حياتي البائسة😔أشرقت😍

part22

انا فتحتها قطعت لقيت لا كولور غوز صح داقتلي مي معليش ربي كتبها قلتلها معليش طفلة بصح نعيشها ملكة ربي كتبها قالتلي بصح مزال مقريتش لورقة انا جبدت الورقة قريت و العكس صحيح  نحبك بابا (عماد) قلتلها كيفاش !! يعني قالتلي وشنو كيفاش هو بعتهالك نتا علمتو طوايش هههههه رحت عنقتها بشدة قلتلها عمريييييييي قالتلي بلعقل كرشي انا بعدت ااااا سمحيلي مقدرت نتحكم فروحي مالفرحة ههههه و ضميتها لعندي و كملناها بالباتيسري كلينا و عيطت لخالد قلتلو و لباباها قلتلهم ڤاع و عمي عمر سفيان ايمن ڤاع هناولي و فرحنا بزاف و جوزنا ايام شابة حتى لحق شهرها ثامن بدا الوجع بدا عماد يضرب برجليه و و فشهر تاسع قالتلها طبيبة دوك لازم تمشي بزاف باش اجيك الولادة ساهلة قلتلها خلاص مشي مشكل وليت كل عشية نديها لبحر نمشو نڤسرو نلعبو شويا و نروحو لدار ناكلو و نقراو قرآن و نرقدو و خيرنا يوم رحنا شرينا حوايج لعماد .... فواحد الليلة حكمها سطر تاع الولادة بدات تعيط آي كرشي امين كرشي امين راح نولد انا تخلعت صاح كانت تعيط رحت نجري رفدتها هي امين كرشي امين تعيش ازرب انا قلتلها سارة متخافيش سارة اتنفسي شهيق زفير سارة بلعقل سمي سارة هي بدات التقول بسم الله بسم الله استغفر الله انا كنت نجري فترق هي تسكت 20 ثانية تعاود تعيط آآاااااي و كانت تبكي حتى لحقنا لسبيطار رفدتها دخلت ديراكت نعيط طبيبة وين راهم مرتي راح تولد وين راكم جات لفرملية جابت شاريو حطيتها شديتلها فيدها و تبعتهم وين رايحين قاعد نقوللها اتنفسي سارة متخافيش راني معاك حتا لحقنا لبلوك دخلوها قالتلي موسيو استنا هنا طبيبة دخلت معاها ريحو لتم واحد نص ساعة انا كنت مقلق نسمع فسارة تعيط مقدرتش نستحمل رحت لطوموبيل رفدت كابة تاعها حوايج و دراوات ديتهم سمعت سكات قلتلها واش كاين لفرمليا قالتلي اصبر قلتلها واش صرا لمرتي بعدي قالتلي لالا موسيو ممنوع تدخل هي جبدت الباب تتفتح بلمفتاح ولا ملداخل قالتلي موسيو ممنوع قلتلها افتحيلي لباب قاعد نخبط فلباب افتحو نشوف مرتي آو نخبط فلباب حتا فتحتها طبيبة انا دخلت مشفتش فيها ڤاع لقيت سارة فهاديك الحالة رحت شديتلها فيدها قلتلها سارة واش كيان عمري متخافيش راني جيت قالتلي شفتو شحال صغيور و يهبل قلتلها شكون قالتلي عماد مزال موراوهولكش انا درت خزرت فطبيبة لي فتحتلي لباب لقيتها رافداتو كان هداك وين سكت كان يبكي يعيط انا مفهمتش واش ندير طبيبة قعدت حايرة كي دخلت هكاك رحت عندها قلتلها عفوا دكتورة مقدرتش نستحمل سمحيلي هي قالتلي مشي مشكل هاك وليدك رفدتو كانو مغطيينو بغطا تاع سبيطار رفدت لكابة قلتلها لطبيبة اجبديلي غطا تاعو تعيشي قالتلي لالا مزال خويا هاد الغطا خليهالو ليوم برك بيسك الصرة تلعو مزال منشفتش خليه بلغطا هادي معقمة قلتلها اوكي رفدتو ريحت قريتلو الفاتحة في ودنو و زدت بعض السور و ريحت نخزر فيه سبحان الله سبحان الذي يخلق ما يشاء حمد لله خرجو بخير و منبعد خرجو سارة داوها لبيت نحاولي عماد قالولي ارواح تسينيلنا بعض الاوراق رحت سينيت كتبنا اسمو و رحت عندها لقيتها رقدت و عمماد تان دخلت قاعد نشوف فيهم و حسيت بواحد الشعور صح حسيت بأني اب و فرحت مي حبي لسارة حسيتو زااااااد كبر بزاف ريحت لتم قعدت نشوف فيهم حكمت لبورطابل بديت نقرا قرآن حتى هادوك نسا لي كانو لتم رتاحو كان عندي صوت شباب قاعد نقرا حتا ناضت سارة قالتلي عمري ايا اقعد قدامي انا ديت كرسي هداك رحت ريحت قدامها قلتلها عمرييي راني فرحان ولينا اب و ام قالتلي اشوف انا قالتلي و ماما وين راهي قلتلها فدارهم مزال مقلتلهمش قالتلي عيطلهم ازرب دوك تلحق 00:00 ميخلوهمش يدخلو كانت 21:00 انا رفدت تيليفوني قالتلي لفرمليا اااا ممنوع تستخدم تيليفون هنا يضر الاطفال قلتلها اااااااااا وي عندك الحق خرجت عيطت لبابات سارة قلتول الو جدو انا عماد رانا فسبيطار فلاني قالي كسفاش ولدت قلتلو ههههههه وي قالي مبرووووووووووك يتربا فعزكم ان شاء الله يكون فتى صالح راني جاي هو ربع ساعة لحق قلتلو ديجا لحقتو وين راهي يما انا يماها كنت نقوللها يما و هو نقولو بابا لموهيم قالي نسيتهم كنت فتريق جيت ديراكت وين راه وليدي دوزيام ايا ندخلو ...يتبع