The Widow's Peak (R-18)

27

HAWAK ang pagkakabuhol ng tuwalya malapit sa may kili-kili niya, lumabas ng banyo si Lindsay. Kung bakit ba naman kasi nakalimutan niyang pulutin ang dress at panties niya bago siya nagpunta ng banyo. Kailangan pa tuloy niyang balikan ang mga iyon.

Tinungo ni Lindsay ang direksyon ng couch. Sa peripheral vision niya ay kita niyang sinusundan siya ng tingin ni Jared. Nakasandal ito sa headboard. Boxers lang ang suot nito. Alam niyang sa banyo nito isinuot iyon kanina. He was given a full view of his sexy butt when he walked to the bathroom, naked, to throw away the used condom.

Yumuko si Lindsay para pulutin ang dress niya. Pero hindi niya makita ang panties. Sumilip siya sa ilalim ng kama. Wala.

"Ano'ng hinahanap mo?" Sinilip din siya ni Jared.

Tumingin si Lindsay kay Jared. "'You remember where you threw my panties?"

Umiling si Jared. "No," anito pero umusod papunta sa gilid na kama. "But I can help you look for it." Akmang tatayo ito pero pinigilan niya.

"Ako na," wika ni Lindsay. "Maliit lang naman 'tong room." Lumapit siya sa puting T-shirt ni Jared at inangat iyon. No panties. Kung sabagay, naunang tinanggal iyon kanina ni Jared bago nito tinanggal ang panties niya. Ipinatong niya ang puting T-shirt sa braso bago pinulot ang khakis nito. And voila, the mystery of the missing panties solved!

Isinampay ni Lindsay ang mga damit ni Jared sa upuan na nandoon. Pipihit na sana siya papunta sa direksyon ng banyo para doon magbihis pero naisip na wala nang mawawala sa kanya kung doon na lang. Nakita na ni Jared ang lahat sa kanya. Nahawakan na nito ang lahat sa kanya.

Isinuot niya ang panties. Alam niyang pinapanood siya ni Jared. "I better go back to my room now," deklara niya.

"Bakit?"

Ang totoo hindi alam ni Lindsay kung ano ang gusto niyang marinig mula kay Jared. Tiningnan niya ito. Pinilit niyang tumawa. It sounded hollow. "Why not? You want sleepovers now?"

Kinamot ni Jared ang batok nito. "No, but-"

"Oh, you want another round?"

Hindi sumagot si Jared. Nakatingin lang ito sa kanya. Kung ano ang iniisip, walang ideya si Lindsay. Wala kasi siyang mabasang reaksyon sa mukha nito. Bigla tuloy siyang na-guity. Hindi fair na sabihan niya ito nang ganoon. They were two consenting adults. Pareho nilang ginusto ang nangyari.

Humugot si Lindsay malalim na hininga. "I'm sorry, para akong tanga. I've been trying my best to be cool about this but I'm obviously failing."

Bahagyang ngumiti si Jared. Pinagpag ang tabi nito. "Dito ka nga."

Hawak ang pagkakatali ng tuwalya, lumapit si Lindsay kay Jared. Naupo siya sa gilid ng kama. Magkaharap sila ni Jared. "We can't let anyone know about this, Jared. Ano na lang ang sasabihin nila? Na pinilit kita?"

Jared made a face. "Naisip mo naman siguro na nakakatawa ang sinabi mo 'di ba? Sa ganda mong 'yan kakailanganin mo bang mamilit?"

Tiningnan ni Lindsay ng masama si Jared. "Seryoso ako."

Umayos ng upo si Jared. "Seryoso din naman ako sa sinabi ko, ah. Isa pa, mukha ba akong mapipilit sa hindi ko gustong gawin?"

Kung sabagay, si Jared ang tipo ng tao na kung ayaw nitong gawin, hindi nito gagawin.

Bahagyang sumimangot si Lindsay. "Basta, no one must know. The next time we do this..." Nakagat niya ang labi nang ma-realize kung ano ang nasabi niya. She hoped Jared would let that pass.