Lights! Camera! I've Fallen...

LCIF 53: Fool

"No. Hindi ako naniniwala!" Bwelta nito kay Alexa.

"My God, Cam! Everyone in the family believe they are real, even Logan's girlfriend, Majz' cousin is real. I believe that what they have is real. Tita Brielle believed they're real and she loves both of them. Why can't you see that?!" Kung pwede lang itakwil ang kaibigan niyang ito ay ginawa na niya, kaya lang hindi pwede eh. Wala itong ibang kaibigan kundi siya at ngayon alam na niya kung bakit.

"Dahil hindi ako uto-uto na kagaya ninyong lahat para maniwala sa gold digger na yun." Nandiyan ang mga mata ni Alexa sa narinig mula kay Cammi. "Lex, Lance is a multi-millionaire guy at a young age of 16, and out of the three of them, he was the first one to make his first 50 million. Logan made his first 60 million at 17 and Leland made his first 50 million right after Logan. Ano sa palagay mo ang habol ng Maria Jaise na yan huh?! Malay mo, magkakuntyaba pala ang dalawang yan sa pagkamatay ni Logan!" Pasigaw nitong sabi. Nagpanting ang tenga ni Makai sa mga naririnig mula sa pinsan ng boyfriends nila.

Ayaw sanang ilabas ni Makai ang ugaling yun dahil nakakasakit siya ng tao. Wala siyang pakialam kung guluhin at pagsalitaan siya ng iba, sanay na siya doon. Kinakain niya ang pang-iinsulto ng tao mula almusal hanggang midnight snacks. Sanay na siyang inaapak-apakan, pero ang kantiin ang pinakamamahal niyang pinsan at pamilya, ito ang hindi niya mapalalampas. Maghahalo ang balat sa tinalupan 'ika nga. Lalo pa ang pagbibigay tangan sila ng kasinungalingan.

Mabilis pa sa sipol ng alas kwatrong uwian ang kilos ni Makai. Inilang hakbang niya lang ang distansiya niya kay Cammi at mabilis na inilingkis sa kanyang mga daliri ang buhok nito at patayong hinila ito.

Walang nagawa si Cammi kundi ang bumitaw ay magpalabas sa sakit. Pati na rin si Alexa ay napatda at hindi nakahuma dahil pagkabigla sa bilis ng pangyayari.

"Gold digger huh!" Nanggigigil niyang sabi. Nagtatagisan ang kanyang mga bagang. "Sa susunod na ibuka mo yang mabaho mong bibig, pipiliin mo ang kakalabanin mo." Dugtong ni Makai. Hindi sumisigaw pero puno ng galit at pagtitimpi. Nirerespeto pa rin niya ang pamilya Scott.

"Martha Camilla!!" Dumadagundong sa loob ng event hall ang boses ng galit na galit na Leland. Nagtayuan lalo ang mga nakatatanda kung sinuman ang naiwan.

Mabilis kasing sumunod ang mga magulang ni Siege at Brielle nang marinig nila ang pagsigaw ng saklolo ni Majz para daluhan ito. Bumalik lang si Leland dahil kailangan niyang harapin ang matabil niyang pinsan at siguraduhing hindi madedehado ang biyuda ng kapatid.

"L-leland." Halos mabulol na sambit ni Cammi.

Masakit na nga ang anit nito dahil sa higpit ng pagkakasabunot ni Makai. Inaawat na ang dalaga ng ama at mga tiyuhin at tiyahin nito pero hindi ito nagpaawat. Maging ang mga magulang ni Cammi at pilit na inaalis ang kamay Makai, hindi nila ito matinag.

"Maria Kaila Mundoñedo! Bibitawan mo ba siya o bibitawan mo?!" Galit na sikmat ng T'yong Sepring nito.

"Anak, please. Bitawan mo na ang buhok niya." Pagsaway ni Niel sa anak.

"I love you, Tay. I love you, T'yong pero patawad hindi ko kayo susundin." Kalmado at mapagpaumanhin nitong sagot pero naroroon pa rin ang galit sa mga mata nito. Napabuntong-hininga na lamang ang dalawang lalaki.

"Ano ang sinabi mo kay Majz?" Nabaling na muli ang atensyon ng lahat kay Leland.

"Wala akong sinabi

sa kanya! I wasn't even talking to her!" Sigaw nitong nakangiwi at umiiyak.

"Please, Miss, will you let go of my daughter's hair." Naiiyak na pakiusap ni Erica kay Makai.

"Miss? Hindi n'yo pala kami kilala eh pero husgahan kamo nitong anak n'yo akala mo ay kilalang-kilala kami." Matapang na hinarap ni Makai si Erica. "Alam n'yo po ba kung ano ang mga pinagsasabi nito tungkol sa akin at sa pinsan ko? Lalong-lalo na sa pinsan ko." Napakunot ng noo si Erica at Virgil.