ခွေခွေလေးအိပ်နေသူရှင်းသန့်မှာစောင်ကိုမေးစေ့နားထိခြုံထားသောကြောင့်ဖြူဖွေးနေသည့်မျက်နှာလေးမှာပို၍ပေါ်လွင်နေသည်။
နှုတ်ခမ်းဖူးဖူးလေးတွင်နီရဲသောသွေးအားကောင်းသည့်လက္ခဏာမှာလည်းထင်ရှားနေသည်။
မဆင်းသော်လည်းပြေပြစ်သည့်နှာတံကြောင့်မျက်နှာတစ်ပြင်လုံးတွင်ပြောစရာမရှိပြီးပြည့်စုံနေသည်။
မျက်ခုံးပါးပါးနှင့်နဖူးပေါ်ဝဲကျနေသည့်ဆံနွယ်အချို့မှာမညီမညာဖြစ်နေသောကြောင့်ပို၍ချစ်ဖို့ကောင်းနေသလိုပင်ဖြစ်နေသည်။
ခြားနေသော 2cm အကွာကိုဂရုမမူပဲဘုန်းစစ်တစ်ဖြည်းဖြည်းရှင်းသန့်နားတိုးလာသည်။
ရှင်းသန့်နိုးမလာအောင်ဖြည်းဖြည်းချင်းအနားသို့တိုးကာဖက်လိုက်သည်။
စောနကလိုနွေးထွေးသောခံစားချက်ကိုသူချက်ချင်းရလိုက်သည်။
အိပ်ရာခင်း၏နွေးထွေးမှုထက်ရှင်းသန့်ကိုယ်လေးကိုဖက်လိုက်ရသည့်နွေးထွေးမှုသည်ဘာနှင့်မှမတူခြားနားလွန်းလှသည်။
Unique ဖြစ်လွန်းသောရှင်းသန့်၏အမူအရာလေးများ၊အပြောအဆို၊အနေအထိုင်၊ဆတ်ဆတ်ထိမခံပြန်ပြန်ပြောတတ်သည့်ဆူပုတ်ပုတ်အကျင့်လေးများသည်ယခုလိုဖက်ထားချိန်တွင်ရှင်းသန့်နှင့်မတူလောက်အောင်နွေးထွေးမှုကိုပေးသည်။
တခြားယောကျင်္ားလေးများနှင့်မတူစာအုပ်ကြီးသဖွယ်တိကျလွန်းလှသည့်သူ၏အကျင့်မှာလည်းချစ်ဖို့ကောင်းနေပြန်သည်။
အထူးသဖြင့်ဘုန်းစစ်ရှေ့တွင်ဆိုလျင်ပို၍တင်းမာစွာနေတတ်သည့်ရှင်းသန့်၏မျက်နှာကြောသည်ဘုန်းစစ်အဖို့တော့အသည်းယားစရာကောင်းလွန်းလှသည်။
Senior နှင့်မတူနုဖတ်ကာမျက်မှန်ဝိုင်းလေးနှင့်ကလေးသဖွယ်ချစ်ဖို့ကောင်းနေသည်မှာတစ်ခါတစ်ခါဘုန်းစစ်အဖို့ဟာသသဖွယ်ဖြစ်မိပြန်သည်။
ရှင်းသန့်အကြောင်းခေါင်းအစခြေအဆုံးစဉ်းစားရင်းဖိုးလမင်းကြီးထက်ပြုံးရွှင်ကာဘုန်းစစ်အိပ်ပျော်သွားသည်။
YOU ARE READING
Past and Future
Romanceသံယောဇဉ်တစ်ခုက ငါ့ရင်ထဲ အမြစ်တွယ်နေခဲ့ပြီ... အခုချိန်ထိ ငါတို့နှစ်ယောက်ရဲ့ အတိတ်ကအရာတွေကို ပြန်လိုချင်နေမိတုန်း.....