Hotel ခန်းထဲတွင်သွန်းခတ်နွယ်တစ်ယောက်အတွေးများစွာဖြင့်တွေဝေနေစဉ်ဖြစ်သည်။
မြတ်နိုးကိုကို၏တောင်းဆိုမှုသည်ဝေခွဲမရဖြစ်နေသည့်အပြင်ပိုက်ဆံမက်သောလောဘစိတ်ကလည်းခိုအောင်းနေတာကြောင့်အမှားအမှန်မဝေခွဲနိုင်ဖြစ်နေချိန်တစ်ဦးတည်းသောသူမ၏ချစ်သူဘုန်းစစ်သွေးအားသတိသွားရမိသည်။
ဘုန်းစစ်သွေးတစ်ယောက်လုံးရှိပါလျက်နှင့်မိန်းကလေးချင်းတွဲရမည်ဆိုသည်မှာမိုက်မဲလွန်းလှသော်လည်းငွေဆိုသည့်အထပ်လိုက်သောပိုက်ဆံကြီးအားလည်းမြင်ယောင်မိနေပြန်သည်။
သူဌေးသမီးဆိုသည့်အသိစိတ်အပြင်လုပ်အားခအလျောက်ရမည့်ငွေပမာဏကိုလည်းသွန်းခတ်နွယ်မက်မောမိသည်။
ရွေးချယ်ရခက်နေသည့်အနေအထားတွင်သူငယ်ချင်းများအခန်းထဲရောက်လာ၍ရယ်မောစကားပြောကာအိပ်ပျော်သွားကြလေသည်။
-------------------------
"ဟိန်းထက်!!"
"ဟင်!?"
"ဒီနေ့ညငါတို့အားတယ်မလား..?"
"အေးလေ.."
"ဟိုကောင်မင်္ဂလာဆောင်တော့မှာမင်းသိတယ်မလား..? အဲ့တော့သွားသောက်ရအောင်!"
"ငါကအိမ်စောစောပြန်မလို့.."
"မင်းကလည်း...ဒီကောင်မိန်းမရသွားရင်ငါတို့ဒီလိုဆုံဖို့ကမဖြစ်နိုင်တော့ဘူးကွ! သွားရအောင်ကွာ! လာ.."
"..."
သူငယ်ချင်းများအဆွယ်ကောင်း၍ဇေယျာဟိန်းထက်တစ်ယောက် Bar သို့ကောက်ကောက်ပါအောင်ပါသွားလေတော့သည်။
-----------------------
"အခန်းမရှိတော့ဘူးတဲ့ ဘယ်လိုလုပ်မလဲ?"
"ငါလည်းမသိဘူး.."
မျက်မှန်အားလက်ညှိုးလေးဖြင့်ပင့်တင်ကာရှင်းသန့်ပြောလိုက်သည်။
ထိုအချိန်-
"မောင်လေးတို့! တစ်ယောက်အိပ်အခန်းတစ်ခန်းကို Foreigner ကြီးတစ်ယောက်က Cancel လုပ်လိုက်တယ်.. အဲ့ဒါမောင်လေးတို့ယူမလားလို့ပါ.."
"ယူမယ်!!" "မယူဘူး!!!"
ဘုန်းစစ်ဘက်ကယူမယ်ပြောသော်လည်းရှင်းသန့်၏ငြင်းဆန်သည့်အသံတစ်ပြိုက်နက်ထွက်လာလေသည်။
YOU ARE READING
Past and Future
Romanceသံယောဇဉ်တစ်ခုက ငါ့ရင်ထဲ အမြစ်တွယ်နေခဲ့ပြီ... အခုချိန်ထိ ငါတို့နှစ်ယောက်ရဲ့ အတိတ်ကအရာတွေကို ပြန်လိုချင်နေမိတုန်း.....
