ما ينفعش لمجرد الشخص اللي قدامي وحش فأنا اكون وحشة !
ما ينفعش لو كلب مثلا عضني اروح اعضه
مقوله عامل الناس بالمثل دي مقوله خطأ جدا الصح عامل الناس كما تحب ان تُعامَل
كلنا عارفين حكايه جار الرسول اللي كان كل يوم يحطله الزباله قدام منزله ولما غاب يومين راح سأل عنه ..
كمان الرسول بيقول ايه :
قال رسول الله صلى الله عليه وسلم: "اصْنَعِ الْمَعْرُوفَ إِلَى مِنْ هُوَ أَهْلُهُ، وَإِلَى مِنْ لَيْسَ أَهْلَهُ، فَإِنْ كَانَ أَهْلَهَ فَهُوَ أَهْلُهُ، وَإِنْ لَمْ يَكُنْ أَهْلَهَ، فَأَنْتَ أَهْلُهُ "يا أخي:
فالخلاصه ما ينفعش اجزأ شخصيتي وحش مع الوحش وحلو مع الحلو لان مع الوقت الامور هتختلط والوحش بيطغى للاسف .. فانا حلو مع الجميع وهنتظر التقدير من ربنا وبس وبعدين اي حاجة بنعملها بيكون لها مقابل سواء عاجلا ام اجلا
** ده حتي في الذنوب رسولنا قال قابل السيئات اللي تعملها بحسنات ودي هتشيل دي  فالمفروض الحلو بيشيل الوحش مش العكس
عنْ رسولِ اللَّهِ ﷺ، قَالَ: اتَّقِ اللَّهَ حَيْثُمَا كُنْتَ وأَتْبِعِ السَّيِّئَةَ الْحسنةَ تَمْحُهَا، وخَالقِ النَّاسَ بخُلُقٍ حَسَنٍ رواهُ التِّرْمذيُّ
الحسنه بتمحي السيئة
المعاملة الحلوة بتصد وحاشة الناس مع الوقت
 
ازرع جميلا ولو في غير موضعه ** فلن يضيع جميل أينما صنع
إن الجميـــــل إذا طال الزمان به ** فليس يحصـده إلا الذي زرع
معرفش مين متفق معايا ومين شايفني غلطانه بس بوست مطروح للنقاش