حياتي البائسة😔أشرقت😍

part11

تليفوني كنت مكوپياش ل أمين اتسما سمع كلش قتلو ياااا أمين نحبك يا نموت عليك كان مشي نتا منعرف كيفاش راحا تكون حياتي دك قالي كوني هانية يا عمري غير نتي متتقلقيش كلش يجوز قاتلي دك تجي عندنا للدار بابا راهو حاب يفري كلشي قتلها وي علابالي مور الفطور ان شاء نكون تم كوپات عليا انا رحت نوجد روحي لبست قميص برك باش ممبد ديراكت نروح نصلي التراويح..  لحقت لدار سارة فتحلي باباها سلمت عليه و تفاهمنا على كلش وصاني على سارة قتلو كونك هاني عمي واحد مايدنا ليها
ااه فرحت بزااااف  و رحت ديراكت عند خالد قتلو يا خوو صيبووون فرااات. 😍😍،الحمد لله و راني مزرووووب عليها قالي خالد مبروك عليك صاحبي ايه خلاص انا واش ندير واش نوجد قلتلو ايا لدار نتفاهمو انا رحت عيطت لعمي قلتلو غدوى نروحو نخطبو قالي وشنو !! كيفاش غدوى اووو حتى لليوم باش تقولي قلتلو و الله غير الله غالب غدو صباح ارواحو نوجدو و نفهمك زدت عيطت لسفيان قالي منقدرش نجي سمحلي برك انا و ايمن عندنا شغل غدوى قلتلو خلاص معليش فالعرس ان شاء الله قالي ههههه خسارة عليك انا بلا متعرضني خويا نتا ههههه قلتلو خلاص ايمال بالاك و قول لايمن و سلملي عليه قالي صحيت امبعد عيطت لعمي عمر قلتلو مكان حتى عذر نتا لازم تحضر ههههه قالي خسارة عليك انا ڤاع منجيش قلتلو جيب الزوجة تاعك تان قالي اوكي غدوا صباح كي نلحق نعيطلك وريلي دار قلتلو اوكي انا لحقت لدار لقيت خالد لتم قالي بصحا ربي يدومها و يملها على خير ان شاء الله قلتلو الله يسلمك لعقوبا ليك قالي هههههه متخافش انا راني نستنا فيك نديرو زوج عراس في عام واحد قلتلو هههههههه روح برك قلتلو لموفيد انا عندي 15 مليون هاك عشرة ملاين شوف واش تقضي و قولي واش شريت و انا نشوف واش نشري خزر فيا قالي شحال عندنا مداربناش و زرڤتك واقيل راك تحوس عليها قلتلو ههههه علاش قالي انا تمدلي دراهم !! و الله غير عيب عليك دراهمي دراهمك و دراهمك دراهمي ايمال خليهم عندك تشو دوك نخبطك قلتلو هههه خلاص كيما تحب رحت انا درت ليست تاع واش نشري لغدوى باش مننسا والو كنت معول غدوة منداك فالسهرة لمهيم سحرنا و كلش قالي خالد وري تشوف واش راح تشري مديتلو الورقة قراها قالي نحي الباتيسري انا نجيبها و كاين عفايس ناقسين انا ندبر راسي قلتلو اوكي رقدنا و نضنا غدوى منداك على العشرة نضت نوضني عمي عمر بالتيليفون قالي راني قريب نلحق منين ندخل فهمتو فتريق واحد 15 دقيقة وصل دخلو و عمي زاد نص ساعة جا و جاب معاه بنتو و وليدو بنتو قدي فالعمر و وليدو صغير علينا بثلث سنين جاو دخلنا لصالون قلتلهم سمحولي جات هكا مي شرحتلهم الوضع ... قالي عمي مشي مشكل خلاص انا نستكلف بالامر شحال تسحق دراهم قلتلو لالا منسحقش نورمالمون عني 15 مليون يكفو قالي دبر راسك انا منسمحلكش ايدا حشمت تقول خصني قلتلو يعطيك الصحة قلتلهم واش لازم و واش نشري هاو واش نعرف انا و قولولي واش يخص و هوما زادو شويا عفياس قالي خالد خليهم عليا خلاص اوكي انا رحت قضيت باش يديرولنا فطور اليوم ديتو لدار مديتهولهم و خرجت نقضي واش يلزم شريت كلش و خالد راح شرى كلش جاب مشي باتيسري بياسمونتي ههههههه و جاب واحد لكادو باطة طويلة بانتلي كادر قلتلو علاش بصح قالي هادي علابالي نسيتها مي تتفكرها فليل هبطنا للحومة رحت حففت طراسيت لحية بنت بوڤوس درت تور و رميت شعري للور خرجت قوة رحت دوشت لحق المغرب فطرنا و رحنا كل واحد يوجد روحو انا بديت نوجد ملقيتش لبسة تليق ڤاع قالي خالد ساهل ريح تشو سڤملي شعري و جبد هداك الكادو قالي هدا واش نسيت ...يتبع