هلا بأبو يسر شلونك الجهال شلونهم
الحمدلله برحمة الله
ديله نضل نسلم ع الباب تفضل خ نطب جووه
لاحيدر خلينا نطلع نروح نكعد بكوفي عندي موضوع وياك
خير ان شااءالله بس ميخالف نحجي جوه
لاحبيبي موضوع حساس شويه
ياستار صار بيهه حساس ديله لعد خ اگول للحكومه رح اطلع خلي اوديهه لبيت اهلهه اخاف عليهه وحدهه بالبيت
دگوول ياالله وامشي نوديهه يم ام يسر تغير جو
حيدر.. هاا ماشي يله
ميدوو حبيبي گوومي خ اوديج لبيت ابو يسر رح نطلع اني وزيد وضلي يم مرته
مياده..ممممم يله ماشي ع ماابدل اني هم مشتاقتلهه
بدلنه وطلعنه وصلنه لبيت ابو يسر
نزلت مياده ورحبوا بيهه بيت ابو يسر
ام يسر.. ولج هلا بميااده خرب يومج كلماا اشوفج صغرانه وحليانه مشتااقتلج
مياده.. ههههههه القهر يلوگلي والله اني اكثر مشتاقتلكم هاي شنوو حامل
اي والله حامل بشهر السادس ومشلوع گلبي
هذا اخر العنقود صار غلطه
مياده.. هههه يلا يمعوده رزق ربج الحمدلله بس شويه بقهررر وبحسره تتمنى هالشي الهه
ام يسر.. ماما حوريه قدمي شي لخاله
مياده ..كعدنه دردشنه وشلنه غيبه بعد تعرفون النسوان ههههههه
وفتحنه مواضيع هوااااايه
وزيد وحيدر وصلوا لكووفي شوب
زيد... حيدر بدون مقدمات ليش متتزوج
حيدر..شنوو هاي نكته شبيك زيد انت اخر واحد بالدنياا اتوقع من عنده هالشي موجنت دائماا تصبرني وتهون وتكلي متلكه مثل. مياده وهذا بيد ربك واكثر واحد متفائل يصير عندي جهال
زيد ..اي صح حيدر ومازلت عد هذا رأيي بمياده ومتلكه مثلهه
بس انت من حقك واني شفتلك وحده فقيره كلش ارمله ووضعهه تعبان حيل وماعدهه احد وحجيتلهه عنك وكتلهه مجرد متجيب انتوا تاخذون الطفل الك ولمياده ومقابل مبلغ
حيدر..ماادري يازيد شأگلك ومن عاشر المستحيلات اكسر بخاطر مياده ادري هالشي يموتهه
واذا فكرت اتزوج بالسر بدون علمهه
زيد.. لاحيدر حبل الكذب قصير جرب فاتحهه بالموضوع وشوف
حيدر.. لامستحيل مااگدر اخاف عليهه
الله كريم حبيبي رح احاول الكه طريقه احجيلهه بيهه
مر الوقت ورجعنه للبيت
مياده.. حيدوري اليووم جان يجنن الجوو بيت ابو يسر مخلينه واحد مگصينااا وضحك وسوالف ولاحسينه بالوقت. دتبدل وتحجي وانت شلونهه طلعتكم
حيدر..صااافن
حيدر حيدر شبيك مو ويااااك
حيدر.. ها ويايه اي وياك شبيك
اهاا ماادري اخذتني صفنه كولي حبي شكوو
مياده.. دااحجي ويااك
حيدر .. مياده عندي موضوع وياج
شنوو توقعاتكم يصارحهه بالموضوع لولا ؟؟
دعمكم وتصويتكم وتشجيعكم
يخليني اقدم افضل ماعندي
#ســرى حــامد 💔
اذا شفت تفاعل وتصويت انزل بالليل بعد بارت
