حياتي البائسة😔أشرقت😍

part9

قالتلي اووف علاش قالتلي منقدرش قلتلها خلاص انا ندبر راسي سيبون سحرنا و عيطت لخالد هو كان راح قالي راني فجيجل ندور قالي سيبون راني جاي جا و رحنا لدزاير لحقنا جوايه 7:30  ريحنا حطيتها فدار سهام و رحت لدار رقدت حتى جوايه لوحدة نضت رحت غسلت وجهي توضيت صليت خرجت ندور تلاقيت بزاف عباد نعرفهم لحق العصر رحت للجامع نصلي صلينا و كملنا تلاقيت بابات سارة قلتلو عمي معليش دقيقة حبيت نهدر معاك فواحد السوجي قالي وي ايه قلتلو سوجي يخصني انا و بنتك سارة تسما نروحو وحدنا خير قالي يا وليدي بنتي راهم جايين يخطبوها مور رمضان هادا يعني خلاص قلتلو علابالي حاب نهدر معاك فهاد الموضوع قالي ايه معليش خير انا شاء الله قلتلو نروحو نريحو فطوموبيل نحكيو رحنا نحيتلو مفاتح لخالد و رحت كنت نسوڤ بلا بيرمي مي منبعدش رحت لواحد لبلاصة خالية فلحوما ريحنا قالي ايه غير الخير يا وليدي قلتلو عمي انا صح حبيت بنتك من قلبي و راني حابها حلالي يا عمي و بنتك تان كون تسقسيها تقولك انا علا راجل هداك قالي لالا بنتي هي بنفسها قبلت بيه انا قلتلها تحبي نقولو لالا لالا معليش قالي بنتي حبت راجل هداك تسما مفيهاش قلتلو عمي اصبر نحكيلك قالي روح اتفضل قلتلو انا كنت عايش حياتي مصغر و انا نحبها و تحبني سمحلي عمي سيد بدا يتقلق قلتلو امبعد صرات الحادثة شدني متريكو قالي بالاك تقولها نقتلك ليوم نقتلكم قلتلو اصبر يا عمي نكمل هدرتي انا مكنتش نحب نهدر فسوجي هداك قلبي يتقطع لجروح لي كاين فقلبي يعاودو يحياو قلتلو صرا كدا و كدا و مناحكيتلو حكايتي ڤاع  و انا لتم مقدرتش نكمل معاها كنت ناوي تتحسن ضروفي و نولي مي هي مقدرتش تستناني و حبت داوي جروحها لي فقلبها حسبتلها ايدا تزوجت راح تكون سعيدة راح ينسيها فلي فاتها قلتلو و هدا من حقها و انا دوك جيتك نترجاك نطلبك ندير واش تحب باش تانيلي زواج هدا انا منقدرش نعيش بلا بيها يا عمي انا حياتي ڤاع مدمرة تعيش يا عمي هدا واش بقالي فحياتي دمعة الباردة طاحتلي هاديك الدمعة لي شحال عندها مطاحتش طاحت دمعة من عين وحداطاحت حسيت بيها طاحت و هبطت معاها واحد الحمل ثقيييييييل . انا   قلتلو و الله غير نعيش معاها ولا منعيش اطلب واش حبيت يا عمي لي قدرت راني نديرو انا قلتلو و الله نوعدك و الله و الله و الله غير نعيش معاها طول حياتي و نمنحها ڤاع واش حبت و ندير واش حبيت نتا قاتلو هدا واش نقدر نقولك و تعيش اتفهمني و تقبلني قالي خلاص اصبر دمعة هاديك منحبش نشوفها انا ديرني فعوض باباك قلتلو نتا كتر منو انا معنديش واحد يستهل نقولهالو قالي خلاص انا فهمتك و رانا رجال نفهمو بعضانا قالي انا دوك منسوريلكش مي نتا ادي امل بالاك نقولك ايه و الامر مشي بين يديا نقول لسارة هي تقرر و مدا بيا تكون نتا نسيبي ديجا وين تلاقينا يفسرلي واش قلت انا نهدر مع سارة و نرجعلك بالخبر مور الفطور ان شاء الله قلتلو خلاص كيما تحب وصلتو لدارو و رحت ريحت فدار عيطت لسارة قلتلها قالتلي يخاااه انا فبلاصتك نحشم منقدرش نديرها مي كيفاش قنعتو قلتلها كيفاش قنعتو قلتلها والو لمهيم هو قالي  نشوفك نتي واش تهدري عمري و اخيراً راح تكوني ليا امبعد سمعت صوت باباه فتح بيتها و قاللها سارة ... يتبع