حياتي البائسة😔أشرقت😍

part20

قالتلها طبيبة ايه مشي مشكل ان شاء الله هي طلعت بدات ديرلها فحص برك توشيها من و من تقوللها كي يوجع قوليلي هي كملت امبعد جابت لاباراي هاديك تاع راديو بدات تشوف غير حطتها قالتلها مبروك راكي حاملة انا خزرت فيها هي كانت شادتلي فيدي عنقتها هكاك ههههه طبيبة بدات تدحك امبعد قالتلي خليني نكمل نشوف حالة الجنين انا تلقتها طبيبة قاعدة تشوف قالتلها مي حتى الدرك باش فقتي !!! مروماركيتيش روحك قالتلها نورمالمون راكي فشهرك الثالث قالتلها ااا تسما مبقاش يا خاه قلتلها متخافيش ساهل مزال لخير مزال  6 شهور قالتلي هههههه راني خايفة قلتلهل سيبون ممنوع تتحركي طبيبة كملت مدتلي الاوراق خلصتها سارة جات تهبط ملبونك قلتلها آي اصبري قالتلي وشنو واش كاين قلتلها قلتلك ممنوع الحركة رحت رفدتها قالتلي بركاااا طبيبة تدحك قالتلي ان شاء الله يزيد بخير و يكون بار و صالح ان شاء الله قلتلها ان شاء الله قالتلي لازم تحادر روحها شويا برك قلتلها مشي مشكل رفدتها هي تقولي خلاص بركا تبهديلا قلتلها ماكيش تسمعي واش راهي تقول لازم تحادري روحك ديتها لطوموبيل قلتلها ريحي لور قالتلي علاش قلتلها لا سانتور دسيكيريتي تجيني قالتلي ااااااواااه متخرجش عليا هكا قلتلها نتي حبيتي طفل هدا واش لازم حطيتها لور رحنا لدار دخلنا رفدتها حتى للبونك شافتني يماها قالتلي واش كاين واش صرا وشبيها قلتلها راهي اونسانت و ممنوع عليها الحركة يماها عنقتني و هي قالتلي راح نولي جدة ههههه قلتلها ههههه ان شاء الله ديتها للبونك و حطيتها قلتلها شوفي ممنوع تنودي ملفراش بلا ما تعيطيلي واش تسحقي انا نجيبهولك لخرجة مدار انسايها لماكلة انا نطيب الشغل انا نديرو نتي تاكلي و ترقدي فهمتي قالتلي بصح قلتلها مكاش امر مشي طلب حتى تلحقي لشهر ثامن و نتي هكا قالتلي اوكي خرجت لقيتهم دايرين حفلة ههههه فرحانيييييين يماها و باباها عيطو لختها و خوها انا خرجت عيطت لخالد قلتلو قالي بابابابا سيرفيس رابيد ههههههه قالي ان شاء الله يزيد بخير انا رحت شريت غير الماكلة كنت نحشر شويا دراهم باش نجوزو فاكونس كانو عندي خمس ملاين يا ودي راني نقولك غير لحم و لفرامج و لحوت دخلت لدار حطيتهم تخلعو قالولي ههههههه يتهلا فمرتو قلتلهم حاشا جبتهم للبيبي خخخخخخ قالولي ههههه و حنا قلتلهم راني نڤسر نودو طيبولنا تشو انا بزاف عليا اوموا ليوم منطيبش راحو دارو عشا امبعد ريحنا نڤسرو حتى جات سارة انا نضت نجري قلتلها قلتلك ممنوع تنودي بداو يدحكو قالتلي بصح نتوما تڤسرو و انا نريح فلبيت تغميت من دوك قلتلها تعيطيلي نجي نجيبك و رفدتها بداو يدحكو ڤاع حطيتها فلفوتاي و ريحنا نڤسرو قاللهم باباها شوف لي يفرحوني راحين يجيبولي حفيد حسبتلك كيما هادو هههههههه قالتلو بنتو انا راني نخمم حتى نكمل نقرى تسما معنديش الوقت وليدو قالو انا حتى نكمل قرايتي راك علابالك مارانيش ندخل بكري لدار مكاش كيفاش لازم نتهلا فوليدي لازملي وقت هههههههههههه انا نطقت قلتلهم عندكم الحق مام انا قلت هكاك مي ربي كتبها هههههههههه (شويا قدر الخاوة انا حشمت فبلاصتكم) سارة قالتلهم لموهيم انا راح نولي ام و خلاص ههههههه زواخة و كملنا نڤسرو حتى لحقنا لسوجي كيفاش نربيو لبيبي قالتلنا يماها شوفو انا منقبلش تدوه لاكراش ولا لانوريست هادوك انا نربيهولكم قاللنا باباها ياو يجيني طفل ولا طفلة و الله غير نديرلو كتر مولادي هههههههه يطلب و انا نطبق قلتلو هههههههه ربي يحفدكم ليا وجدو رواحكم برك ان شاء الله طفل يهبلكم و يهبلنا نحبو يكون طوايشي و سبورتيف مصغر نعلمهملو ههههههه قالي ياو جيب برك انا نخرجهملك كيما تحب طفل ولا طفلة ههههه لموهيم كملنا لڤسرة حتى راحو ڤاع ريحنا قلتلها عمري واش حبيتي نسموه قالتلي ايدا طفلة نسموها على يماك ايدا طفل سميه كيما تحب ان شاء الله يخرج يشبهلك شباب كيما نتا قلتلها علاش مام نتي تهبلي يخرج كيما نتي خير ...يتبع