Slide

Chapter 55: Please, Be Careful With My Heart

GOOD HANDS. Your Body Is In Good Hands.

Masyadong nagpapatawa ang lalaki para sa isang bodyguard. Parang wala itong takot sa kung gaano kadelikado ang linya ng trabaho nito. Nakipag-selfie pa sa kanya.

Virgo shook his head. "Gusto lang niya magpa-selfie," paliwanag niya sa wakas sa ina nang magtanong kung bakit binalikan niya ang lalaking naka-itim.

"Good for him," anito. "Kasi halos lahat ng tao rito, parang hindi interesado na nandito tayo."

"That's what I like about The Tin Royal," he smiled. "People cared less who comes here. But I bet they'll talk about us behind our backs."

"Oh, I am used to it," focus na ulit ng ginang sa menu card.

Napatitig siya rito. Kung nasa restaurant ang bodyguard na iyon ni Bree, malamang na nandito rin ang dalaga. His smile was faint.

I am glad that she took my suggestion... pero ayokong umasa na ang ibig sabihin niyon, wala na sa kanya ang ginawa kong pananakit sa feelings niya.

She's free to never ever forgive me for what I did.

Dumaan ang kalungkutan sa kanyang mukha na lalong nagpalalim sa ilang guhit na lumilinya na roon.

"Anak, be honest with me," nagseryoso na ang ginang. "May mga death threats ka na bang natatanggap?"

"Ma," saway niya rito.

"Napapansin ko lang na parang kahit saan hindi ka na nilulubayan niyang mga gwardiya mo."

Virgo knew his mother would not be able to hold it in. She would voice out whatever her concerns were.

"Para sa ikabubuti rin natin ito."

Nagdududa ang iniwan nitong titig sa kanya bago bumalik sa pamimili ng kakainin.

"Alam ko. Ganyan din naman kami noon ng Papa mo. Pero hindi naman kami umaabot sa puntong pati sa loob ng kwarto namin, eh, may mga nakabantay."

"You own't be able to make Leo if not," nanunukso niyang ngisi para lang alisin ang pag-aalala ng kanyang ina.

Umahon ang pagiging defensive nito. "Ang sinasabi ko lang, eh, komportable ka ba sa ginagawa mong ito?"

"Everything will be alright, Ma," he assured her, and meant those words deeper than his mother probably knew.

Laila just sighed.

Bumalik ang isip niya kay Bree. At sa bodyguard daw nito na taga-Good Hands.

Ibig sabihin, hindi sinunod ni Manager Ken ang suggestion ko kung saan magha-hire ng bodyguard. Lalo siyang nag-alala. Why would he? Malamang nagalit na rin iyon sa akin dahil sa ginawa ko kay Bree...

Napaisip siya lalo.

Good Hands.

Buenos Mafios.

If that Marco used Good Mafia... that would be quite inappropriate. Magdududa ang mga makakarinig... tulad ng PSG ko.

They are trying to give me a message.

Naalala niya ang boses ni Marco. Ang tagline namin, 'Your Body Is In Good Hands'.

Bree... is in good hands, he analyzed.

He could not help smiling at that thought.

Napatitig naman si Laila sa kanya, kanina pa napapansin ang pananahimik niya. Uusisain na naman sana siya nito pero nang makita ang pag-unat ng maliit na ngiti sa kanyang mga labi, nagbago ang isip nito.