حياتي البائسة😔أشرقت😍

part24

قلتلها خلاص امسحيلنا دمعة هاديك متخسريهاش علينا ديجا عماد راهو يدحك عليك شوف شوف ماما راهي تبكي ماما زعفت ايا ادحكي  ماما دوك نزعفو حنا تان هي بتسمت قلتلو شوف شوف هاي لي خلاتك نتا وليدي مام نتا تغرمت بيها مدحكة هادي و لي فوسات ياك هههه بداو يدحكو منبعد قالتلهم ختها ايا خلوهم ياكلو جابت طباسا و فراشط قلتلها هههه علاش حنا تان نتعشاو هنا قالتلي شكون نتوما ! جبت لنسا انا و غير لي ولدو هههه داتلهم ڤاع لي كانو لتم كانو زوج نسا لتم عمرتلهم طباسا و داتلهم كلش فاكية قالولها صحيت الله يسترك امبعد ريحنا شويا و حتا جاو تاع سبيطار قالولنا خلاص ديجا نورمالمون لافيزيت 8:00 تحبس كي شفناكم هدا وين ولدت و المزيود الاول محبيناش نمنعوكم ملفرحة مي خلو نسا يرقدو راهم عيانين معندهمش بزاف ملي ولدو قلتلهم صح عندكم الحق قلتلها سارة نروحو اتهلاي و بستها مجبينها قلتلها غدوة صباح نجي ديجا منروحش راني برا فطوموبيل قالتلي لالا روح ترقد شويا مام نتا راك عيان قلتلها اوكي هاكي تيليفونك كاش ما تسحقي عيطيلي اوك و رحت خرجت رحت لدار لقيت خالد موجدلي مفاجأة دخلت للحوما لحقت قدام الباب لقيتو لتم لحقت فسخلي فيميجان كان لتم هو و سفيان و اايمن و سفيان و عمي عمر لقيتهم دايرين زردة دخلنا لدار جابو واحد الساشيا و لي كادو منحكيلكش دخلنا لدار حفلة هايلة كنا مشعلين غنا و مريحين آتايات مكسرات كلش و فجأة عيطت سارة جاوبت قلتلها وي سارة قالتلي وشنو هاد لغنا انا نقستلو للبوسط قلتلها وي سارة كاش ما سحقيتي قالتلي وين راك قلتلها فدار قالتلي وشنو هاد لغنا ڤاع ايمال تمسخر بيا ! قلتلها خلاص راني مع واحد لبنات كانو يقراو معايا و شويا بنات نعرف تاع الحوما مع صحابي رانا نحتافلو ف ديسكو قالتلي كيفاش وين راكم !!  راني جاية نوريلك ليوم نقتلك قلتلها ااااااااااي اصبري ههههههههه سيريو منك قلتلك راني فدار سيك راني فدار مع خالد و صحابي و عمي عمر قالتلي هدا مكان قلتلها ايه قالتلي قول و الله قلتلهااا و الله قالتلي خلاص امنتك سيبون قلتلها هههههه علاش عيطتيلي حقا كاش ما تسحقي ؟ قالتلي لالا توحشتك قلتلها تشوفي انا امبعد نطق عمي عمر قالي قوللها تسلملي على عماد و تقولو راني جبتلو كادوات ااا هي سمعاتو قالتلي ههههه سلم عليه راني سمعتو قلتلو سمعاتك و راهي تسلم عليك قالي يسال عليها لخير امبعد رحت للبالكون ڤسرنا شويا قلتلها خلاص نخليك ترقدي باي وهي تان عيات رقدت انا كملت معاهم شويا و رقدنا نضت صباح على 8:00 رقدت جوايه 3:00 خمس سوايع انا ميكفونيش هههههه نضت مع صباح رحت غسلت وجهي توضيت صليت و عيطت لسارة قلتلها شحال راكم لتم قالتلي بيا ثلاثة رحت قطعت لي ستاك تاع اللحم و لي سكالوب و شريت حوت نقيتو درتلهم ڤاع انواع ليزيبيس و لملح رحت شعلت الشواية و شويتهم ڤاع حطيت ثلاث طباسا داخلهم مواس و فراشط غلفتهم بالبابي المنيوم و ديتهم و رحت دخلت درتهم داخل كابة باش ميفيقوش قلتلهم حوايج تاع لمرة دخلت مديتلهم ڤاع لنسا هادوك و لسارة كانت 11:00 فطرو سارة قالتلي ارواح تاكل معايا منكملوش انا ڤاع قلتلها اوكي بدالة خطرة انا خطرة نتي حكمت لموس قطعتهم ڤاع مراسن صغار وبيت نوكللها مورسو و اانا مورسو هي شبعت انا نفورسي فيها باش تاكل ههههه حتى كملاتو منبعد جاو دارهم و عمي و خوالي عماتي خوالاتي ريحو معاها انا رحت خدمت كوارط فالبلدية و وليت درتلهم لعشا و رحت لدار غدوة منداك خرجناها رحنا لدار دخلت قابلني عمي بكادو كبيييير قلتلو وشنو هادا قالي هههههه كادو افتحو تشوف مجيت نلقا هاد لكرطونة ههههه انا فتحتو لقيت دوح معمر بليجوي و ليكوش و لي سوسات ...قلتلو هههههه ميرسي منبعد ريحنا نڤسرو حتى بداو يروحو بقا جدو و ماني قلتلهم ابقاو معانا ولا غير تهدرو جيبو نتهلاو فيه ههههههه قالي مام انا مكنتش رايح ههههه لموهيم ريحو ڤسرنا امبعد رحنا نرقدو كنا فبيتي هوما راحو لبيت فارغة يرقدو انا ريحت تكسلت قلتلها اوووو عمري توحشتك عندي يومين مريحتش معاك ههههه قالتلي تشوف انا شحال توحشتك و ينوض عماد يبكي قلتلو ديجا ديجا بديتنا قلتلك اخرج طوايشي مديرونجيناش ههههههه راحت رفداتو قالتلي علاش مسكين قلتلها شكون مسكين هادا مشكيتش راهو يدير فيها بلعاني ههههه قالتلي راني نشم ريحة الغيرة قلتلها تعيي نغير موليدي قالتلي ما نعرف هههه