حياتي البائسة😔أشرقت😍

part10

  دخل قاللها سارة هي تخطفت نحات تيليفونها و حطاتو قالتلو بابا هو غلق لباب قاللها نهدر معاك فواحد الامر قالتلو وي قاللها بسم الله انا كي جيت عندك قلتلك فلان راه جاي يخطبك علاش قلتيلي ايه حتى بلا متسقسيني عليه شكونو و شكون هو تعرفيه ؟ قالتلو لالا منعرفوش هو قاللها يا بنتي ايدا حشمتي مني فهاد الامر هدا الامر ميحشموش منو ناس راهي حياتك و مستقبل تاعك يا و من حقك ترفضي و تقوليلي نحب فلان و راه جاي يخطبني عادي نورمال ياك الحلال برك  بنتي هي قعدت ساكتة قاللها ليوم جا لعندي واحد اسمو امين حكالي واحد لحكاية انا سيد عجبني مي وقتكم صعيب يا بنتي حاب نعرف منك بأدق التفاصيل هي قعدت ساكتة قاللها احكيلي عليه قالتلو واش نحكيلك عليه اااااا شباب بزاف شعرو سفر و عينيه شابين عندو خزرة تقتل هو بدا يضحك هي سكتت قاللها متحشميش راكي حمرة بالاكي تموتي كملي برك مي مشي صفات تاعو راني شفتو قلتلك حكيت معاه احكيلي كيفاش حكايتو معاك هي بلوكات قالتلو اااااا قالتلو ميكدبش كيما حكالك قاللها مقلتلكش يكدب مي حبيت نسمع من عندك قالتلو خلاص غمضت عينيها قاللها علاش غمضتي عينيك هههه قالتلو هي انا نحبو مصغري ملي عرفتو فايام المتوسط انسان حنين بزاف يحبني و انا كنت نبادلو الشعور كان انسان يحبني و يغير عليا بزاف مثانية فالمتوسط و انا نعرفو كان من كترت يحبني و يغير بزاف يشوف واحد هدر معايا سقساني ايدا نقراو يروح يدارب معاه و يجي يعيط عليا علاش كنتي تهدري معاه لوكان قالك نحبك اااا و يعيط و انا نحب هداك الجور تاع الرجال لي يفرضو السيطرة و كان كل يوم يرجعني نحبو كتر ملي قبلو كان صريح معايا بزاف و كان كل يوم يقولي وقتاش نكبرو و نتزوجو انا نقولو مزال كنت نعيش افضل ايام حياتي يحكيلي كلش و نحكيلو كلش كان اخي و حبيبي و حتى قريب بابا  حتى وقعت الحادثة تاع يماه لي توفات على يد باباه نكرهو مالڤري منعرفوش مي نكرهو بيسك بسبتو كلش تبدل حتى امين تبدل ولا انسان آخر انا وليت بالنسبة ليه والو ولا اهم هدف فحياتو ينتقم ليماه انا كنت نقولو امين خلاص سيي تنسى سيي تنحي من راسك هو يبدا يعيط و يقولي مشي نتي لي تقوليلي واش ندير واش تكوني حتى راح انا قلتلو خلاص ايمال ننهيو هاد العلاقة حسبتلي راح يدير عقلو مي هو قالي ايه اوكي فيها روحي فطريقك و انا نروح طريقي انا خلاص تحطمت رحت كملت فحياتي و قرايتي مي حبي ليه كان و يبقا فقلبي كنت حسبتلي خلاص مراحش يولي مي نهار هداك طفل جا يدربني هو لي وقفو عند حدو ملخوف انا رتميت عليه و عنقتو و حسيت بهاداك الامل هاديك النقطة تاع الحب انا قلت نسي بلاك نغيرو بالغيرة يولي ليا مي هو مكانش مستعد قلبو كان مزالو مجروح انا زدت دمرت كلش بفعلتي هو راح و خلاني نتعدب انا حبيت ننسا و قبلت بهاد السيد مي برات جروحو بدا يستوعب  هو جا باش يصحح اغلاطو و انا مقدرتش منسمحلوش بابا و كانت تبكي قاللها خلاص بنتي متبكيش خلاص قاللها سيبون انا دوك نعيط لسيد هداك نتفاهم معاه نقولو مكتبتش و بشرط يجي امين يخطب في اسرع وقت  و نتي مديلي قرارك النهائي هو ولا امين هي قعدت ساكتة قاللها امين ولا هو قالتلو امين قاللها بالبركة بنتي انا مور لفطور راح نجيب امين قالتلو علاش قاللها باش نتفاهمو و نقولو واش كاين و واش يلزم قالتلو انا انا مكالاه انا نروح عند سهام صحبتي هههههههه تحشمي قاللها لالا نتي تان يلزم تكوني حاضرة قالتلو ايه خلاص نروح نعاون ماما راحت دات تيليفون دخلت لسالدوبان ...يتبع