حياتي البائسة😔أشرقت😍

part12

قالي هدا واش نسيت فتحتو لقيت كوستيم قلتلو اواه نتا نتكل عليك خخخخ قالي خصارة عليك سروال كلاسيك كحل  و قمجة بيدا و جيلي كحل بابيون كحلة  و سباط كلاسيك جبدتهم لبستهم خرجت حطة بأتم معنى الكلمة ڤاع يكحلو هههههه خرجت جات عندي مرت عمي قالتلي صراحة كون جيت قبل عمك كون راني رحت معاك هههههه بتمسخير و ڤاع ندحكو و قاعدين يهبلو فيا يطلعولي فعلامي شوف زين العينين ياه عندها الزهر لعروسة داتو خطفت زين و دين ههههه و ركزلي على الكور ههههه حوايج جاوني قيس قيس و الجيلي جا مزير فكرشي تسما منحكيلكش كي خرجت لموهيم لحق العشاء رحنا صلينا كملنا تراويح و رحنا انا قلتلهم هاديك الصبيحة بابات سارة قالي هههه قلتلك اقرب حين حسبتلك هكا انا كنت معول على سمانة مي معليش مرحبا بيكم   رحنا مور التراويح لحقنا لدارهم طبطبنا فتح باباها الباب دخلنا مع الزغاريت تاع مرت عمي و مرت عمي عمر دخلنا ريحنا حطينا كلش و هبطت قالي باباها وين قلتلو نجيبو لباتيسري قالي ههههه هبطتو بين ثلاثة راحين جيبو مشي باتيسري برك قلتلو هههه خالد و خدايمو رحنا جبناها تخلع قاللنا هادي نوكلو لحوما بيها !! هههههه دخلنا لصالون حطيناها فطابلة كانو لتم فاميلتها خوها و ختها و خالتها و ازواجهم  و بنت خالتها و سهام و سارة قاعدين ملهيه انا دخلت لقيت عليهم السلام شفت فسارة واو ما هذا الجمال خزرت فيها قعدت مشوكي نشوف برك هداك زين عينين مكحلين و مكياج خفيييف  شويا غوجالاف غوز واو انا قعدت نخزر فيها عيني منحيتها هي غمزتلي انا ذبت نسيتهم ڤاع بستها ملبعيد درت جاست بفمي برك شافني خالد و لبنات لي معاه بداو يضحكو خالد قرسني عاود صحاني انا حسبتلي شافوني وحدوخرين وليت حمر ريحت هبطت راسي هوما قاعدين يڤسرو سمعت بنت خالتها قالتلها قلتيلي شباب مي مقلتيليش لهاد الدرجة يا عمري يهبل مسرار مليار ههههه و خالتها ملهيه يا عمري ربي يحفضو الله بارك يهبل انا توسوست لروحي خخخخخ و نطقت مرت عمي صوتها الله بارك قالتلهم صراحة وليدنا شباب يهبل مي مام بنتكم ميخصهاش راح يجيبو واحد الدراري يهبلووو انا هبلت حشمت وليت صفر حمر خضر ڤاع لي كولور خالد قالي سمحلي و لكن نتوما مراض و ناسبتو مراض عليكم هههههههه قلتلو راك تشوف اسكت برك لمهيم ڤسرنا شويا منبعد نطق عمي عمر قاللهم احم كنا متفاهمين يلقي عليهم خطبة قصيرة و يكمل عليها عمي يطلبو يد سارة بدا عمي عمر قالله بسم الله و توكلنا على الله بسمه الرزاق الجبار بسمه الرحمان الغفار بسمه العزيز الكريم الزواج ليوم حبيت نبداها و نعرف ابنائنا بشروطو و بعض الكلمات لي تفهمهم معناه زواج هو في ديننا يعتبر نصف الدين حيث يقوم الاساس تاعو على المحبة و المودة بين الزوجين وهو مسؤولية على الزوجين يجب تحقيقها .......و ليوم جينا مع وليدنا  و عائلتو باش نطلبو يد بنتكم نمدلك الكلمة الاخ نطق عمي قاللهم بسم الله جينا اليوم قاصدينكم قاصدين داركم وقصدين الحلال منكم نتناسبو جينا نطلبو يد بنتكم العدارء يد بنتكم سارة لوليدنا  امين قاللهم باباها بالبركة ان شاء الله راح يديلي لمزوزيا تاعي هههههه انا قابل مي بعد قبول الطفلة سقساها بنتي نتي قابلة تعيش معاه طول حياتك و تقسمي معاه السراء و الضراء ان شاء الله قالتلو قابلة و قال عمي عمر نتا قابل تعيش معاها حياتك و توقف معاها فالسراء و الضراء قلتلو قابل قللنا بالبركة ان شاء الله نقراو الفاتحة قرينا الفاتحة و كملها عمي عمر بادعية يارب ارزقهم الحياة الهنيئة و اجمعهم في المحبة و المودة ارزقهم الذرية الصالحة اللهم آمين آمين قالي عمي عمر دوك نوض سلم علهم قلتلو ڤاع نطق خوها قالي و كيفاش تدي بلا ما تخلص ليزامبو ههههههههه قلتلو ههههههه لالا صح عندك الحق سلمت عليهم و قاللهم عمي نبداو فالشروط ان شاء الله قاللهم باباها ايه انا نشرط لهنا و واش حبت بنتي قالتل مرتو نوضو تتفاهمو على الشروط رحنا لبيتها ...يتبع