حياتي البائسة😔أشرقت😍

part27

قلتلها منعرف حتى وحدة اسمها هيبة سبحان الله قلتلو عماد معامن كنت تهدر شكون طاطا هادي قالي مشي طاطا هادي ختي هيبة ختي قلتلو كيفاش ختك هادي هههههه قالي راني نلعب برك خزرت فيا سارة جات عنقتني قالتلي خلعني هههههه قلتلها متخافيش مسكين غادني امبعد جا هو بيناتنا يعنق فينا رفدتو قلتلو عماد واش خو سافا كنت نهدر معاه هكا باش ميحسش بالوحدة هو يفرح يبدا يلعب انا نرفدو نرميه فسما و نحكمو هههه ... قلتلو واش حب وليدي حب تكون عندو ختو وسمها هيبة قلتلو بصح شكون هيبة دارلي بيدو و بفمو معلاباليش قلتلو هههههه ميكون غر خاطرك مي اصبر شويا برك ههههه و كملت نلعب معاه حتى طاب العشا تعشينا و رقد عماد امبعد قالتلي سارة امين غادني عماد حب ختو قلتلها مزال راكي مع لقراية قالتلي خلاص كاش ما بقاتلي قراية انا نحبس ڤاع لمهيم راني نعرف باش نقري ولادنا و خلاص نريح فدار قلتلها هههههه مادا بيا قالتلي نجيبولو ختو و نسموها على اسم يماك نلتها بيهم بين زوج و نتا سيبون راك تخدم مليح و راح تولي تخرج بكري و عندك فاكونس كل شهر قلتلها لالا نسموها هيبة و و نزيدولها اسم يما قالتلي خلاص قلتلها ههههه اوكي قالتلي خلاص ايمال هاد ليامات برك قلتلها اوكي و رحنا نرقدو نضت انا غدوة صباح وجدت كوارطي رحت لعند سيد مديتلو واش كاين قالي سي ريڤلي خير بلاصة قريبة لدار نص ساعة نكون لتم و قالي غدو تحب نبداو لخدمة سينييلي هاد الاوراق برك انا قريتهم هاداك تعهد مكتوب فيه كلش واش يمدلي و شخال نبقى ... و ورق تاع لاسيرونس تاعي و تع دار كومبلي امبعد قالي غدوة على 9:00 نتلاقاو نفهمك ڤاع واش كاين .... قلتلو اوكي و رحت لدار ريحت معا وليدي و سارة نڤسرو حتى لليل تعشينا رقد عماد دخلت سارة للبيت لبستلي واحد اللبسة امممم جات لعندي كنت فصالون جات ديراكت قعدت قدامي و دخلت عليا بابوسات اممممم شواربي سدري رقبتي و انا معاها تان نبوس حتى ... و كملناها ليلة دافئة حتى لغدوة منداك نضنا صباح جوايه سبعة دخلنا دوشنا و كملنا اممم شوية لذة منبعد خرجنا لقيت عماد مزالو راقد قلتلو عماد راو جاي خوك ولا ختك ههههه قالتلي ان شاء الله انا لبست حوايجي وجدت روحي رفدت كارني جديد باش نبدا خدمة جديدة وجدت روحي انتيك و رحنا سقهوينا كانت ساعة 8:00 ناد عماد راح غسل وجهو دخل صباح الخير خزر فماماه قاللها وشبيك ماما قالتلو وشنو قاللها عندك ديدي هنا فرقبتها ههههه قالتلو هههههه والو مشي ديدي انا بديت ندحك قلتلو نتا حبيت هيبة ههههه هو ما فاهم والو قلتلو خلاص ريح تشرب حليب ريح فرغتلو و بستو قلتلهم انا نروح بستها و رحت لحقت  ستنيت شويا لحق عيطلي قلتلو راني عند الدخلة قالي اوكي دخل دخلنا قالي صباح الخير و مرحبا بيك عندي ايا نفهمك هنا عندنا بروجي تاع حي نخدمو فيه دي فيلا لازم يكونو ڤاع كيف كيف كانت الدنيا تراب ڤاع مزال مبداش لبروجي قالي نتا عليك ديرلي تخطيط كيفاش نبداو واش لازم نحفرو ... و كيفاش جي دار قلتلو مشي مشكل خلاص انا ندير فيه واحد ثلاث ايام نكمل و نبداو قالي ثلاث ايام برك عندك 15 يوم وقت ما تكمل قولي و مدلي ورقة واش تسحق و راك نتا لي مكلف بالبروجي هادا قلتلو اوكي خلاص ثلاث ايام برك قولي شحال من فيلا و كيفاش تحب تكون لفيلا لوحدة آبيبري قالي تكون في كل فيلا مساحة كدا و لارض فيها مساحة كدا و متنساش تريق و لي باركينڤ قلتلو هاديك خدمتي هههههه قولي كيفاش تحب تكون لفيلا قالي دوزيطاج و قرمود و جاردان صغيرة ملور قلتلو اوكي سي ريڤلي انا حسبت كيفاش و رحت لدار حكمت لبيسي بديت نقسم الارض ندير فكلش منبعد رحت درت تخطيطات تاع لفيلا لوحدة لي بوطو كيفاش و قسمت كلش حسبتلها كلش تريسيتي لغاز منين يجوزو .... كملت في ثااث ايام رحت عندو ديت لبيسي وريتلو التخطيط النهائي قالي شابة بزاف قلتلو كيما حبيت نتا عدد تاع لفيلات و هاي كيفاش وريتهالو 3d كيفاش ڤاع منين دخلات و لخرجات ...قالي ايهيه وقتاش نبداو قلتلو وقت ما وفرتلي الخدامين نبدا معاهم قالي خلاص لخدامين غدوة يكونو جابو لماتريال تاع لحفير نروحو نطراسيو واش يحفرو قلتلو ايه امبعد رحنا كملنا طراسينا قالي و كاش ما نجيبلك ارشيتاكت يعاونك بزاف عليك هدا ڤاع قلتلو ايه معليش قالي نتا شوفلي كاش خدامين صحابك قلتلو عندي صاحبي خالد مي مشي فهاد الدومان قلتلو هو محاسب قالي خلاص عيطلو ايدا مشي خدام قلتلو خدام مي عند روحو نورمالمون يجي انا عيطت لخالد قلتلو هاو واش كاين قالي ايه فيها نحي دوك نتفاهمو قلتلو ايه ارواح جا خالد حكم بلاصتو تفاهم مع سيد وليت نخدم معاه مديتلو واش كاين هو يحسب واش يلزم و يبعت واش يشرو واش يخص .... لموهيم بديت فخدمتي وليت نروح نخدم و نولي لدار حتى واحد النهار قالتلي سارة واقيل راني اون سانت ديتها دارت فحص لقيناها صح اونسانت و جازو ليامات و جابت طفلة و عماد ولا يغير و انا ستقريت فلخدمة و جوزنا عوام شابين زدنا جبناطفلة و طفل و عماد كبر ولا يقرا فبريمار و كملنا حياتنا و تحققت احلامنا و الحمد لله .  
النهاااااية😍😍