حياتي البائسة😔أشرقت😍

part7

كي فتحتو لقيتو حرقووه بليميساج و لي زاپيل فتحت الميساج ميساج ميخلاصش مع الاول لقيت ميساجات قدم امين وين راك امين راني مقلقة علاش تيليفونك طافي امين و الله غير نحبك علاش رحت و خليتني منبعد لقيت الصدمة امين قالولي بلي رحت لجيجل و تسما فهمت بلي رحت و خليتني متزيدش تولي و جا واحد يخطبني و قبلت راح يجي يخطب مور العيد نتمنالك النجاح فحياتك و نتمنا تكون سعيد بلا بيا و نحبك بزاف بزاف و نتمنا تكون لقيت لي تحبها و تحبك و متفرطش فيك كيما انا و سمحلي بزاف بزاف كي فرطت فيك و نحبك و نبقى نحبك لآخر يوم في حياتي و فيه هادوك لوجوه هكا :'(  انا قلبي حكمني شفت لا دات تاع لميساج لقيتها عندو سمانة شفتها لقيتها اورلين بعثت لي ميساج سارة راكي تكدبي ياك سارة ريبوندي وقت ما فتحتي سارة راني جاي لداركم نوضت خالد قلتلو نوض ازرب نروحو دوك لدزاير انا حكمت دوزان لي نسحقهم غلقت لباب و رحنا قالي علاش قلتلو ازرب ياخو دوك نحكيلك فتريق و رحنا حكيتلو قالي ايه علابالي انا لي قلتلها بلي راك فجيجل قالتلي خلاص هو محبنيش و راح و خلاني قالي انا حسبتلي صح نتا خليتها محبيتش نفتح معاك الموضوع و قالتلي مدلي نيميرو تاعو مديتلها نيميرو لقديم محبيتش نمدلها نيميرو جديد نتا قلتلي متمدو لحتى واحد و قالتلي قولو بلي جا واحد هدر معا بابا باش يخطبني عندها شحال قلتلو يخاااه علاه مقلتلي يا خو علاش و حكمت راسي كنت نهترف نترعد حكمت دخان و بديت نتكيف ڤارو مور خوه و نحكي مع خالد حكيتلو ڤاع واش صرا ملول قالي علاش محكيتليش كون قلتلي قلتلو يا خو واش ندير دوك قالي دبر راسك انا درت تخمام فراسي سيبون قلتلو حبس هنا فواحد بومبا ايسونس حبس قالي واش وش قررت قلتلو دوك تفهم خو ريحنا صحرنا اذن الفجر صلينا قلتلو نروحو لدار تاع آلجي و رحنا خلاص قلتلو القرار تاعي النهائي رحنا لدار قعدنا شويا مدلي نيميرو تاع سارة سييت نعيطلها مي مغلق هي كانت تغلقو فليل طفي تيليفونها لحقنا رقدنا و لحقت ال12:00 نضنا رحت خرجت للحومة شريت شويا عفايس ناكلوهم و شريت حبل و خيوط خلاص قررت وليت لدار و كملت نهاري و انا نصلي و ندعي ربي يغفرلي واش درت واش راح ندير حتى اذن المغرب تعشينا انا و خالد صلينا رحت للجامع صليت العشاء و التراويح خرجنا كنت راح نفذ القرار تاعي سيبون جبت لحبل و لخيوط هادوك و قاعد نستنا قدام الجامع ...