حياتي البائسة😔أشرقت😍

part13

دخلنا قلتلها واش عمري سافا قالتلي ااااا توحشتك و عنقتني قلتلها ههههههه مهبولة قلتلها خزري فيا تشو راكي شابة بزااااف تهبلي قالتلي ياا ولوكان تشوف نتا قالتلي ڤاع راهم يكحلو عليك قالتلي ملخر كلش دير واش تحب متخرجش بلا بيا بالحطة هادي ههههه قلتلها امرك يا عمري ههههه قلتلها نتي ممنوع الخرجة بلا بيا تفاهمنا قالتلي اممم اوكي قلتلها ايا شرطي برك واش حبيتي قالتلي نتى تكفيني قلتلها هههههه ايا بركاينا ازربي راهم يستناو قالتلي واش حبيت واش قدرت عليه برك قلتلها نتي واش حبيتي قالتلي عرس قلتلها هههه هداك باين مي جهازك قالتلي خاتم يكفي يعني مكالاه دهب و لبسة شويا عليك و شويا عليا و عرس بيناتنا معليش قلتلها ههههههه هدا ماكان قالتلي يكفي قلتلها تستاهلي كتر بالف خطرة ايمال انا ندبر راسي قالتلي بالاك خلي قلتلها مي لعرس لازم شويا وقت قالتلي معليش قالتلي شحال لوقت قلتلها بعد خمس سنين قالتلي وشنوو !!! ااا !! مسمعتش مكاش عرس سيبون نروحو نعقدو و نديرو فاتحة برك قلتلها ههههههههه نتمسخر الصيف  لجاي قالتلي اممممم بزاف قلتلها ااا انا زعما مارانيش حاب مدا بيا غدوة العرس مي راكي تعرفي الضروف لازم نديرو عرس بأتم معنى الكلمة سارة قالتلي امين قلتلك مشي مشكل عرس خفيف و جهاز خفيف و رانا فريناها قلتلها تمسخري بيا سارة ياو افهمي عرس واحد فالعمر مجاياش نديرو هكاك برك و نتي ديجا متستاهليش عرس خفيف هاد زين ڤاع و هاد الطفلة ڤاع نديها بعرس خفيف لازملي انا عرس يسمعو بيه 48 ويلاية قالتلي خلاص كيما تحب قلتلها سارة انا دهب تاع يما قاعد فالدار مخبي ايدا معندكش مانع نلبسهولك و فريناها قالتلي وشنو ! قالتلي ااااا انا ؟ قلتلها ايه علاش لالا مي تحبي نشري مشي مشكل قالتلي لالا دهب تاع يماك راه غالي عليك بزاااف و هاد الامر يشرفني و ايدا شتني نستاهل انا شرف كبييييير ليا قلتلها متعاوديش هاد الهدرة نتي غالية بالنسبة ليا مور يما نتي ديراكت حبي الثاني و تستاهلي كل الخير قالتلي خلاص ايمال دبر راسك قلتلها ديجا يما قبل ما تموت الله يرحمها خلاتلي خاتم كانت تقولي هاد الخاتم عروستي تلبسو قالتلي امممم ربي يرحمها قلتلها هاوليك خرجت باطة حمرة و خزرت فيها قالتلي افتح و لبسهولي دوك و الله ما يتنحى من يدي بإذن الله قلتلها لالا مشي هنا ايا تشوفي جبدتها ميدها قالتلي وين قلتلها ايا و اسكتي رحنا لصالون قلتلهم فرات بإذن الله قالي باباها بالبركة ان شاء الله انا هبطت على ركبتي و جبدت لباطة و فتحتها هي تشوكات انا جامي درت جاست رومنسي هكا قدام غاشي حشمت شدتني ميدي قالتلي نوض قلتلها لخاتم قبل هي رفدت الخاتم لبساتو قالتلي نوض دوك خلاص انا نضت شديتلها يدها قلتلهم بإذن الله تفاهمنا و انا ليوم حطيت يدي على بنتكم و بعد الشروط راني ناوي العرس يكون لعام لحاي ان شاء الله باباها سفقلي هههههه و تبعوه ڤاع هي ولات حمرة قلتلها حشمتي قالتلي امممم شويا قلتلها ههههههه نورمال لمهيم كملنا ريحنا و جوزنا وقت و رحنا لدار ...يتبع