حياتي البائسة😔أشرقت😍

part15

قالتلي نتا معلابالكش بلي تهدر كلش لخالاتي بياعة هادي قلتلها آ ؟ سيريو منها قلتلها نتي سيريو منك قالتلي ااااا سقسي سارة تقولك انا باش منبيعش لازم ترونديلي سارفيس قلتلها خلاص بركاي قالتلي راني رايحة نهدر قلتلها اصبري نديرو واش حبيتي قالتلي اوكي انا اول وحدة نتصور معاكم قلتلها هدا مكان قالتلي اصبر و لازم تبينلي بلي مهبول دير جاست فوسطهم بلي نتا صح كي تشوفها تولي مهبول قلتلها اوكي فيها ههه تصورنا و رحنا خرجتها دخلنا لصالة قطعنا لا بياس مونتي وكلتلها و وكلتلي و لبستلها لخاتم و منبعد جات ختها قالتلي بينلي قلتلها بدليها قالتلي مكاش كيفاش دبر راسك قلتلها هههه و الله غير حبيتي تبهدليني نهار عرسي نتيا هي حكمت شويا لاكرام شونتي بسبعها دارتلها لسارة فنيفها و لي تان قلتلها اااا انا نورمال مي سارة متدنايش هههه قالتلي لازم قلتلها نسيبتي لعزيزة ايا و الله غير تاكلي من يدي قالتلي متبلعطنيش دوك قريب يخلاص الوقت قلتلها ايا كولي منبعد ساهل قالتلي اوكي قطعت ومورسو حكمتو حطيتو قدام فمها كلات قضمة قلتلها زيدي جات تسيي تزيد و نعمرلها وجها بالباتيسري هههههه بداو ڤاع يضحكو قلتلها هادي يسموها تدناي بقطرة لسارة نرجعهملك عشرة و هكا برهنتلك و لا مزال هههههه نتي حبيتيها هي راحت مسحت و ولات قالتلي برهنتلي نعلن الاستسلام هههههه قلتلها اتعلمي ايمال هههه و كملناها بتصاور مع العايلة منبعد خممت كيفاش نروحو لدار دوكا ايااا طوموبيل نسيت باش نكري غير خالد لي يسلكني رحت عندو قالي مشي مشكل نتا هبطها و منبعد تفهم قلتلو اوكي نتكل عليك هي راحت كانت فلبيت مع يماها و ختها دخلت لقيتهم يبكو و سارة تكالمي فيهم سورتو يماها تبكي و تعنق فبنتها قلتلها ايييوووو نورمالمون هاد لمخلوقة لي تبكي و نتوما تكالميوها صار يماها لي راهي تبكي سارة طاحتلها دمعة قالتلي يماها ديتلي لمازوزيا تاعي و تقولي ديتلي بنتي اللخرة قلتلها خلاص دوك متخافيش نجيبها وقت ما تحب ووقت ما تحبو و نسلفهالكم منينداك هي بدات تدحك قالتلي انا قلت نزوجها تستعقل تنحي هبالها مي راني نشوف راجلها مهبول عليها هههههههه قلتلها ههههههه سقسي بنتك تقولك هبالي وين وصل على ختها لكبيرة و عممت الجو شويا بالضحك امبعد رفدت فاليزا تاعها و هبطت لتم تخلطت الدعوة ڤاااع. ...يتبع