ماكو احد بالبيت يلا نور احجيلي بالتفصيل شبيج وكافي بچي لان كطعتي گلبي
امنيه شحجيلج شحجيلج
احجي منو السوه هيج بيج احجييي لج
امنيه اوعديني لاتحجين ولاتزعلين من عندي لان ضميت عليج
امنيه اني مطلقه
شنوووووووو شننوو مطلقه نور شبيج
اوك اسفه مااحجي
انجبي واحجي كملي ومنو سوه هيج بيج
امنيه انت تعرفين وضعنه التعبان وبابا الله يرحمه قبل ليموت خلاني امانه عند بيت عمي وصاهم عليه و ع ماما
بس هم مقصروا حفظوا الوصيه ودمروني دماااار لج امنيه حملت وخسرت ابني خسرت فرحتي اللي بنيت عليهاا آمالي فوگ كسرتي النوب البطني
راح من وره ظلمهم والبسط من الحقير زوجي
وتالي بالموت يلا طلگني بعد متنازلت عن كلشي
وهاي من عرف رجعت اداوم جاامعه وموصليله كلام أن اني مرتاحه وممهتمه اله اتخبل والبارحه اجه سكران وسوه هالشي بيه اووف ياربي اخذ عمري
امنيه..ماادري احس ضربه ع راسي من السمعته بس مگدرت اگول شي غير حضنتهه ودموعي مدتوكف لااراديآ سوده عليه يبعد اختج كل هذا الصاير بيج وتدورين سعادتي كل هذا المريتي بي وتمرين بي ومتحجين شاايله الهم بگلبج وحدج ليش نور ليش مواني اختج شعدنه غير بعض ليش تضمين عليه
نور..امنيه والله خفت اخسرج وتعرفين مجتمعنه نظرتهم للمطلقه وخفت اكثر اهلج يمنعوج مني من شفت حرصهم عليج وخوفهم عليج حتى من البنات
امنيه..اشش بله انت اطهر وانظف وانقه بنيه عرفتهه بحيااتي ولج انت وين اكوو منج
زين وهسه شراح تسوين هالكلب ارفعي دعوه ضده
ههه شبيج امنيه ليش احنه بأوربا منو بحالي عوفيني هيج اليه الله
لااااا ماكو هالحجي ميعجبني وغصبآ ماعليج تسوين حل لروحج ولوو ع شنوو ادوخ روحي اني اسويلج حل واشووف من يندك بيج
نور..امنيه رجاااءآ وگفتج بجنبي وكلامج ويايه يكفيني وهوو هاي سعادتي من الدنيا انت وماما وعلي احلى ماوهبني الله
اروحلج فدوه يروحي يلا گوومي مددي ارتاحي واني رح اطلب من طلباتي اكل عندج علم بأختج شلوون ناادره
هههههه اي كلش الله يسلمج
يلا گومي نامي
گمت نور لزمت ايدي هاحبي امنيه مااعرف شلون اشكرج
اي خوش رجعيلياا بعرسي اركصي. ام كرش
ههههههه يله حيااتي خلي نبدل
اتصل علوشتي الوو هاحبيبي
هاامنيه شبيهه نور ترى گلبي انشلع والله وراسي رح ينفجر
شنوو علي مسمعت شكلت هو جذب سمعت بس دااسمع نور حتى افرحهه شويه وتحس بحب اللي وياهه
شبيج اگلج نور شبيهه والله راسي صدع والصفنات موتتني احجي شبيهه
علوش مشاكل عائليه
علي..اكفر برب العائله الهيج تسوي بأختي
والله افجر بيته اليوصلهه
امنيه الله عليج بس طمنيني خوو مو شغلة شرف
امنيه..لاحبيبي والله اطمئن بس نونه من ترتاح هي تحجيلك وهسه رح ناكل ونرتاح وباجر نتشاوف يروحي
اي ماشي اموشتي ميحتااج اوصيج دربالج عليهه هاي رويحتنه
تدلل لوليتي ميحتااج توصيني شفايتلي اتبات يمي اليوم
اي خو بعد احسن اذا مشاكل عائليه خليهه
الله كريم اشوف امهه يلا حبي اخذ راحتك
علي..يلا تعالي
امنيه..احم شنو تعالي
علي. موگلتيلي اخذ راحتك غير انت راحتي
امنيه..يومه ترى اذوب بهالكلام يلا روح
علي..اروحلج فدوات امنيتي
امنيه..باي باي
علي..بايات عافيتي بوسيلي نونه ههههههه
امنيه..هااسمعتي نور خانم ههههه ياا وج شكو تبچين لازم تفرحين
نور..هي هاي دموع فرح والله ع هالنعمة بحياتي احلى اخ واخت
امنيه..بعد حوار طويل اني ونونه اتصلت بأمهه وحاجيتهه أن نور تبقه يمي حتلوو بس كم يوم هم ترتاح وهم تخلص من مضايقات هالحقير طليقهه
امهه اول بدايه اترددت بعدين گالت خليهه خاله لأن اذا وحدي ميجي هالحقير وحاولت اقنعهه بس يجي تخابر الشرطه علي گالت ان شااءالله حبيبتي يمه مااوصيج ع نور
ياخاله يعمري والله بعيوني اطمئني
نور..😔أمنيه شفتي ماما شگد فقيره وحظ ماكو متشوفيني مثلهه
أمنيه..انت انجبي موبكل عزه لطاامه شبيج م عندج حظ كل الحظوظ بيج واكبر دليل تعرفيني
ضلت نور يمي كم يوم ومنداوم للجامعه وعالجناهه واهلي كلش يحبوهه واكثر تعاطفوا وياهه وحاول بابا بأي طريقه يساعدهم ويخصص الهم راتب بس اني گتله لاا رح تحس نهينهه اني داانطيهه بصوره غير مباشره او يعني انت الراتب اللي تخصصه الهم اخذه اني وبطريقتي الخاصه اخليهه شلون تاخذه اوك
وأمها فرحاانه من تحاجيهه نور فرحانه ومرتاحه وتسولفلهه ع تعاملنه وياهه. وشلون حاسبيهه وحده من عدنه
فأمهه تگله لوعدهم ولد مواشمرج عليهم
اني بالشقه گتلهه شمريهه لبابا هههههه يكيف
وشقه وضحك وراهه نور رجعت بس ضلينه يوميه لوهي تجيلي لواني اروحلهه
والفاينل قرب واستاذ علي ملتهي بالحب وغرامياات ومخوفني خااف يرسب بالكووه يقره
مرت الاشهر بلمح البصر وامتحنه وبأنتظااار النتاائج
ونوره شويه ارتاحت لان اشتكوا ع هالحقير ومشت هالدعوه لان من وديتهه مستشفى قدمت شكوه وعدهه دلائل والضرب والاثار اللي بيهه والحمدلله دينال جزائه العادل وهي هم دتشتغل مندوبه مبيعات مكياج بكوزمتك ومقرره اني اشتغل وياهه ع الواهس
وعلوشتي ديشتغل بشركه يگلي حتى ابوج م عنده عذر يرفضني
والحمدلله علاقتنه فووك الخيال تخبببل
واني واهلي مقررين وره النتاائج نسافر تغيير جووو
ياربي كلنه ناجحين اني والضلوع
وحيااتي الحمدلله مثاليه مناقصني شي ولامحتاجه شي وربي انعم عليه بكلشي واكبر نعمه هي ماما وبابا اللي بسببهم اني عاايشه ملكه
وللمشوار تكمله كونوا في الانتظار 😎
تصويتكم عمود يوميه انزل بارت او اكثر حسب التفاعل
#ســـرى حــامد 💞❤
