Wild Deception

Chapter 6

CHAPTER 6

Liberty froze on her seat. Naramdaman niya ang pang-iinit ng kanyang pisngi sa sobrang kahihiyan. Sinubukan niyang ngumiti ngunit nauwi sa isang ngiwi.

"S...ir," she stuttered. Tumatagos sa kalamanan niya ang titig nito.

"In my office. Now."

Tinalikuran siya nito. Hindi naman agad siya nakagalaw sa kanyang puwesto. Ano na namang kagagahan ang nagawa niya? For God's sake, nakailang puntos na siya sa katangahan!

"Girl! Gora ka na ro'n," bulong ni Ruth sa kanya.

"Lagot na. Bakit mo ba kasi nasabi 'yon? Baka sisantehin ka na no'n." Si Evelyn.

Bumuntong hininga si Liberty. Iniisip niyang kung mangyayari nga iyon, dapat ay may plan B siya. She closed her eyes and nodded on her own thoughts. Ang taong gipit, sa talim kumakapit. She had no choice but to seduce the mighty CEO kung sakaling mapapalayas nga siya sa unang araw niya sa kompanya.

"Huwag kang mag-alala, girl, tutulungan kitang makahanap ng bagong trabaho kung sakali ngang..." Ruth trailed off. May bahid ng lungkot sa mga mata nito.

"Okay lang." Ngumiti siya--iyong matapang. Actually, hindi naman niya iniisip iyon. Ang iniisip niya ngayon ay kung paano niya maaakit si Theo para hindi siya mapalayas! Hindi puwedeng lalagpas sa mga kamay niya ang pagkakataong ito. She's almost in the middle of her mission.

"Sige, ha?"

Tumayo na siya at mariing tiningnan ang glass door na kakasara pa lamang. Bago pa man siya tuluyang humakbang papunta roon ay pinigil siya ni Evelyn.

"Bakit?" mahinahong tanong niya. Namilog siya nang may inabot ito sa kanya.

"Pasensya ka na, ha? 'Yan lang kasi ang meron ako. Alam ko kasing kailangan mo 'yan. Lakasan mo lang, baka sakaling maawa si Sir at magbago ang isip niya," aniya.

Magiliw namang ngumiti si Liberty at inabot ang tissue.

"Salamat."

"Kaya mo 'yan, girl..." sabay na sabi ng dalawa bago siya naglakad papuntang pinto.

She blew a heavy breath. She imagined a scene inside her mind. Sana kakayanin niyang gawin iyon. She was left with no choice but to lure her new boss.

Diretso siyang pumasok nang bumukas ang glass door. Sinigurado niyang nagmumukha siyang natatakot para kaawaan nga siya ni Theo. Kahit na diring-diri na siya sa kanyang ginagawa ay tinititiis niya.

"Sir?" she called out softly.

Nag-angat ng tingin sa kanya ang boss. His impassive expression welcomed her.

She was hesitant to approach him. Of course, it was just a part of her drama.

"Have a seat, Miss Parreño." His voice was stern. Enough for her to shiver.

Namayani nang ilang segundo ang katahimikan. She was counting inside her head. If her plan works out, wala nang magiging problema. Saka na lang niya iisipin ang maaaring kahihinatnan ng naisip niya.

Yumuko siya dahil ayaw niyang salubungin ang mga mata nito. But she can feel him darting her with firm stares. Ilang beses siyang lumunok dahil matutuyo na yata ang kanyang lalamunan.

"Magtititigan na lang ba tayo, Sir?" Hindi na niya natiis na magsalita. She saw how his lips twitched.

"Am I fired?" mahina niyang tanong.

Umayos ng upo si Theo.

"What else do you think I should do, hmm?"

Tumaas ang kilay niya sa sinabi nito. She can sense that he's up to something.