حياتي البائسة😔أشرقت😍

part17

ديتها للبيت قدام لمرايا قلتلها شوفي روحك هي شافت روحها تشوكات رقبتها ڤاع فيولي لي طاش قالتلي ههههههههه خلات قلتلها هههههه خزرت فيا قالتلي نتا تان عندك فسدرك شفت روحي صح مي انا ساهل نلبس  تريكو لرقبة و فرات نتي قريب لحناكك ههههه قلتلها عندك ماكياج ولا نروح نشريلك قالتلي و الله غير بلا متشقي روحك عندي مي يبقى يبان حامقين بزاف هههه قلتلها و الحل قالتلي نلبس خمار و خلاص قلتلها اوكي مي خفت ختك تقولك نحي الخمار قالتلي هههه لالا مشكيتش مي مهبولة تقولها قلتلها ديجا راني خايف منها و الله غير نبهدلها تسيي تحشمك غير نرجعها تتمنا سكرات الموت قالتلي ههههههههه هدا ڤاع علا جالي قلتلها اممم علا جالك كلش نديرو  عنقتها قلتلها ايا نوجدو روحنا قريب يلحقو باش يودعونا و نروحو قالتلي اوكي تعاوني انا نلبس و نتا قولي لي خرجت شابة قلتلها علابالك منقدرش قالتلي علاش قلتلها واش تلبسي يجيك شباب هههههههههه قالتلي اممممم اوكي ايمال انا نخير راحت جبدت حوايج خيرت واش تلبس جبدت حباباتها وخيمارات و سبابط مكاش قالتلي ايا وين راهي لفاليزا تاع سبابطي قلتلها جبنا غير 3 هادو ! قالتلي كانو ربعة قلتلها والله غير هدا واش جبت قالتلي مكاش كيفاش نروحو نجيبوها قلتلها بزاف دوك نريڤلي لحالة قلتلها واش راحتلبسي قالتلي لحمر هادا جبدتهم لبست هم حجاب و خمار حمورا قلتلها خلاص نخرج و نولي خرجت للحوما كان كاين واحد صاحبي يبيع سبابط و حوايج تاع نسا دخلت عندو قلتلو سلام قالي سافا خو بصحتك لبارح مقدرتش نطول فالعرس عييت خو سمحلي برك قلتلو سماح قلتلو شوف دبر راسك شوفلي سباط حمر قالي ههههههه بدات تخدم الزوجة الاوامر هههههه قلتلو هههه اوبليجي ههههه قالي معليش كيفاش تحب بطالون بلا يا خو شوف نتا واش يساعدها قلتلو اعطيلي لي مودال نشوف مي فلحمر برك قالي مشي مشكل راح جابلي 5 انواع واحد فيهم عجبني بزاف سباط طالون حمر فليمون شباب قلتلو هادا يجي عليها قالي يا خو مي طالع دير فحسابك قلتلو نورمال وين راه المشكل قالي لالا شوف نتا ايدا يساعدك يبينها طويلة تسما ايدا قصيرة عليك يخرج عليها ايدا طويلة قدك ولا مكاش فرق كبير تولي تبان طويلة عليك قلتلو هههه قزومتي تلحق لسدري مشي مشكل قالي خلاص بصحتك دارو فساشي قالي هاك شديت ساشي قلتلو شحال قالي قالي روح بصحتها كادو تاع عرسك روح قلتلو الله يحفضك يا خو صحيت قالي بلا مزيا و رحت ديتو دخلت لقيتها طيب بدات طيب طعام قلتلها هاكي قالتلي وشنو هادا قلتلها سباط برك قالتلي علاش شريت عندي بزاف سبابط قلتلها تساليني هههههههه عجبني هادا قالتلي ههههههه عمري قلتلها واش راكي ديري قالتلي نطيب طعام عيطت لماما قالتلي واحد  زوج سوايع باش نجو قلتلها اااااا مليح نعاونك قالتلي واش تعرف دير قلتلها شوف ا سيدي واش نعرف نعرف كلش قالتلي اوكي نتا نقي الكورجات و زروديا هادو انا نبدا فالجاجة نقيها و منبعد ساهل انا قيت كلش هي تان كملت الجاجة بدات طيب و تغني انا كنت نخزر فيها و نقطع بالموس نخزر فيها هي تغني حتى قست روحي آي قست صبعي بالموس هي تخلعت قالتلي اصبر جات تجري شدتلي يدي عبزت على الجرح كانت مخلوعة قلتلها مكان والو سيبون هي تقولي كيفاش مكان والو هاد الدم ڤاع تقولي مكان والو راحت جابت قطن و سبارادرا و دوا لحمر  مونطاتهم قالتلي خلاص اخرج ملكوزينة انا نكمل كلش ساهل مبقاش قلتلها معليش نكمل معاك قالتلي باش تزيد تقيس روحك ايا تمشي قلتلها خلاص مندير والو نريح هنا برك قالتلي اوكي هي كملت طيب و انا نديرونجي فيها ههههههه يا عمري دوكك صبعتين مشي تاع طياب شوف كيش دير الملح شوف كيفاش دير كدا ههههههههه بلعاني حتى كملت ...يتبع